〔轉貼〕童年回憶：你有冇聽過或者講過？ - 生活小知識

Heib (失戀中....)

普通會員

UID 1577
積分 15259
經驗 7749
YK幣 1228
帖子 6824
精華 0
註冊 2007-1-23
用戶註冊天數 6312
用戶失蹤天數 4725
來自牙媽個肚
性別女仔
狀態離線

正常字體

發表於 2007-4-4 09:30 PM 資料文集短消息

〔轉貼〕童年回憶：你有冇聽過或者講過？

一句都冇？冇可能！除非你唔係香港人！
【咀咒。類】
ＸＸＸ﹝人名﹞，坐飛機，跌落黎，慘玻璃，返到屋企唔憤氣，打爛電視機，打爛收音機，「呯lin bom林」放臭屁，臭過無比石氣。
今天天氣beautiful，ＸＸ（人名）走去乜Mgirl，
攪到girl大o左肚，生o左一堆animals。
肥佬肥滕滕，買舊豬肉去拜神，行到半路屎忽痕。
四眼哨牙突下巴，屎忽嬲嬲下，哨牙可以刨西瓜，落雨可以遮下巴，飲茶可以隔茶渣，劈友可以擋番下。
【詩歌押韻。類】
Original Version 床前明月光，疑是地上霜，舉頭望明月，低頭思故鄉。
Rewritten Version從前睇報紙，越睇越急屎，舉頭欏廁紙，低頭已賴屎。

【數字串連。類】
一落樓梯，二樓仆底，三個筋斗，四腳朝天，五塊膠布，
六個傷口，七時入院，八時釘蓋，九時出殯，十分墟陷。
一加一，二加二，三加三，死加死，五加皮，六死你，
七個肥婆坐住你，八支槍仔指住你，九龍醫院唔收你，十個棺財等住你。
【餘音未了。類】
琴日我見到你阿媽跳樓﹝扭﹞…腰舞！
琴日我偷睇你阿媽沖涼…茶。
你老豆過左身﹝新﹞…加坡。
見到你阿媽係廟街做雞…蛋仔。
你老母臭﹝湊﹞…大你。
【顛倒。類】
長洲賓客人數多﹝倒轉讀：多數人客賓洲長﹞
人做個好市民﹝倒轉讀：聞屎好過做人﹞
惠康聖誕大特賣﹝倒轉讀：賣特大彈性胸圍﹞
上水居民居水上，長洲賓客賓洲長。
大圍三姑三圍大。
昆明擺檔擺明昆。
大院高曾高院大。
【諧音。類】
55699﹝快快食奶奶﹞
465354709394﹝死佬唔三唔四出呢攪三攪四﹞
2038240﹝伊利沙伯醫死你﹞
1996﹝搵奶奶食﹞
荷蘭銀行支票Holland Bank Cheque﹝好撚笨七﹞
荷蘭牛仔褲Holland Jean﹝好撚賤﹞
荷蘭月亮Holland Moon﹝好撚悶﹞
荷蘭朋友Holland Friend﹝好撚煩﹞
澳門朋友Macau Friend﹝麻鳩煩﹞
喇星百爵Duke LaSing﹝屌哪星﹞
Batman G-Shock ﹝閉門自修﹞
凍檸水﹝凍撚死﹞
大檸樂﹝大撚鑊﹞
含包散﹝含家剷﹞
九兩菜﹝攪撚錯﹞
無奶油﹝無理由﹞
多舊魚﹝多鳩餘﹞
利物浦﹝離晒譜﹞
有陰毛﹝有陰謀﹞
唔該你﹝唔姦你﹞
合金鈴﹝含家鈴﹞
芥蘭菜﹝搞撚錯﹞
八加廿六﹝日文粗口﹞
柑蕉桔李籮柚，雁鷲貂狸獅拂。
美國加拿大澳洲﹝你個格勒底好臭﹞
白色．太陽．槍White Sun Gun﹝衛生巾﹞
【對聯。類】
幾大就幾大，燒賣就燒賣。
地上執到寶，問天問地欏唔到。
追得到，比個錢你買紅棗。
聲大大，冇野賣。
人賤唔怕醜，雞鵝趕唔走。
意見接受，一切照舊。
淫人妻女笑呵呵，妻女被淫又如何？
遠遠睇就誇啦啦，近睇說小那媽﹝睇女時用﹞
返工就有心無力，放工即刻精神奕奕。
黑黑實實，專搵笨實。
羸就羸粒糖，輸就輸間廠。
頭髮似堆草，唔駛去飛髮鋪。
著鞋唔著襪，大方兼老實。
講o野一舊舊，似足你老豆。

【改編歌詞。類】
《生日歌》
恭祝你生日撼穿個頭，慶賀你死埋老豆；年年都要乞食，歲歲都要楂兜，恭喜你，恭喜你。
《神奇大帝》
神奇大帝穿o左個窿，娶o左三個妾氏，有個放屁﹝冇氣﹞，有個痘皮，有個病到就o黎死。
《叮噹》
人人期望嘔白泡，嘔得快就死得早；人人懸耀開心歡笑，撩到吊鐘反轉更好，爬進奇妙口袋?；你想嘔泡必得到，奇妙嘔法不可思義，心中一想就嘔泡。想叮噹伴你嘔泡，難過去尋寶。
你睇！嘔出黎啦！清倉啦！誰都喜歡你，嘔清晒Ｄ泡！
【難以分。類】
死八婆，賣菠蘿，一蚊十二個，冇人要。
大笨象，渣支槍，去打扙，打唔贏，番呢罰佢食碗辣椒醬。
沖完涼，冇褲著，大人細人燒炮杖，問你想唔想當佢兩巴掌？
擋薦牌，排排坐，坐飛機，機械人，人之初，
初老泥，泥猛魚，魚肝油，油麻地，地中海，
海龍王，黃大仙，仙人掌，掌你兩巴掌。
閘住反彈冇回頭
普通版：「入實驗室禁緊急制」
加強版：「入食物實驗室禁實十個緊急制」
大笨象會跳舞，馬騮仔會上樹；猴子會打關斗，山邊有個姑娘；剝衫剝褲沖涼，凸出個Pat Pat曬太陽。

最近５次評分記錄

池畔派對	2007-4-7 10:48 AM	經驗	+10	你的發言非常精彩，請再接再勵！真 ...
仁傑	2007-4-5 01:40 PM	YK幣	+1	感謝你對論壇貼出寶貴的分享！