黎耀祥堅拒簽約無綫換獎
(星島日報報道)黎耀祥與李司棋昨日出席《勵智義賣大行動》。祥仔坦言無論多忙碌,都會抽空支持各類慈善活動:「我平時會帶仔仔來,但今日真係太趕時間。做大人要以身作則,不要令小朋友只掛住上網打機。」他透露來年《巾幗梟雄》的班底將拍攝一齣民初劇,問到是否已簽約無綫,他說:「喜歡自由身,工作已經夠忙,習慣自己跟客戶傾工作。」他無意以簽約來爭獎:「為咗攞獎而簽約就無奈啦!而家簽約怕有新聞炒作,睇吓攞唔攞到獎再算啦!哈哈!」
此外,李司棋應朋友要求到場支持活動,但有點頭暈,她說:「我食錯藥呀!因為腳痛,醫生開了鬆骨藥給我食,一粒唔見效就食咗兩粒,一瞓就瞓了10小時,下次真係咪搞我!」文、圖:駱震寧
■黎耀祥無論多忙,都抽空出席慈善活動。
■李司棋食錯藥,頭暈暈出席活動。
|