】[口語] 當我們學會愛之後..好感人...
[口語] 當我們學會愛之後....
E個故事我系第2個壇到睇架..
好感動囉,,我自己都睇到喊,,
BEGIN:'
阿奈:「喂,死野!行快d啦!」
我:「得啦得啦!」
我叫阿ka,同阿奈係好朋友,佢就住我屋企隔離,由細到大都一齊玩。
我同佢最大既嗜好就係昅仔,我鍾意靚仔,而佢呢,就鍾意型仔。
所以我同佢都可以好肯定咁講一句,呢世人都唔會鍾意埋同一條仔,梗加唔會有爭仔既情況出現啦。
阿鋒:「過濾左,行快d啦!」
呢個叫阿鋒,出晒名係靚仔,d女多到不得了。
阿sam:「等陣駛死咩!都要我整好個頭先行得出去架!」
呢個係型仔,型得佢呀,雖然唔夠阿鋒靚仔,不過算啦,夠型都補返數架啦。
跟住仲有個阿龍,佢呢,就係靚仔加上型,我同阿奈成日都好懷疑佢係咪阿鋒同阿sam生出黎既。
阿龍:「鋒,算啦!等佢整埋先行啦!佢已經夠樣衰啦,仲唔整型d一陣出去溝唔到女架!」
阿sam:「你個死仔你話,你講咩呀!我駛溝女架咩?我行出去大把女行埋黎啦!」
阿鋒:「行啦!咁多野講,仲要過去搵埋個兩條男人婆呀!」
阿sam:「麻煩,叫佢自己死過黎啦!」把口係咁講姐,咪又係璆炙X去。
佢地三個係兄弟,雖然成日嘈嘈閉,不過有起咩事上黎大家都會為大家出頭。
其實我地五個都可以算係由細玩到大,我同阿奈住隔離,而佢地三個就住係我地既樓上。
點解我地五個會咁熟?!咪就係因為我地五個既好娘親都係八婆一名囉!
成日五個一齊行街吹水打麻將,由細到大都帶住我地係身邊,想我地五個唔熟都難啦!
不過由細到大,我同阿奈似乎都係比佢地三個蝦多,真係好鬼無奈。
講多句都比佢地串,我都仲好d,但係阿奈就慘啦,阿sam好鍾意串佢,偏偏阿奈個性格又唔鍾意比人串,搞到兩個一見面就火山爆發。
阿鋒:「男人婆!到啦咩?唔好再遲d?!」
死人頭,慢左少少姐,唔駛咁呀?
阿sam:「豬扒包!嘩!無見你一日你仲係咁樣衰喎!」唉,阿奈又啤實佢啦,睇怕又係時候開戰....
阿奈:「...你老x邊x個係豬扒包呀...你好x好咩...set到個頭成個箭豬咁!」
阿sam:「我老母就梗係唔係豬扒包啦!不過你係呀嘛!我個頭呢d叫型呀!係你唔識欣賞姐!」
阿奈:「哇...你呢d叫型呀?好在我唔係你老母姐...生左你d咁既死人樣出黎真係喊三聲吧啦!」
阿sam:「哎呀!頂你個臭肺呀!我老母不知幾x咁愛我呢個仔呀!」
阿龍:「夠啦夠啦!嘈夠未呀?晨早流流黎嘈交。」
阿鋒:「你第一日識佢兩個咩?!當佢兩個唔存在咪得囉!」
阿sam+阿奈:「邊個唔存在呀!?」嘩...齊得佢兩個呀....
我:「行啦...肚餓呀,食埋野返學啦。」
阿sam:「好過份呀佢地!」
阿奈:「咪係囉!真係當我地唔存在架喎!」
阿sam:「好!我地都當佢地唔存在。」
阿龍:「算吧啦,你兩個有邊一日當我地存在過架?」
阿sam+阿奈:「我地點樣當你地唔存在呀?」
阿龍:「唔係咩?!日日係度鬧交,有無理過我地感受呀?」
阿鋒:「唔好嘈啦,再講落去就天黑啦!啦啦臨食埋野返學啦!」
咁就搞左成朝,食埋野都遲晒大到啦。
不過唔緊要,我地五個都係「例遲」--例牌遲到呀!
反正個野雞學校都唔理咁多架啦,就算想理,都唔敢對住佢地三個出聲。
點解?無得解架啵,佢三個係學校大晒架啦,無咩人敢得罪佢地三個。
想睇留cm啦 a_a
|