AM 730 小圈子選舉最好流選惟未必再披甲何俊仁：特區亂局難以管治 (2012.03.19) - 文章時事

仁傑

壇主

UID 1
積分 27231
經驗 12110
YK幣 32559
帖子 7216
精華 7
註冊 2006-11-11
用戶註冊天數 6373
用戶失蹤天數 25
來自香港
性別男生
狀態離線

正常字體

發表於 2012-3-20 12:01 AM 資料文集短消息

AM 730 小圈子選舉最好流選惟未必再披甲何俊仁：特區亂局難以管治 (2012.03.19)

特首選舉已進入關鍵時刻，本報繼早前訪問候選人唐英年後，今日刊出何俊仁的專訪，至於另一候選人梁振英，本報多次約訪但未獲安排。特首選舉踏入最後一周倒數階段，預計唐、梁陣營背後代表的力量將繼續激烈角力，選情隨時生變，泛民特首候選人何俊仁昨日接受本報專訪時說，最好的結果是「流選」，但他指若最終流選，泛民可以由新人上陣，暗示自己未必會再披甲。何俊仁並批評中聯辦介入特首選舉，令「黨人治港」儼如成形，特區政府今後將難以管治，但他套用毛澤東名言：「天下大亂，愈亂愈好」，民主派可有更多彈藥推動民意，爭取民主。
文：鄭秀韻　攝：鍾式明

唐梁其一當選均是災難

明知無勝出機會的何俊仁指，小圈子選舉根本不會出現最好的結果，「是但一個上，都會係災難」，他暗指若唐英年當選，「就即刻睇到(災難)，啲人會上街；另一個(當選)就深遠啲！」他認為，最好的結果是流選，但現時形勢每天演變，難評估流選的可能性，「但(流選)機會增加」。

至於一旦流選會否再代表泛民出戰，他表示，「我係好守紀律嘅人，唔會一個人作決定，我哋集體決定。」但他笑言「捱夠喇啩！」被問及是否暗示泛民將改派出戰人選，他指泛民並無討論此問題，但他說，「呢個job唔一定要我做，俾第二個都做到，呢個挑戰任務可以第二個，俾一個fresh啲嘅人上。」他舉例說，「上次阿基(馮檢基)都好努力，或者邊個都好啦，如果Alan(梁家傑)上，咪自己再做內部(初選)囉。」

泛民推動「三合一」抗議

本周日便是特首選舉投票日，泛民在最後一周選戰策略將打出抗議牌，抗議小圈子選舉，他承認有部分泛民選委要履行競選承諾，投泛民候選人一票，亦有人對建制派兩名候選人「支持唔落」，故泛民將推動「三合一運動」，即從票投何俊仁、投白票或離場中三擇其一。

對於上周五特首選舉論壇的表現，何俊仁自言無負擔，「輕鬆少少」，而唐英年的表現較放，「有啲拚死無大害，啲人話佢係神風突擊隊。」至於梁振英則基本功較好，「語言能力強，聲線好，講嘢淡定清楚，唯一流汗控制唔到，所以點解咁多人鍾意佢。」

今次特首選舉不單令建制派撕裂，更令香港人見識到無所不用其極的污垢手段，對於唐英年接連被爆黑材料，何俊仁形容，「恐怖嘅地方係普通人做唔到，亦唔係梁營可以做，呢啲係黨組織可以做，甚至國安同公安………」他指聽聞唐英年的支持者有很大怨氣，他們不單害怕梁振英，還有他背後的人，「佢哋(唐營人士)好驚，佢哋話唐英年做唔到(特首)唔緊要，但搵呢堆咁嘅人上去，加埋中聯辦，同一班好飢餓、覺得要攞權力嘅人上去，佢哋好驚！」

傳中聯辦向政府官員施壓

有傳中聯辦介入特首選舉極深，「並愈嚟愈惡」，何俊仁說，立法會決定是否引用「特權法」調查梁振英西九風波期間，聽聞特區政府亦有受壓，他引述傳聞說，「喺西九事件，中聯辦打(電話)去鬧政府官員，叫佢哋唔好幫唐英年，如果唔係仲大鑊。」他聽聞致電施壓的中聯辦官員，並非主任或副主任級，「梗係唔係最高，逢最惡咀臉嘅人唔係最高級，亦唔會係副主任。」

何俊仁說，中央過去一直以無形之手出現，「過去冇咁明顯出手，係soft power，經濟上籠絡人心，俾生意自己友做，用經濟控制，但無形之手已經好powerful；但咁樣攻擊人咁毒，未見過！」外界認定被傳是「地下黨員」的梁振英，已獲中央「欽點」為下屆特首，「黨人治港」之說甚囂塵上，何俊仁認同今後「西環主宰一切」的說法，「我哋睇到中聯辦出手好犀利，將來更惡，我諗中聯辦會直情介入埋政治………」他直言「一國兩制」及「港人治港」將名存實亡，「如果西環咁樣介入法，好多權力腐化嘅嘢會更加清楚，更加肆無忌憚。」

何又說，預計特區政府今後將更難以管治，「以往建制派喺特首領導，同西環輔助下，喺立法會攞到穩定多數；以後一定好多人玩嘢，即係政府好多嘢過唔到」，但他表明，「我哋(民主派)實同你哋一齊玩」，亦形容「天下大亂，愈亂愈好」，並謂「實要搞到一定有民主先掂，但民生問題唔會整衰佢。」

何認為，這局面對推動民主發展亦有幫助，「大家睇到小圈子選舉唔掂，唔單止欽點，佢哋有好大意欲，第二個管治班子一定會上，所以會做好多破壞一國兩制嘅嘢………生意佬亦learn a lesson，因為知道共產黨好厲害………」何俊仁說，事態發展令他不期然想起，寓言反咬人一口致同歸於盡的「青蛙與蠍子」的故事。至於今年七一遊行人數，他指民間有很大怨氣，估計將有不少人上街，向同日「登基」的新特首「贈興」。(相關新聞見P.04及P.06)

http://www.am730.com.hk/article.php?article=96701&d=1711