| 踢緊愛華頓既前曼聯中場舒尼達連話，前紅魔主帥雲高爾給予球員既自由度太低，乜都限死晒，搞到佢踢到好似機械人咁，冇晒信心。 27歲既舒尼達連接受法國《隊報》訪問，回憶紅魔既歲月，佢話：「第一年同雲高爾合作既感覺令人難受。我場上完全搵唔到滿足感，佢限死我，令我比賽得好少自由，就算我已經好有英超經驗，佢都要對我咁做。雲高爾麾下，我覺得自己係個機械人。佢會吩咐我，千祈唔好走去球場某一部份要波，千祈唔好咁做；呢指示困擾住我。」雲高爾麾下，整隊曼聯都踢到好慢，好少一腳傳波；或者舒尼達連可以解釋到呢種情況，「當球員比賽時，不斷諗『其實教練想我呢個情況度做咩呢？』，效率就自然下降。尤其曼聯咁大間球會，我所有比賽同事無大小都有傳媒報道，令到球隊好快就被批評。」舒尼達連2015年由修咸頓轉投曼聯，但今年初離開紅魔，加盟愛華頓。 來源：http://hk.apple.nextmedia.com/realtime/sports/20170410/56542706 ============================================================================= 無計啦 咁既情況之下 仲唔走去第二隊咩 |
首頁
Copyright (c) 2014 YK Forum All rights reserved.
Powered by Discuz!