|
銅鑼灣間SOGO冇八樓原因
唔知大家平時行開銅鑼灣間Sogo，有冇留意到Sogo既七樓同九樓之間係冇八樓既呢?
除左Lift係唔會停八樓之外，如果你用扶手電梯o既話，o係七樓上九樓其間，會經過一層所謂既'八樓'，o個層八樓只有百幾二百呎既面積容納另一條電梯往九樓，呢層既其他地方完全密封，用兩塊大鏡隔開。每次經過呢個'八樓'，大家只會見到鏡中既自己，但係點解好地地會冇左個八樓既呢?Sogo員工一直都有談論，而且大家都知道呢個'八樓'好邪釘。
話說起初SOGO淨係用得著七層，所以八樓用九樓都係空既，但係後來需求擴大，SOGO決定用埋八樓擺寢室用品既o野，
但係點知搬晒D o野上去之後，第二日所有貨品都會移晒位，亂晒，仲有有時D保安夜晚搭LIFT，無論按幾多層，D LIFT係唔係都會開八樓，一路維持左一個禮拜都係咁，大家都心知不妙，
所以SOGO高層都搵左大師黎睇睇，大師睇到八樓根本成層都有冤魂侵佔o左，由於數目太多，冇辦法趕走，亦都怕觸怒佢o地，會引起好可怕o既後果，所以大師建議將成層八樓搵o野封住， 加兩塊大鏡'鎮'住佢o地唔好攪其他層數，SOGO高層惟有咁做。
有第二個板本啵。係話sogo 老板需然係日本人，但係信左"泰國" "養鬼仔"果家o野，重安放在sogo 8樓tim。。。重話每晚收工時，由兩三個sogo公司高層職員用"生雞血"供奉"佢o地"，所以sogo先禁旺。。。and "沙田新城市廣場"都有"果家o野"。。。。
| 
