{轉*~}▊▊▊▊▊▊▊▊▊▊(真人真事)完！T^T嗚 - 短文小說

LinG

VIP會員

悶死...........

UID 1758
積分 5405
經驗 2678
YK幣 6616
帖子 2419
精華 0
註冊 2007-2-24
用戶註冊天數 6286
用戶失蹤天數 4835
性別女仔
狀態離線

#61

正常字體

發表於 2008-1-15 01:37 PM 資料文集短消息

社長再一次當了我的水泡，真對他不起，上一次在學校大門外的那一剎那，一樣的時間，一樣的人物，一樣的動作，不一樣的，是我把那受了傷的心，傷害得更深，甚至粉碎，修補不了了。

「為什麼！為什麼！為什麼．．．．．．」我由激動變得失望，邊走著走著，放媛了腳步。
「葉子的離開，是因為風的追求，還是樹的不挽留？」社長問
「什麼？」我感到莫名其妙
「想一想吧」
「我沒有心情跟你討論你的文學修養」我感到莫名其妙
「沒有啦！想一想吧」
「葉子？」
「對呀」
「葉子每到秋天便會離開樹落下來，是大自然的定律。」我試著回答
「你說什麼？」他不明白的樣子
「我不知道！」
「厚～如果你是葉子呢？」看來他不知道我的意思
「別無聊了，我沒有心情想這個。」

回家的路特別長，時間好像停留在剛剛的沉默中沒有流動，我累了，累得身體每條神經都麻木了。社長突然甩掉我的手，我這時才發現自己原來還沒有放開他，還握住。這樣一甩，我「叮」的一聲回過神來。

「難道你就是不會想想自己離開樹的真正原因嗎？」社長一臉認真地問我，瞪了我眼一眼，接著說：「還是你在欺騙自己的感情去握一雙你不會握的手？」

看著社長的樣子，我想，他可能討厭我當他是水泡。

「對不起啦」
「回答我呀，你在逃避什麼？幹嘛不回答我？」生氣了
「對不起麻！我不是故意要你當水泡」
「那你把我當成什麼？」
「呃？」我不了解他的問題
「又在逃避，每一次都逃避，難道你就是不會正面的面對問題嗎？」更氣了

「呃？我真的不知道你的意思！還有我面不面對問題是我自己的選擇，關你什麼事！不要擺出很了解我的樣子！你一點都不了解我！你憑什麼問我！討厭！」

莫名其妙地我又生了氣來。

LinG

VIP會員

悶死...........

UID 1758
積分 5405
經驗 2678
YK幣 6616
帖子 2419
精華 0
註冊 2007-2-24
用戶註冊天數 6286
用戶失蹤天數 4835
性別女仔
狀態離線

#62

發表於 2008-1-15 01:38 PM 資料文集短消息

其實我並不是固意要把社長當成水泡。每一次我跟偉發生什麼事情的時候，往往在我身邊的就是社長了，如果沒有他在身旁的話，可能我就拿不出勇氣去拒絕阿偉那雙心痛的眼神，每一個夜裡，我也會常常因為偉孤獨的身影一直站在那個灰暗學校門口的夢境而不能入睡，是夢嗎．．．是社長救了我吧，有他，我會記得自己曾經對老師說過的話，就是不要讓支持我的人一次又一次的失望，可是．．．這是我想把愛情風化的結果嗎？偉受傷了，傷得好深。

而葉子的問題，其實在我心裡面，已經有了答案。不管葉子落多少，不管過了多少個春夏秋冬，葉子落了，到了春天，你也會看到樹上長滿了葉子，葉子還是會陪伴著樹。對我來說，「風」，大概就是時間吧，或者是歲月，還可以是社會，就算是那一個意思也好，都是它，葉子和樹分開的，對呀，對我來說，把我和偉分開的，是社會吧，不得不接受現實。

在回家的路上，柔和的街燈彷彿緩和了我和社長奇怪的氣氛。不經不覺他送我回到家了。

「到了，進去吧。」
「．．．．．．」社長突然不再生氣的語氣讓我應到很不安。
「幹嘛了」
「．．．」我想起剛剛他問的問題，然後回答說：「社長，葉子的離開，是風的追求嗎？」
「這個問題，你必需自問自答，因為風在每個人的故事裡面來說都不一樣。」
「那你覺得呢？風是什麼？」
「．．．．．．」社長想了一想，看著我說：「．．．是我」還補充了一句：「我希望。」
「呃？」
「進去吧！我要回家吃飯了啦，不跟你說了，再見！」
「ｂｙｅｂｙｅ」

開門進去，ｖｖ媽媽的訓詞還是那麼難聽，如果我是她的女兒，一家會把她氣炸喔！因為我左耳入，右耳出，跟本沒有把她放在心裡，要不是自己落難到這個地步我才不會跟她同一屋簷下。因為她是ｖｖ的媽媽，我才會在這個「家」委曲求全。

在晚上，窗簾，床單，枕頭，綿被，再上乘的睡房設計，也不能讓我進睡。我跟ｖｖ同樣看著天花板上的夜光星星，數著著著．．．．．．

「１８４顆，對嗎？」
「不對。」
「哦。」我重新再數一偏，發現不對勁：「你數過嗎？幹嘛說不對。」
「就是沒有數過才不知道答案呀。」
「那你說不知道不就行了嗎？你害我重新數過哎～」
「無聊呀你，睡不著就在數星星。」
「．．．」對呀，我真的睡不著，怎麼也睡不著：「ｖｖ，為什麼一定要找阿偉不行啦？現在找到了，卻發現結果不是想像中那樣簡單，不是知道他的存在就可以算了，因為我看到他了，卻知道多了很多我不想知道的事情，讓我接受不來那突如其來的心痛。為什麼一定要找他？請你告訴我吧，好不好？」

「ｖｖ．．．ｖｖ．．．ｖｖ．．．．」她睡了。

7 月往後的日子，我再也沒看過偉了，好像人間消失了一樣，而暑假，彷彿很漫長，才不過一個月，已經很想跑回學校去，人就是犯賤的動物，上學期待放放假，放假時卻期待上學，所以我覺得自己一樣犯賤。７月的最後一天，ｖｖ問我還做不做生日蛋糕，我不知道哎，做來幹什麼，沒有人會吃我弄的所謂「蛋糕」，因為．．．偉又失蹤了。８月１，他會出現嗎？

LinG

VIP會員

悶死...........

UID 1758
積分 5405
經驗 2678
YK幣 6616
帖子 2419
精華 0
註冊 2007-2-24
用戶註冊天數 6286
用戶失蹤天數 4835
性別女仔
狀態離線

#63

發表於 2008-1-15 01:39 PM 資料文集短消息

7月尾最後果一日morning....見得閒冇野做於是執野...o係書台度見番好耐冇掂過ge蛋糕參考書....
本來我都打算唔整蛋糕架喇....整黎都冇意思啦...更何況我整極都唔似蛋糕ge.....
人地話女仔好有煮野食ge天份...um...我懷疑自己唔係女仔.....起手就丟左佢落垃圾桶...
我果陣諗...做番自己應該做ge野啦....就係讀書...同會考....於是就拎晒d書出黎溫習...
仲拎vivi對近視眼鏡黎帶tim....扮勤力...扮讀書人....帶左之後發覺真係成個讀書人咁...haha...

我：喂喂~~起身喇！！快ｄ起身啦～（我走上床係咁嘈住vv訓教）
ｖ：．．．．．．（訓緊）
我：起身起身起身．．．（我ｃｈｅｅｔ佢啦，但都冇反應，原來佢唔怕ｃｈｅｅｔ架）
ｖ：ａ．．．．．．（訓緊）
我：成條咸魚咁．．．（於是洗出最狠毒ｇｅ一招）丫～～～～～（就係尖叫喇）
ｖ：（好唔耐煩）．．．（佢竟然拎２個枕頭ｕｍ住對耳仔繼續訓喎）
我：哼～！（我諗ｏ下諗ｏ下．．．突然有個燈泡”叮”一聲著左燈，然後學ｄ人咁推一推鼻樑上對眼鏡）
我：（ｏ係ｖｖ耳邊出奇咁溫柔咁講）ｖｖ呀．．．頭先有人打黎搵你去食早餐呀．．．你估ｏ下係邊個？
我：你仲訓緊呀．．．咁我打番比佢話佢話你唔去啦～
ｖ：（佢都係冇反應）
我：（伶起個電話）喂～ｈｅｎｒｙ～ｖｖ仲訓緊唔去食早．．．．
ｖ：（佢即刻醒晒搶左個電話）唔係呀我去呀！喂？喂？
我：（笑死左）ｈａｈｈｈａｈａｈａｈａｈａｈａ．．．．
ｖ：．．．．．．．（無奈）
我：你終於醒喇？（中間夾雜一ｄ笑位）
ｖ：未
我：唔好訓啦！
ｖ：做咩呀？而家８點幾咋～
我：你睇我似唔似讀書人？（推一推鼻樑上對眼鏡）
ｖ：你冇病呀ｍａ？
我：似唔似姐？似唔似呀？
ｖ：點睇呀，我冇帶眼鏡
我：拿（除低比佢）
ｖ：乜你有帶眼鏡咩？
我：我俾左你帶麻！
ｖ：妖！
我：我地去ｍ記早餐啦～～～
ｖ：唔去
我：我請！
ｖ：等我１５ｍｉｎｓ！
我：．．．（ｖｖ真係現實）

ｍ記．．．

ｖ：我地一陣去邊玩
我：番去溫書
ｖ：洗唔洗咁呀？！
我：要呀！仲有好多年ｐａｓｓｐａｐｅｒ未做
ｖ：你真係變喇～不過吊頸都要ｒｅｌａｘ～成日溫會死人架～
我：唔係呀，今日先開始溫之ｍａ
．
．
．
ｖ：聽日點呀？
我：咩聽日點呀？
ｖ：佢聽日生日呀，你點呀？
我：咩點姐，做乜無啦啦提佢．．
ｖ：仲整唔整蛋糕呀？
我：．．．唔整
ｖ：咁你去唔去同佢慶祝？
我：乜佢唔係死左十世喇咩！你呢排有見過佢？
ｖ：大吉利是！（佢張個包塞入我個口）
我：咩喎．．．．
ｖ：算啦！唔整就算～
我：大把女仔整俾佢啦！我唔整少我一個唔少姐．．
ｖ：唔同架
我：又咪蛋糕一個．．．
ｖ：咁社長同呀偉又，點解唔揀社長呢
我：點同呢！
ｖ：又咪係男仔一個
我：跟本係２個人黎，點可以一齊講架
ｖ：你整ｏ既蛋糕同其他女仔整ｏ既蛋糕都係唔同，一樣唔可以比較
我：．．．．．．嗯（再張包包往咀裡塞）

比ｖｖ講到我口啞啞，講唔到落去，因為我明白佢ｏ既意思，跟本冇反駁ｏ既預地，所以食包算。
食完番屋企，繼續對住一疊疊成座山咁高ｇｅ　ｐａｓｓｐａｐｅｒ同書，好想死．．．．
不過點都要頂硬上，就起勢咁刨書啦，做做ｏ下個心飛左去垃圾桶本蛋糕參考度，望ｏ下望ｏ下，
心想：〔車～唔整都可以伶黎睇架姐～〕咁樣ｔｕｍ自己都有，傻得我～豬！
拎起本書，然後一頁一頁咁睇ｄ蛋糕，好靚呀～我見到想食多過想整囉！真係好得丫！
睇ｏ下睇ｏ下．．．我記番起果晚果幾個鐘我同偉閃電拍拖然後閃電分手前，
呀偉應承過我會送件ｃｈｅｅｓｅ　ｃａｋｅ俾我架，不過到而家都仲未送，或者佢已經唔記得左ｌｕ～
見到一個好靚ｇｅ朱古力蛋糕，我又諗起呀偉，因為佢係朱古力迷黎架！佢好鍾意食朱古力．．
不論係黑朱古力，白朱古力，ｋｉｎｄｅｒ，金沙，墨提沙，ｍｅｌｄｙ　ｋｉｓｓ，雪之吻．．．
一切有朱古力ｇｅ野佢都好鍾意食！我撕左張ｌａｂｅｌ貼ｏ係果一頁，然後繼續溫書。

夜晚１０點幾，我竟然嘈住要ｖｖ問ｏ下偉聽日有咩節目，同邊個過，等等．．．

我：幫我打電話問佢啦
ｖ：你咪自己打囉，做乜要我打姐，又唔係我要搵佢
我：你當幫我呢個朋友啦～問ｏ下佢聽日生日會點樣過就得架喇
ｖ：ｎｏｗａｙ！
我：唔該啦～ｖｖｖｖｖｖｖ．．．．
ｖ：唉～好喇！　　
我：（望住佢打電話）點呀點呀
ｖ：請你遲ｄ再打過黎喎
我：哦．．．（跟住我又試打，通左喎！）
．
．
．
偉：喂？
．
．
．
我：（即刻張個電話塞比ｖｖ聽）你聽！
ｖ：咩呀？　喂？呀偉？
ｖ：哦～呀瑤打俾你黎架唔係呀
ｖ：嗯．．嗯．．．ｖ：偉叫你聽電話（俾個電話我叫我聽）
我：我．．．我去刷牙訓覺喇，你地傾啦！（之後一支箭呢左ｏ係洗手間）

半個鐘之後出番黎，ｖｖ收左線ｌｕ﹏

ｖ：你份人呢．．．．．
我：訓喇！
ｖ：唉～
我：你地頭先傾咩呀？
ｖ：又話訓？！
我：ｈａｈａ．．．你有冇問佢呀？佢點講呀？聽日點過丫？
ｖ：佢聽日同女朋友過喎
我：．．．．．．哦（原來，佢咁快已經有女朋友喇，聽到之後灰晒，唔開心）
ｖ：係呀，佢仲講佢而家ｏ係ｘｘｘ果間７仔度做夜間ｐａｒｔ－ｔｉｍｅ
我：．．．咁都幾好丫（唉，雖然唔開心，但係知道佢做番正經野唔再打交都安落ｄ）好眼訓我訓先喇！ｇｏｏｄｎｉｇｈｔ！

第二日，即８月１日ｍｏｒｎｉｎｇ７點幾，我比ｖｖ嘈嘈嘈醒左～冇錯，係清晨７點幾呀！

我：你洗唔洗咁惡毒呀，尋日嘈醒你你今日咁早黎報仇！（我對眼仲未開）
ｖ：報你個頭呀！你唔記左尋晚呀偉話同你過生日咩？！仲唔快ｄ起身整蛋糕！！
我：（即刻醒晒）同我？唔係同佢女朋友咩？
ｖ：佢女朋友咪你囉！傻妹！
我：ｈａｈａ．．．係！（真係蠢呀，尋晚仲以為．．．死蠢！）

之後即刻學整蛋糕，對住本書起手唔成世，試左３次先叫做似番個蛋糕，但係食唔食得就唔知喇！
第一同第二次係整朱古力蛋糕，但唔係好得，第三次整海綿蛋糕，得左！
但我又唔想拋左果２個朱古力蛋糕喎，於是切左唔食得果ｐａｒｔ啦，留番中間果ｄ
ｃｕｔ　ｃｕｔ　ｏ下由圓形變左１０ｃｍ正方形，於是切薄埋其他果ｄ蛋糕（２ｃｍ左右），
之後再一塊朱古力蛋糕一塊海綿蛋咁間住間住層上去，變左一件長10cm高10cm 闊10cm ge生日蛋糕喇!!!
查左ｄ　ｄｒｅａｍ然後加朱古力粉鋪ｏ係蛋糕面，最後十左幾粒ｍ＆ｍ，
插左２朵金沙花同一枝上面自己畫左ｈａｐｐｙ　ｂｉｒｔｈｄａｙ　ｇｅ旗仔，完成！！！好靚呀！！
整完大概１０：４５左右，包好個蛋糕之後執靚自己個樣，然後塔車去碼頭邁亞美海灣，ｖｖ就出ｍｋ玩，
我直接上佢屋企啦！但係去到冇人應門囉．．．ｏ係門口等佢番黎，等到ｌｕｎｃｈ　ｔｉｍｅ．．
過左都仲未番，打電話又留言信箱，其間ｓａｍ打黎搵我出去玩，我已經等到唔耐煩，再接埋ｓａｍ電話，
冇ｍｏｏｄ底下又唔想佢煩我於是ｔｕｒｎ　ｏｆｆ埋個電話．．

果一日．．．我等到夜１１點都等唔到佢番黎。

沿住海皮行，吹ｏ下海風好舒服．．．行行ｏ下行到盡頭，導航燈仍然ｏ係黑夜一閃一閃咁亮起．．．

我對住個蛋糕好唔開心．．．．．自言自語：都話冇人會食你年蛋糕架啦

突然我記起ｖｖ話過偉而家ｏ係ｘｘｘ７仔做夜班架喎！即刻飛過去搵佢啦！去到果度，
我ｏ係玻璃門出面望入去ｃｏｕｎｔｅｒ果度，真係見到呀偉丫．．．．
見到佢咁俾心機做野．．．我竟然為左呢件事喜極而泣！佢已經再唔係籃球場上打交果個金頭髮，
而係我鍾意果個黑頭髮呀偉！係呀偉呀！為左唔阻住佢做野，我襯佢岩岩入左去ｓｔｏｒｅ房果陣，
入去放低左盒蛋糕之後就走出去呢埋ｏ係玻璃門隔離．．．

佢．．．突然伶住盒蛋糕好緊張咁走左出黎搵我．．．不過佢好似見唔到原來我就ｏ係玻璃門隔離，
見到佢周圍搵我．．．我望住佢笑．．．最後佢終於搵到我喇！

我：生日快樂呀！偉．．．

LinG

VIP會員

悶死...........

UID 1758
積分 5405
經驗 2678
YK幣 6616
帖子 2419
精華 0
註冊 2007-2-24
用戶註冊天數 6286
用戶失蹤天數 4835
性別女仔
狀態離線

#64

發表於 2008-1-15 01:40 PM 資料文集短消息

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

我：生日快樂呀，偉

偉抱住盒蛋糕，一步二步三步咁行咁黎到我面前停低，佢望住我微微笑左笑，
呢個溫暖ｏ既笑容係我呢三個月以黎久違左好耐ｏ既笑容，而家見番覺得好有親切感同實在，
我望住佢ｏ既時候產生左三種奇妙ｏ既甜．．．

一．我同樣地感染到佢ｏ既喜悅而由心度笑左出黎。
二．我見到佢狼狽咁搵我果陣ｏ既表情好緊張，內心於是自己證實左一樣野。
三．我只係ｏ係玻璃門隔離，佢咁都見唔到，傻仔！

於是，我又笑了。

偉：我仲以為．．．
我：ｏ下？以為咩呀？
偉：哈～冇野喇，而家已經唔重要，見到你就得
我：籍口，你想見我ｏ既話可以黎搵我架，你唔得閒咋掛～
偉：有呀，我今日去ｖｖ屋企搵你．．食ｌｕｎｃｈ，但係屋企冇人，打俾你同ｖｖ都唔通喎，咪ｏ係門口等到夜晚１０點，都係得個吉，之後咪番工囉。
我：．．．．．．哦，原來．係咁！入去食蛋糕咯！
偉：嗯。

原來，我同偉一個人向左走，而另一個向右走，係陰錯陽差，定係命運玩弄呢？
但到左最後，兩條平行線點都會有交迴點，我同偉，一樣可以相見。
我地．．．唔知幾時開始個蛋糕已唔似蛋糕，亦唔知幾時開始我地已經對望住，
更加唔個幾時開始支ｃａｎｃｌｅ已經燒到７７８８，氣氛依然有ｄ尷尬。

我：喂，你再唔許願吹”立足”ｇｅ話支立足會熄架喇！快ｄ許願啦～
偉：你都未唱生日歌！
我：ｏ下？而家？（我望一望間ｓｅｖｅｎ，有人喎）
偉：係呀，生日唔聽生日歌點得架～
我：ｕｍ．．．（我掙扎左一陣，覺得ｏ係間野度唱比人睇住好唔好意思）
偉：唱啦
我：哦......happy birthday to u...happy birthday to u.......

甲：紅雙喜！（個男人突然入黎買煙同拎左盒士多卑利味，我ｕｍ住咀忍笑）
偉：多謝晒。

我：ｈａｈａｈａ．．．
偉：．．．．．．．（佢望住我笑冇講野）
我：ｏｋ．．．唔笑
偉：好耐冇過你笑喇
我：哦，快ｄ許願吹”立足”啦！就黎熄喇！！
偉：你許丫！
我：我？但係今日係你生日喎
偉：冇所謂啦，我ｇｅ願望就係送俾你一個願望呀
我：．．．．．．嗯

雖然唔知佢點解會咁講，但係睇住支"立足"就黎燒完，於是我捉住佢對手雙手合十，嗯，應該係二十，為佢許左一個生日願望，
之後同佢一齊吹"立足"，佢望住個蛋糕呆左．．．

我：生日快樂...(我輕輕o係佢面上錫左一啖)
偉：（然後佢開始笑住咁食蛋糕）
我：件蛋糕ｖｖ整架！
偉：嗯，我食得出似係你整架喎，你有冇一齊整？
我：有呀！你點知架
偉：因為好難食
我：．．．．．．．
偉：真係好難食，你試ｏ下喇（佢餵我食）
我：（的確有ｄ難哽）．．．．．．．乜你咁架，我好俾心機整架，你ｕｍ住個心口講一句好味都好丫！
偉：好味道！（佢真係照做，ｕｍ住個心口講一句好味）
我：ｈａｈａ．．．．我唔理你丫！難食都要食晒佢！

乙客：唔該！
我：你食野先丫，我幫你丫～（之後學人”ｏ都”貨）多謝你＄６３．５，多謝晒，byebye~

就係樣，我ｏ係佢食完件蛋糕之前幫佢手做住野先，再夜ｄ果陣ｓｅｖｅｎ冇乜人黎ｇｅ時候，
我地就ｏ係度玩，食野，睇ｍａｇａｚｉｎｅ，傾計咁．．．就好似果晚ｏ係ｏｋ便利店果時咁玩得好開心。
好耐好耐都冇好好咁同佢一齊玩得咁開心喇，好似暫時唔記得晒以前ｇｅ野咁從新開始，
但係我知冇可以會有將來，怕冇機會再同佢一齊，因為佢爸爸．．．．．．所以而家，有得玩就玩啦！

６點．．．我爭住陪佢番屋企，ｏ係碼頭海濱公園果條直路度慢慢咁行番去，果段路我覺得好短，
地上面有好多黃色ｇｅ花跌到一地都係，好似鋪左一塊好長ｇｅ黃地毯咁．．．
一路上我地好少野講，可能大家都累ｇｅ關係啦，只係一直行，但唔經唔覺行到盡頭，ｏ係導航燈下停低左。
海風吹黎好舒服，但我玩左成晚真係好累，見佢望住個海，好似好ｄ唔開心咁，所以我攬住左佢，剩機休息ｏ下。

我：．．．好累呀（我攬住佢，覺得佢好似瘦左ｄ咁，但我反而攬得更緊）
偉：我送你番去啦
我：唔（拎頭）
．
．
．
我：會考放左榜之後係咪會見唔到你喇？
偉：點解咁問？
我：你爸爸唔係話．．．．
偉：唔好諗埋呢ｄ野啦，亂咁諗，傻妹！
我：呀偉．．．．
偉：ｏ下？
我：點解你咁快變番呀偉？
偉：你講咩呀？
我：果晚仲見你ｏ係度打交，變左另外一個人咁，唔鍾意你咁樣
偉：嗯
我：不過而家好番就好．．．
偉：因為我果陣望住你抬唔起頭，唔敢望你，覺得自己好冇用，所以改過自新
我：ｈａｈａ．．．改過自新
偉：係呀
我：．．．．．（好開心知道佢為我而改變）
偉：瑤．．．
我：ｏ下？
偉：（佢推開我，唔俾我攬）
我：．．．．．．
偉：玩夠喇，唔好俾你男朋友見到，免得佢搵我麻煩，你都係番去啦！我尋晚好開心，多謝你陪我過生日，番去啦，byebye!

然後偉唔等我講就一支箭咁去左，佢真係以為我同社長發展緊．．．．．．
其實．．．我應該向佢解釋，定係唔理由得佢？就當係我唔可以同佢一齊ｇｅ籍口？
我唔知呀，過幾日就放榜，無論結果係點都冇可能同佢一齊，更加唔知偉爸爸會做ｄ咩，唉．．．

放榜當日，人地唔知仲以為係我放榜，因為我好緊張，睇晒報紙，電視果ｄ係咁報導中五會考放榜ｇｅ報導，唔知呀，我好擔心偉冇14分升唔上中六，但又唔敢打比佢問佢幾多分，升到就話姐，但如果升唔到，我唔知點安慰佢，同埋睇睇ｏ下電視，見ｄ人喊到咁．．．好驚自己下年考會考．．．．唉，百感交集。如果偉升到，起碼將來我仲可以見ｏ下佢，但萬一衰左，佢爸爸的佢去外國咁點算？

諗諗ｏ下電話嚮．．．．

偉：喂？
我：呀偉？
偉：係呀
我：嗯．．．今日放榜係咪呀？
偉：係呀
我：哦．．．咁．．．．
偉：咩呀？
我：你．．．．得唔得呀？升唔升到？

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

LinG

VIP會員

悶死...........

UID 1758
積分 5405
經驗 2678
YK幣 6616
帖子 2419
精華 0
註冊 2007-2-24
用戶註冊天數 6286
用戶失蹤天數 4835
性別女仔
狀態離線

#65

發表於 2008-1-15 01:42 PM 資料文集短消息

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
我：你幾多分呀？
偉：唉，唔係我自己想拎ｏ既分數囉，失晒預算呀，不過拎到呢個分而經好好
我：（睇黎佢好似衰左，我即刻安慰佢）成績出左黎係點都唔緊要啦，你盡左力咪得囉，唔好氣餒呀，我點都支持你架。
偉：哈哈哈
我：（我都知自己語無倫次架喇）我唔識安慰人架，對唔住呀
偉：出黎丫，我ｏ係ｘｙｚ商場度等你，你到左就打俾我
我：哦

呢個呀偉，死性不改，成日自作主張自把自為，又唔問ｏ下人得唔得閒出黎喎，話黎就黎架喇，不過由始至終我都好聽佢話，係有時一ｄ野一定要反抗ｏ既先會反佢，好似因為佢爸爸而反佢，因為離開而反佢，無論咩事都好，每次佢都主動為我作主，而我亦都好放心俾佢做主，因為佢想ｏ既，亦係所希望ｏ既。而今次亦唔例外，佢主動叫我出黎，而我就正正想出黎陪佢，ｏ係電話度聽到佢把聲，似唔開心但又唔係好唔開心果種，有失望感但係又感覺到佢有少少成功感，我都唔知道自講咩喇，總而言之，就係唔係一個失敗ｏ既會考生應表達出黎ｏ既咀喪啦。

ｏ係巴士上面，我ｏ係度諗見到佢之後我應該講ｄ咩安慰ｏ既說話好，始終第一次真正咁近距離面對會考，好怯，雖然下年先到我但都已經覺得會考好恐怖。由玻璃窗度望出去見到有好多人追車，有幾個跑快ｄ當然追到啦，但後面仲有一大群人起勢係咁跑，但係巴士司機好似冇良心咁偏偏要同人鬥快（關門開車），我見到呢個場面，突然覺得會考好似架巴士咁，好黑心，諗諗ｏ下唔經唔覺到站，落車之前我竟然走去鬧個司機，

我：你明明見到佢地追緊上黎點解唔等埋佢地先開車呀？等多幾秒會死架！
司機：行車時切勿與司機談話。你落唔落車唔落車就開車。

唔知痴左邊條線呢，鬧左兩三句之後走左去搵偉，成條街都係會考生，有ｄ喊，有ｄ笑，有ｄ拎住好多會考放榜指南騰晒雞，有ｄ趕住打電話問邊度有學位，總之成條街都係會考生，入到商場ｏ既情況都差唔多，會考生滿天下，我打俾偉問佢ｏ係邊，佢過黎搵我，於是我企左ｏ係度等佢，呆左，唔知點解，對住ｄ會考生我個腦一片空白。

偉：瑤
我：（望住佢，第一樣諗到既野唔係問佢分數，所以我咋唔知）偉，我好肚餓呀，帶我去食野丫
偉：但係而家，十點幾咋喎，lunch都未夠鐘喎，你今朝冇食早餐咩？
我：有呀，我食左ｖｖ整ｏ既番茄蛋三文字同埋飲左杯橙汁，不過而家好似唔係好夠飽呀
偉：咁去食野啦，你想食咩？
我：好多野都想食，我地上去上面搵ｏ下丫（拿拿聲拉佢上去塔電梯）
偉：（佢用好懷疑ｏ既目光望住我）你係咪大左肚呀？突然食咁多野唔似你喎？
我：咩呀我不嬲都好大食咕喎，我地之後出去食飯我見你唔夠飽咁先分埋我果一半比你咋，如果唔係叫多份都仲得呀!（吹到咁大，覺得自己好假tim，但其實我一ｄ都都肚餓喎）
偉：有冇呀，食m記開心樂園餐你都食唔晒喎
我：有ｄ咁ｏ既事咩？
偉：所以我先懷疑你係．咪．有．左．囉
我：haha....如果有個BB都係你ｏ既! 你走唔甩!
偉：唔係喇掛，我地冇咩過咕喎，點會係我至得架，傻既!
我：哦，唔知邊個咁唔好要佢囉～我地去果睇ｏ下
偉：喂唔好走咁快呀，小心動胎氣呀
我：過黎丫快ｄ啦
偉：又話去食野？走入黎呢度做咩？
我：明知固問架，鏡頭ｏ係呢度，下面仲有一個，望完下面果個望中間呢個，得唔得？
偉：我入左錢喇喎（手腳真快）

機：三，二，一．．．

機：__________________閃!____________________閃!閃!

最後一張o係影全身，我地為擺咩ｐｏｓｅ嘈左幾秒，我要呢個，佢又要果個，嘈嘈嘈

機：三，二，一．．．

ｏ係呢個moment，偉即刻一手抱我腰，一手捉住我隻手，咀左埋黎，我ｏ係訓左ｏ係佢隻度架

機：__________________閃!

影完之後我面都紅好晒，兩張卡出左黎，我掙住要果張相唔俾佢，嘻嘻。
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

LinG

VIP會員

悶死...........

UID 1758
積分 5405
經驗 2678
YK幣 6616
帖子 2419
精華 0
註冊 2007-2-24
用戶註冊天數 6286
用戶失蹤天數 4835
性別女仔
狀態離線

#66

發表於 2008-1-15 01:44 PM 資料文集短消息

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

關心ｇｅ說話唔需要多，有時候唔需要講，唔需要強調，只要我留ｏ係偉身邊，陪ｏ下佢，令佢開心已經好足夠，已經係最好ｏ既安慰說話，好比唔識講野唔識安慰而去講一ｄ語無倫次ｏ既說話好，講多錯多咁就唔好啦，至少我係咁樣諗，我做到ｏ既野，就係陪佢，一直陪佢。

溜冰場內，我地各有各溜，我覺得佢勁唔開心咁溜得好快，我機付追唔到佢，於是ｏ係付近溜慢ｄ觀察佢，發覺佢真係唔開心，眼簾垂得好低，好似冇睇住前面咁就咁橫衝直撞，呢一刻我唔係擔心ｏ係佢身學緊溜冰ｏ既小朋友，大人，而係擔心偉，會考，真係害人不淺。突然又好想問佢幾多分，不過算啦，我覺得唔重要。好想溜近佢，追上去，但係佢超左速，跟本追唔想，佢愈快，我愈覺得佢愈唔開心。

我：喂（我溜近佢）
偉：咩呀？（應完我，然後噓一聲溜走）
我：喂．喂．（我又追上去佢）
偉：點呀？（唔理我喎）
我：喂．喂．喂．偉（我停低）
偉：傻左咩你，叫完我又唔講野（圍住我兜圈）
我：（呢個時候先近距離見面佢唔開心ｏ既表情）．．．攬我丫
偉：無啦啦做乜攬你，更何況．．．唔好ｏ既．．．嗯，你肯出黎陪我已經好好（之後佢又溜走左）
我：我同社長？哈哈哈．．．（我自言自語）．．．睇路呀（我追上去）
偉：你從來冇否認過，點解釋？
我：咁我更加冇認過呀
偉：唔講喇（嬲爆爆咁走左去）
我：喂
偉：又點呀（番番黎）
我：（我張雙手放ｏ係後面）你估ｏ下我收埋左ｄ咩ｏ係後面丫？
偉：唔知喎，伶出黎睇ｏ下啦，唔好收收埋埋！
我：唔俾，追到我我俾你！（即閃）
偉：咩黎架？咪走！

突然，我覺得溜冰場空無一人，只係得我地２個人，好開心咁ｏ係冰上面溜動，其實以我ｏ既速度跟本唔係偉ｏ既對手，於是我為有ｏ係佢差唔多追到黎之前，黎個９０度轉身快速轉去另一方向避開佢ｏ既追捕。好想就咁追追逐逐就一生一世，當然啦，我發緊夢。最後玩到累左，我停低然後放對手ｏ係後面等等佢過黎。

我：恭喜晒，你已經追到我啦，而家比你睇啦，過黎丫（我示意叫佢溜過黎我前面）
偉：（ｏ係佢溜過黎我前面果陣，同一時間我亦溜過佢前面，身體撞埋左一齊）
我：睇到啦，你而家知道係咩未呀？
偉：（佢終於都笑喇）
我：無論發生咩事都好，只要你出聲，我都一定會ｏ係你身邊，支持你。
偉：（佢終於攬住我喇，好緊好緊）

雖然到而家我仲未可以確定到佢收埋ｏ係自己心入ｏ既問題有幾繁多．幾沉重．幾咁令人崩潰，但係，我知道自己可以做到佢ｏ既知己，會守候ｏ係佢身邊同佢分擔，我只係想佢知道呢一點，即使我地唔可以成為情侶。佢到最後我都可以表達我ｏ既心意比知。

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

LinG

VIP會員

悶死...........

UID 1758
積分 5405
經驗 2678
YK幣 6616
帖子 2419
精華 0
註冊 2007-2-24
用戶註冊天數 6286
用戶失蹤天數 4835
性別女仔
狀態離線

#67

發表於 2008-1-15 01:47 PM 資料文集短消息

離開左溜冰場之後，我地去ｍ記食野，我如常ｏｒｄｅｒ一份開心樂園餐，因為食唔晒，要偉幫ｏ下口，我ｏ係咁（塞）佢食薯條。

偉：都話你開心樂園餐都食唔晒架啦，頭先仲死口唔認喎（佢又塞番我）
我：嗯．．．唔係我比你食你會食到咁肥ｃ大隻，計落你仲要多謝我ｔｉｍ呀
偉：我呢ｄ叫肥？呢ｄ叫ｆｉｔ呀！細路女唔識！
我：係咩．．．哈哈，睇過～（我打打佢手臂）

b女：媽咪媽咪，姐姐打哥哥呀我．．我又要打打．．（坐隔附近ｏ既ｂｂ女走過黎話佢又打喎）

偉：黎，過黎哥哥呢度
ｂ女彈ｏ下彈ｏ下咁走過黎：丫～～哈哈哈～（我諗佢興奮過度啦）
我：你叫咩名呀？
ｂ女：ｍｙ　ｎａｍｅ　ｉｓ　婷婷．．
我：嘩～識講英文好叻女喎
ｂ女：ｔｈａｎｋ　ｙｏｕ
我：見你咁叻送比你丫（開心樂園餐件玩具）
ｂ女：好野～ｔｈａｎｋ　ｙｏｕ姐姐
偉：要玩具唔要哥哥喇？
ｂ女：係呀（掛住玩具唔多理佢）
偉：嗚～～～婷婷唔理人喇
我：哈哈哈．．．
ｂ女：唔係呀哥哥我我冇唔理哥哥呀（佢辛辛苦苦地一口氣咁講，仲走埋去錫佢一啖）
偉：嘩，你夠膽咀我？你唔驚姐姐呷醋呀？
ｂ女望住我，仲ｕｍ住咀哈哈笑：嘻嘻．．．
我：婷婷偏心呀
ｂ女：唔係呀（ｂ女過黎我度）
ｂ女媽咪：婷婷唔好搞住哥哥姐姐，快ｄ過番黎啦
ｂ女：媽咪，哦
ｂ女媽咪：（ｂ女媽咪抱起ｂ女）唔好意思呀
偉：唔緊要架
我：係呀，婷婷好乖架
ｂ女：婷婷好乖
ｂ女媽咪：婷婷，同哥哥姐姐講ｂｙｅｂｙｅ啦
ｂ女：ｂｙｅｂｙｅ～．．．啜卜（仲黎個個飛吻ｔｉｍ）
我：哈哈哈．．．ｂｙｅｂｙｅ

偉：笑咩呀，你笑左好耐喇喎，點人點左笑穴？
我：哇哈哈哈．．．你頭先好有童真呀！
偉：+.+
我：咁就ｏ岩喇，繼續ｋｅｅｐ住呢份童真丫，我地出發去下一場。
偉：去邊呀？
．
．
．
偉：冒險樂園？喂唔好拉我我唔入！
我：入啦
偉：萬一俾熟人見到我玩呢ｄ野好冇ｆａｃｅ，唔好搞！唔去！
我：咁又係既，人地堂堂偉大佬，又真係好丟架ｏ既，可？不過我係鍾意玩呢ｄ呀！唔鍾意意唔好入黎！（我灰氣咁講，然後走左入去）
偉：喂，去第二度啦！
我：（唔理佢，不過我知佢一定會入黎架）
．
．
．

LinG

VIP會員

悶死...........

UID 1758
積分 5405
經驗 2678
YK幣 6616
帖子 2419
精華 0
註冊 2007-2-24
用戶註冊天數 6286
用戶失蹤天數 4835
性別女仔
狀態離線

#68

發表於 2008-1-15 01:49 PM 資料文集短消息

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

我o係裡面遊左一個圈都仲唔見佢入黎，於是出去睇。

我：喂，你真係唔入去呀？
偉：唔入（哎呀，好細路仔）
我：一係咁喇！我同你比賽，如果你輸左就同我一齊入去玩，咁好冇呀？
偉：比咩賽先？唔好好似以前咁鬥邊個頭髮長ｄ定邊個皮膚白ｄ呀！我唔鬥架！
我：哈哈．．．
偉：你都知你以前幾矛呢！
我：唔會喇！我地鬥波呀
偉：哇～！呢樣更加唔洗鬥啦下化！女人天生．．．
我：唔係呀！哈哈哈．．．痴線．．．哈哈哈．．．
偉：唔係咩？
我："氣墊球"呀叻人！行啦～
偉：咪住！如果你輸左咁點先？
我：我點會輸呀！讓你三球都仲得！要唔要見識ｏ下丫？
偉：咪喇~講定呀，輸左點計先？
我：容許你幫我挽鞋一世
偉：咁我唔玩喇
我：喂喂喂，你話點就點啦
偉：哈哈（好奸）一於咁決定。

ROUND 1
於是，一場木台上ｏ既球戰，正式開始。唔係......跟本唔係比賽，因為一開始，就不停咁入球，入呀入．．．咁就１０：０喇！我咁就輸左１０：０喇！唉．．．

偉：你輸左喇
我：頭先果局係熱身賽黎架咋，我要再黎過！
偉：＋．＋
我：話明鬥波，去打籃球咯！（去籃球機）
偉：呢度？點打？
我：（入硬幣，ｄ籃球ｏ係咁出））入樽囉！拿！快ｄ啦！！計時架！！（比佢）

ROUND 2
呀偉係咁入樽，仲係揀最高最細果個籃黎入，ｄ飛就ｂａｎｇ　ｂａｎｇ聲咁出！

我：嘩～～你睇ｏ下好多飛呀！
偉：到你！快ｄ輸呀！
我：咁黑心架你．．．（之後我入樽啦，球球都唔入）
偉：哇哈哈哈．．．．．
我：（扁晒咀）好明顯陪機有問題
偉：有問題果個係你呀，最大果個籃你都入唔到，我諗你要配眼鏡囉！哈哈哈．．．
我：好叻咩！鬥ｌｏｏｋ　ｌｉｎｇ！

ROUND 3
我：一個全中，一個補中，一個入隧道
偉：兩個全中，一個補中。

結果，三個ROUND，我輸晒。

我：我認輸喇
偉：同我鬥？你未夠班～（巴閉）
我：不過我又輸唔晒喎！起碼我呃到你入黎玩左三部機！
偉：係喎，咁快ｄ走喇！
（ｂ女婷婷突然又彈ｏ下彈ｏ下咁殺出黎打救呢位大細路）
ｂ女：哥哥姐姐
我：婷婷？
偉：點解得你一個架？你媽咪呢？
ｂ女：果度同同細佬夾糖糖（ｂ女好鍾意張ｄ字ｄｏｕｂｌｅ黎讀）
偉：咁哥哥姐姐同你玩好冇呀？
ｂ女：好野哥哥我要要．．（指住夾公仔機）夾公仔
偉：好呀～我地出發喇！！（抱起ｂ女飛去果度）
我：哈哈．．你睇你幾有童真～頭先叫你陪我玩都要過三關比賽，ｂ女一叫你就飛過黎．．＞＜
偉：佢點同你
我：咁你分明要婷婷唔要我啦！
偉：婷婷你要邊個呀？
ｂ女：我要粉粉紅色果個熊啤啤，呢呢個呀
偉：好呀
我：你好野呀ｘｘ偉！唔理我！
偉：婷婷呀，見唔見到呀？姐姐呷醋呀～
ｂ女：咩係呷醋呀哥哥？
偉：哈哈哈．．．
ｂ女：媽咪話ｄ醋醋好酸架（佢對住我扮酸ｍｅｉ　ｍｅｉ個樣）
偉：哇哈哈哈哈．．．．
我：..........（無奈中）
ｂ女：姐姐唔好呷醋啦
我：．．．．哦（哭笑不得）
偉：點呀，呢個位落得未呀？
我：左ｄ．．
偉：咁？
我：右ｄ．．
偉：ｏｋ未？
我：後ｄｄ．．
偉：+.+
我：前番少少
偉：咁得喇掛
我：後ｄｄ啦．．唔好，都係前番少少．．
偉：你玩咩！
我：落喇！
B女：夾啦夾啦夾啦．．．丫！好野！熊啤啤！（得左喎）
我：證明我冇玩你啦
偉：你好采姐！

之後ｂ女媽咪又過黎的佢走，ｂ女好唔捨得我地，成日拎轉頭同我地講byebye....揮手同送飛吻.....感覺有ｄ似送機，突然我又諗起，唔知偉ｏ既爸爸會唔會都好似ｂ女媽咪咁的佢走呢？夠竟偉爸爸有咩安排呢？會唔會係送佢過外國呢？我會唔會好似睇住ｂ女走咁睇住偉走呢．．．一剎那之間個腦閃過好多問題。b女走左之後我同偉都靜左一陣，然後離開左冒險樂園。

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

LinG

VIP會員

悶死...........

UID 1758
積分 5405
經驗 2678
YK幣 6616
帖子 2419
精華 0
註冊 2007-2-24
用戶註冊天數 6286
用戶失蹤天數 4835
性別女仔
狀態離線

#69

發表於 2008-1-15 01:50 PM 資料文集短消息

離開西九龍中心，我帶偉去另一個地方，沿路一直行到交迴點，過馬路然後就會見到一條斜坡斜上去ｏ既直路。

我：上面係路德會教堂（我指住上面）
偉：哦，黎呢度做咩？
我：睇ｏ下環境囉！
偉：ｏ下？無啦啦睇咩環境？
我：你唔好理啦，"咩"我上去
偉：咩話？
我："咩"我上去呀
偉：咩呀，你又唔講，我上去先啦！
我：丫～你扮野！（追上去然後跳上佢背隻）
偉：哇～你ｄ彈跳力幾好咁喎！
我：洗乜講～直行丫，見到教堂有落
偉：ｏｋ
我：偉，結婚果日我會收埋一隻鞋，然後要你咩我上黎，一齊行入去教堂
偉：哈，你又知我第時會娶你？！
我：你唔娶我都得架，咁你咪嫁比我囉
偉：痴線，哈哈（冇我咁好氣）
我：你生日果晚咪比我許願ｏ既．．我許願話你廿五歲同我結婚
偉：..............嗯
我：做咩呀？你唔肯呀？！
偉：到時先算啦，有冇果日都唔知．．（佢愈講愈細聲）
我：點解冇果日呀？哦！我知喇！你諗住飛我呀？！
偉：乜你唔係已經飛左我喇咩？我地都冇復合過，我可以點樣飛你？
我：......................(無言，因為佢講得好o岩，我咬佢耳珠，好大力咁咬，佢耳仔紅晒都冇反應同出聲)
偉：......
我：放低我丫
偉：做咩呀？
我自己行番轉頭想走：冇野呀，我肚餓呀，要食野！（鬧情緒）

由地鐵月台度等車開始我地冇講過野，上到車，我企ｏ係車門旁邊，佢就企ｏ係對面個車門旁邊，兩個都望住地下，然後一站一站咁愈黎愈多人迫入黎，迫到我再望唔到呀偉個樣，架車行到荔景站有好多人出，又好多人迫住入黎喎，有時見到ｄ大隻佬或者樣衰衰果ｄ中年呀伯ｏ係門邊迫入黎，我係好驚比人非禮．．．ｏ係荔景站，偉行過黎企我前面保護我，好開心，好安全．．．迫ｏ下迫ｏ下我地兩個攬埋左一齊，一直攬住到荃灣。之後我地好番，有講有笑咁去打機，搵地食ｄｉｎｎｅｒ，玩到夜晚十點左右，偉爸爸打電話俾佢叫佢番屋企，我當堂成個人沉晒，但都要走架喇，於是我地搭２９ｍ番屯門碼頭，坐上層車頭最前果個位，我開到個窗好大吹風，吹到對眼好乾但係ｄ眼淚又ｏ係咁湧出黎喎．．．唔想比佢見所以扮訓覺，但其實我真係好累好想訓覺，所以我攬住佢手臂，ａｉ住佢博頭訓．．訓．．．到屯門公路我醒左一醒，見到我同偉隻手合埋左一齊，佢ａｉ住我個頭訓著左，我地一齊訓到總站，落車之後我好唔捨得咁同佢ｂｙｅｂｙｅ．．．

LinG

VIP會員

悶死...........

UID 1758
積分 5405
經驗 2678
YK幣 6616
帖子 2419
精華 0
註冊 2007-2-24
用戶註冊天數 6286
用戶失蹤天數 4835
性別女仔
狀態離線

#70

發表於 2008-1-15 01:52 PM 資料文集短消息

偉：好喇，我送你番去
我：唔好啦，我送你丫，我想送你．．到門口我先番去
偉：ｏｋ
．
．
．
我：小五開始我暗戀左一個男仔兩年，結果我地一齊左，但冇耐，最後我同佢都係分得不明不白．．果年中一，係我ｏ既初戀．．
偉：點樣不明不白？
我：唔知呀，因為佢失左蹤，我搵唔到佢，後來過左兩年之後有個朋友話我知，佢ｏ係外國，已經結左婚，ｏ岩ｏ岩生左個ｂｂ．．．
偉：咁都得呀，咁佢當初點解唔同你講清楚？
我：我都唔知．．果陣我中一，仲傻更更，點會識諗ｅｄ問題，剩係知佢唔要我喇
偉：你等左佢兩年？
我：正確ｄ黎講，係５年，兩年暗戀，三年等．．
偉：嗯嗯
我：．．．．．．
偉：我到喇
我：偉．．．
偉：係，做咩呀？
我：無論發生咩事都要話我知，以後有咩決定，去邊度，點都要話我知．．如果唔係，我真係會傻傻咁等你架，幾多年都好我都會等你．．．
偉：．．．．．．傻妹，我唔會要你等
我：．．嗯（我點點頭）

偉ｏ係我額頭度鍚左一啖之後就番左上樓喇，到最後我都冇問佢幾多分，因為我覺得男仔幾要面子，留番ｄ尊嚴比佢好ｄ．．．
好驚佢爸爸，因為唔知佢會點對付偉，希望唔會太苛刻啦！更加更加唔好比我估估ｏ下ｏ既野實現丫．．．

我：我番黎喇，ｖｖ呀，點算呀點算呀！
ｖ：咁夜ｏ既，去邊度黎呀？咩點算呀？係喎呀偉今日放榜喎好似，你有冇問佢幾分呀？（ｖｖ邊睇電視邊食住提子咁講野）
我：我邊敢問丫，佢今日好似唔ｏ係好開心咁，但係又冇乜點唔開心咁，呀！我唔知呀！
ｖ：你今日全日就係同佢一齊呀？
我：係呀，陪左佢成日．．好累呀
ｖ：對左成日，你都問唔到佢幾多分．．會唔會未免差勁左ｄ呢？
我：ｃｈｕｒ～唔係問唔到呀，我唔問之ｍａ！
ｖ：屎就屎啦你！小小野都問唔到～
我：咁叻你黎問丫！你都唔知呀，佢唔開心個樣呀！可以食人架！
ｖ：哈哈，都唔知你ｕｐ乜！問咪問．．．（打電話比偉）拿～學野喇ｏ靚妹～
＊＊＊＊＊＊＊＊＊＊＊＊＊＊
ｖ：喂？呀偉！點呀今日放榜喎，好掂咁啦下化～
．．．
．．．
ｖ：哦哦哦，嗯嗯
．．．
．．．
ｖ：哇哈哈．．．．．．
．．．
．．．
ｖ：咁你幾分先？
．．．
．．．
ｖ：咩話？真架？！（ｖｖ好大聲，眼都突埋）
我：點呀點呀？？
．．．
．．．
ｖ：哇哈哈哈．．．．．（佢踢開我）

LinG

VIP會員

悶死...........

UID 1758
積分 5405
經驗 2678
YK幣 6616
帖子 2419
精華 0
註冊 2007-2-24
用戶註冊天數 6286
用戶失蹤天數 4835
性別女仔
狀態離線

#71

發表於 2008-1-15 01:53 PM 資料文集短消息

我：點姐點姐．．．（揩埋去聽）
ｖ：（佢又踢開我喎）哦～得啦我知架喇～哈哈
．
．
．
ｖ：ｏｋ～ｂｙｅ！（收線）
我：話我知！話我知！
ｖ：唉，呢ｄ野大家明咪得囉，唔洗問到咁白ｏ既，好傷自尊心架麻
我：咁佢即係有冇講呀？
ｖ：有，佢話個分比佢預計ｏ既低囉，你唔好再問佢ｔｉｍ呀
我：ｏ車～仲以為你問到ｄ咩，呢ｄ野我都啦！廢話～
ｖ：哈哈哈
我：笑咩丫你！
ｖ：冇～快ｄ去沖涼訓覺！
我：哦

第二日，呢一日開始我見ｖｖ都開始做ｐａｓｔｐａｐｅｒ，自己又懶啦，完全冇掂過ｄ書，之前仲口口聲聲話溫書溫書，而家好似冇左回事咁，見到ｖｖ咁努力我都要努力！我都唔希望自己會考失敗，因為經過尋日放榜ｏ既所見所聞，仲有呀偉．．．真係唔到我唔驚架，但係對住ｄ厚得咁驚人ｏ既精讀，題解，ｎｏｔｅｓ．．真係想死，特別係ａ－ｍａｔｈｓ，完全唔知佢想點囉，計一題要用成板紙，計ｏ下計唔知計左去邊度．．．

我：ｈｅｌｐ～～～
ｖ：點呀？
我：呢題啦，呢題，仲有呢題同呢題，係咪佢出錯題呀，我一題都計唔到ｏ既？！
ｖ：題過．．．好明顯係你抄左題啦！呢度呀，唔係十，係－呀！
我：．．．．．．．
ｖ：休息陣先再黎過啦，都計左半日，我都計到痴住左好多條線！
我：好呀～～
ｖ：喂，落去ｍ記食ｓｕｎｄａｙ～
我：你唔係話減肥咩？ｓｕｎｄａｙ好肥架喎！
ｖ：食埋今次先減啦～

ｏ係ｍ記，比我見到社長呀ｓａｍ，話時話我都好耐冇見過佢，自從水泡問題出現左之後我一直都好奈究，但係就一直冇搵過佢冇機會同佢正式正面咁道歉過，而家見番唔知點咁。

（ｓａｍ一邊食包包一邊睇ｎｏｔｅｓ）
我：（我ｏ係後面ｕｍ住佢對眼，等佢估ｏ下先）
ｓ：邊個呀？唔好玩啦～
我：（唔放手）
ｓ：喂唔好再玩喇！邊個呀？（好大力想整開我對手，不過唔成功）
ｖ：你估ｏ下佢係邊個？
ｓ：你地有２個人架？我識唔識你地？
ｖ：廢話，唔識你點會玩你呀！係我唔識你姐～
ｓ：比ｄ　ｔｉｐｓ好喎，我同佢點識架？
ｖ：你同佢點識架？
我：（口形）學校
ｖ：學校喎～
ｓ：男定女？
ｖ：好明顯係女仔手啦，你仲問
ｓ：喂，真係唔好玩喇，仲細咩～
ｖ：細過你
ｓ：ｆｏｒｍ幾架？
ｖ：你識好多低ｆｏｒｍ果ｄ女仔架？
ｓ：幾啦，身為社長人際關係更係有番咁上下
ｖ：溝女咋掛！
我：（口形）問佢鍾意邊個？
ｖ：喂你睇中邊個低ｆｏｒｍ妹妹呀？
ｓ：做乜要話你知呀
ｖ：話唔定我地識可以幫ｏ下你
ｓ：唔洗喇，多謝先，放得手未呀，對眼好累呀
ｖ：答埋呢題咪放你囉～佢係點架？
ｓ：佢．．．哈哈～係一個成日撞親ｏ既人，一個數學白痴，仲係．．一個好易喊ｏ既女仔．．．
ｖ：係你？（ｖｖ問我）
我：（我對手軟晒，放開手比佢睇番野）我？
ｓ：呀瑤？（佢睇野唔清楚，可能ｕｍ住太耐）

ｏｍｇ．．．玩出火．．．．．．

LinG

VIP會員

悶死...........

UID 1758
積分 5405
經驗 2678
YK幣 6616
帖子 2419
精華 0
註冊 2007-2-24
用戶註冊天數 6286
用戶失蹤天數 4835
性別女仔
狀態離線

#72

發表於 2008-1-15 01:54 PM 資料文集短消息

ｏ係呢一秒鐘裡面，兩對圓碌碌ｏ既眼睛望住我，
我又瞪大對眼望住ｖｖ，呆左一陣．．．然後，
我不斷反問自己：乜係我咩？
我甚至說服自己：唔係我呀，數學白痴成街都係啦！
到最後，我心諗：玩丫玩丫，出事喇，點算呢！

為左緩和呢種咁尷尬又唔知點咁ｏ既氣氛，我決定轉一轉過話題。

我：喂！我地黎食雪糕呀．．（鬼唔知咩，伶住杯sunday o係度食）
ｓ：ｈｉ～好耐冇見喇喎
我：唔係好耐之ｍａ
ｓ：暑假有咩搞咁呀呢排？又唔見你ｃａｌｌ我？
我：我做乜要ｃａｌｌ你呀～本小姐大把節目！
ｓ：咩節目呀？預埋我好喎！
我：溫書囉～你有冇興趣丫？我可以ｊｏｉｎ埋你架！（ｏ．．．我講緊咩！）
ｓ：我都係溫書，係就一齊啦！
我：ｕｍ．．．都係唔好喇！我同佢溫呀，ｖｖ可？（比眼色佢睇，叫佢識講野）
ｖ：咁你平時ｏ係邊度溫架？
ｓ：圖書館自修室囉，果度日日都有好多人黎自修，你地都一齊啦
ｖ：我知～咁係咪你幫我地霸位先？（我聽到唔係好對路，ｏ係木台底踢左ｖｖ一腳）哇！！
ｓ：我冇咩所謂呀，睇你地點啦．．．咩事呀？你冇野呀？
ｖ：冇～冇．．．就咁決定！聽日一齊溫書！
我心諗：ｖｖ，你係咪玩緊我丫，好無奈囉．．．
ｓ：咁你點呀？聽日一唔一齊丫？幫埋你搵位喇，順便幫你補ｏ下數學
我：ｏ下，我．．．唔洗啦，我ｏ係邊度溫ｄ數都唔會好得去邊架啦，我ｏ係屋企得架喇！
ｖ：聽日媽咪ｄａｙ　ｏｆｆ喎，你想一個人留ｏ係屋企同佢過呀？
我：咁．．．．是但啦．．．（唉）
ｖ：係喎，傾左咁耐仲未知你咩名
ｓ：叫我ｓａｍ得架喇
ｖ：好名！通常叫得ｓａｍ　ｏ既人唔會衰得去邊，你就係人板啦～
我：哇哈哈哈．．你講笑咋？我地班都有個極品呀ｓａｍ喎．．．
ｖ：咪插咀！
我：哦
ｓ：哈哈．．．
ｖ：一陣去自修室呀？
ｓ：唔係呀，一陣諗住剪頭髮，之後冇野做喇
ｖ：剪頭髮？我識得有間ｓａｌｏｎ幾好架！試ｏ下丫？
ｓ：我冇所謂呀，行喇
ｖ：咁你行得未呀？小姐，你仲笑．．
我：哈哈哈．．．行．．行得．．

之後去某間商場搵ｓａｌｏｎ，我仲以為邊間，
原來．．其實係ｈｅｎｒｙ果間ｓａｌｏｎ，ｖｖ壞喇真係！
入到去唔見ｈｅｎｒｙ，ｖｖ即刻走去問收銀果維姐。

ｖ：維姐～呀俊呢？
維姐：佢ｏ岩ｏ岩出左去買ｔｅａ，就番架喇～唔洗心急，後生女等多一陣啦～
我：哇哈哈哈．．．維姐都笑你喇！收番埋ｄ口水先啦！
ｖ：車～我去睇ｓａｍ先！

ｖｖ避我喎，算啦，佢十月介菜個樣都幾可愛～哈哈．．．
至於我呢，係咁睇ｍａｇａｚｉｎｅ囉，見到隻手錶好靚架！不過天文數字．．．
睇左十分鐘，悶死我喇！！睇睇ｏ下ｈｅｎｒｙ番到黎，我講比佢知ｖｖ黎探佢，
仲帶左單生意比佢，ｖｖ偷偷地望我地，怕怕羞羞咁．．．好搞笑！
之後ｈｅｎｒｙ都要做野，我坐ｏ係門口睇ｍａｇａｚｉｎｅ，又悶過喇．．．
突然間有一個人入左黎叫我幫佢洗頭，維姐同佢講：先生你搞錯喇，佢係客人黎架。
佢即刻向我ｏ係咁唔好意思，ｓｏｒｒｙ咁，哈哈．．於是呢埋一邊先！以免人地再搞錯。

之後我聽到一把好熟識ｏ既聲音．．．

男：洗剪吹，唔該
維姐：你搵個位坐低等陣啦
ｊｏｙｃｅ（洗頭女工）：有冇剪開邊個師傅呀？
男：冇呀，是但搵個得架喇
ｊ：ｏｋ～你過黎呢邊洗頭丫
我：呀偉！
偉：喂，點解你ｏ係度ｏ既？
我：冇呀，同ｖｖ陪朋友黎剪頭髮囉！ｊｏｙｃｅ，等我黎幫佢洗頭丫！
ｊ：唔好ｏ既，你係客人喎～
我：唔緊要啦！ｈｅｎｒｙ教過我我ｏｋ架喎！
偉：你得唔得架？？
我：唔好睇小我！
ｊ：ｏｋ～咁你黎啦
我：ｔｈｚ

之後我幫呀偉洗頭，佢好多要求架！一時話ｄ水熱，又話太凍喎，一時又要按摩，
我比佢洗到盡，不過．．．．．．我好ｅｎｊｏｙ個過程，好ｓｗｅｅｔ．．．
洗完之後佢比人安排去坐左ｏ係．．．社長呀ｓａｍ隔離．．．幫佢剪ｇｅ師傅竟然係ｈｅｎｒｙ．．

偉．．．ｓａｍ．．．ｈｅｎｒｙ．．．第一次三個人坐埋一齊．．．

LinG

VIP會員

悶死...........

UID 1758
積分 5405
經驗 2678
YK幣 6616
帖子 2419
精華 0
註冊 2007-2-24
用戶註冊天數 6286
用戶失蹤天數 4835
性別女仔
狀態離線

#73

發表於 2008-1-15 01:56 PM 資料文集短消息

呀ｓａｍ見過呀偉，呀偉又見過過呀ｓａｍ，雖然一直以黎佢地都係唔識對方，但係由於我ｏ既關係，因為曾經．．．我曾經兩次ｏ係呀偉面前拖住呀ｓａｍ隻手走左去丟低呀偉一個人架，所以佢地免強黎講總算係有識得ｏ既咁，點一點頭以視打招呼．．．氣氛好唔知點．．．我幫呀偉抹頭，ｏ係鏡度見到呀偉望住我，然後望左望呀ｓａｍ，低下頭唔出聲．．．而呀ｓａｍ就一直睇雜誌，睇睇ｏ下又唔睇，望住塊鏡咁囉．．．頭先知道左呀ｓａｍ鍾意左一個低ｆｏｒｍ過佢ｏ既女仔，而我地從佢口中得知果個女仔ｏ既特點同我有八成吻合，但係我同ｖｖ到最後都冇再追問佢講果個女仔到底係咪我，一來我唔想知啦，二來我唔敢知．．．再者，呀偉亦誤會以為我同呀ｓａｍ來往緊，我冇話認，又冇否認，因為我當時以為佢將來一定會知道同明白我心裡面得一個人，一路以黎都係一個人架咋，冇第二個呀，但係而家睇到佢，覺得佢仲係誤會果種心理，哦～一諗到呢度就有少少嬲！係咁整亂佢ｄ頭髮！

我見到偉個頭比我搞禍晒就覺得好搞笑：哈哈哈．．．
偉：喂，你似玩我個頭多過幫我抹頭喎
我：唔係呀，你等等丫，我叫人幫你ｃｕｔ
偉：唔該

我：ｈｅｎｒｙ　ｈｅｎｒｙ．．你幫佢剪丫
ｖ：你唔識叫其他師傅剪架咩～唔好阻住ｈｅｎｒｙ休息啦
我：咁ｖｖ你又ｏ係度做咩呀？唔好話比我聽按摩丫．．．．
ｈ：冇所謂啦，邊個呀？
我：坐呀ｓａｍ隔離果個囉
ｈ：呀ｓａｍ？邊個係呀ｓａｍ呀？
我：開叔ｃｕｔ緊果個係呀ｓａｍ，你幫呀ｓａｍ隔離果個ｃｕｔ丫，好冇呀？
ｈ：ｏｋ，不過要指定師傅收貴ｄ喎
我：冇問題！額外果ｄ我比囉～不過最重要你ｃｕｔ好ｄ喎！
ｈ：哇，識架你地？
我：係呀，去啦～

ｈ：ｈｉ！
偉：．．．ｈｉ
我：你剪丫
ｈ：係喇係喇，你想點剪？
我：喂，原來你都會問ｏ下人先剪架？你平時唔係好鍾意自作主張架咩？
ｈ：對住你就梗係唔洗問都知你想點啦！
我：乜係咩！你地又知我想點ｏ既？
ｈ：我地心有靈犀呀！
我：．．．．ｏ下
偉：（咳．．咳．．．）唔該，修短少少ｄ頭髮得架喇
我：不如染多次黑色丫，ｄ金色又走番出黎喇
ｖ：唔錯喎呀ｓａｍ～你都試ｏ下染啡ｄ頭髮佢丫！
ｓ：唔好喇，仲有半個月就番學，你又唔係唔知我地學校果個訓導幾咁惡先得架，記個小過就麻煩喇
ｖ：佢都痴痴地ｏ既，係又捉唔係又捉，分明玩針對啦，果次呀瑤著我條校裙ｏ岩ｏ岩好到膝蓋高少少之ｍａ！佢ｄ手下就黎捉呀佢喇！都唔知咩心理！
我：果次條裙真係短左ｄ呀．．．仲有果個ｈｅａｄ　ｐ係呀ｓａｍ個ｆｒｉｅｎｄ黎架
ｖ：係咩？
ｓ：係呀
ｖ：哦～唔好意思
ｈ：乜你地學校咁嚴架？睇唔出喎
ｓ：簡直係監獄，我忍左六年
ｖ：好貼切！
偉：染黑佢丫唔該
ｈ：ｏｋ．．係呢？你地同呀瑤咩關係？
偉：ｏ下？
我：．．．ｏ下？
ｓ：．．．．．．
ｖ：做咩呀你地一個二個，我地咪朋友囉，做咩啞晒？？
ｈ：係囉．．．咁你地點識架？
我：ｏ下？
ｖ：我同呀瑤呢，中一果時識架！一直同班！
ｈ：我就ｏ係呢度識佢ｏ既！你地知唔知個傻妹有一晚走黎呢度叫我幫佢剪頭髮，剪剪ｏ下無啦啦喊喎，後來我請佢食餐飯囉，咁就識左佢喇
我：．．．．．．
ｖ：呀瑤，你以後冇飯食黎呢度喊就有飯食架喇！哈哈哈
我：．．．．．．（無奈）
ｓ：我個ｃａｓｅ同你差唔多，果日睇住佢ｏ係ｓｃｈ　ｒａｄｉｏ度喊，之後識左佢
我：．．．．．．我（唉）
ｈ：偉，你點識佢架？
偉：ｏ係商場，都係一樣啦．．．因為睇佢喊，所以想識佢，咁就識左
ｈ：又會咁ｏ岩ｏ既？！嗯．．係呀，第一次見佢果時已經想識佢，想保護ｏ下佢咁，雖然個傻妹傻ｏ下傻ｏ下咁，不過我幾鍾意佢
偉：．．．係咩
ｓ：．．．哈
ｖ：你咁樣算唔算示愛呀？？
我：ｕｍ．．．我夠鍾意ｖｖ你啦！喂呀，我地出左黎好耐喇！好番去溫書喇！

講完即刻拉埋ｖｖ走人，我唔相信ｈｅｎｒｙ會鍾意我囉！同埋５個人ｏ係度尷尷尬尬咁都唔知自己講乜喇，唔走ｏ既話我真係唔知自己下一句講咩ｏｒ講錯ｄ咩．．．

ｖｖ：走得咁急做咩呀？！
我：唔好問住先啦，快ｄ拎袋啦！
．
．
．
我：我地先啦！ｂｙｅｂｙｅ！

偉，ｓａｍ，ｈｅｎｒｙ：（同一時間叫我）呀瑤！（然後對望）

我望住佢地，佢地唔知點咁：咩事呀？

ｈｅｎｒｙ：今晚一齊ｄｉｎｎｅｒ？

我：唔好喇．．ｓａｍ？

ｓ：冇咩．．．小心睇口路．．

我：哦．．．呀偉你呢？做咩呀？

偉：（佢同我揮手）．．．ｂｙｅｂｙｅ！

我：ｂｙｅｂｙｅ．．．

唔知點解好失落．．．

LinG

VIP會員

悶死...........

UID 1758
積分 5405
經驗 2678
YK幣 6616
帖子 2419
精華 0
註冊 2007-2-24
用戶註冊天數 6286
用戶失蹤天數 4835
性別女仔
狀態離線

#74

發表於 2008-1-15 01:57 PM 資料文集短消息

番屋企途中，我同ｖｖ都冇咩講，因為我好靜，冇乜點講野ｏ既關係啦，我個腦好多野諗住，但又唔係好知自己諗緊ｄ咩，好亂呀．．．而ｖｖ，佢煩緊ｈｅｎｒｙ係咩鍾意我．．．

ｖ：呀瑤，ｈｅｎｒｙ係咪鍾意你呀？
我：我點知姐．．．
ｖ：你聽唔到佢頭先點講架咩？（扮ｈｅｎｒｙ咁講）雖然個傻妹傻ｏ下傻ｏ下咁．．但我都幾鍾．．．
我：好喇好喇．．你唔洗重覆丫，我跟本唔想知佢有冇鍾意我
ｖ：死ｌｏ．．一黎就黎三件
我：咩三件呀，ｃｈｅｅｓｅ　ｃａｋｅ呀？
ｖ：玩咩！我話呀偉ｓａｍ＋ｈｅｎｒｙ呀，你鍾意邊個呀？
我：呀偉
ｖ：咁其他人．．．
我：佢地都冇話鍾意我，你唔好亂講啦
ｖ：我都希望係呀．．
我：丫～！好煩呀！
ｖ：呀ｌａｍ．．．
我：咩呀
ｖ：唔係呀ａｌａｍ呀！！仲有果班ｍｋ都ｏ係度呀！
我：ｏ下，邊度？
ｖ：呢埋先啦！！（拉我埋一邊）嘩，凶神惡殺咁，成班人唔知做緊ｄ咩呢？
我：．．．．．．唔知呢
ｖ：我地都係兜路走啦，唔好同佢地撞到正喇！
我：哦

於是，我地兜路行走廊落去出商場，行左冇耐我突然之間覺得好唔尋常，但一時間又唔知咩事所以冇理到就番屋企，番到屋企做做ｏ下野個感覺愈黎愈強烈．．．好似覺得唔知會發生咩事咁．．．．我做唔到野計唔到數又記唔野因為成個腦諗住唔知ｄ野．．．．好似眼眉（跳）咁．．．．．好唔安落．．．

兩個鐘之後．．．結果真係．．．出左事喇．．．．．．．我電話係咁響．．．．．

LinG

VIP會員

悶死...........

UID 1758
積分 5405
經驗 2678
YK幣 6616
帖子 2419
精華 0
註冊 2007-2-24
用戶註冊天數 6286
用戶失蹤天數 4835
性別女仔
狀態離線

#75

發表於 2008-1-15 01:58 PM 資料文集短消息

我：喂？
ｈ：呀瑤你快ｄ過黎啦！出左事呀！（好趕咁上氣唔接下氣）
我：咩呀發生咩事姐你慢慢講啦
ｈ：黎到先講啦！唔好喇我到你樓下喇你快ｄ落黎啦！
我：哦

ｖ：咩事呀？
我：ｈｅｎｒｙ叫我落呀，佢話出左事但又冇話咩事喎，我好驚呀，ｖｖ你陪我落去丫！
ｖ：ｏ下，搞咩呀？好啦我陪你去，行啦！

落到去有架的士停左ｏ係度，ｈｅｎｒｙ即刻叫我地上車，佢坐司機隔離，我同ｖｖ坐後面＊

ｈ：司機，屯門醫院急症室，快！
我：ｈｅｎｒｙ呀咩事呀？你快ｄ講啦．．
ｖ：係囉，你無啦啦去急症室做咩呀？
ｈ：頭先，我，佢地．．我地．．哎！呀偉入左醫院呀
我：ｏ下，發生咩事呀？點解會咁架？？
ｖ：咩佢地你地呀講咩姐你，呀偉做咩入左醫院呀？．．．．．．唔通．．（ｖｖ眼都突埋）
ｈ：唉！我而家都好亂呀！去到醫院先講啦！
ｖ：司機！快呀！
司機：得，冇問題！

原來頭先眼眉（跳）真係想預告比我知出事．．之前都唔係好信呢ｄ野，但係而家真係唔可以唔信．．好得人驚．．．沿途出發到醫院果段路我個心一直係咁跳，愈近醫院愈跳得急速，差ｄ透唔倒氣，ｏ係倒後鏡度見到ｈｅｎｒｙ既表情好不安，好擔心，好震驚咁，搞到我都唔知點好．．．短短三個字車程，但就好似半個鐘咁耐，到達醫院ｈｅｎｒｙ即刻問頭先白車送入黎果個男仔ｘｘ偉ｏ係邊度，然後我地就去手術房．．．ｏ係出面等。

後來偉爸爸都趕到黎，我諗係醫院打比佢叫佢黎掛，我見到佢爸爸黎到，好嚴肅，好認，仲有ｄ惡．．．但有ｄ擔心咁，佢走過黎見到我，認得我，於是問呀偉點，我話仲ｏ係手術房未出黎，佢即刻好ｄｏｗｎ咁！ｏ係附近行黎行去唔知諗緊ｄ咩．．．後來有個護士黎叫佢搞入院手續登記番ｄ資料咁．．．要入院，ｂｏｄｙｃｈｅｃｋ，照ｘ光咁．．．要搞好多野丫．．急症室又多人，ｄ護士醫生同偉爸爸行黎行去．．．但係唔知點解望住佢地，唔知佢地做咩．．．點解會咁．．．發生咩事．．．我咩都唔知，只係知見到呢ｄ畫面我個心停左ｏ係度囉。

一直搞到７點幾，幾個頭咁耐，呀偉終於由護士推出黎，偉身邊ｄ儀器我都唔知係咩黎，仲有個頭係包紮住仲有個野幫助佢呼吸咁架，基本上如果唔係偉爸爸走過去我都認唔出果個人係呀偉丫．．．偉爸爸接佢然後轉去ｘ樓一間獨立病房，我地想話入去睇佢都唔敢出聲，之後偉爸爸去見醫生講報告，有兩個警察黎落口供，我同ｖｖ咩都唔知，所以冇咩野問，反而ｈｅｎｒｙ就見好耐囉，落完口供，去ｃａｎｔｅｅｎ食野，但係我食唔落，我仲好擔心．．＊

ｈｅｎｒｙ：你地走左之後我地三個交換電話，呀ｓａｍ剪完走先，得番我同呀偉，佢剪剪ｏ下流鼻血，話去ｔｏｉｌｅｔ，但係去左成４個字，我見佢咁耐都仲未番咪去廁所搵佢囉，但又唔見喎，後來呀ｓａｍ打黎話ｏ係ｘｘｘ街後行見到呀偉比成班飛仔圍嘔，我即刻走出去睇ｏ下點啦，去到見到呀ｓａｍ同呀偉，呀ｓａｍ皮外輕傷冇乜野，但係呀偉就成地血囉，呀ｓａｍ　ｃａｌｌ左白車之後同呀偉一齊去醫院先，我就即刻去ｃａｌｌ你地喇！成件事就係咁囉！