4強之強弱處
先講巴塞.
強:進攻方面的確係無堅不摧
水銀瀉地既地面組織的確係好厲害
弱:後防並唔係咁硬淨.
我亦都覺得冇1個係牌面上check得實杜奧巴呢隻魔獸
車仔
強:艾辛絕對係1隻好重要既棋子
我估希丁克會用佢黎好好mark住美斯.
而家防守球員夠硬淨.
或者對住巴塞地面進攻會有更大既破壞性.
弱:恕我直言.
波歷克既作用好似愈來愈細.
而且施治呢1排騰哂雞.
絕對唔足以令到後防放心
阿仙奴:
強:後生球員..大多數球評會認為佢地係4強實力比較弱既1隊.(唔肯定)
但亦都係最冇包袱.可以踢得好放.
而且呢班波我覺得要贏波.
就先要贏自己.
陣中球星其實絕對唔少.
最緊要就係踢出自己個1班波同埋信心.
弱:冇包袱係強處..但冇經驗亦都係1班後生仔要面對既問題.
而且我認為冇1個真係好可以帶起隊波既leader
曼聯:
強:李奧同維迪搭檔既中堅絕對係1大強處.
維迪既殺波同李奧既包波絕對係非常合拍.
而且雲達沙既狀態非常穩定.
c朗亦都係曼聯殺著.當然係當佢撻著個時.
無可否認射術,走位佢係有.
如果唔係佢上季唔會入42球.
弱:都係c朗.大賽隱形呢個病佢都出現過.
如果佢係好靜.唔能夠牽引到2,3個阿仙奴後防.
曼聯既進攻將會變得拖泥帶水.
而且右閘的確係1個隱憂.
聯賽輸俾阿仙奴個1場.
拿斯利射入2球而且好生.
佢踢既正正就係左中場.(冇記錯的話)
|