YK Forum - Powered by Discuz! Board

標題: 廣東話唔正的女導遊~ 唔知有冇POST過 [打印本頁]

作者: tiffany 時間: 2007-8-24 01:01 PM 標題: 廣東話唔正的女導遊~ 唔知有冇POST過

有一次當小A加北京旅行團，

有個北京靚女當導遊，阿小A心諗今次無死啦，靚女導遊仲講中文，阿小A覺得好親切 .

靚女導遊開始自我介紹：「咁多位道友你地好，我叫狐狸精」（咁多位團友你地好，我叫胡麗貞...）

女團友一聽到就牛咁眼望住自己老公/男友...

第二日，導遊話：「好喇咁多位道友，今日我要帶你地去試下北京馳名既路邊狗屎，跟住帶你地上天堂」

（好喇咁多位團友，今日我要帶你地去試下北京馳名既爐邊餃子，跟住帶你地上天壇..）

團中有個阿婆一聽到直情激動到連鞋都飛出來.

阿婆好激動話：「我而家俾錢黎旅行呀!食咩狗屎?上咩天堂呀? 」

食店入面:北京導遊同頭先個阿婆笑笑口講:「阿婆，你痴完未呀? 」（你吃完未呀?）

阿婆心諗（...你又發咩顛呀?）好唔耐煩答:「未呀~」

導遊:「你快d死啦~你死完我地上天堂啦!你仲唔痴快D~」（你快d食啦~你食完我地上天壇啦!你仲唔吃快D~）

之後個阿婆無再理過個導遊

第三日，導遊話：「各位道友，今日我要帶你地去買d有特色既手信，望下你地右手邊d死八婆」

（各位團友，今日我要帶你地去買d有特色既手信，望下你地右手邊d水蜜桃）

部份飲緊水既團友聽到佢咁講野，即刻噴水滿頭問號...「...咩死八婆話??」

跟住佢地就一致決定投訴，話個導遊既服務態度好有問題.........................

作者: R0Ck_Y0U:] 時間: 2007-8-24 02:21 PM

POSt左好耐啦

作者: 喬喬 時間: 2007-8-24 04:31 PM

囧- -
道友果度最好笑喔- -

歡迎光臨 YK Forum (http://eyankit.com/forum/)