標題:
】[口語] 當我們學會愛之後..好感人...
[打印本頁]
作者:
siu糖
時間:
2008-3-17 10:16 AM
標題:
】[口語] 當我們學會愛之後..好感人...
[口語] 當我們學會愛之後....
E個故事我系第2個壇到睇架..
好感動囉,,我自己都睇到喊,,
BEGIN:'
阿奈：「喂，死野！行快ｄ啦！」
我：「得啦得啦！」
我叫阿ｋａ，同阿奈係好朋友，佢就住我屋企隔離，由細到大都一齊玩。
我同佢最大既嗜好就係昅仔，我鍾意靚仔，而佢呢，就鍾意型仔。
所以我同佢都可以好肯定咁講一句，呢世人都唔會鍾意埋同一條仔，梗加唔會有爭仔既情況出現啦。
阿鋒：「過濾左，行快ｄ啦！」
呢個叫阿鋒，出晒名係靚仔，ｄ女多到不得了。
阿ｓａｍ：「等陣駛死咩！都要我整好個頭先行得出去架！」
呢個係型仔，型得佢呀，雖然唔夠阿鋒靚仔，不過算啦，夠型都補返數架啦。
跟住仲有個阿龍，佢呢，就係靚仔加上型，我同阿奈成日都好懷疑佢係咪阿鋒同阿ｓａｍ生出黎既。
阿龍：「鋒，算啦！等佢整埋先行啦！佢已經夠樣衰啦，仲唔整型ｄ一陣出去溝唔到女架！」
阿ｓａｍ：「你個死仔你話，你講咩呀！我駛溝女架咩？我行出去大把女行埋黎啦！」
阿鋒：「行啦！咁多野講，仲要過去搵埋個兩條男人婆呀！」
阿ｓａｍ：「麻煩，叫佢自己死過黎啦！」把口係咁講姐，咪又係璆炙X去。
佢地三個係兄弟，雖然成日嘈嘈閉，不過有起咩事上黎大家都會為大家出頭。
其實我地五個都可以算係由細玩到大，我同阿奈住隔離，而佢地三個就住係我地既樓上。
點解我地五個會咁熟？！咪就係因為我地五個既好娘親都係八婆一名囉！
成日五個一齊行街吹水打麻將，由細到大都帶住我地係身邊，想我地五個唔熟都難啦！
不過由細到大，我同阿奈似乎都係比佢地三個蝦多，真係好鬼無奈。
講多句都比佢地串，我都仲好ｄ，但係阿奈就慘啦，阿ｓａｍ好鍾意串佢，偏偏阿奈個性格又唔鍾意比人串，搞到兩個一見面就火山爆發。
阿鋒：「男人婆！到啦咩？唔好再遲ｄ？！」
死人頭，慢左少少姐，唔駛咁呀？
阿ｓａｍ：「豬扒包！嘩！無見你一日你仲係咁樣衰喎！」唉，阿奈又啤實佢啦，睇怕又係時候開戰．．．．
阿奈：「．．．你老x邊x個係豬扒包呀．．．你好x好咩．．．ｓｅｔ到個頭成個箭豬咁！」
阿ｓａｍ：「我老母就梗係唔係豬扒包啦！不過你係呀嘛！我個頭呢ｄ叫型呀！係你唔識欣賞姐！」
阿奈：「哇．．．你呢ｄ叫型呀？好在我唔係你老母姐．．．生左你ｄ咁既死人樣出黎真係喊三聲吧啦！」
阿ｓａｍ：「哎呀！頂你個臭肺呀！我老母不知幾x咁愛我呢個仔呀！」
阿龍：「夠啦夠啦！嘈夠未呀？晨早流流黎嘈交。」
阿鋒：「你第一日識佢兩個咩？！當佢兩個唔存在咪得囉！」
阿ｓａｍ＋阿奈：「邊個唔存在呀！？」嘩．．．齊得佢兩個呀．．．．
我：「行啦．．．肚餓呀，食埋野返學啦。」
阿ｓａｍ：「好過份呀佢地！」
阿奈：「咪係囉！真係當我地唔存在架喎！」
阿ｓａｍ：「好！我地都當佢地唔存在。」
阿龍：「算吧啦，你兩個有邊一日當我地存在過架？」
阿ｓａｍ＋阿奈：「我地點樣當你地唔存在呀？」
阿龍：「唔係咩？！日日係度鬧交，有無理過我地感受呀？」
阿鋒：「唔好嘈啦，再講落去就天黑啦！啦啦臨食埋野返學啦！」
咁就搞左成朝，食埋野都遲晒大到啦。
不過唔緊要，我地五個都係「例遲」－－例牌遲到呀！
反正個野雞學校都唔理咁多架啦，就算想理，都唔敢對住佢地三個出聲。
點解？無得解架啵，佢三個係學校大晒架啦，無咩人敢得罪佢地三個。
想睇留cm啦 a_a
作者:
siu糖
時間:
2008-3-17 10:17 AM
唉，死開啦，煩到死，成日搞到我同阿奈連企都無位企，陰公。
女同學ａ：「阿鋒阿鋒，你食左野未呀？我買左早餐比你呀。」
阿鋒：「唔駛啦，我見到你個樣已經食唔落。」睇黎阿鋒個樣好似食唔落呢條女咁啵，如果唔係？睇怕佢已經跟左條女走。
女同學ｂ：「阿ｓａｍ呀，我都買左野比你食呀。」嘩，成個身挨晒落去，阿ｓａｍ今次食晒「波餅」啦。
阿ｓａｍ：「好呀，不如去廁所食呀。」佢個樣好淫啵．．．唉，咸濕病發作。
跟住佢兩個又真係行左去廁所方向啵，今朝阿ｓａｍ搵到食啦。
阿龍：「唉，個個都有野食，我ｄ女死晒去邊呀！」
阿鋒：「你行開啦，你ｄ女一早比我同阿ｓａｍ溝晒啦！」佢笑，笑得好鬼死奸。
阿奈：「龍仔！同我返上去玩姐，咪鬼理個卜Xｓａｍ。」哈哈，呢句野睇黎有ｄ似呷醋啵。
不過又無咩可能，識左阿奈咁耐，都未聽過佢話鍾意人。但係諗深一層，俗語話「不是冤家不聚頭」，就算鍾意都無咩咁出奇姐。
阿鋒：「好悶呀！！有咩好做呀？」又係到打我，煩呀！
我：「你悶關我咩事姐？去搵你ｄ女啦！」
阿鋒：「你特別ｄ所以咪搵你囉！」
我：「有咩咁特別呀？我靚ｄ呀？」死，又講多左野比佢有位入串我ｔｉｍ．．．．
阿鋒：「緊係特別ｄ啦．．．特別豬ｄ呀嘛！」
我：「你個卜X你話，借ｄ意黎話我豬呀？！我豬你咪去搵ｄ靚女囉！」哼，黑人憎，成日話我豬，家陣我好差咩？！
阿鋒：「乜野叫借ｄ意呀，我本來都諗住係咁答架啦，你咁講我咪順手講埋黎串下你囉．．．就係見得靚女多要搵ｄ豬扒黎平衡下心理丫嘛。」
我：「妖，你去死啦！咪煩住晒呀！」正卜X黎架，成日串我，好玩咩？！
阿鋒：「你係咪傻架，你叫我死就死呀？邊有煩住你姐，你咪一樣悶撚到唔知做乜好。好啦．．．我而家去搵ｄ靚女啦，有興趣就黎望下咩叫靚女啦。」
激撚死！順手拎起本簿，一野車埋去，最好佢死鬼左ｔｉｍ呀，咪係度成日串我！
阿鋒：「哇！唔夠人串發爛渣呀？！抵你一世做老處啦！」
妖那媽！我就黎比佢激到嘔血啦！黑人憎！死人頭死人頭死人頭！
我：「你又知我係老處？！你唔比我唔係架？！卜X，去溝你既女啦！」
阿鋒：「唔好玩啦！大家住得咁近都未聽過你屋企有呻吟聲。你唔係老處咩？日日都見你無所事事係屋企，就黎鋪晒蜘蛛網啦！唔同你講啦老處，拜拜！」
卜X！！！成日當我男仔！由細串到我大，又話我無仔溝！哼！我就唔想我成世都無男朋友，等我搵到個陣我就要威比你睇！
阿龍：「點呀，奈姐！悶死啦！」阿龍成個人趴左係張台度。
阿奈：「你悶關我撚事咩？！唔好同我講野呀！心情唔好呀！」睇阿奈個樣嬲爆爆咁，心情好似真係唔係幾好啵。
阿龍：「喂，大小姐，又係你叫我上黎同你玩既！而家又唔講野，你想點呀？！」佢個樣好無奈囉，笑死。
阿奈：「我叫你上黎玩之嘛，但係我唔一定要同你玩架！」
阿龍：「神又係你鬼又係你！費鬼事同你講野，慢慢嬲飽佢。」跟住阿龍又走左去搵佢ｄ女。
唉，一個二個都有野做緊，悶鬼死啦。
阿ｓａｍ：「我返黎啦！」阿ｓａｍ撘住條女膀頭返黎，條女仲睇黎好似好開心咁。
但係阿ｓａｍ一返黎，阿奈就啤鬼住佢，唔通阿奈真係對佢有ｄ野？
阿ｓａｍ：「喂，豬扒飽！係度做緊咩呀？」佢一野就坐左落阿奈隔離，仲拉左條女坐係佢大脾ｔｉｍ。
嘩！阿奈竟然一手推開條女！
阿奈：「?呢，就一個人坐既，唔係兩個人坐既！」
阿ｓａｍ：「有關係咩？咪又係坐！」
阿奈：「我唔鍾意呀！得未呀！」
阿ｓａｍ：「你唔鍾意關我撚事呀？豬扒飽。」
阿奈：「．．．．．．．無野啦咁．．．．」阿奈聽到佢咁講個樣即刻灰晒。
咁耐而黎，佢兩個見親面都係串黎串去，從來都未聽過阿奈同佢講無野既。
奈佢唔係真係鍾意左阿ｓａｍ呀？唔得，都係八ｄ走過去問下先。
我：「喂，死八婆，做咩呀？」
阿奈：「咩做咩呀．．．？」
我：「問你個樣做咩咁灰呀？」
阿奈：「邊有姐．．．」
我：「咪呃我啦！你有野唔通我睇唔出咩？．．．鍾意人呀？」我好似問得直接左ｄ呵？唔緊要，都係直ｄ好ｄ。
阿奈：「鍾意邊個呀？」
我：「仲扮野？ｓ．ａ．ｍ阿ｓａｍ呀！係咪姐？」我認，我額頭而家係作住個八字。
阿奈：「邊撚個得閒鍾意個個撚樣呀？！你叫佢卜X啦！！死撚日溝女，有咩咁好溝呀？！溝溝溝！鬼唔望佢精盡人亡呀！」嘩，駛唔駛咁毒呀．．．睇黎真係有ｄ野，唔係奈佢唔會咁火既。
我：「係呀係呀，把口咁講，個心又點諗呀？」都係要套下口風，如果唔係我唔會心息既。
阿奈：「咩呀．．．人地日日都有女啦．．．」有ｄ唔對路啵，奈佢竟然會眼紅紅咁既？
我：「唉，鍾意人咪出聲囉，如果唔係人地點知姐。」死啦，佢會唔會喊架？佢咁大個人我都未見過佢為條仔喊啵。
阿奈：「唉．．．算吧啦．．．」
其實我係咪多事左ｄ呢．．．．如果我唔提起既話，阿奈佢可能未必會咁唔開心．．．
不過算啦，反正呢ｄ野都係呃到人呃唔到自己。
佢自己鍾意邊個佢有分數啦。
阿ｓａｍ又真係衰ｄ既，日日ｄ女都係身邊四圍咁轉，仲要衰到唔理好醜但求就手，唉．．．
不過點都好過個死人鋒！自己溝女咪溝女囉，係都要話我無人要！哼！
作者:
siu糖
時間:
2008-3-17 10:19 AM
又係食飯時間啦。
返學等小息，小息等食飯，食飯等放學。
日日如是，悶到爆炸。
阿奈佢好似仲係心情唔多好咁喎。
我：「喂，食唔食飯呀？」
阿奈：「唔食呀．．．」
我：「下，你唔餓架？唔開心都唔好唔食飯呀，搞到自己個身體愈黎愈差呀。」
阿奈：「得啦，都話唔食囉．．．」
我：「咁算啦，我自己去食。」
阿ｓａｍ：「喂，豬扒飽，去食飯囉。」
阿奈起身走人喎，理都唔理阿ｓａｍ。
阿ｓａｍ一手拉住佢，問：「喂，做咩呀？」
奈佢一手ｆｉｎｇ開左阿ｓａｍ，之後大聲咁講：「咩事呀？」
阿ｓａｍ：「嘩！駛唔駛咁大聲呀？問下你做咩姐，唔鍾意既咪唔好答囉！」
阿奈：「同你ｄ女去食啦！反正我咩都唔關你事架啦，呵？！」死啦，阿奈發火。
阿ｓａｍ：「*那媽，唔食咪唔食囉！唔知係度發咩神經！」
妖，阿ｓａｍ你咁蠢架！明眼人都睇得出奈佢係度呷緊醋啦！
死啦死啦，阿奈佢開始喊呀！
點算好．．．．．．．
見到既人都呆左一呆，個個都未見過阿奈喊．．．．點會咁架．．．．
阿ｓａｍ：「喂．．．做咩呀？無啦啦喊．．．」阿ｓａｍ又拉左拉阿奈隻手，睇黎佢自己都知自己今次做錯左ｄ野，唔係阿奈點會喊呀．．．
阿奈佢係咁擰頭，又係咁望住個地下。
阿ｓａｍ：「唔好嚇我啦你，咩事姐？」估唔到條死仔都有ｄ溫柔，識得”乙水”下阿奈。
阿奈：「無．．．無野呀．．．」口窒窒．．．唉．．．．
阿ｓａｍ：「唔好玩啦．．．無野你就唔會喊啦．．．講啦，咩事姐？」
阿奈：「我整親隻手咋嘛．．．」
唔係掛，奈小姐，你個大話都好似大左ｄ啵．．．
阿ｓａｍ：「整親隻手你會喊架咩？！咪玩啦．．．」
阿奈：「痛呀嘛！痛唔比人喊咩？！」
阿ｓａｍ：「呃我呀你？！平時更傷更痛都唔見你喊啦！」
阿奈：「．．．．．．．．」
知奈者莫若阿ｓａｍ也！果然知道佢有ｄ野。
阿ｓａｍ：「唔好喊啦，我睇唔慣你喊個樣呀。去食飯啦，好唔好？」佢竟然拎起張紙巾幫奈抹眼淚．．．咁溫柔既．．．．
不過阿ｓａｍ一抹，阿奈佢喊得仲厲害．．．唉．．．唔知佢搞咩．．．
阿奈：「你．．．你梗係未見過我喊啦．．．你不嬲都當我係男仔．．．．嗚．．．」
阿奈：「我唔食啦．．．你搵你ｄ女啦．．．」
阿ｓａｍ：「你．．．．唔好話我知你係度呷緊醋呀．．．」
死過濾左！係人都睇得出啦！係你先咁過濾左！
阿奈：「．．．．．．．．．」
唔好再問得直接ｄ！叫阿奈點答你啵！
大家都靜左陣．．．．
突然阿奈大叫：「係呀！咁又點呀！都唔關你事架啦！」嘩！咁鬼勇既！我諗唔止阿ｓａｍ，在場既人都嚇左一跳。
又靜左落黎．．．個個都唔係好敢出聲．．．除左阿奈ｄ索鼻聲之外就咩都聽唔到．．．
阿ｓａｍ：「下．．．．．．．」
阿鋒：「你仲下乜鬼呀！？人地話鍾意你呀！」
死多口，邊有人話過奈佢鍾意ｓａｍ姐！
阿ｓａｍ：「下下下．．．．」
阿龍：「仲下？！」
阿奈：「．．．．無野啦．．．．」講完呢句之後佢就行左去．．．
身為佢好朋友既我當然要追出去睇佢有無事啦。
作者:
siu糖
時間:
2008-3-17 10:22 AM
我：「喂．．．點呀你．．」
阿奈：「無野．．．比我靜下．．．」
唉．．．．無奈．．．
佢咁既樣有排靜啦．．．．
算啦，都係由佢一個人靜下先啦。
唔知阿奈由幾時開始鍾意ｓａｍ架呢？都未聽過佢話鍾意人．．．
唉．．．又多條女死係阿ｓａｍ手上．．．無眼睇．．．．
阿鋒：「喂，行啦，食飯啦，就黎餓死。」
八個陣又唔見你咁講．．．
阿ｓａｍ：「唔食啦，你地自己去食啦。」
阿龍：「你又玩自閉呀？」
阿ｓａｍ：「得啦，你地去啦。」
阿鋒：「由佢啦，我地行啦，我就黎餓撚死啦。」
跟住我地三個就行去出去食飯。
∼∼茶餐廳∼∼
阿龍：「唔知ｓａｍ哥會唔會受溝呢？」
無錯，我地仲係度八緊呢個話題，的確係幾出奇既。
阿鋒：「係囉，我都想知。」
無聊，想知咪去問囉，坐係度做咩姐。
阿龍：「唔知今次之後我會唔會多左個阿嫂呢？」
阿鋒：「咁呢個就係問阿ｓａｍ啦。」
我：「你兩個好無聊呀．．．想知又唔去問。」
阿鋒：「問得出就問左啦！過濾左！」
又黎．．．．．
我：「邊個過濾左ｄ呀，又係度叫肚餓，黎左又唔叫野食！」
阿鋒：「邊個答我咪邊個過濾左ｄ囉！野都未睇點叫野食呀？用下你個西腦好唔好？」
我：「！＃＄＠＃％＃︿％＄＆＊」激死左！！！！
阿鋒：「唔好理佢姐！我地食飯！」佢佢佢．．．佢竟然同阿龍講唔好理我！！
我就黎嘔血啦．．．．搵人救救我唔該．．．．．
另一邊箱∼∼學校∼∼
阿ｓａｍ係天台度狂煲煙．．．唔知係度諗緊咩呢？
呢個時候有條女走埋黎。
女：「阿ｓａｍ呀，你係度做咩姐？唔開心呀？駛唔駛我陪下你呀？」
又一個黎送「波餅」。唉．．．都唔明而家ｄ妹妹仔諗咩既．．．
阿ｓａｍ：「行開啦，唔駛你陪呀。」語氣有ｄ重，睇黎心情都唔係好好。
女：「講啦．．．有咩事我同你分擔．．．」
阿ｓａｍ：「你邊位呀？！要你同我分擔？！多撚謝喎！」
女：「咦，你好衰架！唔好咁啦！」
阿ｓａｍ：「*！死姣西，行開啦！
人地都咁樣講到出面啦，條女仲係度挨身挨世，想話佢唔係係度發姣都幾難。
呢個時候，阿奈又想上天台．．．
佢行下行下．．．突然聽到天台有ｄ聲．．．
作者:
siu糖
時間:
2008-3-17 10:23 AM
點知上到去．．．
阿奈見到條女係咁攬住阿ｓａｍ，呆左一呆，跟住就扯火啦。
不過阿奈竟然無咩行動，只係即刻轉身跑返落樓下。
死仔包，你盲架咩？！咁樣都見奈唔到。
唉，又黎兩個為情所困既人。
我：「喂，不如你問下阿ｓａｍ鍾唔鍾意奈呀。」見到奈佢咁唔開心我都唔好受，都係叫阿鋒問下當事人先。
阿鋒：「問黎都晒氣啦。問左，佢答唔鍾意既，咁你講唔講佢知好呀？」
我：「咁又係．．．．唉．．．．但係我真係唔想睇到奈咁樣呀．．．」
阿鋒：「邊理得咁多呀。你理掂你自己先啦，死豬扒。」
我：「你好啦喎！無啦啦做咩又燒埋我個疊姐？！」
阿鋒：「鬼叫你八卦呀？你唔出聲咪唔會比我串囉。食快ｄ啦，食完返學呀。」
我：「你個．．．．卜X你話！！黑人憎！！！」
再係咁落去我睇我遲早比佢激死。
阿鋒：「我係卜X我認，我卜X你都同我講野，你咪仲卜X？低能。」
我：「．．．．．．．．．．」唔知可以再講ｄ咩好．．．．
∼∼學校∼∼
當我同阿鋒佢地三個想行返上課室個陣，竟然係樓梯見到阿奈坐左係度煲煙。
我：「喂．．．你又做咩呀．．．？」
阿奈佢唔出聲．．．
望下佢隻眼．．．嘩！！搞咩黎呀？比人打呀？紅到咁既？！
我：「無事呀？！隻眼咁既？！」
佢擰頭．．．無答到我．．．．
我：「唔好咁啦．．．」
阿鋒：「咁八做咩呀？！一眼就睇得出佢喊啦！返上去啦！」
你個死仔，你出少句聲無人會當你啞架！鬼唔知佢喊完黎咩！就係唔想佢喊先係度陪佢嘛！
我：「你真係無野？」都係問多兩句安全ｄ．．．
阿奈：「．．．無野．．．」
話無野其實就係假既．．．不過都好．．．比佢冷靜下啦．．．
我：「咁我返上去先啦．．．有咩打比我啦．．」
阿奈：「．．．嗯．．．」
死仔ｓａｍ，唔知又同奈講過ｄ咩，搞到佢隻眼仲紅過頭先！
上上下堂，阿ｓａｍ行返入黎。
阿鋒：「你個卜X去左邊呀？」
阿ｓａｍ：「去左天台之嘛．．．」
阿龍：「去搞野呀？」
阿ｓａｍ：「搞咩呀．．．？」
阿龍：「你無野呀？反應差左咁多既？咁都唔明我講緊咩？」
阿ｓａｍ：「咩呀？唔明你講咩呀．．．」
阿鋒拉左阿ｓａｍ埋一邊：「你又同佢講過ｄ咩呀？」
阿ｓａｍ：「邊個佢呀？講咩呀？」
阿鋒：「奈呀！頭先返黎見佢坐左係樓梯喊到隻眼腫晒呀！你仲唔係同佢講過ｄ咩？」
阿ｓａｍ：「我邊有同佢講過野姐？我成個ｌｕｎｃｈ都係天台。」
阿鋒：「你一條友係天台呀？」
阿ｓａｍ：「初時係既，之後有條姣西上左黎搵我囉。
阿鋒：「哦，無野啦。」
之後阿ｓａｍ係度心諗：
會唔會係個傻妹又走左上天台，見到我同條八婆係度攬身攬世，傻到又走返落去喊呢？
唉．．．都唔知話佢傻定話佢過濾左好．．．咁都喊得一餐．．．
唔係啦，都係落去搵下佢好ｄ．．．
∼∼樓梯∼∼
阿ｓａｍ坐左係奈隔離．．．
佢無開到口講野．．．大概係想奈先出聲掛．．．
奈又係無反應．．．唔係咁大個人坐在係隔離都唔知嘛．．．．
阿ｓａｍ望住奈．．．見到佢ｄ眼淚係咁滴落黎．．．．
阿奈：「做咩你係度既．．？」明顯係度死忍眼淚．．．可惜佢隻眼唔係好聽佢駛．．．
阿ｓａｍ：「你頭先上左天台？」
阿奈聽到呢句真係喊到收唔到聲．．．．
阿ｓａｍ：「見到我同條女係度？」
奈佢烏低左身．．．係咁係度喊．．．
阿ｓａｍ個反應係攬住佢．．．
阿ｓａｍ：「傻妹，唔好喊住先好唔好？」
阿奈：「我無野．．．你返上去啦．．．」無野．．．聽得出把聲仲係喊緊．．．
阿ｓａｍ：「我問你，你係咪鍾意我？」喂喂喂，你會唔會直左ｄ呀？
阿奈：「咪痴線啦！點會鍾意你姐？」佢起身想走．．．．
阿ｓａｍ：「真係唔係鍾意我？」呢招唔知係咪叫做死纏難打呢？
阿奈：「．．．．．．．．」唔出聲就係佢而家最好既回應．．．
阿ｓａｍ係後面攬住奈：「我頭先．．．諗得好清楚．．．我覺得我地都係．．．」講清楚ｄ好唔好？吞吞吐吐咁。
阿奈：「得啦，我無野呀，我明架啦。」佢ｆｉｎｇ開左阿ｓａｍ。
點知阿ｓａｍ又一野攬返住佢，笑住咁同佢講：「做咩姐？我都未講完，我話我覺得我地都係拍拖好ｄ呀！」
阿奈：「．．．．唔．．．唔好玩啦．．．」
阿ｓａｍ：「邊個同你玩姐？你知我咁耐以黎都未同人講過做我條女架．．．你係第一個．．．」
喂，做乜鬼呀奈你！又唔出聲！佢而家溝你啦，比少少反應好唔好？
阿ｓａｍ：「點姐．．．做唔做呀？」
阿奈：「．．．是但啦．．．」口不對心咪呢ｄ囉，睇下佢個樣，笑到見牙唔見眼咁。
阿ｓａｍ：「有得是但架咩？我係要親耳聽到你話做呀，然後仲要叫多聲我做老公。」口花花係佢強項，笑死。
阿奈好似唔係好頂得住啵，塊面開始有ｄ紅。
阿奈：「下．．．．．．．」
阿ｓａｍ：「下咩姐？做就講啦，乖啦。」
阿奈：「做．．．．做囉．．．．」
阿ｓａｍ：「咁叫聲老公黎聽下先啦！」呢條友仔又係笑得鬼咁開心。
阿奈：「．．．．．．．．老．．．．老．．．老公．．．」
阿ｓａｍ：「係老公！唔係老老老公！叫多次。」
阿奈：「．．．老公．．．」
阿ｓａｍ：「老婆，我愛你。」
死囉，好彩我唔係現場姐，唔係我一定會嘔死，咁鬼肉麻既。
阿奈：「返上去啦．．．夠鐘上堂啦．．．」哈．．．怕羞啵．．．
阿ｓａｍ：「頭先又唔見你咁講？唔得呀，我要錫多啖先。」
之後阿ｓａｍ就真係一啖咀左落去．．．
唔知奈佢暈低未呢？哈哈哈哈．．．．
佢兩個真係戲劇化，咁就係埋一齊。
睇得出佢兩個大家都好愛大家既，笑到咁既樣。
唉．．．連個好朋友都有拖拍啦，我仲係孤伶伶一個人。
唔知幾時先搵到個我愛佢佢又愛我既男仔呢？
唔通真係比個死人鋒講中，我呢世都要做老處？！
唔係掛．．．咁樣好慘架啵．．．
個個都拍晒拖，睇黎我有排要自己一個人悶死．．．
作者:
siu糖
時間:
2008-3-17 12:06 PM
阿ｓａｍ同阿奈拖住手仔上返黎．．．．
咦咦咦！！！？拖住手仔？！
望下阿奈個樣，嘩！紅蘋果上身！
阿鋒阿龍同我見到都呆左一呆，唔係咁快就係埋一齊丫？！
阿ｓａｍ：「喂，你個死仔仲唔過黎叫阿嫂？」
我相信大家個反應都係一致既，就係用隻手整下隻耳仔，睇下係咪聽錯野。
阿鋒：「我無聽錯嘛？你叫我叫邊個做阿嫂呀？」
阿ｓａｍ：「我而家攬住邊個咪邊個囉！快ｄ叫啦。」
阿鋒：「．．．．．阿嫂．．．」
阿ｓａｍ：「龍仔，你仲唔叫？」
阿龍：「下．．．哦．．．阿嫂．．．」
阿ｓａｍ：「嗯。老婆，我地過返去坐囉。」
阿奈由始之終都無出過一句聲，個頭梗加係無抬起過。
阿鋒：「睇黎個死仔今次黎真。」
阿龍：「我都係咁話．．．咁耐以黎都未聽過佢叫我地叫ｄ女做阿嫂。」
阿鋒：「係囉。我真係趺晒眼鏡，以為佢會唔理阿奈ｔｉｍ。」
我：「而家咁咪幾好。阿奈佢幾開心呀。」
阿鋒：「做咩呀你？唔抵得呀？」
又黎啦．．．．救命．．．．
我：「我有話過我唔抵得咩？！」
阿鋒：「一睇你個樣就知你唔抵得啦！男人婆，算吧啦你，睇黎你呢世都無人要架啦！」
我：「就算真係呢世都無人要我都唔會揀你呀！！！」
阿鋒：「唔好意思喎，就算你揀我我都唔要你。」
唉．．．．點解次次都唔夠佢黎架．．．
算啦．．．我都係出少句聲．．．免得比機會佢繼續串我．．．
其實咁耐而黎，我係佢地面前都打扮得好男仔頭。
無他既，放便活動嘛，加上我自己又唔係太鍾意女人打扮呢。
講野又係大大聲，連我自己都覺得自己一點溫柔都無。
雖然我係眼淺，但係只會為朋友喊。同阿奈一樣，從來都未為感情事喊過。
或者我未搵到個鍾意架啦。
阿ｓａｍ：「喂，今晚去邊呀？」
阿鋒：「多尻餘，仲有邊度去呀。」
阿ｓａｍ：「咁又係，咪又係落Ｄ。」
阿鋒：「知就好啦，仲問。」
阿ｓａｍ：「問下唔得呀家陣？」
阿鋒：「費事理你。」
咪睇佢地三個係學生，其實咪又係個古惑仔。
細細個就跟左人，行左咁多年，都算有返些少成就啦。
個大佬睇得起佢地，比左間Ｄ佢地做睇場咁囉。
行到出黎都有人知佢地個名架，無他，鬼叫個大佬鍚晒佢地呀？得力助手啵，又有邊個咁得罪。
作者:
siu糖
時間:
2008-3-17 12:07 PM
∼∼夜晚∼∼
又係開始五光十色既夜生活時間啦。
幾乎晚晚我同阿奈都跟住佢地落Ｄ。
無計啦，係屋企悶嘛
不過其實我落到去咪又係一樣悶。
以前佢地三個各自各溝女搵食，我都仲可以同阿奈玩下吹下水。
而家？！就連阿奈都掛住同阿ｓａｍ一齊。
唉．．．．你話悶唔悶．．．．
阿ｓａｍ：「老婆，我同你出去跳舞囉。」
阿奈：「嗯。」
佢兩個鬼死咁恩愛，老公前就老婆後，拖住手仔行左出去跳舞。
阿龍就係另一邊溝緊女，唔好意思，係比女溝緊。
淨係得返條蛋散同我坐左係度。
阿鋒：「喂，你唔出去跳？」
我：「唔想咪唔出囉。」
阿鋒：「好鬼悶呀。」
我：「咁你想點呀？」語氣係有ｄ唔耐煩架啦，鬼叫佢成日一悶就黎搵我咩。
阿鋒：「無咩想點，問下你有咩好做姐？」
我：「無呀！你去溝女啦。」
阿鋒：「我要溝女架咩？ｄ女自己走埋黎之嘛。」
我：「係啦係啦，巴閉啦。」
其實阿鋒又的確係好靚仔既，笑起上黎個陣仲吸引。
又靚仔又出名，好多女都恨做佢條女。
可惜阿鋒哥仔鍾意玩玩下多，咁耐以黎都唔知有幾多女為佢傷心。
∼∼第二日∼∼
阿龍：「喂，紅色炸彈。」阿龍將收到既紅色信封拎出黎。
阿鋒：「邊個架？」
阿龍：「阿言今日比既。」
阿ｓａｍ：「唔係掛，阿言個死仔結婚？！」
阿龍：「有咩咁出奇？」
阿鋒：「咪係囉，佢同阿嫂都拍左拖七年啦。」
阿ｓａｍ：「佢唔係話唔結婚架咩？！又話結婚都唔知為乜？！」
阿龍：「到佢有得唔結咩而家！？阿嫂有左呀！」
阿ｓａｍ：「哦！唔怪得之啦！仲以為個死仔咁好死無啦啦玩結婚ｔｉｍ！」
阿鋒：「其實都係時候啦，反正都拍左咁耐囉。」
阿ｓａｍ：「點同呢！拍拖還拍拖，拍拖個陣仲可以玩下嘛。」
阿奈聽到呢句既時候，即刻啤一啤阿ｓａｍ。
阿奈：「哦，拍拖仲可以玩架原來？既然係咁我去玩下先啦喎，你地慢慢傾啦。」
哈哈，估唔到拍左拖都係係度串嘴。
阿ｓａｍ：「你去玩咩呀？我講就梗係咁講啦！又唔見我玩？」
阿奈：「咁惡做咩呀！！！！！！！！！」
阿龍：「嘩．．．河東獅黎左，閃人。」阿龍即刻閃埋一邊睇戲。
龍仔阿龍仔，你太低估「河東獅」既威力啦。
佢呢句說話一出，閃都未閃到就已經俾阿奈追住黎狂打。
阿鋒：「ｏ靚仔，你慢慢受啦。」阿鋒拍一拍阿ｓａｍ個膀頭，笑左一笑，跟住都走埋。
阿ｓａｍ：「做咩姐．．．我邊有惡喎。」
阿奈：「無囉咁．．．．」哈，ｔｕｍ兩ｔｕｍ就搞點，睇黎阿奈呢次都係俾阿ｓａｍ食死左架啦。
阿ｓａｍ：「係喎，要去飲，咁我地係咪要去造禮服呀？」
阿龍：「唔駛咁隆重呀？」
阿ｓａｍ：「但係阿言佢好似話要請我地去做兄弟啵。」
阿鋒：「咁姐係要去造禮服啦，咁行啦，唔好咁多野講。」
阿ｓａｍ：「老婆，你都一齊去。」阿ｓａｍ攬住阿奈講。
阿奈：「唔去！我做咩要去呀？」仲係度發緊脾氣。
阿ｓａｍ：「咁你係我老婆嘛，梗係要去啦。」
阿奈：「咁你老婆咁又點．．．．」
阿ｓａｍ：「係我老婆就要去囉。」
阿奈：「哦．．．去囉．．．．」
阿ｓａｍ：「咁就乖啦，錫晒你。」又係一啖咀落去，阿奈你都幾好享受啵。
阿鋒：「男人婆，你都去啦。」
我：「去邊呀？！」
阿鋒：「叫你去飲呀，咁你係咪唔去呀？」
我：「我又邊個條女，做咩要去呀？」
阿鋒：「一定要係邊個條女先去得架咩？你去到都無人會當你係女仔架啦，男人婆！」
做咩係都要話我係男人婆？！嗚．．．．．．可憐．．．．
我：「咁三九唔識七，去黎做咩呀？」
阿鋒：「我識你，龍仔阿ｓａｍ佢地都識你就唔算三唔識七啦。得啦，幫你決定埋你去。」
我：「喂．．．．」
阿鋒：「唔好喂啦，無得到你喂呀。行啦，去造禮服啦。」佢一手就拉左我行。
野蠻！！！！！
人地都無話去，死都要拖人行！！！
黑人憎黑人憎！！！！
不過算數．．．．
反正我係屋企都係悶，去飲都好。
但係咁啵．．．要著晚裝去呀．．？
我唔得架啵．．．咁鬼女人．．．
唉，是但啦，死就死啦！
去到間野度睇下點先算啦。
話唔定可以叫個老闆幫我做得男仔ｄ架姐。
作者:
siu糖
時間:
2008-3-17 12:08 PM
阿鋒：「呢件好唔好睇？」佢拎住件黑色禮服係度問阿ｓａｍ。
阿ｓａｍ：「件件都差唔多架啦！」又話差唔多？又係度左睇右睇。
阿龍：「麻煩，我一早揀好啦。」
阿鋒：「你著出黎都無咩人會睇架啦。」
阿ｓａｍ：「咪係囉，靚仔你又唔夠阿鋒靚仔，型你又唔夠我型。」
阿龍：「挑！我又唔信我無女溝。」
阿鋒：「無人話你無呀，之不過少ｄ之嘛。」
阿ｓａｍ：「喂，揀好未呀？揀好去試啦。」
阿鋒：「行囉。」
同佢地玩左咁耐都未見過佢地著得咁隆重。
唔知佢地著起西裝上黎好唔好睇呢？
我：「奈，你揀左邊套未呀？」
阿奈：「未呀，等佢地出左黎先算啦。」
我：「咦．．套套都咁女人．．．」
阿奈：「咁係女人著既就梗係女人啦！」
我：「呢ｄ岩你著姐，邊度岩我架。」
睇黎睇去，都覺得無一套岩我。
鬼咩，套套都鬼死咁女人，唔係低胸就露背。
我又無前又無後，加上又肥呢，著起上黎咪成個山東婆咁？！
唔制唔制，一陣著得樣衰又比個卜X鋒串架啦。
其實去飲姐，唔一定要著到咁呀．．．
求其Ｔ恤牛仔褲咪數囉．．．．
佢地出黎啦啵．．．．
嘩！．．．嚇親我．．．．
估唔到阿鋒．．．著起西裝上黎．．．靚仔咁多．．．好型喎．．．
個一刻的確有ｄ心跳加速．．．
死啦．．．做咩我會望住佢望到眼都唔閃既．．．
我唔係鍾意佢呀．．．．？
傻既傻既．．．幻覺黎架姐．．．嚇我唔到既！！
唔可以比佢發現我望住佢既，啦啦臨去睇其他野先．．．
阿奈：「老公．．．」其實阿奈同我個反應一樣．．．就係呆左呆．．．
不過佢比我多左樣野．．就係面紅囉．．
阿ｓａｍ：「嗯？做咩呀？」
阿奈：「你好型呀．．．」
阿ｓａｍ：「哈哈哈，我知呀，傻妹。」佢兩個又攬埋一舊啦．．．唉．．．恩愛到爆。
阿ｓａｍ：「仲未揀好呀？」
阿奈：「未呀．．．」嘩．．．溫柔得佢呀．．．
阿ｓａｍ：「就呢件啦。」
佢隨手拎起左件吊帶連身短裙，又的確揀得幾好，阿奈最岩就係著呢隻。
阿ｓａｍ：「去換黎睇下。」
阿奈：「嗯。」
阿奈拎左件衫之後，就乖乖聽佢話去左換啦。
而我．．．
唉．．．．仲係未搵到件岩既．．．
阿鋒：「喂，揀咁耐架你？」
死人頭，你行過黎做咩呀．．．
我：「揀唔岩咪揀得耐囉．．」做乜呀．．．點解我同佢講野既態度會軟化左咁多架．．．
阿鋒：「是但啦，反正你著左都無咩人睇。」
我：「．．．．．．」
阿鋒：「呢件啦！」佢拎起左件低胸裙。
我一睇，即刻眼都突埋。
唔係掛．．．．咁鬼暴露．．．．
阿鋒：「仲企係度做咩姐？去換啦。」
佢一手推出我入更衣室。
野蠻到死，成人都唔聽人講野。
算啦，反正都入左黎囉，死就死啦。
作者:
siu糖
時間:
2008-3-17 12:09 PM
入到更衣室，我拎住件衫係度諗．．．．
死啦．．．咁鬼細件．．．岩唔岩著架．．．？
一齊著爆左件衫咪好瘀．．！？
出去個陣又要比佢地笑，仲要賠錢啵！！
點算呀．．．我唔想換呀．．．．
細細力打開度門，出邊無人啵．．．．
唔知阿奈換好未呢．．．？
我：「喂．．阿奈，你係唔係度呀？」我好細聲咁問隔離。
費事啦．．．一陣比個卜X知道我係度咁婆媽又係度串我師奶架啦。
阿奈：「做咩呀？你仲未換好呀？」
佢突然企左係我度門面前，嚇死。
我：「原來你換好架啦？」
阿奈：「做咩你仲唔換呀？」
我：「我唔知件衫岩唔岩著呀．．．」
阿奈：「點會唔岩姐？！」
我：「好樣衰喎．．．成世人都未著過ｄ咁既衫．．．」
阿奈：「你好煩呀。有咩咁樣衰姐，大把人都係咁著架啦。」
我：「不如你唔好出去住，等我換左出黎你睇下先啦。」
我真係唔想比個卜X串．．．．
阿奈：「好啦好啦，快ｄ啦。」
唉．．．換就換啦．．．
換好左之後．．．．
阿鋒：「喂，卜X，你得未架？咁撚耐。」
死啦！點解佢會係度架？！
咁樣行出去，會唔會比佢笑架？！
阿奈：「佢驚比你笑呀。」
死人奈，唔好踢爆我得唔得呀？
阿鋒：「痴孖根，有咩咁好笑姐。」
阿鋒：「喂，出黎啦。」
好啦好啦．．．反正都係啦，勇ｄ！出就出啦！
阿奈：「咪幾好睇。」
我望一望阿鋒個反應，佢，只係望左一望我，以後就調轉頭走左出去。
做咩呢．．．．？
阿奈：「喂，好睇就得啦，返去啦，支力 到死。」
阿ｓａｍ：「搞掂未呀？試好晒就得啦。」
阿鋒：「行囉。」
佢．．．做咩個反應會咁既．．．？
佢唔係應該會串我架咩．．．？
阿ｓａｍ：「喂，無野做我就同我老婆去行街架啦。」
阿鋒：「你咪去囉。」
阿ｓａｍ：「咁得啦，今晚見。」
阿鋒：「嗯。」
阿鋒：「龍仔，你有咩地方去呀？」
阿龍：「我？！咪去ｄ女度囉。」
阿鋒：「又掛住溝女。」
阿龍：「唔係有咩做？唔講啦，今晚見啦。」
阿鋒：「好啦。」
得返我同佢兩個．．．
而且．．．頭先我著左件衫出黎之後．．．
佢ｄ反應好似怪怪地．．．
我：「咁．．．我地而家點呀．．．？」
阿鋒：「有咩點呀．．．無地方去咪返屋企囉。」
我：「喔．．．」
阿鋒：「做咩呀．．？」
我：「下．．．咩做咩呀．．．？我無野呀．．．」
阿鋒：「無野就行啦．．．」
唉．．．個感覺好怪ｔｉｍ．．．
點解我唔係咁敢望佢既．．．．．．．
∼∼另一邊箱∼∼
阿ｓａｍ：「老婆，想去邊度行呀？」
阿奈：「是但啦。」
阿ｓａｍ：「咁呀，你係度等我一陣，我去買ｄ野返黎。」
阿奈：「去邊呀？」
阿ｓａｍ：「仲之你等陣啦，唔好行開呀。」
阿ｓａｍ講完之後就一支箭咁走左去。
得返阿奈一個係度無無聊聊。
等左成三個字，等到阿奈都開始唔耐煩。
開始發脾氣啦，係度係咁踩個地下，ｄ煙食完一支就一支。
佢終於都忍唔住，拎起個電話打比阿ｓａｍ。
阿奈：「喂，你去左邊呀？」
阿ｓａｍ：「你睇下後面。」
阿奈「另」轉身一睇。
呆左。
阿ｓａｍ拎住隻介指笑笑口望住阿奈。
阿ｓａｍ：「唔好意思呀，要你等咁耐．．．」好明顯仲係度氣喘緊。
阿奈：「你去左邊呀．．．？」
阿ｓａｍ：「去左買介指囉．．．」
阿奈：「傻佬．．．」
阿ｓａｍ：「ｏ拿．．．帶左隻介指之後，就代表你呢世都係我架啦。」
佢捉住阿奈隻手．．．就帶左隻介指落去．．．
阿奈：「都唔知你係咪對住個個女仔都係咁架。」
阿ｓａｍ：「梗係唔係啦．．．我只係對住你一個係咁姐．．．」
阿奈：「係啦．．．」
阿ｓａｍ：「我愛你．．」
作者:
siu糖
時間:
2008-3-17 12:10 PM
∼∼夜晚係某某茶餐廳∼∼
阿鋒：「龍仔，個卜Xｓａｍ呢？」
阿龍：「盲架？唔係度就姐係未到啦。」
阿鋒：「你傻架？呢度唔見人就代表佢未到架啦？尻知佢會唔會去左廁所或者去左買野架。」
阿龍：「係係係，你岩你岩。」識收聲都算你醒目，唔係你又唔知會比人打幾多野架啦。
阿鋒：「打個電話比個卜X仔先。」
（接駁鈴聲）「我愛你，愛著你，就像老鼠愛大米…」
阿ｓａｍ：「喂？」
阿鋒：「喂，你個卜X去撚左邊呀？」
阿ｓａｍ：「而家咪黎緊囉！」
阿鋒：「快啦！」
阿ｓａｍ黎到…
阿鋒：「捨得黎啦咩？等撚左我成幾個字。」
阿ｓａｍ：「頭先落撚左去買野比我條女食丫嘛，咪遲左囉。」
阿鋒：「你今次真係玩認真架？」
阿ｓａｍ：「好撚出奇咩？」
阿鋒：「我真係覺得好撚出奇囉…估唔到一個情場浪子竟然會玩認真。」
阿ｓａｍ：「痴線，玩咁耐咩都玩夠啦。」
阿鋒：「嘩，你會覺得玩夠架？我以為你唔會ｔｉｍ。」
阿ｓａｍ：「車！你個陣夠玩認真啦，係你一直放唔低佢，先繼續玩女之嘛。」
阿ｓａｍ講完呢句之後，大家都靜左落黎。
阿龍：「你個卜X，講錯野啦，食飯啦。」
阿ｓａｍ：「邊有講錯，呢ｄ野遲早都要講架啦。」
阿鋒：「龍仔，由佢講啦。反正，呢樣野我點都忘記唔到。」佢既眼神有少少空洞．．．係度回想緊以前．．．
阿ｓａｍ：「係喎，話時話你仲有無搵佢？」
阿鋒：「無．．．佢阿媽唔比我搵佢．．．」
阿ｓａｍ：「唉．．．算啦．．．佢阿媽又係既，都咁耐啦．．．」
阿鋒：「唔怪得佢阿媽既．．．係我搞到佢咁．．．」
阿ｓａｍ：「你又唔好傻啦！個陣你有事，佢去救你都係好正常姐。」
阿龍：「話時話，阿嫂佢又真係幾幫得鋒哥手既．．．」
阿ｓａｍ：「幫到又點呀．．．而家搞成咁．．．佢連阿鋒係邊個都唔記得呀．．．」
阿龍：「我地都好耐無搵過佢啦，唔知阿嫂而家變成點呢。」
阿鋒：「佢．．．？我都好想知．．．」
阿ｓａｍ：「算啦，佢終有一日會記返係你既。」
阿龍：「下，點解我地出街會撞佢唔到架呢？」
阿ｓａｍ：「問黎都多餘既，佢老母都唔會比佢行呢頭啦！」
阿龍：「咁又係．．．．」
阿ｓａｍ：「喂，呢頭講完呢頭散，阿奈佢地到啦，唔好再講。」
阿龍：「得啦，我識做。」
阿奈：「喂，你地係度講緊咩呀？」
阿ｓａｍ：「無呀，吹下水之嘛。」
阿奈：「做咩我地黎到之後靜晒既？係咪有ｄ咩唔比得我地知？！」
阿ｓａｍ：「邊有姐！咪亂諗啦。」
阿奈：「你唔准呃我架！」
阿ｓａｍ：「係啦係啦，傻妹。」
阿奈：「喂，ｋａ，做咩仲唔坐呀？」
我：「下．．．」
其實我唔係唔想坐．．．
而係唔知應該坐係邊．．．
淨係得返阿鋒隔離個位．．．我又唔係好想坐佢隔離喎．．．
平時我實諗都唔諗坐左落去架．．．不過今日．．．好似怪怪地．．．
阿鋒：「做咩呀？」
我：「下，無無無。」
都係乖乖地坐低好ｄ．．．唔係一陣又比佢鬧架啦．．．
阿鋒：「啦啦臨食埋野走啦。」
阿奈：「得啦！吹吹吹。」
阿ｓａｍ：「咪就係囉，比我老婆慢慢食得唔得。」
阿鋒：「得實得架，你地慢慢囉，我走先。」
之後佢真係起身走左去。
阿奈：「喂，佢去邊呀？」
阿ｓａｍ：「由佢啦，佢有心事。」
阿奈：「哦。」
有心事？
睇佢既背影，佢好似好唔開心咁，唔知有咩事呢．．？
又無理由咁八卦走去問佢架．．．
做咩呢，點解我會開始關心佢既．．．
佢唔開心．．．我ｄ心情都跟住佢一齊唔開心．．．
真係好想知佢咩事ｔｉｍ．．．
我：「喂，阿龍，阿鋒佢咩事姐？」
阿龍：「咪八啦你，由佢靜陣無事啦。」
一個二個都唔講．．．唔知搞乜鬼．．．
算啦．．．反正都唔係好關我事．．．
作者:
siu糖
時間:
2008-3-17 12:10 PM
∼∼幾日後∼∼
呢幾日都無咩事發生。
阿ｓａｍ同阿奈仍然係咁恩愛。經過一個禮拜而黎，佢地已經進化到同居既地步。
無計，太恩愛啦。我地幾個就黎頂佢地唔順。
阿龍仲係日日係度過佢既溝女生活，或者係比女溝既生活掛。都唔明佢，咁多年都係咁，唔悶架咩？
而我同阿鋒，仲係尷尷尬尬，呢幾日少左同佢嘈黎嘈去，大家都覺得好似有ｄ唔妥。
阿奈：「喂，你係咪鍾意左阿鋒姐？」其實五個都係八公八婆，八黎八去都係正常既。
我：「下，唔係呀。」
阿奈：「咪扮野下，你個陣都係咁問我架。」
我：「咁你個陣答我唔係係你口不對心姐，而家我唔係呀。」
阿奈：「係唔係就你自己先知啦。」
我：「唔係呀．．．」
阿奈：「咁你同佢呢幾日搞咩呀？」
我：「咩搞咩姐？」
阿奈：「問你做咩同佢好似尷尷尬尬咁呀。」
我：「邊有。」
我趴左係張台度。唉．．．鬼知咩，我都想知同佢做咩會搞成咁。
無無聊聊，望下阿鋒個邊。
又係係度同ｄ女玩緊。
唉，佢好似咩事都無咁。
阿奈：「問多你一次，你係咪鍾意佢姐？」
哎呀！好煩呀，咁八做乜姐！
我：「都話唔係囉！」
阿奈：「哦，咁算啦，你話唔係就唔係啦。」
阿ｓａｍ：「做咩呀佢？」
阿奈：「無呀，我問佢係咪鍾意阿鋒之嘛。」
阿ｓａｍ：「咁佢點答你？」
阿奈：「咪例牌否認囉。有邊個鍾意左之後真係會認架。」
阿ｓａｍ：「有呀，我囉。」
阿奈：「咪係得你一個咁唔知醜囉。」佢笑，不過笑起上黎係甜既。
阿ｓａｍ：「係呀，我係唔知醜呀，可惜有ｄ人就係鍾意我咁唔知醜呢。」笑起上黎有ｄ奸，哈，阿ｓａｍ都係溝女高手黎架啦。
阿奈：「邊個得閒鍾意你呀。」
阿ｓａｍ：「而家邊個係我老婆咪邊個囉。何況係人地溝我先既。」
阿奈：「鬼得閒溝你。」
阿ｓａｍ：「哦，唔好認囉。唔知係邊個係度喊晒口話鍾意我，話呷醋先架呢？」串嘴，哈哈。
阿奈：「你．．．！無野啦！」面紅啦面紅啦。
阿ｓａｍ：「係啦係啦，係我溝你先啦，怕咩羞姐，傻妹。」
真係好鬼恩愛。
估唔到阿奈會變得咁小鳥依人，梗加估唔到阿ｓａｍ又會咁就佢。
唉．．．如果我同阿鋒都可以咁就好啦．．．
睬睬睬睬，無啦啦我做咩無咁諗架？！
唔好諗啦，都係訓下先啦。
阿龍：「好鬼無聊呀。」
阿鋒：「日日都係咁架啦。」
阿龍：「就係日日都係咁先無聊。」
阿鋒：「咁唔係有咩好做姐？」
阿龍：「點知，知就唔駛問你啦。」
阿鋒：「你個卜X仔，係咪玩野呀？串呀？」
阿龍：「邊敢。」
其實我同阿奈都有ｄ疑問，做咩阿龍會咁聽阿鋒同阿ｓａｍ話架呢？
就算係佢大佬都唔駛咁架．．．．
阿奈：「喂，龍仔，問你個問題。」
阿龍：「問囉．．．」
阿奈：「做咩你成日都咁聽佢地話姐？」
阿龍：「你唔明架啦，我好尊敬佢地架。」
阿奈：「就算佢兩個係你阿大都唔駛咁架，佢地成日蝦你，你唔覺得討厭架咩？」
阿龍：「有咩所謂，反正都係玩之嘛。」
阿奈：「咁佢兩個有咩咁好尊敬姐？」阿奈望一望阿ｓａｍ個邊，眼神之中透露出「唔認同」三個字。
阿龍：「佢兩個，做起正經野上黎好鬼勁架。」
佢換左個姿勢，然後繼續講落去。
阿龍：「鋒哥呢，就夠晒冷靜，個腦又轉得快，最有諗頭就係佢。ｓａｍ哥呢，雖然係就係衝動左ｄ，不過做起事上黎永無退縮，最唔要命就係佢架啦。我呢ｄ，雖然話就話幫到手，不過咪又係係側邊搞笑。」
阿奈：「係咪架．．．？」仲係有ｄ唔信任。
阿龍：「你未跟過我地去做野你唔知架啦。」
阿奈：「我就唔係好信啦。」
阿鋒：「喂，係咪今晚去飲呀？」
阿ｓａｍ：「唔記得，問下龍仔啦。」
阿鋒隨手拎起本書，一野就飛過阿龍個度。
阿龍：「*你老母，咩事呀？」
阿鋒：「今晚係咪去飲呀？」
阿龍：「係呀，煩，阻撚住晒我溝女。」
阿鋒：「溝溝溝，因住生花柳死呀。」
阿龍：「妖。」
咁又過一日。
今晚要去飲，姐係要我著返個件女人到唔女人既衫啦。
唉，算啦。
反正都係啦，著多一次都唔怕啦。
作者:
siu糖
時間:
2008-3-17 12:11 PM
∼∼夜晚∼∼
阿奈：「喂，快ｄ換衫啦，仲要ｓｅｔ頭化妝呀。」
我：「下．．．」唔駛咁大陣仗呀？！又ｓｅｔ頭又化妝，咪成個女人咁囉。
阿奈：「下乜鬼姐。咁阿言結婚，點都要裝扮下架。」
我：「哦．．．．．」
死死地氣換好件衫。
我望住面前既化妝品，係度諗緊究竟係點樣將呢ｄ野撻落塊面度。
阿奈：「唔識化呀？」
我點頭，仍然都係好無奈咁望住面前個堆野。
阿奈：「麻鬼煩，雖然我都唔係好識，不過幫下你啦。」
超，你咪一樣係唔識化。
搞左成個鐘，終於都搞掂晒啦。
阿ｓａｍ：「行得未呀？」
阿奈：「得啦。」
阿龍：「快ｄ啦，遲到啦。」
阿鋒：「喂，得未呀？男人婆，你搞乜搞咁耐呀？」
我：「而家咪出緊黎囉。」
吹吹吹，都要等人去埋個廁所先得架。
我行左出黎。
阿鋒見到我之後，個反應係呆左一呆。
老實講，我見到佢著得咁鬼靚仔，我個心都跳一跳。
去到酒樓．．．．．
唉，好鬼悶．．．．．
ｄ人我又唔係咁熟．．．．
阿奈又掛住同阿ｓａｍ係度恩愛．．．．
阿龍就更加唔駛講，又係係度溝緊女．．．
佢真係唔悶架喎，日溝夜溝都得既？
而阿鋒，同緊阿言佢地飲酒．．．．
我知佢一向酒量都好好既．．．
但係唔知點解，見到佢係咁飲係咁飲，我竟然有ｄ擔心佢頂唔頂得順。
玩到差唔多尾聲．．．
阿言：「喂，ｋａ！成晚都唔見你飲酒！你一定要飲呀！」佢已經醉到七七八八，連行步路都企唔穩。
我唔係好識飲，不過飲一兩杯都仲頂得順既。
話晒今晚係佢結婚，點都要比下面既。
我拎起杯酒，一啖飲晒。
嘩，好辣。
我都係唔岩飲酒，飲完好似有ｄ想死既感覺。
阿言：「好！黎黎黎，飲多杯！」
好啦好啦，見係你結婚咋，唔係睬你都傻。
飲多杯，唔得啦，已經有ｄ頂唔順。
咁鬼辣既？咩酒黎架？
阿言：「再黎再黎！」
我：「下！唔啦唔啦！再飲我醉架啦！」
真係唔可以再飲落去，唯有推得就推。
阿言：「ｏ拿！係咪咁唔比面呀？！」
唔係唔比面你呀大佬，而係我真係唔識飲嘛．．．
我：「唔係。不過我真係唔飲得。」
阿言：「點都要飲多杯！！」佢開始夾硬隊杯酒埋黎。
飲又唔係，唔飲又唔係，點好？
阿鋒：「我幫佢飲啦！阿言，咪蝦佢啦。」
佢一手搶左杯酒，之後拉住阿言行左去另一邊。
我望住佢既背影，突然心入面有種好奇怪既感覺。
阿言：「你幫佢頂？好！咁飲多幾杯！」
我無數清楚佢地個晚飲左幾多杯。
我淨係知佢地都貓晒。
阿ｓａｍ同阿龍都仲好ｄ，起碼都仲行到路。
而阿鋒就因為同我頂左好多杯，已經行都行唔到。
我：「喂，你點呀？」我扶住佢，不過佢係一個男人，已經夠重，仲要貓左，我就黎支撐唔到啦。
阿鋒：「．．．．．．．嘔．．．．．」喂，你無事呀？！嘔到咁！！
幾經辛苦，我同阿奈兩個先扶到佢地三條友返屋企。
個卜X仔仲要嘔到成身都係，唉．．．．
阿奈：「ｋａ，你搞得點呀？」
我：「得啦，你去照顧你個老公啦。」
阿奈：「我等佢訓左先去睇龍仔，你睇住阿鋒啦。」
我：「嗯。」
入到屋．．．
唉．．．又會醉到咁既．．．
平時又話自己有幾好幾好酒量．．．．
都係同佢除左ｄ鞋同埋衫先．．．
返到入黎又嘔左幾野．．．
有排執．．．．
執好晒之後．．．我坐在係床邊望住佢．．．
突然發覺．．．自己．．．好似真係鍾意左佢．．．
作者:
siu糖
時間:
2008-3-17 12:12 PM
我望住阿鋒係度訓．．．
自己都忍唔住係度中下中下．．．
終於係趴左係床邊訓著左．．．．．
半夜．．．．
咦，咁舒服既？我好似攬住左ｄ野訓喎。
阿鋒：「唔好郁黎郁去啦。」
邊個講野？
望下，咦，邊個個心口黎架？！
再抬高少少個頭望下，阿鋒？！！！
嘩！！做咩我會訓左係佢隔離架？！
阿鋒：「喂，都叫你唔好郁黎郁去囉。」
佢佢佢佢佢！！！！佢仲要攬住我黎訓！！！！！
點解會咁架？！！！我個心跳得好快呀！！！！！
我：「做咩我會訓左上黎架？」
阿鋒：「我見你趴左係度訓，驚你凍親咪諗住拍親你，點知你訓到成隻死豬咁，我咪抱左你上黎訓囉。」佢仲係合埋對眼，愈攬我愈實。
我：「我．．．我返去自己屋企度訓呀．．．」
你放手啦，再咁落去我個心會跳出黎架．．．．
阿鋒：「係度訓唔好咩？」
佢望一望我．．．
噢．．．我死啦，死得啦，佢個眼神好正．．．．
我ｆｅｅｌ到自己成身震一震．．．．
阿鋒：「做咩呀？」
我：「唔啦．．．．你放手啦．．．」
阿鋒：「怕羞呀？」
我：「邊．．．邊度有呀．．」
阿鋒：「無？無你塊面又咁紅？」
乜我塊面有紅到咩？！唔係掛？！
我：「熱．．．熱掛．．．」
我係咁係度縮，你唔好咁啦，我個心跳得好快呀，就黎心臟病發架啦。
阿鋒：「你鍾意我呀？」
？！！！！！！！做咩無啦啦彈句咁既野？！！！！！！
你問得咁老實我點答好．．．．．．
我：「咩呀．．．都唔知你講咩．．．」
阿鋒：「真唔知定假唔知呀？問你係咪鍾意我呀。」
我：「下，唔．．．．唔係掛．．．．」
阿鋒：「唔係？唔係咁我咀你都無反應架啦？」
咩呀咩呀咩呀？！九唔撘八既！！！
當我仲未可以比到反應佢既時候，佢竟然真係一啖咀左落黎！！！
嘩嘩嘩！！！！！
我死啦．．．．軟啦．．．．無力中．．．．（編者話：咁樣咀落黎係我我都會無力＋死亡＝ ＝”）
阿鋒：「鍾意我咪講囉。」
我都仲未透到氣，辛苦辛苦．．．原來鍾意一個人之後比佢錫會係咁架？（編者話：白痴，係你一個先會對住佢係咁咋＝ｖ＝仲有個阿奈對住阿ｓａｍ都會係咁既）
阿鋒：「點姐，係咪鍾意我？」
我：「嗯．．．．」
點解我會溫柔左咁多？就好似阿奈對住阿ｓａｍ咁。
阿鋒：「咁一齊囉。」
下，咁就一齊？！
我：「下．．．．你鍾意我咩．．．？」
阿鋒：「係呀，唔得咩？」
我：「你．．．你唔係一直都話我男人頭架咩．．．？」死啦，而家仲要唔敢望佢，點算？！（編者話：白痴妹，係你同阿奈先會鍾意佢地而又唔敢望架咋＝ ＝ｖ）
阿鋒：「但係我而家唔覺呀。」
我：「咁．．咁姐係點呀．．？」
阿鋒：「姐係一齊。唔好講咁多，訓覺。」
下？！咁就訓覺呀？
我訓唔著喎！！！
我個心仲係跳得好快喎！！！！
係度等天光囉唯有．．．．
不過個心好甜，好開心，哈哈，原來拍拖係咁既。
作者:
siu糖
時間:
2008-3-17 12:14 PM
∼∼第二日∼∼
訓醒已經係中午既事．．．．
我地五個又約晒落去食早餐．．．
其實基本上我地日日都係咁．．．．
而家有ｄ唔同既就係．．．
我同左阿鋒一齊．．．阿奈同左阿ｓａｍ一齊．．．
我同阿奈都終於感受到．．．
咩叫幸福，咩叫甜蜜。
呢一刻，我地四個都活係快樂入面。
但係以後呢？
我地唔知，亦無人會知。
∼∼某日∼∼
又係阿鋒佢地三兄弟坐在係度吹水。
阿龍：「ｓａｍ哥，同阿嫂搞左未呀？」
阿ｓａｍ：「未喎．．．」
阿鋒：「下．．．．．．．．？」
阿ｓａｍ：「下乜姐？唔比人未搞架？」
阿鋒：「比．．．點會唔比姐．．．不過唔似你姐．．．」
阿ｓａｍ：「有幾唔似呀？！」
阿龍：「你唔係出名三日食唔到就飛架咩？！」
阿鋒：「三日都比多佢啦！兩日食唔到就已經飛左啦！」
阿ｓａｍ：「痴線！我邊係ｄ咁既人！」
阿龍：「睇黎你真係好認真喎！」
阿ｓａｍ：「其實阿奈係個好女仔．．．我．．．好想好好咁錫佢．．．」
阿鋒：「小！好撚肉麻呀，你呢ｄ野留返同你老婆講啦。」
阿ｓａｍ無出到聲，不過就拎住杯酒係度笑。
阿ｓａｍ：「你又點呀？」
阿鋒：「有咩點呀？」
阿ｓａｍ：「同左阿ｋａ一齊呀？」
阿鋒：「係呀。」
阿ｓａｍ：「點呀，終於放得低阿嫂啦？」
阿鋒：「未．．．」
阿龍：「咁姐係點呀？」
阿鋒：「你理得我姐．．．」
阿ｓａｍ：「佢自己有份數架啦，佢話得就得架啦。食野啦。」
∼∼幸福既日子維持左三個月∼∼
有日．．．
我地五個照常係條街度行行行．．．
都係無無聊聊咁啦．．．
行下行下．．．
阿奈：「喂，ｋａ，你睇下個女仔。」阿奈無啦啦拉住我。
我：「邊個呀？」咁樣比佢拉一拉，我既視線都唔知飛左去邊。
阿奈：「個個呀，白色衫個個，好似好索咁喎。」
我：「又係喎。係後面睇都已經睇正啦，唔知前面係點架呢？」
個女仔著住白色既連身裙，一頭直長髮去到及腰，直一直之餘仲要染左些少啡黃色。
係後面望埋去，個女仔既高度大約係１６２度，唔太高又唔算矮，比我同阿奈矮少少啦。
身材方面的確係正，不過佢比到種感覺我，就係佢係好純既女仔。
阿奈：「佢個頭好直呀。」
我：「你估唔係整左負離雞咩．．．」
阿奈：「我整左都無佢咁直喎！！！」
我：「你樣衰囉！！」我又同阿奈係度嘻嘻哈哈。
阿奈：「喂，不如行去前面睇下佢個樣囉。」八卦都係女人既天性黎既，何況見到一個靚過自己既
女仔。
我：「希望唔好後面就誇啦啦，前面就炸豬扒啦。哈哈哈。」
我地兩個撓住手行左去前面。
企左係度，然後突登望返轉頭。
嘩！條女個樣．．．．．．．
好靚呀！
前面既頭髮剪陰，眼大大，嘴細細，個鼻又高高地，仲好白ｔｉｍ！
阿奈：「好靚女呀。」
我：「係喎，佢個樣好似日本妹呀，仲要係勁純個隻。佢係咪日本人黎架？」
有ｄ懷疑，係香港真係會有ｄ靚到咁既女仔咩？！
阿奈：「喂，一定唔係啦。佢講中文既。」
我：「講中文就唔係架啦？你唔比佢學左好耐呀？」
阿奈：「咁邊有講得咁正架？」
我：「是但，反正佢係邊度人都唔關我事。」
阿奈：「八完，行得。」
哈哈，我同佢就係咁無聊架啦。
係我地無聊緊之際，阿鋒佢地三個行左去另一邊。
原來，佢地都見到個個咁靚既女仔。
阿龍：「喂喂喂，鋒哥。」阿龍係第一個望到既，佢呆左咁望住個女仔，之後隻手就係咁拍阿鋒。
阿鋒：「乜撚野呀？！見唔到我係度睇緊野架咩？」阿鋒佢無望轉頭，仲係不停咁係到同阿ｓａｍ
睇緊野。
阿龍：「唔係呢，阿嫂呀！！！」佢隻手係到亂咁拍，拍中左阿ｓａｍ。
阿ｓａｍ：「乜撚野阿嫂呀？！我夠知你阿嫂係個邊啦！」
阿龍：「唔係呀，係鋒嫂呀！！」
聽到呢句，阿鋒同阿ｓａｍ都呆左一呆。
阿鋒：「你話邊個阿嫂話？！」阿鋒即刻望實阿龍。
阿龍：「柔姐呀！！係個度呀！！」佢指住個個著白色連身裙，樣貌勁似日本妹既純情女仔。
大家都望晒過去。
阿ｓａｍ：「喂！真係阿柔喎！」
阿鋒：「阿柔！！！！」
佢大叫，仲沖左過去！！
個個叫阿柔既女仔即刻望住佢。
阿柔：「你．．．你係邊個呀？」佢．．．真係好怕羞．．．竟然會面紅．．．
阿鋒：「你唔記得我呀？我係阿鋒呀！」阿鋒捉住阿柔兩隻手，有ｄ激動。
阿柔：「阿鋒．．？我．．．好似唔識你喎．．」
阿鋒：「你．．．你真係唔記得我．．．？」
阿柔：「對．．．對唔住呀，我約左人，要走啦。」佢輕輕鬆開左阿鋒隻手，之後就走左。
阿鋒係後面望住佢慢慢走。
突然，又衝左上前拉住佢。
阿鋒：「柔．．．你．．．可唔可以比個電話我．．．？」
阿柔：「下．．．我．．．我唔識你喎．．．」
阿鋒：「咁由呢一刻，我地咪認識囉，比個電話我呀。」
阿柔：「咁．．．咁．．．」
阿鋒：「唔好咁黎咁去啦．．．你唔係約左人咩．．．比完個電話我，你咪走得囉．．．」
阿柔：「咁．．．好啦．．．」
唔知佢真係抵受唔住阿鋒的樣貌加聲音，定或係佢根本就係度發緊姣啦，佢真係好快就比左個電話
阿鋒。
阿柔：「咁．．．我走啦．．．拜拜．．」
阿ｓａｍ：「喂，點呀？柔姐認唔認得你呀？」
阿鋒佢擰頭．．．不過佢拎左個電話已經係咁係度傻笑．．．
阿龍：「嘩！！終於都見返鋒嫂啦！！」
阿ｓａｍ：「你咪咁大聲啦！卜X！驚死另一個聽唔到呀？！」
阿龍：「咩姐．．．又會咁岩係度撞到既。」
阿鋒：「或者．．．呢ｄ叫緣份．．．」
緣份．．．．？係咪真係咁重要．．．？
阿ｓａｍ：「喂，今日件事保守秘密呀！」
阿龍：「得啦，你當我豬咁蠢咩？！」
阿ｓａｍ：「你一向都係隻豬。喂，唔好再講啦，行緊過黎呀。」
阿龍：「係啦。」
阿ｓａｍ：「ｏ靚仔，比ｄ精神，唔好比佢懷疑呀。」
阿鋒：「嗯．．．」
作者:
siu糖
時間:
2008-3-17 12:15 PM
阿奈：「喂，係度鬼鬼祟祟，做咩呀？」
阿ｓａｍ：「無，無呀。」
阿奈：「真係無？！定係係度昅女呀？！」佢啤住阿ｓａｍ。
阿ｓａｍ：「邊有呀，唉，行啦。」
講多無謂，行動最實際。
啦啦臨拉左阿奈行，咁樣咪唔駛比佢懷疑囉。
我：「你做咩係度傻笑呀？」
阿鋒：「下，無野呀，行啦。」
我：「哦。」
唔知點解，我覺得個ｆｅｅｌ好似怪怪地。
佢地平時三個都唔會咁既。
∼∼夜晚，阿ｓａｍ屋企∼∼
阿奈：「老公，好悶呀。」
阿ｓａｍ：「咁你想點？」
阿奈：「有咩想點，就黎悶死啦。」
阿ｓａｍ：「傻妹，等再夜少少咪同你落Ｄ囉。」
阿奈：「你比我落咩？」
阿ｓａｍ：「點解唔比呀？我唔比你ｔａｋｅ野之嘛。」
阿奈：「咁你自己又ｔａｋｅ？」
阿ｓａｍ：「因為我控制到，你唔得囉。」
阿奈：「野蠻。」佢笑。其實佢見到阿ｓａｍ咁緊張佢，佢都開心既。
阿ｓａｍ：「我係咁野蠻架啦。」
阿奈：「係啦係啦。」
∼∼某某ｄｉｓｃｏ∼∼
ｏ靚仔ａ：「鋒哥ｓａｍ哥龍哥！」
阿鋒：「點呀，今晚咩環境呀？」
ｏ靚仔ａ：「都係咁，無咩大事。」
阿鋒：「嗯，得啦。」
ｏ靚仔ｂ：「阿嫂！」
阿奈：「唔好嫂嫂聲，叫到我好老呀。」
ｏ靚仔ｂ：「咁你係阿嫂嘛，唔叫你阿嫂我會比ｓａｍ哥打架。」
阿奈：「咩姐，你比佢打同我講，你岩既話我實幫你。」
哈哈，阿奈而家有返咁上下地位，無他既，連阿ｓａｍ都要聽佢講，邊個夠膽出聲。
反而咁耐以黎，都無人叫過我做阿嫂。
又係咁，阿鋒都無講過我同左佢一齊，做咩要人叫我阿嫂呢。
我又無所謂，點樣都係一聲姐。
不過有ｄ怪既係，我久唔久就會聽到佢地密密傾，話鋒嫂呢樣鋒嫂個樣。
但係明明講緊個個唔係我黎架喎。
ｏ靚仔ａ：「喂，聽聞鋒哥今日係街撞到鋒嫂喎。」
呢呢呢，又黎啦！唔好以為嘈我就聽唔到先得架。
ｏ靚仔ｂ：「你講柔姐？」
ｏ靚仔ａ：「梗係柔姐啦！唔係仲有邊個鋒嫂。」
ｏ靚仔ｂ：「咁又係，鋒哥都只係認過柔姐一個做老婆。」
ｏ靚仔ａ：「咪係囉。」
阿ｓａｍ：「喂，夠啦，咪係度亂講野。」
原來阿ｓａｍ都聽到。
阿奈：「個個咩柔姐係咩人黎架？」
哈哈，估唔到阿奈都聽到喎。
阿ｓａｍ：「咪聽佢地亂講啦，無事喎。」
阿奈望一望我。
我唔出聲，繼續坐係度扮聽唔到。
阿奈：「你好快ｄ講啦，我明明聽到佢地話咩鋒嫂柔姐咁架！」
阿ｓａｍ：「都話無囉，你聽錯啦。」
阿奈：「真係無野？！」
阿ｓａｍ：「無事呀。」
阿奈：「你話架，你咪比我知道阿鋒對唔住阿ｋａ呀，我殺左佢。」
阿ｓａｍ：「係啦係啦，咁緊張。」
阿奈：「梗係緊張啦，我姐妹黎架喎。」
阿ｓａｍ：「傻妹。」
大家今日都好似怪怪地。
阿鋒更加係有點神不守舍。
我：「你今日做咩呀？」我拍一拍阿鋒。
佢係度望住個電話，無反應。
個電話有咩咁好睇呀？
我：「喂！」我再拍一拍佢。
阿鋒：「下？！」佢好明顯係比我嚇左一嚇，見到係我仲即刻收埋個電話。
我：「你做咩呀？」
阿鋒：「下，無野呀。」
我：「個電話有咩咁好睇呀？」
阿鋒：「都話無野囉。去跳舞啦。」
我：「哦。」
問極佢係唔想講既點都唔會講架啦，唯有乖乖地去跳舞。
問咁多比佢覺得我煩仲衰。
阿龍：「好悶呀。」
阿奈：「你有邊一日唔悶架？」
阿龍：「咁真係好悶嘛。」
阿奈：「悶咪去溝你ｄ女囉，煩。」
阿龍：「小啦媽！而家係咪要串嘴呀？！」
阿奈：「咩呀？！串你唔起呀？！」
大家唔好以為佢兩個係度鬧交呀，事實上佢地日日都係咁架。
阿龍：「算，我大人有大量，唔同你ｄ小人嘈。」
阿奈：「挑，唔好話你唔夠我黎。」
阿龍：「我會唔夠你黎？！你慳ｄ啦！我比面你係阿嫂先唔同你嘈咋！」
阿奈：「駛你比面我？你食屎呀。」
阿龍：「屎就唔到我黎食，係都係你食先啦。」
阿奈：「你個卜X而家係咪玩野呀？」
阿龍：「玩你唔起呀，小氣鬼。」
阿奈：「老公呀！！！！激死我啦！！！」
阿龍：「喂喂喂，得得得，我唔出聲，怕左你。」
阿奈：「算你識做。」
阿龍：「梗係識做啦，容乜易一陣比ｓａｍ哥打一身架。」
哈哈哈，阿奈對付阿龍既絕招就係叫阿ｓａｍ黎。
一叫阿ｓａｍ，阿龍就會自動收聲。
費事比人鬧嘛，最好都係收聲，哈哈。
阿龍呢ｄ咪叫見高拜見低踩囉。
作者:
siu糖
時間:
2008-3-17 12:15 PM
佢地三個呢排好怪，久唔久就會唔見左人。
尤其係阿鋒。
有時佢係度唔知同邊個傾電話，成日傾到細聲講大聲笑咁。
一係呢，就唔見左人，搵極都搵唔到佢。
但係同阿ｓａｍ佢地講，佢地又話知佢去左邊，叫我唔駛擔心。
我知再問落去都無咩意思，因為佢地係唔講既就點都唔會講。
我：「唉．．．．．．」
阿奈：「做乜呀？」
我：「又唔見人啦．．．．．今個禮拜第四次啦．．．．」
阿奈：「哎呀，你擔心咁多做咩姐。阿ｓａｍ都話左佢無事囉，可能做野唔比得我地知姐。」
我：「咁都係呀，都會擔心架。」
阿奈：「無事架喎，佢又唔係第一日係咁。」
我：「佢呢排都唔知做乜，古古怪怪咁。」
阿奈：「有咩咁古怪？」
我：「佢呀，成日係屋企唔知同邊個傾電話傾到細聲講大聲笑。我問佢佢又唔答我喎。」
阿奈：「你唔係話佢出面有第二個呀？」
我：「咁又唔係．．．．」
阿奈：「咁你信唔信佢丫？」
我：「信就梗係信架．．．．」
阿奈：「咁仲諗咁多黎做乜姐？」
我：「咁我唔信出邊ｄ女嘛．．．．」
阿奈：「哎，咪鬼亂諗啦，我同你出左行街啦。」
我：「是但，反正無野做。」
就係咁，我同阿奈就出左去行街啦。
我：「喂，去呢間睇下ｄ衫囉。」
阿奈：「是但。」
又係時候換季，梗係揀返ｄ靚衫啦。
我：「喂，呢件岩你呀。」我見到件低胸大露背既衫，即刻叫阿奈黎睇。
哈哈，無錯，我地係係度玩緊，因為一定唔會買，梗加唔會著。
阿奈：「岩你呀，你著呀。」我同佢係度撞黎撞去，係咁係度笑。
自從個次著完個套晚裝之後，我都開始女人左。
買ｄ衫都係似返個女仔著既。
我：「喂，呢件好唔好睇呀？」
阿奈：「幾好呀。」
我拎左件衫埋鏡度照。
阿奈就係我後面無無聊聊咁望黎望去。
照完件衫，我都係覺得麻麻地。
想擰轉身放返好件衫。
點知阿奈就捉住我。
阿奈：「喂，做咩呀，幾好睇呀，睇多陣啦。」
我：「咩呀？你講緊咩呀？」聽到我一頭霧水，搞乜鬼？
阿奈：「睇多陣啦，靚呀。」
我：「靚都唔駛睇多陣架。」我失笑，做乜，咁古怪既。
阿奈：「哎呀，你睇多陣啦，睇啦。」佢係咁拉住我係度睇。
我：「做咩姐，比我放返件衫埋去啦。」
阿奈：「睇多陣啦。」
我：「做乜野姐？」哎呀，搞緊乜呀，古靈精怪咁。
佢突然望一望出邊，然後先同我講。
阿奈：「無野啦，你繼續啦，睇完好去食野啦，我肚餓呀。」
我：「痴孖筋，岩岩先食完野咁快又肚餓？！」
阿奈：「係呀，支力 呀，快ｄ睇完返屋企啦。」
我：「咁究竟去食野定係返屋企呀？」我無佢咁好氣，比佢激死。
阿奈：「是但啦。快ｄ快ｄ。」
唉，都唔知做乜。
一個二個都古古怪怪。
返到屋企，阿鋒仲係未返黎。
又唔知去左邊，都唔知今晚幾點先返。
唉．．．．．．悶死．．．．．
∼∼阿ｓａｍ屋企∼∼
阿奈：「阿ｓａｍ！！！」阿奈一入屋就大叫。
阿ｓａｍ：「做咩呀？咦，你唔係去行街架咩，咁早返黎既？」阿ｓａｍ係房仲對住部電腦，只係擰一擰個頭出黎望完就算。
阿奈：「你同我出黎！！」佢一手就拉左阿ｓａｍ出廳。
阿ｓａｍ：「喂喂，做乜呀？」阿ｓａｍ差ｄ比佢拉趺。
阿奈：「我黎問你！阿鋒今日到底去左邊？！」
阿ｓａｍ：「咩呀，咪話左唔話得你知囉。」佢坐低係梳發度。
阿奈：「你好快ｄ講啦！」
阿ｓａｍ：「去左做野呀嘛。」
阿奈：「做野？！我見到佢今日係女人街個邊喎！」
阿ｓａｍ：「係囉，咪係女人街個邊做野囉．．．」阿ｓａｍ見佢咁講，打蛇隨棍上。
阿奈：「你講大話！我係係旺中見到佢呀！」
阿ｓａｍ：「咩呀，你講咩呀？」
阿奈：「仲扮唔知？！佢係咪溝左第二條女呀？！」阿奈拍左阿ｓａｍ一野。
阿ｓａｍ：「邊條女呀，都唔知你乜。」
阿奈：「仲係度詐傻扮矇呀？！我今日見到佢拖住第二條女係旺中行街呀！」
靜左落黎，阿ｓａｍ無答到阿奈，阿奈又係度啤住阿ｓａｍ。
阿奈：「唔係真係有第二條女呀．．．？」
阿ｓａｍ：「你見到個個應該係阿柔．．．．」終於．．．阿ｓａｍ都開聲啦。
阿奈：「無啦啦邊度整個阿柔出黎呀？！」
阿ｓａｍ：「阿柔係ｏ靚仔以前條女．．．．」
阿奈：「咁而家分左手仲搵黎做咩呀？！」
阿ｓａｍ：「你聽埋我講先啦．．．．」
原來，阿柔同阿鋒係幾年前一場混亂之下識既。
個日阿鋒係阿柔間學校附近做緊野。
點知做做下，有差佬到，咁阿鋒就梗係走啦。
咁岩阿柔放學，經過條後巷。
就係呢個時候，阿鋒撞到佢，個一刻大家都靜左咁望住大家。
突然之間阿柔聽到後面有差人大叫咪走，就即刻捉左阿鋒入後巷，然後同佢走埋一二邊。
等到ｄ差佬走晒之後，本來阿鋒都諗住走，但係佢隻腳受左傷，行唔到。
最後，阿柔就扶左佢返屋企。
就係咁，佢兩個開始拍拖。
阿柔係個乖女，份人又純品，當佢屋企人知道佢同阿鋒拍拖個陣，都唔知幾咁反對。
不過阿柔一直堅持，仲同屋企反埋面，搬左去阿鋒度住。
阿鋒好錫佢，佢一直都當阿柔係老婆。
仲同晒班細既講，以後都要叫阿柔做阿嫂。
本來大家都以為佢地兩個就咁可以落去。
點知，有次意外，令到阿鋒同阿柔分開左。
有日阿鋒接到命令到做野。
佢出去之前仲同阿柔講叫佢小心ｄ。
點知就係個晚，阿柔比人由阿鋒屋企拋左落街。
死唔去，不過就失左憶。
當阿鋒知道之後，就好似發左癲咁，係咁打條友。
阿柔失憶之後，佢阿媽就接左佢返屋企，仲以後都唔比阿鋒見阿柔。
阿奈：「點解我地唔知有條咁既女架？！」
阿ｓａｍ：「個陣你地咁岩比你地老母捉左去外國嘛．．．」
阿奈：「咁而家個個咩阿柔又同返阿鋒一齊？！」
阿ｓａｍ：「個日係街撞到架．．．．佢都仲係唔記得ｏ靚仔，只係ｏ靚仔繼續搵佢之嘛．．．」
阿奈：「咁姐係點呀？！一腳踏兩船呀？！」
阿ｓａｍ：「唉，你唔好理咁多啦，無事既，佢自己會處理。」
阿奈：「咩叫唔好理呀？！咁樣唔得架喎！」
阿ｓａｍ：「咁今日有無比阿ｋａ見到佢兩個丫？」
阿奈：「梗係無啦！有既我仲可以返到聽你講野？！好彩我醒目，拉住佢睇件衫。」
阿ｓａｍ：「我聽日同ｏ靚仔講下啦。」
阿奈：「你叫佢盡快搞掂呀，咪玩阿ｋａ呀！」
阿ｓａｍ：「得啦．．．．」
作者:
siu糖
時間:
2008-3-17 12:16 PM
∼∼第二日∼∼
阿ｓａｍ約左阿鋒佢地出黎食飯。
阿ｓａｍ：「你呢排同阿柔點呀？」
阿鋒：「咪又係咁，佢都係唔認得我。」
阿ｓａｍ：「擒日阿奈見到你同佢係度行街，個陣阿ｋａ都係度，不過佢就見唔到。」
阿鋒：「係咩．．．．．」
阿ｓａｍ：「咁你而家諗住點？」
阿龍：「梗係飛左阿ｋａ同返柔姐一齊啦！」
阿ｓａｍ：「咁的確阿柔係好好多既。」
阿鋒：「你仲記唔記得個陣我地傷晒，阿柔佢整野食比我地個陣呀。幾好玩。哈哈。」佢笑，笑得好開心。
阿龍：「梗係記得！我仲笑尻佢整得難食。哈。」
阿鋒：「你呀，成日就淨係識得蝦佢。」
阿龍：「鬼叫佢好蝦？！又唔識反抗喎。」
阿鋒同阿龍不斷咁係度講返起阿柔既每一樣野，而阿鋒仲笑得好開心。
呢一切一切，都收入阿ｓａｍ既眼裡邊。
阿ｓａｍ：「仲之你自己搞得掂就得啦，千其唔好比阿ｋａ知。」
阿龍：「比佢知道都無緊要啦，反正佢又做唔出ｄ咩既。」
阿ｓａｍ：「我怕佢唔開心個陣，阿奈會發癲。」
阿龍：「有鋒哥係度，佢兩個會做得出ｄ咩丫。鋒哥都唔會比佢兩個搞阿柔啦。」
阿鋒：「得啦，我自己會處理到。」
∼∼另一邊箱∼∼
我係屋企就黎悶死，唉。
都係打個電話比阿奈傾下計。
「ｈｉ！我係古巨基，送首新歌比你地聽下，係唔經唔覺之間，你既朋友仔好快就會黎聽你既電話架啦。別再做情人，做隻貓做隻狗不做情人．．．．」
死野，要唔要咁耐先聽電話呀．．．．
阿奈：「喂？」
我：「係度做緊咩呀？」
阿奈：「無野做。」
我：「好無聊呀，得唔得閒傾陣呀？」
阿奈：「你咪講囉。」
同佢講左一陣無聊野之後。
我：「哎呀，佢都係未返黎呀。」
阿奈：「又做咩呀？」
我：「擔心佢嘛。」
阿奈：「唉，無事架。」
我：「唉．．．．．．．」
阿奈：「喂，係喎，問你樣野。」
我：「問囉。」
阿奈：「如果阿鋒係出面有第二條女咁你會點呀？」
我：「有咩點呀？分手囉。」
阿奈：「就係咁咋？！」
我：「係呀！唔係仲可以點呀？！」
阿奈：「哦．．．．」
我：「做咩無啦啦問埋ｄ咁既野呀？」
阿奈：「無野呀，八卦問下之嘛。」
我：「咁如果係阿ｓａｍ你會點呀？」
阿奈：「佢試下！我殺左佢呀！」
我：「哈哈，講就咁講，到時或者你咩反應都無呀。」
阿奈：「一定唔會囉！我實打巴條女！」
我：「哈哈哈哈。」
阿奈：「喂，今晚落ｄ囉。」
我：「是但啦。唔叫埋阿ｓａｍ佢地呀？」
阿奈：「駛鬼叫咩，落到去自然會搵到佢地架啦。」
我：「咁又係。」
阿奈：「咁唔講住啦，一陣見啦。」
我：「嗯。」
∼∼ｄｉｓｃｏ中∼∼
阿ｓａｍ：「龍仔，見唔見阿鋒呀？」
阿龍：「唔見喎，鬼知佢去左邊。」
阿ｓａｍ：「咁得啦，我自己去搵佢。」
搵左陣，終於都見到阿鋒啦。
佢隔離個個．．．．．阿柔？！
阿ｓａｍ：「喂！」佢拍左一拍阿鋒。
阿鋒：「做咩呀？」
阿ｓａｍ：「你做咩帶佢落黎呀？！」阿ｓａｍ係佢耳邊細細聲咁問。
阿鋒：「佢話想落黎見識下嘛．．．．．」
阿ｓａｍ：「你唔怕一陣阿ｋａ落黎見到呀？！」
阿鋒：「佢落黎先算啦．．．無事既．．．」
阿ｓａｍ：「唉．．．你自己話得就得啦．．．．」
就咁．．．阿ｓａｍ就行左去．．．．
而阿鋒就繼續同阿柔係度傾計。
阿奈：「老公！」
阿ｓａｍ：「嘩！想嚇死我咩？！」
阿奈：「咩姐．．．」
阿ｓａｍ：「做咩落黎唔話聲我知呀？」
阿奈：「咁人地見你忙嘛，咪費事打黎阻住你囉。」
阿ｓａｍ：「傻妹黎架，你打黎點會阻住我喎。」
阿奈：「哈哈。係呢，你．．．．同左阿鋒講未呀？！」
阿ｓａｍ：「講左啦．．．．」
阿奈：「咁佢有咩反應呀？」
阿ｓａｍ：「答案係咩反應都無．．．．」
阿奈：「唔係掛？！佢有無搞錯呀？！咁都無反應？！」
阿ｓａｍ：「唉．．．．佢咁大個人識得處理架啦．．．．」
阿奈：「咁佢而家係邊呀？」
阿ｓａｍ：「係ｂａｒ台個邊囉．．．．佢今日帶左阿柔落黎呀．．．．」
阿奈：「咩話？！個條八婆係度？！」
阿ｓａｍ：「咁你又唔好話佢八婆．．．．」
阿奈：「死啦！阿ｋａ都落左黎呀！！！」
阿ｓａｍ：「唔係呀？！佢而家係邊呀？！」
阿奈：「我點知呀？！我約左佢係呢度等。」
阿ｓａｍ：「咁你仲唔打個電話比佢？！」
阿奈：「哦！」
正當阿ｓａｍ同阿奈係度傾緊個陣．．．．
我已經入到ｄｉｓｃｏ．．．．
搵左陣．．．．
我見到．．．．阿鋒．．．．同第二個女仔一齊．．．．？！
我呆左．．．．望住佢地．．．．
有講有笑．．．．好似．．．．好開心咁．．．．
阿鋒．．．．個笑容．．．．我從來都未見過．．．．
點解佢可以笑得咁開心．．．．．
「我不接，氣死你，氣死你我也不接，我就不接電話不接電話就不接電話．．．」
電話響．．．係阿奈．．．．
我：「喂．．．」
阿奈：「喂，你係邊呀．．．？！」
我：「係．．．Ｄ囉．．．．」
阿奈：「乜話？！你係邊度呀？！」
我：「係．．．ｂａｒ台個邊．．．」
阿奈：「唔係掛！你唔好行開，我而家過黎！」
阿奈：「喂，阿ｋａ原來到左啦！而家仲係ｂａｒ台個邊！」
阿ｓａｍ：「咁大單？！快ｄ過去睇下啦，希望佢仲未見到ｏ靚仔佢地。」
阿奈同阿ｓａｍ行到過黎．．．．
阿奈：「喂，坐係度做咩姐？行啦，我地去第二邊。」
我仲係呆左咁望住阿鋒佢地．．．．
阿奈：「死啦．．．．．」佢細細聲同阿ｓａｍ講。
阿奈：「喂．．．．你無野呀．．．？」
我：「下．．．．無事呀．．．」
我忍住ｄ眼淚．．．．
阿奈：「去跳舞啦．．．」
我：「唔啦．．．我返屋企先．．．你地慢慢玩．．．」
我走左．．．
唔想．．．唔想再留係呢個地方．．．．
唔想再見到阿鋒同個條女係度做ｄ咩．．．．
作者:
siu糖
時間:
2008-3-17 12:17 PM
一行出間Ｄ門口，我ｄ眼淚已經忍唔到。
我唔知道究竟阿鋒同個個女仔係咩關係。
但係由阿鋒面前既表情同埋女人既直覺，我已經感覺得到個女仔唔簡單。
佢竟然可以令一個平時咁ｃｏｏｌ既男仔，係一夜之間變得咁開朗。
我自問無ｄ咁既本事，可以話，我佩服佢。
返到屋企無耐，阿奈就打黎。
我選擇左唔聽電話。
呢個時候都係比我冷靜下好ｄ。
∼∼ｄｉｓｃｏ中∼∼
阿奈：「咁而家點呀？！」
阿ｓａｍ：「我點知點呀！件事係阿鋒搞出黎既，梗係由佢搞返掂啦！」
阿奈：「鬼唔知咩！佢個卜X，激撚死我啦！！」
阿ｓａｍ：「你唔好咁嬲啦，我過去同佢講下啦。」
阿奈：「係就快啦！仲坐係度做乜姐！」
阿ｓａｍ行左過阿鋒個邊。
阿ｓａｍ：「喂，跟我過黎，有ｄ野同你講。」
阿鋒：「咩事呀？」佢個樣有ｄ唔耐煩。
阿ｓａｍ：「過黎呀，正經野呀！」
阿鋒：「等陣啦。」
阿ｓａｍ：「過黎呀！」佢一手拉左阿鋒去廁所。
∼∼廁所∼∼
阿鋒：「做乜撚野呀？！」佢ｆｉｎｇ甩左阿ｓａｍ隻手。
阿ｓａｍ：「頭先阿ｋａ落左黎。」
阿鋒無出到聲，點左支煙。
阿ｓａｍ：「我話頭先阿ｋａ落左黎呀！」
阿鋒：「咁又點？」佢個樣好似好無所謂咁。
阿ｓａｍ：「佢見到你同阿柔一齊呀！」
阿鋒：「係咩．．．．？」
阿ｓａｍ：「喂，你咩反應都無架？！」
阿鋒：「見到咪見到囉，我同阿柔又無野，如果佢要誤會既話都無計架。」
阿ｓａｍ：「係咪無野你自己心照！」
阿鋒：「係呀！我係鍾意阿柔呀！咁點丫？！」
佢兩個開始係度鬧交。
阿ｓａｍ：「無人唔比你鍾意佢！如果你係想同返佢一齊既，就唔該你飛左阿ｋａ，咪係度一拖二！」
阿鋒：「有咩問題呀？！以前我同你都係咁架啦！喔！而家學人玩專一啦！學人教訓我呀？！你咪唔記得你以前都係咁呀！」
聽到呢句，阿ｓａｍ激到彈起左。
阿ｓａｍ：「你覺得咁樣無問題就無問題啦！費事同你講咁多！」佢拋低左呢句說話，就出返去。
∼∼ｂａｒ台∼∼
阿奈：「點呀？」
阿ｓａｍ：「唔好撚講啦！好撚火呀！」
阿奈：「做咩事姐？」
阿ｓａｍ：「個卜X仔話我而家學人玩專一，貴左就教訓返佢轉頭喎！」
阿奈：「佢無撚野呀？！今晚ｈｉｎｇ大左呀？！」
阿ｓａｍ：「唔好提佢！由佢卜X死！」
阿奈：「你唔好咁嬲啦．．．」
阿ｓａｍ：「得啦，我無事。」
無事就係假既。
咁耐兄弟，竟然同佢講埋ｄ咁既野。
實激到佢嘔血。
∼∼ｂａｒ台另一邊∼∼
阿龍：「柔姐！」阿龍拍左阿柔一下。
阿柔：「你係．．．．？」
阿龍：「你唔認得我呀？！我係阿龍呀！鋒哥ｄ兄弟呀！」
阿柔：「好似．．．有少少印象．．．」
阿龍：「唔緊要啦，唔認得而家咪重新認識過囉。」
阿柔：「嗯．．．」佢笑左一笑。佢笑起上黎，好似一朵純白色既蓮花咁。係幾咁清新脫俗純潔。
阿龍：「哈哈，無見你咁耐，一樣仲係咁靚。」
阿柔：「我地識左好耐架啦？」
阿龍：「嗯，係呀！你之前同鋒哥拍拖個陣就已經識架啦！」
阿柔：「乜．．．我真係同佢拍過拖咩？！」
阿龍：「嗯！你唔記得唔怪你，你失左憶嘛！」
阿柔：「從來都無人話過我知究竟發生左ｄ咩事．．．」
阿龍：「咁等我黎話你知好無？！」
阿柔：「好呀．．．哈哈。」
就係咁，阿龍就開始講佢地既故事。
阿柔一路都只係靜靜咁聽，雖然，有ｄ地方係佢唔明白既。
阿龍：「．．．個故仔就係咁啦。」佢講完有ｄ口乾，隨手就拎起枝酒飲左幾啖。
阿柔：「原來．．．．我同佢真係一早就識得既．．．」
阿龍：「係呀．．．鋒哥仲好錫你好愛你ｔｉｍ．．．」
阿柔：「嗯．．．．．」佢聽完之後，就陷入一遍沉思之中。
阿鋒返到黎。
阿鋒：「唔好意思呀，頭先有ｄ事行開左。無悶親你丫嗎？」
阿柔：「無．．．係呢．．．有咩事呀？」
阿鋒：「無乜野，少少麻煩野姐，而家搞掂架啦。」
阿柔：「頭先，阿龍話晒我知我地ｄ野啦．．．」
阿鋒佢望左阿龍一眼．．．然後問．．．
阿鋒：「係咩．．．咁．．．你覺得點．．．？」
阿柔：「其實．．．我仲係唔記得以前既野．．．．不過．．．」
阿鋒：「不過咩．．．？」
阿柔：「我想問你．．．你而家係咪仲鍾意我呀．．．？」好明顯佢問呢句野係用左好大勇氣．．．因為睇得出佢既心口不停起伏。
阿鋒：「嗯．．．．」
阿柔：「雖然．．．我唔記得以前係點．．．不過．．．我淨係知我而家鍾意你．．．」面紅．．．．
阿鋒：「你．．．你講真既？！」
阿柔：「嗯．．．．」佢個頭已經低無可低。
阿鋒：「咁你係咪姐係同返我一齊？！」
阿柔：「嗯．．．」
阿鋒聽到呢句已經開心到見牙唔見眼。
佢淨係識得攬住阿柔係咁係度傻笑。
呢個時候係屋企既我。
覺得自己冷靜夠，應該係時候打個電話比阿奈。
等佢唔駛咁擔心。
「別再做情人，做隻貓做隻狗不做情人．．．．」
電話接通．．．
咁快聽電話既？
但係我喂左幾聲都無反應，只係聽到背景好嘈．．．．
就係呢個時候．．．
我聽到佢地既對話．．．．
阿奈：「喂！你睇下，佢兩個攬埋一舊呀！」
阿ｓａｍ：「唔撚理佢地呀！佢地鍾意點就點啦！」
阿奈：「喂！阿龍！」阿奈叫左阿龍過黎。
阿龍：「咩事？」
阿奈：「佢兩個搞咩呀？！」
阿龍：「無呀，一齊返囉！」
阿奈：「唔撚係呀？！」
阿龍：「做咩咁大反應姐？好出奇咩？！」
阿奈：「阿鋒佢仲同緊阿ｋａ一齊架喎！」
阿龍：「遲早會飛左佢架姐．．．」
阿奈：「你咁講姐係咩意思呀？！」
阿龍：「有咩意思呀？咁唔係咩．．．柔姐好過佢咁多．．．．」
阿奈：「而家阿ｋａ好差咩？！」
阿龍：「我睇唔出佢有咩好喎！」
阿奈：「咁佢有咩唔好呀？！」
阿龍：「有咩咁好？！講樣講身材唔夠柔姐黎，講性格梗加唔係柔姐對手！」
阿奈：「或者佢對住阿鋒個陣你唔知呢？！」
阿龍：「睇都睇得出啦！你咁時見過鋒哥可以笑得咁開心架？！」
阿奈：「你！無野啦！你死開呀！唔想見到你呀！」阿奈推開左阿龍。
到佢坐返低既時候先發現．．．
原來佢一直拎住個電話無收返埋．．．．
係同阿龍講野個陣唔小心禁到個接聽鍵．．．．
阿奈：「死啦．．．呢次仆晒街．．．」佢即刻同阿ｓａｍ講。
阿奈：「喂．．．？阿ｋａ呀．．．？」佢拎起個電話同我講．．．．
我無出到聲．．．因為已經出唔到聲．．．
ｄ眼淚好似水龍頭咁．．．點都收唔到．．．
阿奈：「喂．．．喂？你無事呀．．．？」
我收左線．．．．唔該．．．唔好再比我聽到任何關於佢兩個既野．．．．
點解．．．點解個心會咁痛．．．．？
點解ｄ眼淚會不受控制．．．．？
點解．．．．？
阿奈：「死啦．．．．」
阿ｓａｍ：「咩事？」
阿奈：「頭先阿ｋａ打黎，我唔小心禁左個接聽鍵．．．唔知頭先我同阿龍講既野有無比佢聽到ｔｉｍ架．．．」
阿ｓａｍ：「我諗無事既．．．你唔好咁擔心啦．．．」
阿奈：「唔係啦，都係打多幾次比佢先。」
我連電話都熄左．．．屋企電話條線都蚊埋．．．．．點會有人聽．．．．？
阿奈：「妖！死左去邊呀！」
阿ｓａｍ：「又做咩．．．？」
阿奈：「佢連電話都熄埋呀！屋企又唔聽喎！」
阿ｓａｍ：「咁駛唔駛我同你上去睇下佢呀？」
阿奈：「嗯！」
∼∼屋企∼∼
我坐左係床度，不斷咁喊。
阿龍講得無錯。
我真係比唔上個個女仔。
論樣論身材論性格，我無一樣比得上佢。
唔怪得．．．阿鋒見到佢會笑得咁開心．．．．
係既．．．
當初同阿鋒一齊個陣，我都有諗過究竟配唔配得起佢．．．
只不過個陣比甜蜜沖昏左頭腦．．．無再諗深ｄ就決定左同佢一齊．．．
我唔靚．．．我男人婆．．．我肥妹仔無身材．．．
我又唔識溫柔．．．唔識了解人．．．唔知阿鋒點諗．．．．
我知．．．我有好多好多缺點．．．
我比唔上個個女仔．．．．
作者:
siu糖
時間:
2008-3-17 12:18 PM
叮噹！叮噹！」
係門口個貓眼度望下。
係阿ｓａｍ同阿奈。
我抹乾ｄ眼淚先去開門。
阿奈：「點呀，你無事呀？打比你又唔聽。」佢一入黎就拉住我係咁問。
而阿ｓａｍ就閂埋度門。
阿奈：「我地入房傾，阿ｓａｍ你係度坐坐。」
阿ｓａｍ：「得啦。」
∼∼入左房∼∼
阿奈：「點呀你？」
我同佢坐左係張床度。
我：「我．．．無事．．．」把聲都喊到沙聲，咳左兩下，等把聲可以正常返ｄ。
阿奈：「仲話無事．．．？你喊到聲都沙埋啦．．．」
我：「真係．．．無事．．．．」
我好努力忍住ｄ眼淚。
阿奈：「你．．．聽到晒我同阿龍講ｄ野呀．．．？」
我呆左呆，之後點點頭。
阿奈：「哎呀！咪鬼理個卜X啦！佢亂尻咁講之嘛！」
我：「係咩．．．．．．？」
阿奈：「阿鋒個卜X又係既！咁都得！」
我：「其實．．．都唔關佢地兩個事．．．．．」
阿奈：「你無野呀？！咁都叫唔關佢地事？！」
我：「如果要講既．．．我先係第三者．．．．」
阿奈：「但係．．．但係佢同個八婆分左手架啦喎！而家又係返埋一齊，咁唔係個八婆先係第三者咩？！」
我：「唔係．．．佢兩個根本無分開過．．．．」
阿奈：「咁．．．．」
我：「唔駛咁啦．．．．我無野．．．．」
阿奈：「你真係無野嘛．．．？」
我：「無事無事．．．你走啦．．．返去陪你老公．．．我冷靜下得架啦．．．」
阿奈：「嗯．．．咁好啦，有咩你就打比我啦．．．」
我：「嗯．．．」
送走左阿奈同阿ｓａｍ。
我又坐返係床邊繼續喊．．．．
呢個時候．．．
我聽到有人開門．．．
唔通係阿鋒返黎？！
我想出去睇．．．
但係係我未出到去房門．．．
我已經聽到有把女仔聲係度講野．．．
阿柔：「呢度．．．邊度黎架．．．？」
阿鋒：「我屋企呀．．．」
阿柔：「哈哈．．．我好似黎過．．．．」
阿鋒：「你梗係黎過啦．．．仲住左好耐ｔｉｍ．．．」
阿柔：「哎呀！」佢應該撞到ｄ野．．．
阿鋒：「無事嘛？點呀？你醉啦．．．」
阿柔：「我邊有醉姐．．．」
阿鋒：「傻妹．．．仲係咁．．．飲醉都仲要唔認．．．」
好．．．好溫柔．．．
阿柔：「我．．．好愛你．．．」
阿鋒：「我都係．．．」
阿柔：「你唔會離開我架呵．．．．？」
阿鋒：「點會呢．．．我怕你唔要我先真．．．」
靜左落黎．．．．
隔左陣．．．
我聽到．．．．．
一陣陣既呻吟聲．．．
我一路聽．．一路喊．．．
咬住個嘴唇．．．盡量唔比自己發出任何聲音．．．．
個心好痛．．．．
好痛．．．．
ｄ眼淚不停咁流．．．．
我坐左係門後面．．．．．
唔知隔左幾耐之後．．．
佢地終於都停左．．．
突然之間，有人踢開度門。
因為我坐左係門後面，個度力，我完全受晒．．．
好痛．．．．條腰好痛．．．
阿鋒：「原來你係度呀？」佢手上面抱住既，就係個個叫阿柔既女仔．．．
阿鋒無理到我，抱左個女仔上床，仲要幫佢拉好張被．．．．
佢望住阿柔．．．笑容一直都無停過．．．．
直至佢發現我仲係佢地後面．．．
阿鋒：「仲唔走？」佢一對住我，所有笑容都無晒。
我：「你．．．你叫我走？！」
阿鋒：「你想係度訓都得既，出廳訓囉。唔好嘈住佢。」
個刻我真係想死，點解佢可以咁樣同我講野？
我：「咁．．．姐係咩意思．．．？」
阿鋒：「喂，唔駛講到咁明呀？走啦，分手呀。」
呆晒，真係完完全全咁呆左。
點解一個人絕起上黎個陣真係可以咁絕？
我：「我問你．．．究竟．．．你有無愛過我．．．．？」
我好想知．．．好想好想．．．．
阿鋒：「無！咁得啦，死心啦！？走啦！」
聽到呢句，我笑左出黎，係苦笑。
諗都無諗，即刻就走左出門口。
我無返到屋企。
自己一個人係條街度不斷咁走。
我唔知自己要去邊，只係知道而家我唔想一個人。
拎起個電話．．．即刻打比阿奈．．．．
「別再做情人．．．做隻貓做隻狗．．．．」
阿奈：「喂？」
我：「奈．．．．」
阿奈：「做咩？」
我：「你今晚得唔得閒．．．？」
阿奈：「得呀。」
我：「陪我去玩．．．」
阿奈：「你想去邊？」
我：「唱ｋ落ｄ咩都得。」
阿奈：「但係而家好早咋喎。」
我抬頭望下個天，係喎，真係好早。
個天先岩岩開始光。
乜原來，我係佢屋企聽左咁耐啦咩．．．．
我：「咁我夜ｄ再搵你．．．」
阿奈：「你而家係邊呀？」
我：「我遲ｄ再搵你啦．．．．」
之後我就收左線．．．
去邊．．．？我唔知．．．
∼∼夜晚∼∼
「別再做情人，做隻貓做隻狗不做情人．．．」
阿奈：「喂？」
我：「你係邊呀．．．？」
阿奈：「我係屋企囉，而家落去啦。你係邊呀？」
我：「我係間Ｄ門口。」
阿奈：「咁你等等啦，我而家黎。」
我：「一係我入去等你啦。」
阿奈：「嗯。」
∼∼ｄｉｓｃｏ∼∼
入到去。
我坐在係梳發。
咁岩，撞到ｄ ｆｄ。
ｆｄ：「喂，咁岩既。」
我：「係囉，咁岩既。」
ｆｄ：「一個人落黎呀？」
我：「約左人，等陣到。」
ｆｄ：「喂，要唔要糖呀？」（編者話：糖即係ｆｉｎｇ頭。因為驚有ｄ小朋友唔知係咩，所以特登係度解釋。大家千其唔好掂丫！）
識我既人都知，我從來都唔會掂呢ｄ野。
雖然我係曳，落Ｄ食煙講粗口，不過我就從來都唔會掂呢樣野。
但係今晚，我只係想咩都唔記得。
我：「是但。」
就係咁，我食左人生入面第一粒糖。
隔左陣，我已經迷到唔知似咩。
阿奈同阿ｓａｍ落到黎。
阿奈打比我。
我：「喂．．．．．．？」
阿奈：「你係邊呀？」
我：「舞池左邊．．．．你呢？」
阿奈：「我係梳發囉。」
我：「我黎搵你．．．．」
行到出去，我已經係迷下迷下。
我：「咁耐架．．．？」
阿奈：「你做咩呀？！」
我：「咩做咩．．．．？」
阿奈：「你ｔａｋｅ左野呀？！」
我：「係呀．．．」
阿奈：「你無撚野呀？！傻左丫你？！」
我：「得啦，無事。」
阿奈：「仲話無事？！你食左幾多呀？！」
我：「你唔好理啦．．．去跳舞啦．．．」
我拉左佢入舞池。
個晚，我爆到七彩。
總共食左兩粒糖同埋一包ｋ。
直頭好似癲左咁，淨係識得係度係咁跳係咁跳。
但係跳跳下．．．我唔知做乜．．．
無啦啦喊左出黎．．．．
阿奈：「喂，做咩呀？！」
我攬住佢，係咁喊。
阿奈：「唔好喊住先啦，咩事姐？」
我：「佢叫我走呀．．．．」
我完全仲係係西迷狀態，連自己講緊咩都唔知。
阿奈：「咩佢叫你走呀．．．？」
我：「擒晚我係屋企等佢返黎．．．．佢帶左阿柔返黎呀．．．．」
已經喊到死唔斷氣．．．．
阿奈：「乜話？！咁之後點呀？！」
我：「佢兩個係出面扑野．．．之後佢抱住阿柔入面叫我走．．．．」
我已經喊到成塊面都係淚水．．．．
阿奈：「唔撚係呀？！」
阿奈：「哎呀．．．你唔好喊啦．．．乖啦．．．」佢幫我抹走ｄ眼淚。
我：「佢．．．佢．．．佢仲話同我分手．．．」我喊到有ｄ抽筋。
阿奈：「佢都痴撚線既！你咪聽佢講啦！」
我：「我．．．我．．．．」
我我我我我．．．我出唔到聲．．．暈左．．．
之後再發生咩事我已經唔記得．．．．
作者:
siu糖
時間:
2008-3-17 12:19 PM
當我再次醒返個陣，發現有好多人圍住我。
阿奈：「你無事嘛？」阿奈係我隔離，佢一見到我醒就即刻問我。
我：「無事。」
阿奈：「休息多陣啦你。」
我：「嗯。」
阿ｓａｍ：「好啦好啦，唔好咁多人圍住係度。」阿ｓａｍ趕開ｄ人。
呢個時候，阿鋒拖住阿柔行緊入黎。
阿鋒：「喂，搞咩呀？」佢問阿龍。
點解唔問阿ｓａｍ？
因為佢地兩個嘈左交囉。
阿龍：「無，阿ｋａ暈左之嘛。」
阿鋒：「喔。」
阿奈睇到晒阿鋒既所有反應，當然，我都睇到。
佢連望都無望過我一眼，就連一句少少既慰問都無。
阿奈：「喂！你咁卜X既！？佢暈左你連關心句都無？！」
阿鋒：「做咩要關心佢？！」
阿奈：「嘩！你係唔撚係人呀？！唔好話佢係你條女啦，係朋友都會關心下掛？！」
阿鋒：「條女？！哈！同佢散左囉喎！」佢講完呢句之後，就拖住阿柔入去。
阿奈仲想繼續出聲，我抆一抆佢件衫。
我：「算啦，唔好嘈啦。」
阿奈：「佢咁樣講野你都唔出聲既？！」
我：「再講落去有咩意思．．．．」
跟住我休息左陣，覺得無乜野，又繼續同阿奈出去玩。
阿鋒同阿柔一直都係坐埋一邊。
我望到，佢兩個，好恩愛。
阿龍仲不停係度引阿柔笑。
聽聽埋埋唔少．．．．
我知道阿鋒ｄ ｏ靚仔都好鍾意阿柔．．．．
咁又係．．．又靚又索．．．．又純情．．．
聽講仲煮得一手好菜．．．．
我．．．又點比得上佢．．．？
諗到呢度．．．我又索左包ｋ．．．
阿奈：「喂！你做咩又食呀？！」
我：「得啦！我無事呀！」
阿奈：「小啦媽！你係咪想激撚死我呀？！」
阿ｓａｍ：「你由佢啦，條卜X係個邊咁樣又點會唔食丫。」
阿奈：「小你老母！激撚死我啦！」
阿ｓａｍ：「你唔好咁嬲啦．．．」
阿奈：「你話啦你話啦！阿ｋａ邊樣唔好得過個條八婆丫！」
阿ｓａｍ：「都唔關阿柔事，你話佢八婆做咩姐．．．」
阿奈：「仲話唔關佢事？！唔撚係佢出現阿ｋａ而家會唔會同阿鋒搞成咁？！」
阿ｓａｍ：「一日最衰都係條卜X仔姐．．．」
阿奈：「你都話佢衰呢！鬼唔望佢生花柳生到上喉嚨！」
阿ｓａｍ：「佢一早同阿ｋａ分手咪好囉．．．都話左佢架啦．．．」
阿奈：「原來你有同佢講過架？！」
阿ｓａｍ：「有．．．．佢仲話到時先算．．．」
阿奈：「小佢個老母丫！乜撚野叫做到時先算丫！」
阿ｓａｍ：「唉．．．．」
阿奈：「個條八婆又係既！咁樣見到都唔出聲！」
阿ｓａｍ：「阿柔不嬲都聽佢話架啦．．．有佢係度阿柔邊敢出聲．．．」
阿奈：「仲有個死人龍仔呀！係邊度做乜鬼呀？！條女而家有寶呀？！」
阿ｓａｍ：「唔好咁火啦．．．」
阿奈：「唔得！我死都要叫返龍仔過黎！」
阿奈仲係係度唔服氣。
而我就係出面遊緊ｋ河。
阿奈：「龍仔！你同我死過黎！」
阿龍：「咩事呀．．．人地同阿嫂講緊野架．．．」
阿奈：「咩呀？！家陣係咪唔叫得你過黎呀？！我唔係你阿嫂呀？！你同我講野唔得架？！做咩一定要同條八婆講野呀？！」
阿龍：「嘩，乜你咁話柔姐架！柔姐先唔係咩八婆呀．．」
阿奈：「佢唔係八婆咁佢係乜撚野呀？！死八婆！姣西！」好明顯阿奈已經嬲到上晒腦，ｄ粗口完全無停過。
阿龍：「柔姐不知幾好人呀！你咪咁話佢ｔｉｍ呀。」
阿奈：「咁你而家係咪姐係幫住佢丫？！」
阿龍：「我幫佢就梗既！」
阿奈：「咁得啦！無野啦！你死返過去啦！繼續同你個咩柔姐講野啦！」
阿龍：「都痴撚線既！」
本身阿奈都已經諗住唔理佢，點知阿龍呢句痴線一出，阿奈ｄ火又黎。
阿奈：「同我企係度！你講乜撚野話？！」
阿龍：「唔撚係呀？！我有講錯咩？！為左個ｆｄ係度發撚晒癲！」
阿ｓａｍ：「嘈撚完未呀？！阿龍，比返ｄ尊重好喎。」阿ｓａｍ就係係適當既時候先出聲。
阿龍：「我比尊重又點姐？佢有尊重過柔姐咩？！」
阿ｓａｍ：「而家係阿鋒做錯先！邊個都唔關事！唔好再嘈ｏｋ？！」
阿龍：「我有出過聲咩？！係佢自己要嘈先之嘛！」
阿ｓａｍ：「咁你唔嘈就收聲啦！再講咁多野做乜撚呀？！」呢次輪到阿ｓａｍ發火。
阿龍：「小你老母！你兩個都痴尻線架！費撚事同你地講咁多！」
阿龍轉身行返過阿鋒個邊。
阿奈：「老公，你唔好咁嬲啦．．．」
阿ｓａｍ：「小！」
阿奈：「唔好嬲啦．．．」
阿ｓａｍ：「得啦．．．無事．．．」
阿奈：「嗯．．．」
呢邊係度嘈到天反地覆。
我就係舞池爆到唔知似乜。
咁岩我唔小心撞到條女。
我同佢講左聲ｓｏｒｒｙ，就轉身繼續跳。
點知佢捉住我。
女：「喂！你撞到我喎！」
我：「我咪同左你講ｓｏｒｒｙ囉。」咪阻住晒啦。
女：「ｓｏｒｒｙ大撚晒呀？！」
我：「咁你而家想點呀？」
女：「有咩想點呀？！想你賠錢囉！」
我仲爆緊，根本聽唔清佢講咩。
女：「喂！我叫你賠錢呀！」
我：「下？乜話？」
女：「玩野呀？！叫你賠錢呀！」
我：「你講乜呀？」聽鬼到你講乜咩，又嘈又爆緊。
女：「小你老母！」佢一巴車左埋黎！
我：「做乜撚野呀？！」我當堂醒一醒。
阿奈係個邊都睇到我係度同人嘈。
阿奈：「喂，老公！阿ｋａ同人嘈呀。」
阿ｓａｍ：「過去睇下咩事。」
佢地行左過黎。
阿奈：「喂，做乜呀？」佢問我。
我：「條女話我撞到佢，叫我賠錢喎。仲車左我一巴。」
阿奈：「你無撚野呀？！撞到你就要賠錢？！咁你打撚左佢一巴，你係唔係要賠埋條命呀？！」阿奈聽到我咁講，即刻就同條女講。
女：「嘩！佢撞到我喎！」
阿奈：「撞到你姐，駛唔撚駛幫你叫白車呀？！」
女：「賠返些少錢都要掛？！」
阿奈：「嘩，你ｈｉｎｇ撚大左呀？！無野呀？！撞到你就要賠錢，你傻撚左呀？！」
女：「咁點都要講返聲ｓｏｒｒｙ呀？！」
我：「我頭先咪同你講左囉，你仲想點呀？」
阿奈：「聽唔聽到呀？！人地都話同你講左ｓｏｒｒｙ啦！」
女：「呢度咁西嘈，聽西到呀？！」
阿奈：「小你老母，你係咪玩野呀？！」
女：「係咁又點呀？！而家玩你唔起呀？！」
阿奈：「好！你要玩丫嘛！我就同你玩大佢！」
我地已經嘈到係人都望住我地。
雖然阿ｓａｍ係度，不過佢無阻住阿奈。
因為佢都知，阿奈唔發左呢度氣，佢條氣係點都唔會順既。
等陣返去係咁發阿ｓａｍ咪仲慘，不如由佢而家發左去算啦。
阿鋒：「又做乜事呀？」
阿龍：「好似嘈交喎。」
阿鋒行左過黎。
阿鋒：「做乜撚野呀？」
女：「岩啦，鋒哥。呢度最話得事既係你。呢條女撞到我ｓｏｒｒｙ都無聲喎。」
我：「你無野呀？！我咪同撚左你講ｓｏｒｒｙ囉！」
阿鋒：「收聲啦你！」佢好大聲咁喝我。
阿鋒：「咁你而家想點呀？」佢又轉頭問返條女。
女：「叫佢而家係度講多聲ｓｏｒｒｙ啦。大聲ｄ ｔｉｍ呀，唔係我怕我聽唔到呀。」
阿鋒：「咁簡單咋？咁你講啦。」佢望住我講。
我：「我．．．」
阿鋒：「我叫你講呀！」
我好唔服氣，加上阿鋒咁既語氣同我講野，我ｄ眼淚已經標緊出黎。
阿鋒：「講呀！」
我：「ｓｏｒ．．．ｓｏｒｒｙ．．．」
阿鋒：「講左啦，咁無事啦嘛？」
女：「得啦，唔該晒你喎鋒哥。」
阿鋒：「咁繼續跳舞啦。」
阿鋒：「你跟我黎！」佢一手拉左我出去。
阿鋒：「我唔該你，以後唔好再係我個場搞事！」
我：「我．．．我無呀．．．」
阿鋒：「無？！人地無啦啦屈尻你呀？！個ｄ係我ｄ客黎架大佬！」
我：「我．．．真係無呀．．．」ｄ眼淚已經忍唔到．．．點解連佢都唔信我．．．．
阿鋒：「夠啦！我唔想再聽到！仲之你要發癲既唔撚該你過其他場！咪撚再係我個場度係咁ｔａｋｅ野！」
我：「我係咪真係咁黑你憎姐？！」點解要咁對我．．．．就算分左手．．．都可以係朋友丫．．．．
阿鋒：「係呀！得啦！你走啦！」
我企左係度．．．完完全全係呆左．．．．唔知應該再講ｄ咩好．．．．
阿鋒：「走呀！」
好．．．就憑你呢句．．．我走．．．．
真真正正既心碎．．．．
完來要係學識左愛之後．．．先會知道．．．．
點解人唔可以呢一世都生活係童年入面．．．．．
點解要比我地學識點樣去愛．．．．？
作者:
siu糖
時間:
2008-3-17 12:19 PM
阿奈：「喂！」佢見到我走，即刻就追住黎。
阿奈：「你做咩要走姐？
我：「唔走仲留係度做咩？」我望住個地下，隻眼已經比ｄ眼淚整到睇唔到野。
阿奈：「明明就唔係你唔岩，做咩要走？！」
我：「算啦，由佢啦。反正佢覺得我唔岩既話，我再講幾多野都無用。」
阿奈：「入去*柒佢啦！佢咁樣對你喎！」
我：「我唔想再嘈．．．嘈落去佢咪仲憎我．．．．」
阿奈：「咁．．．．唉．．．．」
我：「得架啦．．．我無事呀．．．比我冷靜下就得架啦．．．．」
阿奈：「好啦．．．．唉．．．．．」
我：「我遲ｄ再搵你啦．．．．」
阿奈：「嗯．．．．」
我走左。
阿奈就返入去搵阿ｓａｍ。
阿奈：「真係激撚死我！邊有咁樣講野架？！」
阿ｓａｍ：「你咁火都無用架。佢兩個既野佢地自己會解決架啦，雖然我都有ｄ睇唔過眼。」
阿奈：「你就梗係講緊輕鬆啦！個個唔係你姊妹喎！」
阿ｓａｍ：「係啦係啦，你唔好發埋我脾氣先得架。」佢攬住阿奈，想阿奈冷靜ｄ。
阿奈：「卜X黎架！」
阿ｓａｍ：「唉，*黎都無用架啦。佢個心而家都係晒阿柔身上。」
阿奈：「鬼唔知呀？！」
阿ｓａｍ：「好啦好啦，你咪再咁嬲啦。」
大家仲記唔記得阿鋒同阿ｓａｍ鬧左交？
幾日之後，阿柔打左個電話比阿ｓａｍ。
不過聽電話個個係阿奈。
阿奈：「喂？」
阿柔：「喂．．．？唔該．．．阿ｓａｍ係唔係度呀？」好斯文。
阿奈：「你邊位搵佢呀？」阿奈梗係以為係阿ｓａｍ ｄ蜜鋒蝴蝶打黎啦。
阿柔：「我．．．我係阿柔呀．．．阿鋒個．．女朋友．．．」
阿奈：「原來係你！你打黎做乜呀！？」
阿柔：「阿鋒同阿ｓａｍ嘈左交．．．．我想．．．．幫阿鋒個忙．．．叫阿ｓａｍ唔好再嬲姐．．．」
阿奈：「駛鬼你咁多事呀？！要講叫佢自己打黎講。」阿奈一野就ｃｕｐ左佢線。
阿ｓａｍ：「邊個呀？」
阿奈：「條八婆呀！」
阿ｓａｍ：「邊個八婆呀？」
阿奈：「阿鋒條女呀，個個咩阿柔呀。」
阿ｓａｍ：「喔，佢打黎做咩呀？」
阿奈：「佢話阿鋒同你嘈左交，佢打黎做和事佬喎。」
阿ｓａｍ：「咁你又唔好咁惡，件事都唔關佢事既。」
阿奈：「唔係點呀？！仲想我好聲好氣對佢呀？！」
阿ｓａｍ：「我打返個電話比佢先啦。」
阿奈：「是但你。」
「旁人從不讚同，連情理也不容，仍全情投入傷都不覺痛．．．」（編者話：阿柔手提既接駁鈴聲係千嬅既「勇」）
阿柔：「喂？」
阿ｓａｍ：「阿柔呀？」
阿柔：「係呀，你係阿ｓａｍ呀？」
阿ｓａｍ：「嗯。頭先唔好意思呀，我條女ｃｕｐ左你線。」
阿奈：「駛咩同佢講唔好意思姐！」阿奈聽到阿ｓａｍ咁講，就即刻講左句。
阿ｓａｍ無應到佢，只係望左一望佢之後又繼續同阿柔講。」
阿ｓａｍ：「係呢，你搵我做咩？」
阿柔：「無．．．我見你同阿鋒都嘈左交咁多日囉，唔想你地再係面阻阻．．．咪．．．打個電話黎想約你出黎食飯就咁算數囉．．．．」
阿ｓａｍ：「哦．．．咁．．．是但啦。」其實阿ｓａｍ都無諗住要嬲落去。
反正佢都知大家都係火爆脾氣，嬲緊個陣梗係咩都講得出。
大家做左咁耐兄弟，無理由咁小事就嬲左對方既。
阿柔：「你肯出黎呀？太好啦，咁今晚係平時間茶餐廳度見啦！」
阿ｓａｍ：「嗯。」
收左線之後．．．
阿奈：「佢講咩呀？」
阿ｓａｍ：「無呀，佢約我同ｏ靚仔去食飯之嘛。」
阿奈：「幾時呀？」
阿ｓａｍ：「今晚囉。」
阿奈：「哦，咁你自己去啦。」
阿ｓａｍ：「你唔去呀？」
阿奈：「唔去！」
阿ｓａｍ：「點解唔去呀？」
阿奈：「做咩要去呀？我費事去到睇唔順眼又同佢地嘈呀！」
阿ｓａｍ：「你係ｄ咁小器既人黎架咩？去啦。」阿ｓａｍ係度ｔｕｍ緊佢。
阿奈：「唔去呀。我係咁小器架啦。」
阿ｓａｍ：「去啦，乖啦。你無理由比人覺得你小器架。」
阿奈：「怕咩呀？咪由佢地覺得係囉！反正我就係！」
阿ｓａｍ：「真係唔去呀？」
阿奈：「唔去。」
阿ｓａｍ：「咁好啦，由佢地係度講阿ｋａ壞話囉。」軟既唔得就要用激將法。
阿奈：「講乜撚野？！」
阿ｓａｍ：「咁唔係咩？你唔去，佢地梗係覺得無人聽到架啦，咁咪會係咁講阿ｋａ壞話囉。」
阿奈：「挑啦媽！去咪去囉！佢地試下講一句丫！我鳩都切左佢丫！」
激將法成功。
阿ｓａｍ擰埋一邊偷笑。
呢個老婆，真係唔襟激。
又唔大得，哈哈。
作者:
siu糖
時間:
2008-3-17 12:20 PM
∼夜晚，茶餐廳入面∼∼
阿鋒阿龍同阿柔坐在係度食飯。
阿鋒：「叫得野食未呀？我好肚餓丫．．．．」
阿柔：「等多陣啦．．．」
阿鋒：「做咩要等姐？我就黎餓死啦．．．」
阿柔：「乖啦．．．等多陣啦．．．」阿柔不斷咁望出門口。
阿鋒：「你係度望咩姐？」
阿柔：「下，無呀．．．」
阿鋒：「講啦，做咩呀？」佢攬住阿柔。
阿龍：「睇佢應該係約左阿ｓａｍ黎啦。」
阿柔ｄｕｍ低左個頭，唔敢出聲。
阿鋒：「係咪呀？」阿鋒望住佢。
阿柔：「嗯．．．．」
阿鋒：「唉．．．下次唔好咁多事啦．．．我同佢既野我地會自己解決架啦．．．」
阿柔：「咁我諗住．．．唔想你地成日面阻阻嘛．．．．」
阿鋒：「係啦係啦．．．傻妹．．．」佢面上出現既表情，１００％表明佢係好錫阿柔既。
阿柔：「咁你應承我，一陣佢地黎到，你要同佢和好架喎。」
阿鋒：「嗯．．．」
阿柔：「仲有你呀，阿龍，唔好再同阿奈嘈啦。」
阿龍：「我無同佢嘈呀，係佢自己要嘈我先之嘛。」
阿柔：「一人少句啦．．．．」
阿龍：「係係係，咩都聽晒你話，得未呀，柔姐？」
阿柔：「嗯．．．」佢笑起上黎，笑得好甜。
阿ｓａｍ同阿奈黎到之後。
佢地坐底左。
無人出過聲，阿奈仲不停咁啤住佢地三個。
阿柔：「ｕｍ．．．大家都餓架啦呵？不如叫野食囉。」佢拎起個餐牌。
阿奈：「駛鬼你幫我叫呀？」佢一手就搶左阿柔手上面既餐牌。
阿ｓａｍ見到阿奈咁，都禁左一禁佢隻手。
阿柔：「ｕｍ．．．你．．．叫阿奈呵？」
阿奈：「係呀，咁點丫？」
阿柔：「我．．．叫阿柔呀．．．」
阿奈：「我知！一早有人話左我知啦！」佢一路講，一路啤住阿龍。
阿龍：「啤咩啤？」阿龍又係忍唔到氣，出聲話佢。
阿奈：「你唔啤我又知我啤你？！」
阿ｓａｍ：「好啦，唔好嘈啦。」
阿鋒：「收聲啦龍仔。」
佢兩個一人一句。大家聽到咁樣都收左聲。
靜左一陣，阿鋒首先出聲。
阿鋒：「上次單野．．．唔好意思．．．」
阿ｓａｍ：「算啦．．．．都無怪過你．．．．」
阿鋒聽到佢咁講，笑左一笑。
阿ｓａｍ：「飲杯啦。」佢拎起杯酒，輕輕咁碰左阿鋒個杯一野。
而阿龍呢，佢都覺得自己唔岩既。
阿龍：「阿嫂，嬲完未呀？」
阿奈：「邊ｑ個得閒嬲你呀？！」
阿龍：「你咁樣都唔叫嬲呀？！咪玩啦！」
阿奈：「你食屎啦！」
阿龍：「係我唔岩，係我錯！唔好嬲啦！」
阿奈：「睇下你表現點先啦！到時再考慮下原唔原諒你！」
阿龍：「係啦係啦！怕左你！」
阿龍都當阿奈係妹既，所以都幾錫佢。
阿柔：「好野！你地都無事就最好啦！」阿柔見到佢地咁，好開心。
阿奈：「超！」佢細細聲超左一下。
阿ｓａｍ：「老婆．．．唔好咁啦．．．」
阿奈：「做咩姐？我無野喎！」
阿ｓａｍ：「都唔關阿柔事架．．．」
阿奈：「無人話關佢事呀！」
阿ｓａｍ：「咁你唔好咁啦．．．．大家做個ｆｄ咪好囉．．．」
阿奈：「邊個要同佢做ｆｄ呀？！」
阿鋒：「算啦！唔好迫佢啦！」
阿奈：「幾時到你同我講野呀？！」
明顯地，阿奈仲係嬲緊阿鋒。
咁又係既，我係佢姊妹，阿鋒咁對我，又難怪佢會咁嬲既。
調返轉頭如果係阿ｓａｍ咁對阿奈，我都唔會咁易原諒佢。
阿龍：「好啦好啦，唔好再講啦，叫野食啦。」
就係咁，阿鋒同阿ｓａｍ又無事啦。
阿龍同阿奈就仲係係度鬧緊氣。
不過阿奈都已經唔嬲阿龍架啦，只不過佢唔比阿龍覺得咁易原諒佢姐。
阿奈同阿柔仍然都係無乜野講。
之後既一個月我都無返過屋企，去左朋友度訓。
係，無錯，足足一個月。
我唔返去，係因為我唔想撞到阿鋒同阿柔。
話晒都係樓上樓下，要撞到好容易架咋。
就連手提電話我都唔開。
不過我間唔中都會打個電話比阿奈既，等佢知道我仲未死得。
呢一個月，我幾乎日日都係Ｄ度過。
但係我無再落過阿鋒佢地個場。
我四圍走，約埋ｄ ｆｄ間間都去下。
有時無人陪我，我就自己一個人落。
晚晚都爆到七彩。
今晚我又落左去，不過無人陪我。
我一個人係個舞池度左ｆｉｎｇ右ｆｉｎｇ。
呢個時候有條仔走埋黎媾我。（編者話：咁樣衰都有人媾？！）
男仔：「喂，你叫咩名呀？」
我：「關你咩事姐？」
男仔：「講啦，叫咩名姐？」
我無理到佢，行左出去出面拎野飲。
佢跟住我行出黎。
男仔：「喂，去邊姐？講啦，叫咩名呀？」
黎到有ｄ燈光既地方先望下佢。
嘩！原來咁ｑ樣衰架！？（編者話：咁唔怪得媾你啦，因為你都一樣咁樣衰ＸＤ）
跟手梗係唔理佢啦，不過就算佢係靚仔我都無打算要理佢。
男仔：「問緊你野呀！」
我：「乜呀？」
男仔：「你聾架？問左你咁多次叫咩名都唔答我。」
我：「唔答你就一定係聾架啦？！而家係我唔想答呀。」
男仔：「係咪咁串呀你？」
我：「我唔覺得我串喎。」
男仔：「玩野呀你？！」
我：「無聊。」我啤一啤佢，之後繼續飲我既野。
而家ｄ人都幾搞笑，講多兩句唔夠人黎就話人玩野。
男仔：「你係咪要串呀？！」
我：「喂，我幾時有串過你呀？！煩！」
男仔：「咁撚樣講野都唔叫串呀？！」
我：「你好煩呀，行開啦。」
男仔：「你好野，睇路呀！」
我：「我好驚呀！白痴！」
雖然我無乜野背景後台，不過我又唔怕佢地喎。
原來嘈嘈下，已經有人係度望住晒。
再望下，咦，個個咪阿奈？！
做咩佢會一個人坐係度既？佢唔係應該跟住阿ｓａｍ架咩？
唔理啦，行過去搵下佢先。
我：「喂！」我拍左佢一野。
阿奈：「嘩！乜你係度架？！」
我：「落左黎咪係度囉。」
阿奈：「你呢個月去左邊呀？！」
我：「去左個ｆｄ度訓嘛。」
阿奈：「手提又唔開，又搵唔到你，我差ｄ以為你死ｑ左呀。」
我：「咩姐，我有打比你架。」
阿奈：「咁都係呀，搵唔到你點知你會有咩事架。」
阿奈：「你又爆緊呀？！」佢見到我仲係迷下迷下，就問我。
我：「嗯．．．．．」
阿奈：「小你！唔好食咁多啦！你睇下你自己而家似咩！」
我：「得啦，唔好講廢話。做咩你會係度既？」我求其推開左個話題。
阿奈：「無，阿ｓａｍ佢地落黎傾計嘛。咁男人做野女人又唔方便係度，我咪出黎坐囉。」
我：「哦．．．．」
望下望下．．．．咦？！阿柔？！
我：「喂，乜．．．佢都係度既？」
阿奈：「阿鋒都係度嘛．．．．」
我：「佢．．．佢都係度．．．．？」聽到阿鋒個名我當堂醒晒。
阿奈：「嗯．．．．」
我：「咁．．．我都係走先啦．．．」
阿奈：「哎呀．．．你咪鬼係度避黎避去啦！」
我：「邊有姐．．．．」
阿奈：「咁都叫無呀？！你成個月唔返屋企咪又係為左唔想見到佢地！」
果然係阿奈，一眼就睇得出。
我：「我．．．．都係走先啦．．．」
就係我想走既時候．．．
阿鋒佢地出返黎．．．
我即刻閃埋一邊．．．．
我唔想．．．唔想比佢見到我．．．．
阿鋒：「老婆！」
阿柔：「咦！傾完啦？！」佢一見到阿鋒就即刻攬住佢。
阿鋒：「係呀．．．好悶呀？」
阿柔：「少少啦．．．不過唔緊要啦。」
阿鋒：「我都叫左你係屋企唔好跟埋我落黎架啦．．．」
阿柔：「唔制呀，我想跟住你嘛。」
阿鋒：「係啦，知你錫我啦。」佢錫左阿柔一啖。
佢兩個完全睇我唔到。
梗係啦，而家佢兩個眼中只有對方。
我見到咁樣，ｄ眼淚又忍唔到。
好幸福．．．．我似乎唔應該打搞人地．．．
阿ｓａｍ：「老婆。咦，乜你都係度呀？」阿ｓａｍ見到我。
阿奈：「岩岩係度撞到佢之嘛。」
阿ｓａｍ：「哦。」
阿奈：「你無事嘛？」佢見到我又喊，就問。
我：「無事．．．」
阿ｓａｍ：「不如你同佢走先啦．．．佢咁樣係度睇法．．．唔喊死就奇啦．．．」佢細細聲同阿
奈講。
阿奈：「咁你呢？」
阿ｓａｍ：「我仲有少少野要做，我做完再搵你啦。」
阿奈：「嗯，咁好啦。」
佢同阿ｓａｍ講完之後，就轉頭同我講。
阿奈：「我同你走好無呀？」
我：「嗯．．．．」
之後我就同阿奈走左．．．．
作者:
siu糖
時間:
2008-3-17 12:21 PM
我：「得啦，你返去啦，我一個人得架啦。」行左之後，我就同阿奈講。
阿奈：「咪啦，我費事你又唔知做ｄ咩。」
我：「得啦，我真係無事呀。」
阿奈：「係咪架？！你咪呃我喎！」
我：「嗯，得架啦，你走啦。」
阿奈：「好啦好啦，你無野就搵我啦。」
阿奈終於都走左。
唉．．．邊度都唔想去．．．
返屋企啦．．．都成個月未返過去囉．．．．
一路行．．．一路望．．．
咁熟悉既環境．．．
曾經有幾多歡笑聲存在過．．．
點解．．．．
而家好似變晒咁既．．．．？
唔通係因為一個「愛」字？
返到屋企．．．
好似好耐都無返過黎ｌｕ．．．．
沖左個涼之後．．．．
我就坐在係床度聽歌．．．
一隻一隻傷感既情歌由喇叭度播出．．．．
突然之間．．．
個ｍｐ３跳到隻ｓａｍｍｉ既歌．．．
係「祝你快樂」．．．
以前我都唔覺得呢隻歌咁好聽．．．
但係而家聽聽下．．．．
我ｄ眼淚就不受控咁流左出黎．．．．．
我仲跟住唱起上黎．．．．
聽說她關心你 曾聽說她長得很美
還令不羈的你終於可以體貼入微
看見今天的你 眉宇裡存著朝氣
無論她是誰人 也令我妒忌
遠遠望你共身邊的女人
情若卸任 而責任 恕我要交別人
此刻衷心衷心祝福你和她
任陸地蒼海變化 仍然同渡甘苦好嗎？
此刻衷心衷心祝福你和她
但願幸福的愛侶 抗拒世間的變卦
用心跟她 用心跟她熱愛吧！
叫我再不須記掛
我覺得很高興 情緒奇妙 沒法辯明
而直率的天性 只懂給你真的反應
過去我的率性 難完全明白愛情
曾是吵鬧沒停 抱憾這類行徑
ｄ歌詞真係好岩、好中．．．．
一個咁靚仔咁ｃｏｏｌ既男仔，我從黎都未見過佢可以笑得咁開心。
係阿柔，係佢既力量，我竟然見到阿鋒改變左。
今日我望得清清楚楚，阿鋒面上邊既表情，係幾咁開心，完完全全感覺到佢係由心入面笑出黎。
我好妒忌，妒忌得好緊要，不過，我深知我無可能鬥得嬴阿柔。
何況，我根本無諗住要同佢爭阿鋒。
聽完呢隻歌之後，我決定左，以後我都唔會再搵阿鋒。
我亦都唔會嬲佢或者阿柔，其實，佢地兩個都無錯丫，佢地都係為左愛先變成咁樣姐。
只要阿鋒係覺得開心既，我反而會祝福佢地。
唔係有人話過架咩？愛一個人唔一定要得到佢架，只要佢開心快樂幸福就夠架啦。
我唔知我咁樣做係咪好傻，我只係知道，我想阿鋒過得開開心心。
又過左一個月。
呢個月裡面我盡量都唔會出街。
就算出街，我都唔會去返阿鋒佢地成日出沒既地方。
係，我仲係好驚見到佢。
我怕我會忍唔住自己既情緒，忍唔住自己既失落，而去攬住佢。
阿奈同阿鋒仲係未好返，梗加同阿柔無乜兩句。
近一個禮拜開始，我成日嘔。
只要一聞到些少飯香我就想嘔。
阿奈見我咁唔舒服，多左過黎煮野比我食。
阿奈：「點呀你？又嘔呀？」
我：「係呀，今日已經第三次啦。」嘔到個人好辛苦，訓左係床度同阿奈傾計。
阿奈：「有ｄ唔對路喎．．．」
阿奈：「你幾耐無黎過ｍ呀？」佢突然之間問我。
我：「你知我不嬲都唔準時架。」
阿奈：「唔準時係以前既事啦，你近幾年都準時架。」
我：「嗯．．．」
阿奈：「咁你到底幾耐無黎姐？！」
我：「應該都有兩個月啦．．．」經佢咁樣講一講，我先醒起自己真係兩個月無黎過ｍ。
阿奈：「唔係掛？！唔會有左呀？！」
我：「下．．．唔會掛．．．邊有咁好彩．．．」
阿奈：「唔係啦，都係去驗下好ｄ。」
我：「去邊度驗呀？」
阿奈：「有人話買驗孕棒得架！我問下其他ｆｄ啦。」
我：「嗯。」
阿奈行左出房度打電話。
我就繼續訓係張床度諗野。
可能．．．．真係有左．．．．
我無諗過．．．自己會有左阿鋒既ｂｂ．．
諗下諗下，隻手不其然摸住個肚。
如果真係有左既話，我一定要生佢出黎。
話晒，佢都係阿鋒既一點血脈。
就算阿鋒唔愛我，我都仲有一樣屬於佢既野可以留係身邊。
阿奈：「問到啦。佢地話係藥房或者萬寧個ｄ有得買架，我而家幫你落去買啦。」
我：「你一個人落去呀？得唔得架？」
阿奈：「有咩問題呀？」
我：「你唔怕比人誤會係你有左咩？」
阿奈：「痴孖筋！買黎驗下就叫有左架啦？唔比我買黎當雪條棍架？！就算真係有左都唔關佢地事
啦。」
我：「係啦係啦，咁你快去快回啦。」我笑。
其實我有ｄ心急，我想快ｄ知道係咪有左阿鋒既ｂｂ。
但係如果真係有左既話，我又唔會話比阿鋒知。
唔話佢知係唔想佢覺得我用個ｂｂ黎綁住佢，梗加唔想佢覺得咁樣係想拆散佢同阿柔。
過左一陣，阿奈返左黎。
阿奈：「喂，買左啦，你去驗啦。」
我：「唔該晒。」
我拎左盒野入廁所。
我都係第一次用，要睇說明書先識。
用左之後，我就坐左係廁板上面等結果。
十五分鐘之後…
阿奈：「喂，得未呀？咁耐既？」阿奈走埋拍門問我。
我望下支野，再望下說明書。
說明書話，如果係圖示位置有條紅色直線既就係代表有左。
我拎住張說明書拎住支野，係咁對黎對去。
係紅色，真係有左？！
阿奈：「點呀？」佢一見我打開度門就問。
我：「我…我有左呀…」唔知點解我有ｄ感動，係呀，係有ｄ感動呀。可能係覺得我可以擁有屬於佢
既野掛。
阿奈：「咁點呀？」
我：「我要生佢出黎。」
阿奈：「你痴線架咩？！你而家廿歲都未到就話生仔！帶撚住個細路好麻煩架！」
我：「我唔理，我一定要生左佢出黎！」
阿奈：「唔得！佢咁樣對你你仲同佢生仔？！你無野呀？！」
我：「唔關事！仲之我一定要生！」
我同佢係度嘈。
我明白佢做咩咁緊張，佢覺得我一個女仔，帶住個細路咩都做唔到，自己一個人養又辛苦，第時想
搵過第二條仔都難。
阿奈：「去落左佢啦！」
我：「唔得！我唔會落架！」
阿奈：「小！講極你都唔撚聽！我唔理你啦！」佢發脾氣走左。
佢唔會明白，我得唔到阿鋒既人，我都想留返佢一ｄ野係身邊既心態。
點樣都好，我一定會生個ｂｂ出黎。
我摸下個肚，然後同個ｂｂ講：「ｂｂ，你乖，一定要平平安安出世。」
生左你出黎之後，我會努力咁養大你。
我無諗過咁樣做有無錯，我只係想留返一ｄ野係身邊。
只要係阿鋒既野，我都會好好珍惜。
∼∼阿ｓａｍ屋企∼∼
阿奈發晒脾氣咁走返去。
阿ｓａｍ：「做咩呀？」阿ｓａｍ見佢一入門口個樣就嬲爆爆就問。
阿奈：「小佢個老母呀！」
阿ｓａｍ：「做咩事呀？又邊個激親你？」
阿奈：「阿ｋａ囉！」
阿ｓａｍ：「佢又做咩呀？」
阿奈：「頭先喎，我問佢係咪幾耐無黎ｍ，佢答我都成兩個月，咁我驚佢有左咪同佢落去買左支驗
孕棒返黎驗囉！點知驗完之後真係有左喎，我梗係叫佢落去佢啦！佢又死唔聽，話一定要生出黎
喎！激撚死我！」
阿ｓａｍ：「佢有左？」
阿奈：「係呀！」
阿ｓａｍ：「你地有無驗清楚架？」
阿奈：「梗係有啦！人地介紹個陣牌子比我架！我自己都見到支野係紅色既！」
阿ｓａｍ：「佢唔肯落呀？」
阿奈：「係呀！激撚死我！個個臭男人既ｂｂ有咩咁好要丫！」
阿ｓａｍ：「你唔好咁話阿鋒啦，佢點樣都係我兄弟。」
阿奈：「唔係佢咁撚卜X先我會咁嬲咩？！」
阿ｓａｍ：「唉，我同佢講講啦。阿ｋａ自己一個生出黎都唔係辦法。」
阿奈：「講黎有撚用咩！？佢條卜X都唔會同返阿ｋａ一齊架啦！」
阿ｓａｍ：「咁試試點都好過無丫．．．何況佢係ｂｂ個老豆，佢有權知架。」
阿奈：「但係我唔知阿ｋａ想唔想比佢知喎。」
阿ｓａｍ：「唔好理佢想唔想啦，反正遲早都係要比阿鋒知，不如一早講左先啦。」
阿奈：「咁又係。咁你同佢講啦，我仲好火呀！」
阿ｓａｍ：「係啦係啦，傻妹。朋友既野仲緊張過自己既野。」
阿奈：「你咪一樣。」佢個樣仲係嬲爆爆咁。
阿ｓａｍ：「傻妹。」阿ｓａｍ見到阿奈咁既樣，反而覺得佢好可愛。
阿奈：「你去搵佢啦。」
阿ｓａｍ：「嗯，你唔好咁嬲啦。」
阿奈：「唔嬲就假！」
作者:
siu糖
時間:
2008-3-17 12:22 PM
其實阿ｓａｍ都唔清楚應唔應該同阿鋒講。
不過佢覺得，既然阿ｋａ係有左既，咁阿鋒就係個ｂｂ既老豆。
無論阿ｋａ決定係生係落都好，阿鋒都應該有權知道。
（接駁鈴聲）「有著你便有著我真愛是永不死．．．．」
阿鋒：「喂．．．？」佢仲係度訓緊覺．．．．
阿ｓａｍ：「喂，落黎食野呀。」
阿鋒：「唔啦．．．好眼訓呀．．．」
阿ｓａｍ：「落黎食野啦．．．」
阿鋒：「都話唔落囉．．．」
阿ｓａｍ：「有野同你傾呀。」
阿鋒：「傾乜撚野唔可以係電話講呀．．．」
阿ｓａｍ：「正經野囉。」
阿鋒：「哎呀，麻煩。」
阿ｓａｍ：「落黎啦！」
阿鋒：「係啦係啦，我而家換埋衫落黎啦。」
阿ｓａｍ：「你唔好叫埋阿柔落黎喎。」
阿鋒：「做咩唔好叫埋佢呀？」
阿ｓａｍ：「咁話明正經野就梗係唔比得佢知架啦。」
阿鋒：「係啦係啦，麻撚煩。」
阿ｓａｍ：「咁樓下等啦。」
∼∼茶餐廳∼∼
我自己一個人落左去食野。
自己唔食ｂｂ都要食嘛，雖然我唔想食。
我坐在係茶餐廳後面既卡位，仲要係背住門口坐。
所以阿ｓａｍ佢地走左入黎我都唔知。
而佢地都見我唔到。
阿鋒：「喂，點呀？」
我聽到阿鋒把聲，覺得好熟。
轉過頭睇下，真係佢地！
唔知點解，我第一個反應就係擰返轉頭。
可能我既潛意識唔想見到阿鋒掛。
阿ｓａｍ：「叫左野食先啦。」
叫左野食之後。
阿鋒：「點呀？有咩正經野講？」
有正經野講．．．．？
我既直覺話我知我唔應該係度．．．．
但係我又無任何行動離開．．．．
咁樣．．我算唔算係偷聽．．．．．？
阿ｓａｍ：「係關於阿ｋａ既．．．」
我？！我有咩可以比佢地講？！
阿鋒：「又係佢。」佢冷笑左一聲。
係咪真係咁討厭我？
連聽到我個名都咁既反應？！
阿ｓａｍ：「你聽我講埋先啦．．．」
我相信我同阿鋒而家個反應都一樣．．．等緊阿ｓａｍ講落去。
阿ｓａｍ：「阿ｋａ佢有左．．．仲諗住生出黎．．．」
唔係掛！？阿ｓａｍ佢知道我有左竟然走去話比阿鋒知？！
阿鋒：「．．．．．咁又點呀？」阿鋒聽到阿ｓａｍ話我有左之後，靜左一陣先彈左句咁既野出黎。
阿ｓａｍ：「咁你諗住點呀？！」
阿鋒：「有咩諗住點？我同佢都分左手啦．．．」
阿ｓａｍ：「你話晒都叫係個ｂｂ既爸爸喎！」
阿鋒：「叫佢落左個ｂｂ囉．．．．」
阿ｓａｍ：「都話左佢話要生出黎囉。」
阿鋒：「咁一係等佢生左出黎之後，叫佢比返個ｂｂ我同阿柔養囉。」
阿ｓａｍ：「你唔係呀？！你都同佢分左手啦，而家仲要拎埋佢個ｂｂ走？！」
阿鋒：「咁唔係點姐？你同我講都係想叫我負責任姐。我唔會同返佢一齊架啦，佢自己一個人又養唔到個ｂｂ，咁咪等我同阿柔養囉。」
阿ｓａｍ：「就算係咁，你覺得阿柔會接受得到咩？！」
阿鋒：「點解唔得呀？阿柔佢一向對ｄ小朋友都好好。」
阿ｓａｍ：「我相信無一條女咁樣都唔會呷醋囉。」
阿鋒：「阿柔一向都好信我，我知佢唔會。」
阿ｓａｍ：「你真係諗住咁做？」
阿鋒：「唔係點呀？！叫佢落佢又唔會落架啦，唔通我捉佢去落呀？」
阿ｓａｍ：「你咁樣會唔會卜X左ｄ呀？」
阿鋒：「何況阿柔而家身體唔好，醫生都話佢可能未必生到ｂｂ。佢又咁鍾意細路，岩晒啦。」
阿ｓａｍ：「姐係你諗住要仔唔要"也母"啦．．．．」
阿鋒：「咁唔係點？！你教我點做啦！」
阿ｓａｍ：「我覺得你真係好撚卜X囉！」
阿鋒：「你咁緊張做乜撚野姐？！都唔關你事架啦！」
阿ｓａｍ：「係唔關我事呀！如果佢唔係阿奈個ｆｄ，我理得佢死呀！」
阿鋒：「咁得啦，都唔關你事，你理得我點做姐！」
阿ｓａｍ：「得！你記住你自己講呢幾句說話！」
我聽到阿ｓａｍ走左。
佢真係諗住拎走埋我個ｂｂ！？
唔得！一定唔可以！
我死都要個ｂｂ留係我身邊！
∼∼另一邊箱，阿ｓａｍ屋企∼∼
正當我聽完阿ｓａｍ同阿鋒既對話仲係度發緊呆之際，阿ｓａｍ已經嬲爆爆返到屋企。
阿奈：「同佢講左啦？」
阿ｓａｍ：「講左啦！」由佢既聲音聽得出，佢係係度發緊脾氣。
阿奈：「你做咩呀？」呢個時候既阿奈已經下左一ｄ火，佢坐左係阿ｓａｍ隔離。
阿ｓａｍ：「小佢條卜X仔，我真係睇撚錯佢！」
阿奈：「做咩呀？你咁嬲既？」
阿ｓａｍ：「佢條撚樣呀，我同佢講阿ｋａ有左之後，佢話一係叫佢落左佢，一係就等佢生出黎個陣拎返個ｂｂ黎養呀！」
阿奈：「唔撚係呀？！如果佢拎埋阿ｋａ個ｂｂ我諗阿ｋａ自殺都似！」
阿ｓａｍ：「佢仲話反正而家阿柔既身體都唔係太好，醫生話阿柔都未必生得，阿柔又咁鍾意細路，岩晒咁話喎！」
阿奈：「佢痴撚左線呀？！阿ｋａ點都唔會比返個ｂｂ佢架啦！」
阿ｓａｍ：「我就係知佢唔會比返個ｂｂ阿鋒，先覺得佢咁樣做好撚卜X！」
阿奈：「小佢個老母！要仔唔撚要"也母"！」
阿ｓａｍ：「我真係睇撚錯佢！估唔到佢可以咁樣做！」
阿奈：「佢而家係邊呀？！」
阿ｓａｍ：「點撚知佢呀！或者仲係茶餐廳掛！」
阿奈：「你同我落去！我要小撚到個卜X傻！」
阿奈一手拉住阿ｓａｍ就衝左出門口。
∼∼茶餐廳∼∼
正當我以為佢地走晒，想返屋企個陣。
我見到阿鋒仲坐左係度。
我見到佢，即刻就ｄｕｍ低頭。
阿鋒：「原來你係度，咁姐係聽到晒我地講咩啦？」佢主動開口問我。
我強忍眼淚，點左下頭。
阿鋒：「咁你都聽到架啦，一係就落左去，一係就生左之後比返個ｂｂ我地。」
我無出聲，因為我兩樣都唔想。
阿鋒：「點呀？！」
我：「我係唔會比返個ｂｂ你地既。」我依然ｄｕｍ低頭，不過口中就傳出呢句好堅決既說話。
阿鋒：「咁落去佢囉！」
我：「點解你要咁決絕？！」我忍唔到，個心好痛。
我唔明白，點解一個曾經話過愛我既男人，可以咁對我！
阿鋒：「唔係你仲想點？！我而家咁樣都已經叫做負左責任啦！」
我：「我唔需要你負任何責任！」
阿鋒：「係你自己講架！我大可以唔理！反正都唔知個ｂｂ係咪我既！」
呢句．．．．好傷我．．．．．
傷得深無可深．．．．
我：「你．．．．你覺得我會係出面同人地亂上床咩．．．．？」
我完全失控．．．．望住佢既兩隻眼．．．我完全地失望．．．．
阿鋒：「我點知你同我分左手之後有無同第二個男人扑過野架？！」
我呆住．．．．佢．．．真係咁唔信任我．．．．？
阿奈：「喂！你個卜X你講乜撚野呀？！」
原來阿ｓａｍ同阿奈一早就落到黎，仲聽到晒我同阿鋒既對話。
阿鋒：「我講乜撚野唔好呀？！」
阿奈：「你叫佢比返個ｂｂ你都已經夠賤格架啦！而家咁既野都講得出！阿ｋａ似ｄ咁隨便既人咩？！」
阿鋒：「我點撚知佢呀？！佢都成個月無出現過啦！我點知佢會唔會係去左第二條仔度訓架？！」
阿奈：「小你老母，你把賤口！佢不知幾撚愛你呀！佢點會做得出呀？！」
阿鋒：「你講就係架啦？！點知你兩個會唔撚會係度扯貓尾，等我食呢隻食貓架？！」
阿奈：「你講乜撚野呀？！」
阿鋒：「講乜撚野你自己聽得好清楚！唔駛我再重覆多次呀？！」
阿奈：「仆你個臭街！你唔撚係人黎架！」
呢個時候，有個人衝左入黎。
係阿柔，係佢！
可能佢見阿鋒話落去食野咁耐都未返黎，所以落左黎搵佢。
阿柔：「你地係度做咩呀？」佢一入黎見到阿奈同阿鋒係度嘈緊，就問。
阿奈：「關你咩事呀？！八婆！」阿奈見到係阿柔佢仲火。
阿鋒：「喂！你做乜撚野話佢八婆呀？！」
阿奈：「唔撚話得呀？！」
阿鋒：「邊個你都話得！佢你就唔話得！」
阿奈：「我係鍾意鬧呀！咁點呀？！」
阿柔：「你兩個唔好嘈啦．．．．一人少句好唔好．．．？」
阿奈：「收聲啦！關你撚事咩！」
阿鋒：「你好啦喎！」
阿奈：「好乜撚野呀？！我係唔撚收聲架啦！咁點呀？！打我丫笨撚柒！」
阿鋒聽到佢咁講，即刻想舉手打落去！
阿ｓａｍ即刻捉住佢隻手。
阿ｓａｍ：「喂！你唔好咁撚過份喎！女人你都打！」
阿鋒：「放手！」
阿ｓａｍ ｆｉｎｇ開左佢隻手，之後繼續唔出聲。
阿奈：「點呀？！唔撚夠膽打我呀？！」
阿鋒：「我唔打女人既！」阿鋒佢個眼神好兇狠。
阿奈：「你唔打我打！」佢講完之後，竟然「啪」一下就打左落阿柔塊面度！
阿柔：「呀．．．．」
阿鋒見到阿柔比人打，一時衝動竟然打返阿奈一巴！
阿ｓａｍ即刻推開阿鋒！
阿ｓａｍ：「喂！你無撚野呀？！」
阿奈：「又話唔打女人？」阿奈佢雖然比人打左一巴，不過仍然係好冷靜咁啤住阿鋒。
阿ｓａｍ：「你痴撚左線呀？！佢地女人既野咪由佢地自己解決囉！你出乜撚野手呀？！」
阿鋒：「唔係佢打阿柔先我會出手咩？！」
阿奈：「我打佢有咩錯呀？！唔撚係佢條八婆出現先，阿ｋａ會唔會變成咁呀？！」
阿鋒：「我同佢點都會有分手既一日架啦！我根本無諗過會同佢長久！」
阿奈：「小你老母，你唔撚係人黎架！」
阿ｓａｍ：「我睇撚錯你！女人你都打！奈，我地走！」
阿ｓａｍ拖住阿奈走左出茶餐廳。
阿鋒：「點呀．．．你無事呀．．．？」佢見到阿ｓａｍ佢地走晒，即刻轉頭好溫柔咁摸住阿柔塊面問佢。
阿柔：「我．．．我無事．．．．」
阿鋒：「痛唔痛呀．．．？」佢既眼神充滿左心痛呢兩個字。
阿柔：「唔痛．．．．到底發生咩事．．．？」阿柔佢收起佢ｄ眼淚，問。
阿鋒：「唔好再講啦！仲之就興啦！」
阿柔：「好啦好啦，你唔好嬲啦，唔想講就由佢。」
∼∼茶餐廳出面∼∼
阿奈：「小！」
阿ｓａｍ：「你唔好再咁嬲啦．．．．」
阿奈：「唔嬲就假啦！我都未撚曾見過ｄ咁撚卜X既人架！」
阿ｓａｍ：「點呀，頭先比佢打個巴痛唔痛呀？」
阿奈：「痛就梗係痛啦！」
阿ｓａｍ：「係啦，我錫返啦。」
阿奈：「你個ｄ都唔知乜撚野兄弟黎架！咁撚樣都得！」
阿ｓａｍ：「我都估唔到佢會咁架。」
阿奈：「唉，激撚死我啦！」
阿ｓａｍ：「係喎，阿ｋａ呢？」
阿奈即刻望下周圍。
阿奈：「佢唔撚係仲係入面呀？！」
阿ｓａｍ：「唔會掛！」
阿奈：「返去睇下！」
佢兩個即刻走返轉頭，係茶餐廳門口望下。
阿奈：「喂，唔見佢喎！」
阿ｓａｍ：「你試下打比佢。」
阿奈：「嗯！」
其實係佢地嘈緊個陣，我已經走左。
我估唔到，阿鋒佢會講埋ｄ咁既野。
原來心痛真係可以令一個人失去靈魂。
我行左返屋企，呆左咁坐係度。
無可能，我一定唔會比返個ｂｂ佢地。
我咩都做唔到，因為思想已經唔到我去控制。
阿奈：「佢電話無人聽呀！」
阿ｓａｍ：「屋企手提都無人聽？！」
阿奈：「無呀！」
阿ｓａｍ：「唔係掛！」
阿奈：「死啦！佢去左邊呀？！」
阿ｓａｍ：「不如上佢屋企搵一搵佢啦！」
阿奈：「嗯！」
作者:
siu糖
時間:
2008-3-17 12:24 PM
阿奈同阿ｓａｍ上到黎。
「叮噹叮噹…」
我聽唔到門鐘響，仲係呆在咁坐係度。
阿奈：「死啦！做咩無人應門架？！」
阿ｓａｍ：「佢唔會係入面自殺呀？」
阿奈：「唔會掛！？」
阿ｓａｍ：「唔係啦，都係撞門入去睇睇好ｄ。」
阿ｓａｍ講完之後，就一腳踢落度門度。
阿奈即刻衝入黎我間房。
阿奈：「喂，你無事呀？！做咩又唔聽電話又唔開門呀？！」
我：「下？無野呀．．．．」我比佢嚇親。
阿奈：「你嚇死我啦。」
我：「得啦，我無事。」
阿奈：「唉．．．．．你唔好咁啦．．．．」
我：「我真係無野呀．．．」我對佢笑左一笑。
阿奈：「你．．．．唉．．．．你話無野就無野啦．．．．」
我：「你地走啦．．．比我自己靜一陣．．．．」
阿奈：「唉．．．好啦，有咩事你打比我。」
我：「嗯．．．」
佢地走左。
其實我一早知佢地會怕我自殺所以黎搵我。
頭先我對阿奈笑既個個笑容，係代表我既祝福。
我諗，呢世都唔可以再為呢個姊妹做ｄ咩。
我已經失去左阿鋒，唔可以再失去埋個ｂｂ。
個一刻，我個腦入面淨係諗到要去死。
呢個係唯一可以留住個ｂｂ係我身邊既方法。
只要我地一齊死左，ｂｂ就唔會離開我。
係阿奈佢地走左無幾耐之後，我就坐在係窗台前面。
我望住條街，咩都無諗。
用力，一跳，跳左落去。
∼∼樓下∼∼
阿奈：「唉，做咩會搞成咁．．．．」
阿ｓａｍ：「鬼知咩，一日最衰都係個個卜X啦。」
阿奈：「小！唔好撚再提佢啦！一諗起佢我就火！」
阿ｓａｍ：「喂，條卜X行緊過黎呀。」
阿奈：「小啦媽！」
佢兩個都係同一個反應，就係啤住阿鋒同阿柔。
突然之間，係佢地身後面傳出「呯」一聲。
無錯，係我。
阿奈佢地都嚇一跳。
第一個擰轉身睇既係阿龍。
阿龍：「報警呀！阿ｋａ跳樓呀！」
阿奈見到我成身血訓係佢面前，佢簡直係呆左。
阿ｓａｍ：「報警啦！仲望！」佢推左阿鋒一下。
之後係一陣手忙腳亂。
阿龍打電話去報警。
阿柔比我嚇親，攬住阿鋒係度震。
而阿奈，佢直頭係成個人軟晒咁趴左落阿ｓａｍ度。
阿ｓａｍ：「喂喂，你點呀？！」佢見到阿奈咁，啦啦聲就扶住佢。
阿奈：「ｋａ．．．．」
阿ｓａｍ：「你唔好嚇我呀！」
阿奈：「ｋａ．．．．」佢開始喊。
係等緊白車黎既時候，幾乎在場既每一個人都呆左。
阿鋒諗唔到我會自殺。
阿柔比我嚇到唔知做咩好。
阿奈見到我咁樣，喊到唔知似咩。
阿ｓａｍ見到阿奈咁傷心，佢自己都不自覺咁心痛。
阿龍都一樣係呆呆滯滯。
佢地平時打打殺殺得多，不過應該無見到自己既朋友係自己面前跳樓自殺掛。
白車黎左，送左我入醫院搶救。
佢地全部都跟住我去醫院。
手術室門口既紅燈著左，醫生正係入面埋頭同我做手術。
阿奈：「嗚．．．．．．阿ｋａ你千其唔好有事呀．．．．」佢攬住阿ｓａｍ不停咁係度喊。
阿ｓａｍ：「傻妹，唔好亂諗啦，無事架。」佢見到阿奈喊到咁，個心都覺得好唔安樂。唯有就係掃下佢背脊。
阿鋒仲攬住阿柔企係度。
而阿龍就坐左埋一邊。
阿奈：「一日都係你條卜X呀！唔係你阿ｋａ唔會咁！」阿奈突然之間企左係身指住阿鋒黎鬧。
阿鋒無出聲，其實佢都估唔到我會自殺。
應該話，佢都估唔到佢既說話可以比到咁大既傷害我，令到我竟然走去自殺。
阿奈：「你個卜X！你走呀！」佢係咁推阿鋒走。
而阿鋒無比到反應佢，只係不斷咁向後退。
阿ｓａｍ：「你冷靜ｄ先啦。」佢捉住阿奈。
阿奈：「而家仲點冷靜呀？！下？！唔係佢咁講野，阿ｋａ會自殺咩？！」
阿ｓａｍ：「我知佢有錯，不過而家唔係嘈既時候，你冷靜ｄ先啦。」
阿ｓａｍ：「你地走先啦。」阿ｓａｍ為左令阿奈冷靜ｄ，就轉頭叫阿鋒佢地走。
阿鋒佢地靜左陣，就走左。
阿奈攬住阿ｓａｍ，仲係不斷咁喊。
阿奈：「阿ｋａ係我姊妹黎架．．．．做咩會搞到咁．．．．」
阿ｓａｍ：「好啦．．．你乖啦．．．唔好再喊．．．阿ｋａ都唔會想見到你咁架．．．．」佢安慰阿奈。
唔知過左幾耐。
阿奈已經喊到支力 晒，趴左係阿ｓａｍ度訓著左。
手術室既紅燈終於都熄左。
阿ｓａｍ一見到，即刻就拍醒阿奈。
阿ｓａｍ：「奈，醒啦！醫生出黎啦！」
阿奈一聽到阿ｓａｍ話醫生出黎，就即刻醒左。
阿奈：「醫生，佢點呀？！」佢捉住個醫生問。
醫生：「佢無咩大問題，而家仲係昏迷緊。不過個ｂｂ就因為衝擊太大而救唔返。」
阿奈：「咁佢幾時先會醒返架？！」
醫生：「呢樣我地都唔清楚，因為佢失血過多，加上撞親個腦。而家佢仲未渡過危險期。」
阿奈：「咁而家點呀？！」
醫生：「我地會將佢送入深切治療部觀察幾日，如果情況係穩定既，我地就會送佢去普通病房。」
阿奈：「咁，我地可唔可去睇佢呀？！」
醫生：「可以既，不過記住唔好太嘈。」
阿奈：「唔該你先醫生！」
佢地同個醫生講完，就即刻走左上去深切治療部。
阿奈見到我成身插滿喉管，個頭又包到成個大頭怪嬰咁，又忍唔住喊左出黎。
阿ｓａｍ：「你唔好再喊啦，阿ｋａ佢無事架啦。」
阿奈：「點解要咁傻姐，有咩事唔可以解決喎．．．．」
阿ｓａｍ：「唉．．．．．」
阿奈：「你快ｄ醒返啦．．．．唔係仲邊有人同我去昅仔．．．．」
阿ｓａｍ：「你唔好咁啦．．．．．」
阿奈坐左係床邊，捉坐我隻手。
佢兩個，就係咁睇住我。
∼∼阿鋒屋企∼∼
阿柔：「你．．．無咩事嘛．．．？」
阿鋒：「得，我無咩事，你無事呀？」其實阿鋒仲係呆呆滯滯，如果唔係阿柔唔會咁問佢。
阿柔：「我無事，係頭先嚇親姐．．．」
阿鋒：「你無事就得啦，去訓啦，我靜陣就無野架啦。」
阿柔：「嗯．．．．」
阿柔入左房，佢都知道，係要比ｄ時間阿鋒冷靜。
阿鋒坐左一陣，就出左門口。
佢行左過隔離屋搵阿龍。
「叮噹叮噹．．．」
阿龍好快就黎左開門。
阿龍：「咩事呀？鋒哥。」
阿鋒：「得唔得閒呀？」
阿龍：「得呀。」
阿鋒：「陪我去飲酒。」
佢兩個落左ｂａｒ。
∼∼酒吧中∼∼
阿鋒：「其實我係咪做錯左？」阿鋒望住枝酒係度問阿龍。
阿龍：「你指阿ｋａ自殺呢單野？」佢望住阿鋒。
阿鋒：「嗯。」
阿龍：「我唔太清楚你地頭先係茶餐廳發生ｄ咩事啦，因為我都係之後先到。不過我覺得，你又係做得過份左既。」
阿鋒：「或者啦。」
阿龍：「其實，你就算唔愛佢，都唔駛連個ｂｂ都拎埋走既。」
阿鋒：「你都知我，個陣眼火爆，咩都講得出。我無諗過真係要拎走佢個ｂｂ．．．」
阿龍：「唉．．．但係你唔知道，一個人傷心個陣所聽到既野就會變晒做真架啦．．．．佢仲理得你係唔係係度發緊脾氣咩．．．」
阿鋒：「唉．．．．．」
阿龍：「而家後悔黎都無架啦．．．．」
阿鋒：「我成世人．．．都無乜野做完之後會後悔．．．．或者呢一次．．．我真係後悔．．．．」
阿龍：「算啦．．．唔好再諗咁多．．．．」
個晚，阿龍陪阿鋒飲左成晚。
而阿奈同阿ｓａｍ就係醫院睇住我成晚
作者:
siu糖
時間:
2008-3-17 12:27 PM
過左兩日．．．．
我渡過左危險期，不過仍然未醒返。
醫生將我轉左去普通病房。
阿奈：「醫生，佢到底幾時醒架？」
醫生：「我地都唔清楚，佢咁樣昏迷法，一年唔定一個月唔定，可能一世都唔定。」
阿奈：「咁咪姐係變左植物人？！」
醫生：「可以咁講。」
醫生講完呢句之後就走左。
其實做醫護人員既人係咪已經睇到化晒呢？
我覺得佢地好似對咩都無乜感覺咁既。
阿奈：「咁而家點呀．．．．？」佢又開始想喊。
阿ｓａｍ：「你唔好再喊啦．．．而家唯有係等佢醒架姐．．．」
阿奈：「嗯．．．．」
呢日阿鋒同阿龍黎探我。
不過當阿鋒一入到病房，阿奈見到佢就即刻推佢返出黎。
阿奈：「你仲黎做咩呀？！」
阿鋒無出到聲，企左係度。
阿奈：「你走啦！仲黎做咩？！覺得阿ｋａ唔夠慘黎踩多兩腳呀？！」
阿龍：「奈姐．．．鋒哥都係想黎睇下佢姐．．．」
阿奈：「駛尻佢黎睇呀？！叫佢返屋企睇住佢個阿柔先啦！」
雖然阿奈係同緊阿龍講野，不過佢隻眼就一路啤住阿鋒。
阿龍：「你點都比佢入去睇一睇佢啦。」
阿奈：「唔撚得！我唔會比呢條卜X入去架啦！」
阿龍：「你．．．．！」
阿奈：「你你你你乜撚野丫你！走呀你地！」
阿ｓａｍ：「唔好咁啦，我同佢地講幾句，你入去睇住阿ｋａ啦。」佢拉返阿奈入病房。
阿ｓａｍ：「你地都係走啦，阿奈係唔會比你地入去架啦。」
阿龍：「鋒哥都覺得自己有錯啦．．．．」
阿ｓａｍ：「而家先黎知錯有用咩？！如果唔係我地當時係度，阿ｋａ一早死左啦！仲有佢個ｂｂ呢！而家無埋啦！」
阿龍：「咁都無人想發生ｄ咁既事架．．．．」
阿ｓａｍ：「唔係呢條卜X既話，會搞到今日咁咩？！我見住阿ｋａ個日仲話要為左個ｂｂ努力生存落去，而家呢？！因為呢條友仔既一句說話，睇下搞到而家點？！」
阿鋒：「算啦，唔好嘈啦。阿龍，我地都係走啦。」阿鋒終於出聲。
佢兩個行左出醫院門口。
阿龍：「鋒哥，真係唔入去睇佢呀？」
阿鋒：「而家阿ｓａｍ同阿奈都唔會比我入去啦，都係夜ｄ我自己一個再黎啦。」
阿龍：「唉．．．．．」
∼∼夜晚∼∼
阿ｓａｍ：「老婆，你都支力 啦，不如返屋企休息下啦。」
阿奈：「唔得！我要留係度直到佢醒為止。」
阿ｓａｍ：「你乖啦，你都唔想阿ｋａ一起身就見到你呢個樣架，返去沖個涼訓陣啦。」
阿奈：「但係佢醒左咁點呀？」
阿ｓａｍ：「我係度睇住佢，如果佢醒左既，我第一時間打電話通知你好無？」
阿奈：「嗯．．．咁好啦．．．」
阿ｓａｍ：「你自己返去小心ｄ，有咩事就打比我啦。」
阿奈：「嗯．．．」
阿奈係醫院幾日，終於肯返屋企休息下。
就係阿奈上的士既同一時間，阿鋒係另一架的士上落車。
佢一個人靜靜地行到去我病房既門口。
阿ｓａｍ：「入黎啦，阿奈走左啦。」
原來係阿ｓａｍ通知佢既。
阿鋒：「佢而家點呀？」
阿ｓａｍ：「有咩點，咪仲係昏迷囉。你自己有眼睇架。」
大家都靜左落黎望住我。
阿ｓａｍ：「我出去一陣去食ｄ野，你自己睇住佢啦。」
阿鋒坐在係我隔離，佢捉住我隻手。
昏迷中既我感受到有ｄ暖意，不過仍然都係無醒。
佢咩都無講，只係摸左我個頭幾下。
我諗我而家一定係好樣衰，個腦ｄ紗布已經拆得七七八八，不過成身仲係插滿喉管，塊面仲有ｄ傷痕。
過左一陣，阿ｓａｍ返黎。
大家都係靜靜咁坐係度，咩聲都無出。
四圍發出既，係儀器既ｄｏ ｄｏ聲。
阿鋒：「陪我出去煲枝煙。」佢突然行到阿ｓａｍ身邊同佢講。
阿ｓａｍ無出聲，跟左佢出去。
阿鋒：「佢個ｂｂ無左？」
佢兩個企係醫院出面既欄杆度。
阿ｓａｍ：「嗯。醫生話撞擊太大，救唔返。」
又靜左，大家都望住前面。
因為夜深既關係，馬路上得好少車會間唔中經過。
阿ｓａｍ：「你放低阿柔一個人係屋企安心架啦？」
阿鋒：「都咁大個人，應該得既。」
阿ｓａｍ：「唔怕又好似上次咁，比人掉左佢落街咩？」
阿鋒無出到聲。
阿ｓａｍ：「都幾搞笑，兩個女人，一個比人掉落街，一個自己跳樓自殺。而呢兩個女人，我諗都係深愛你既。」
阿鋒：「得啦，我自己有分數。」
阿ｓａｍ：「有分數？我諗你而家應該唔知點做先岩。」
煙就黎煲完，阿ｓａｍ行返入醫院前講左句說話。
阿ｓａｍ：「係愛既，就唔該你好好珍惜，唔好到失去左先黎後悔。」
講完之後，佢就行返入醫院。
阿鋒係醫院門口，企左好耐。
到差唔多天光既時候，佢先走。
∼∼一個禮拜之後∼∼
阿奈今日仍然係坐係床邊睇住我。
我隻手開始郁。
阿奈：「佢醒啦！佢醒啦！」阿奈見到我開始有反應，即刻大叫。
阿ｓａｍ：「我去叫醫生！」
阿奈：「阿ｋａ！你醒啦！醒呀！」佢用力捉住我隻手。
我比佢捉到有ｄ痛，開始睜大眼。
我：「痛．．．」
醒返之後第一個比我既感覺係痛，成身上下都痛。
阿奈：「你終於都醒啦咩？！肯醒啦咩？！」佢係度喊。
我：「你．．．放手先啦．．．好痛呀．．．．」
醫生：「你地出去先啦，我地要幫病人檢查。」
阿奈同阿ｓａｍ企左係門口。
醫生一出黎阿奈就捉住佢。
阿奈：「點呀？」
醫生：「佢無咩大礙，不過個腦有塊瘀血係度。可能會影響佢既記憶。」
阿奈：「咁，咁姐係會失憶呀？！」
醫生：「有咁既可能性，不過都要睇下情況係點先。」
阿奈同阿ｓａｍ入返黎。
阿奈：「阿ｋａ．．．．」
我：「奈．．．做咩我會係醫院架？」
阿奈：「下？！」
我記得，我記得阿奈。
阿ｓａｍ：「你囉，唔小心係屋企趺左落街呀。」
阿奈：「係囉，唔小心囉。」阿奈聽到阿ｓａｍ咁講，唯有配合。
我：「唔係掛，咁樣衰．．．．咦，係呢，呢個邊個黎架？」我望住阿ｓａｍ。
阿奈：「下？！呢個．．．．」
阿ｓａｍ：「我咪佢條仔囉，一齊左好耐架啦。」
阿奈：「嗯。」
我：「你條仔？！你幾時有條仔架？！我同你由細玩到大都未聽過你有男朋友既？！」
阿奈：「我．．．口密嘛！點知傳左出黎會唔會出人笑架。」
我：「白痴，點會比人笑喎！佢幾型呀！叫咩名呀？」我問阿ｓａｍ。
阿ｓａｍ：「我叫阿ｓａｍ呀。」
我：「喔．．．．」
阿奈：「你無咩事嘛？仲有無邊度覺得痛呀？」
我：「無呀。又會無啦啦係屋企趺左落街咁樣衰既，一定比人笑死。」
阿奈：「傻啦，有邊個會笑你喎！」
我：「係呢，我入左醫院有幾耐啦？」
阿奈：「你真係咩都唔記得？！」
我：「下，記得ｄ咩呀？我淨係知我而家訓係醫院咋，因咩事訓左係度我咩都唔知啦。」
阿奈：「咁你唔記得佢啦？！」佢指住阿ｓａｍ問。
我：「阿ｓａｍ？！記得呀！佢岩岩頭先講既！岩岩先認識點會咁快唔記得呀？！」
阿奈：「咁你仲記唔記得我地住邊呀？」
我：「記得呀，咪玩我啦，點會自己屋企係邊都唔記得喎！」
大家靜左陣，我望住佢地，硬係覺得怪怪地。
我：「做咩呀？有咩問題？」
阿奈：「下，無呀，我地而家去食野，你肚唔肚餓呀？我買野比你食。」
我：「餓呀！」
阿奈：「咁你休息陣啦，我地而家去買。」
我：「嗯。」
佢地出左去，我就望住個窗係度發呆。
做咩阿奈會無啦啦問埋ｄ咁既問題架呢？
我又做咩會無啦啦唔小心係屋企趺左落街架呢？
阿奈既男朋友阿ｓａｍ又係邊個？
好似好多野都唔記得左咁，但係我又講唔出係ｄ咩。
算啦，唔諗啦，愈諗愈頭痛。
阿奈：「死啦．．．佢真係失左憶。」
阿ｓａｍ：「但係佢又唔似咩都唔記得喎，佢仲記得你。」
阿奈：「係啦，點解會咁架？」
阿ｓａｍ：「不過佢失憶都係一件好事黎既，起碼佢唔記得阿鋒ｄ野先。」
阿奈：「我都係咁話！」
阿ｓａｍ：「佢呢ｄ係咪叫選擇性失憶呢？」
阿奈：「係掛，我點知姐，我又唔係醫生。」佢笑左笑。
阿ｓａｍ：「終於都肯笑啦咩？我以為你唔識笑啦。」
阿奈：「咁阿ｋａ個幾日咁樣我仲邊有心情笑得落呀．．．．」
阿ｓａｍ：「放心喎，佢而家都無事囉，唔好再咁擔心啦。」
阿奈：「嗯。」
阿ｓａｍ攬住阿奈行去買野食
作者:
siu糖
時間:
2008-3-17 12:33 PM
就係阿ｓａｍ佢地去左買野食既時候，有個人入左黎。
我擰轉頭望住佢。
係邊個呢？好似識佢又好似唔識咁。
我：「你係邊個呀？」
阿鋒：「你．．．醒返啦．．．？」
我：「係呀．．．不過，你係邊個呀？」
阿鋒：「你．．．你唔記得我．．．？」
我：「我．．好似唔識你架喎．．．．」
阿鋒：「我．．．．」
呢個男人都幾搞笑，一入黎就問我係咪醒返。
不過望多幾望，發覺佢都幾靚仔。
就係大家無言既時候，阿ｓａｍ佢地返黎。
阿奈：「喂，你係度做咩呀？！」佢一見到阿鋒就鬧。
阿鋒：「我走先啦。」佢咩都無解釋到，就走左。
我：「喂，邊個黎架？你識架？」我問阿奈。
阿奈：「下，唔駛理佢架啦，閒人黎架咋。」
我：「唔係喎，幾靚仔喎。」
阿奈：「靚仔無本心呀。食野啦。」
我唔係好明阿奈呢句說話點解，不過我無去問，靜靜咁食野。
阿ｓａｍ：「佢失左憶．．．．」
阿鋒：「嗯．．．．」
阿ｓａｍ跟住阿鋒出左去，佢兩個又企係門口度煲煙。
阿ｓａｍ：「不過佢唔係咩都唔記得晒，只係唔記得左我地。」
阿鋒：「嗯．．．．唔記得都係一件好事黎既．．．」
大家都無野再講落去．．．．．
有時，失憶可能係一件好事．．．
但係當再次記返起既時候．．．又係另外一回事．．．
我：「下，我覺得頭先個靚仔硬係好似熟口熟面咁，唔知係邊度見過。」
阿奈：「你理得佢丫，ｄ閒雜人等黎架姐。」
我：「咦，係喎！你同你條仔又點呀？」
阿奈：「有咩點，咪又係咁。」
我：「估唔到你個衰婆，唔聲唔聲溝到件咁型既。你就好啦。」
阿奈：「你駛咩恨姐，遲ｄ或者你都有呢。」
我：「係就好呀！不過我唔要型既，我要靚仔。哈哈哈。」
我同阿奈係度嘻嘻哈哈。
表面上，阿奈陪我係度癲，其實，佢心入面不知幾擔心我記返起阿鋒ｄ野。
過多一個禮拜，我都係時候出院啦。
阿奈：「喂，行啦。」
我：「嗯。」
我發覺阿ｓａｍ都幾好仔，起碼成個禮拜而黎，佢都係陪係阿奈身邊。
阿奈：「老公呀，今晚去邊度食飯呀？」
阿ｓａｍ：「是但啦，你想去邊咪去邊囉。」
阿奈：「唔得，我要知你想去邊食。」
阿ｓａｍ：「都係去我地平時去行個間茶餐廳架啦。」
阿奈：「嗯。」
望落阿奈個樣，睇得出佢好幸福。
哈哈，估唔到我個好姊妹可以搵到個咁好既男朋友。
我：「你兩個好肉麻呀。」我拎住袋野，帶頭行左出去。
阿奈：「咩姐？」佢笑。
我：「唔係咩，嘔死啦就黎。」
阿奈：「唔抵得呀？」
我：「我先無咁唔得閒，唔抵得你兩個ｄ野呀。」
哈哈，開開心心咁又過一日。
阿奈佢地陪我返到屋企。
老實講，我真係咩都唔記得。
連自己個日做咩無啦啦趺左落街都唔知。
但係我無去諗到，因為覺得呢ｄ野好似一ｄ都唔重要。
作者:
siu糖
時間:
2008-3-17 12:34 PM
∼∼夜晚，茶餐廳∼∼
我同阿奈佢地落左去食飯。
一入到去，哈，又見到個日係醫院個個靚仔喎。
我對佢笑左一笑。
呢個男仔，比我種好親切既感覺。
佢隔離仲坐住個女仔，好靚女，好純咁既。
或者係佢女朋友掛。
佢對面仲坐住個男仔，個個男仔睇落都幾好樣，有ｄ型又有ｄ靚仔。
阿龍：「ｓａｍ哥。」
阿ｓａｍ：「嗯。」
我：「乜．．．識架？」我有ｄ出奇，諗唔到佢地係識架喎。
阿奈：「唔識架，識佢老鼠咩，我地行啦，食飯。」
阿奈拉住我坐係佢地後幾張台。
我：「唔係喎，唔識又會叫佢既？」
阿奈：「佢識唔代表我地識嘛。」
我：「哦．．．．」
雖然阿奈把口就話唔識佢地，但係唔知點解，我硬係對個個男仔有種特別既感覺。
我ｆｅｅｌ到，個男仔間唔中都有望下我。
仲有個個女仔，久唔久就望下我。
我：「喂，講真喎，佢地係邊個黎架？」
阿奈：「哎呀，做咩你問極都唔死心架。」
我：「咁唔識佢地丫嘛，八下都得掛．．．．．」
阿奈：「八唔係唔得，不過都唔好八佢地丫．．．．．」
我：「有咩問題呀？．．．」
阿奈：「咁．．．．哎呀！無野啦！」
我：「做咩姐．．．．．．」
阿奈：「係啦係啦，識啦！咁點丫！」我相信阿奈就黎比我激死。
我：「哦，無呀。咁佢地係邊個黎架？」
阿奈：「頭先同阿ｓａｍ打招呼個個叫阿龍，坐係佢對面個個叫阿鋒，阿鋒隔離個個係佢條女叫阿柔。佢兩個係阿ｓａｍ ｄ兄弟。講完。」
我：「哦．．．明白晒。你一早講我知咪好囉，駛咩咁麻煩姐，又唔係ｄ咩唔比得人知呀。」
阿奈：「係啦，食飯啦。」
作者:
siu糖
時間:
2008-3-17 12:45 PM
∼∼阿鋒屋企∼∼
阿柔：「鋒呀．．．．」阿柔企係阿鋒後面，而阿鋒就坐左係梳發度睇電視。
阿鋒：「嗯？」阿鋒連望都無望佢。
阿柔：「我有ｄ野想同你講呀．．．」
阿鋒：「咩事呀？你講啦。」
阿柔：「你．．．．對阿ｋａ係咪有ｄ野呀？」
阿鋒呆左呆，佢估唔到阿柔會咁問佢。
阿鋒：「唔係呀，做咩咁問呀？」
阿柔：「我．．．唔係想懷疑你．．．不過，我覺得．．．．你好似鍾意左佢。」
阿鋒：「下，痴線啦，無啦啦做咩會話我鍾意左佢？」
阿柔：「唔係咩，當你見到佢跳樓個陣，我見到你個樣好心痛。」
阿鋒：「邊有呀．．．．」
阿柔：「唔好呃我啦．．．．我知你呢兩個禮拜，成日久唔久都會去醫院睇佢．．．」
阿鋒：「咁朋友有事，正常都應該去睇下佢姐．．．」
阿柔：「但係我覺得你同佢唔止朋友咁簡單．．．．」
阿鋒：「咁你而家想點呀，姐係唔信我啦。」阿鋒開始有ｄ唔耐煩。
阿柔：「或者，我地都係分開冷靜下。」佢講完呢句，就走返入房。
唔知阿柔係咪覺得阿鋒唔愛佢呢？
但係無理由架，阿鋒一向都對佢好好架。
∼∼另一邊箱，阿ｓａｍ屋企∼∼
阿奈：「死啦，再咁落去阿ｋａ會唔會記得返阿鋒架？」
阿ｓａｍ：「我都驚緊，睇黎阿ｋａ好似對佢好有興趣咁。」
阿奈：「哎呀，呢ｄ咁既男人，通行都係啦！」
阿ｓａｍ：「通街都係男人，不過我相信阿鋒係特別吸引人既。」
阿奈：「都唔明佢有咩咁好！？」
阿ｓａｍ：「你覺得我最好咪唔覺得佢好囉。」阿ｓａｍ笑。
阿奈：「你去死啦，你都一ｄ都唔好。」
阿ｓａｍ：「係咩，我唔好你又同我一齊？」
阿奈：「係囉，我都唔知係咪盲左。早知揀阿龍都唔揀你。」
阿ｓａｍ：「係呀，咁好囉，你去揀阿龍囉。我唔阻你，拜拜。」
阿奈：「你．．．！哼！揀阿龍咪揀阿龍！」
阿ｓａｍ：「係囉，仲唔行？行啦！」無錯，阿ｓａｍ係突登係度激阿奈既。
呢ｄ叫情趣嘛。
阿奈：「行咪行！哼！」
阿ｓａｍ：「係啦係啦，唔激你啦，傻妹。」
阿奈：「你就傻！我而家要去搵阿龍呀！」
阿ｓａｍ：「係咪唔要我啦？」
阿奈：「唔要！你有咩咁好要呀？！」
阿ｓａｍ：「哦，咁算囉。你唔要我仲有大把女要我。」
阿奈：「係囉！去搵你ｄ女囉！」
阿ｓａｍ一路望住阿奈ｄ反應，佢忍笑忍得好辛苦。
阿ｓａｍ：「可惜我心入面淨係得你一個呢．．．」佢攬住阿奈。
阿奈：「講大話。」
阿ｓａｍ：「邊有講大話，咁耐以黎我唔係對你好好咩．．．」
阿奈：「係啦．．．．」
阿ｓａｍ：「老婆．．．我呢世都鍚晒你．．．」
阿奈：「嗯．．．」
佢兩個又錫到攬埋一舊啦。
真係恩愛。
阿鋒同阿柔而家叫做分開冷靜，其實同分手差唔多架姐。
阿龍：「點呀你同柔姐？」
阿鋒：「有咩點呀？佢自己話要分開冷靜下既。」
阿龍：「咁其實講真，你鍾意邊個多ｄ？」
阿鋒：「我點知姐．．．．」
阿龍：「你自己慢慢諗啦．．．．」
阿鋒：「嗯．．．．」
阿鋒都真係唔知，佢自己鍾意邊個多ｄ。
佢淨係知道，當佢知道我跳樓個陣，個反應仲大過知道阿柔比人拋左落樓。
或者佢無諗過我愛佢既程度可以去到咁深掛。
作者:
siu糖
時間:
2008-3-17 12:46 PM
大家仲記唔記得我地之前返緊學既。
其實係呢幾個月放緊暑假，所以我地先唔駛返學。
今日九月一啦，開學日。
又係時候返學啦。
阿奈一早就拍醒阿ｓａｍ。
阿ｓａｍ：「嗯．．．做咩呀？」仲係未捨得起身。
阿奈：「起身啦．．．．返學啦。」
阿ｓａｍ：「嗯．．．．訓多陣先啦。」
阿奈：「仲訓？遲到啦，醒啦。」
阿ｓａｍ：「一向都遲慣架啦．．．」
阿奈：「起身啦．．．．」
阿ｓａｍ：「哎呀，係啦係啦，怕左你。」阿ｓａｍ終於都彈左起身。
阿奈：「嗯，咁快ｄ去換衫啦。」
阿ｓａｍ：「咁早起身做咩姐．．．？」其實佢仲係恰下恰下。
阿奈：「我約左阿ｋａ去食早餐嘛。」
阿ｓａｍ：「係啦．．．唉．．．」
∼∼茶餐廳∼∼
阿奈：「早晨！！」佢笑容滿面咁坐埋黎。
我：「早晨。做咩笑到四萬咁口呀？」
阿奈：「無呀。」
我：「古靈精怪。」我望一望佢，繼續食手上面既多士。
阿奈：「嘩，你一早叫左野食架啦。」
我：「梗係啦，唔係等你咩！你例遲黎既，等埋你黎我都餓ｑ死左。」
阿奈：「咩姐？哼！唔好理佢，我地叫野食。」佢拉住阿ｓａｍ講。
呢個時候，阿鋒佢同阿龍走左入黎。
阿龍：「ｓａｍ哥。」
阿ｓａｍ：「嗯，咁早既你地。」
阿龍：「係呀，肚餓落黎食早餐嘛。」
阿ｓａｍ：「咁一齊啦。」
佢地坐低左。
作者:
siu糖
時間:
2008-3-17 12:48 PM
阿奈：「做咩叫佢地一齊食姐？！」阿奈細細聲係阿ｓａｍ耳邊講。
阿ｓａｍ：「咁唔係點呀？叫佢地走呀？」
阿奈：「如果一陣阿ｋａ記得佢咁點呀？！」
阿ｓａｍ：「唔會既，你睇下，阿ｋａ都無咩反應。」
阿奈：「我唔知！仲之我唔會比佢兩個係返埋一齊架啦！」
阿ｓａｍ：「而家阿柔都同阿鋒散左啦．．．．」
阿奈：「散佢個頭呀！佢都之不過係話分開冷靜下之嘛！」
阿ｓａｍ：「咁咪差唔多．．．．」
阿奈：「咩差唔多呀？！差得遠呀！」
我：「喂，你兩個係度咬耳仔講咩姐？」
阿奈：「你八卦啦你。」
我：「咩姐．．．唔講得比我聽咪算囉．．．哼．．．」
我：「咦，你又同我地同一間學校架？」我望到阿鋒同我地著埋同一間學校既校服。
阿鋒：「下．．．．係呀．．．」佢好似有ｄ愕然，好似估唔到我會同佢講野咁。
我：「你讀咩班架？」
阿鋒：「下．．．咪同你地一班囉．．．」
我：「下，同一班？我好似未見過你咁既．．．．」
阿鋒：「係咩．．．你唔留意掛．．．」
我：「咁你地呢，你地都係同我同一班架？！」我指住阿ｓａｍ同阿龍問。
阿ｓａｍ：「係呀。」
我：「唔係掛？！我好似從來都未見過你地咁喎！」
阿奈：「哎呀，佢地今年新轉黎架！」
我：「新轉黎？！咁佢又話係我一直無留意既？」我心諗，無理由架。有三個咁靚仔又咁型仔既同學，無理由唔發現架。
就算我唔發現呀，阿奈或者同班個班豬扒都發現啦。無理由我會唔知既。
阿奈：「佢頭先亂講之嘛。係呀，新轉黎架。」
我：「哦，你話係就係啦。」
阿ｓａｍ：「喂，食飽未呀？食飽就行啦。」
阿龍：「嗯，行啦。」
作者:
siu糖
時間:
2008-3-17 12:51 PM
∼∼學校，課室∼∼
我地五個返到課室，ｄ同學就已經起哄。
同學ａ：「ｓａｍ哥鋒哥龍哥，咁早呀你地，食左早餐未呀？」呢個同學係上年同我地同班既其中一個同學。
做咩佢會識得阿ｓａｍ佢地既．．．．乜佢地唔係新轉校黎架咩？
阿ｓａｍ：「關你蛋治咩，彈開啦。」
同學ａ：「係既係既。」
我：「喂，你又話佢地新轉黎既？點解阿邊個邊個好似識佢地咁既？」我問阿奈。
阿奈：「人地一早係出面識得架啦，你未見過姐。」
我：「哦。」
阿奈：「死啦，再咁落去遲早穿架咋。你咪當阿ｋａ蠢先得架．．．．雖然佢又真係不嬲都蠢蠢地。」阿奈又係阿ｓａｍ耳邊細細聲講。
阿ｓａｍ：「見步行步啦。而家都返到黎學校囉。」
阿奈：「唯有係咁。」
就係我地大家無無聊聊等緊ｍｉｓｓ入黎既時候，有兩個人走左入黎。
一個係女仔，一個係男仔。
個個女仔．．．．咦，咁熟面口既？
佢咪好似係上次係茶餐廳個度，坐係阿鋒隔離個個女仔？
阿龍：「喂，柔姐呀！」阿龍見到係阿柔，即刻拍一拍阿鋒。
阿ｓａｍ阿奈阿鋒聽到佢咁講都呆左呆。
阿鋒：「做咩你會係度架？」佢行去阿柔面前問。
阿柔：「咁你係呢間學校返學嘛，我咪轉校黎陪你囉。」
阿鋒：「駛咩搞咁多野姐，平時仲見唔夠咩？」
阿柔：「咁我都係想陪下你姐．．．．」
阿鋒：「是但啦。你自己搵個位坐啦。」阿鋒講完之後又返返埋位。
阿柔揀都唔駛揀，佢跟住阿鋒行埋位，就坐在係阿鋒隔離。
阿ｓａｍ：「今次有戲好睇啦。」
阿奈：「個死八婆黎呢度做咩呀？！」
阿ｓａｍ：「我點知佢。」
阿奈：「佢唔係話要同阿鋒分開冷靜下架咩？！而家又死黎呢度做咩？！」
阿ｓａｍ：「或者佢覺得冷靜夠啦，係時候同返阿鋒一齊啦掛。」
阿奈：「佢唔好係度搞搞震，如果唔係我實行將佢煎皮拆骨！」
作者:
siu糖
時間:
2008-3-17 12:52 PM
另外咪仲有個男仔既，而家望下佢，發覺原來佢都幾型幾靚仔架喎。
哈，我地學校幾時變左靚仔型仔集中地架？
今年多咁多仔入黎讀既？！
我：「喂，岩你呀。」我搵手肘撞一撞阿奈，笑住咁同佢講。
阿奈：「幾靚仔呀，又型喎。」
我：「係喎，又高呢。」
阿奈：「係囉，正呀。」阿奈個樣擺到明流晒口水。
阿ｓａｍ：「咁正咪去溝人囉．．．．」
阿奈：「咩姐，你好想我去溝佢咩？」
阿ｓａｍ：「咁又係你自己話正既。」
阿奈：「正都唔一定要溝架嘛。」
阿ｓａｍ：「係咩？！我睇你個樣好似好想溝人咁喎。」
阿奈：「邊有？！」
阿ｓａｍ：「哼。」
阿奈：「做咩姐．．．嬲呀？」
阿ｓａｍ：「係架啦，鬼叫你讚人型仔靚仔呀？！家陣我唔型咩？！」
阿奈：「咁人地靚仔喎！」
阿ｓａｍ：「咁我而家唔靚仔咩？！」
聽到佢呢句我真係想笑出黎。
阿奈：「人地靚仔ｄ囉！」
阿ｓａｍ：「咁佢又唔夠阿鋒靚仔呀！」
阿奈：「但係佢靚仔得黎又有ｄ型喎！」
阿ｓａｍ：「挑！咁咪姐係阿龍既翻版！」
阿奈：「嘩！擺到明佢好過阿龍好多啦！你睇下，人地幾高先得架。」
阿ｓａｍ：「咁佢咁好你咪去溝佢囉！」
阿奈：「挑！儕}溝！你叫架咋！陣間唔好係度呷醋呀？！」
阿ｓａｍ：「我實會架喎！」
阿奈：「咁你就唔好叫我溝啦！」阿奈聽到佢呢句都唔知好嬲定好笑。
阿ｓａｍ：「你咁想，我無理由阻止你架！去囉！」阿ｓａｍ個樣有ｄ發脾氣。
阿奈：「做咩姐．．．真係呷醋呀？」阿奈見到佢咁既樣，都細聲返ｄ同佢講野。
阿ｓａｍ：「係呀！唔得呀？！」
阿奈：「咩喎，咁我讚下佢之嘛．．．又無話一定要溝．．．」
阿ｓａｍ：「你係我面前讚第二個男人喎！」
阿奈：「咁，咁讚下唔得咩？我成日都係咁架啦．．．．」
阿ｓａｍ：「哦，咁好囉！下次到我讚下ｄ女又索又靚囉！」
阿奈：「你．．．！唔得呀！我唔准！」
阿ｓａｍ：「唔准我讚其他女，你自己讚其他仔就得！」
阿奈：「大家一齊唔好讚囉！」
作者:
siu糖
時間:
2008-3-17 12:53 PM
阿ｓａｍ：「唔好讚咪唔好讚囉！反正我都唔昄女架啦！」
阿奈：「呀．．．唔好嬲啦．．．」佢拉住阿ｓａｍ隻手係度ｆｉｎｇ。
阿ｓａｍ：「嬲呀，鬼叫你讚人。」
阿奈：「黎啦．．．唔好嬲啦．．．」
阿ｓａｍ一路望住阿奈，一路忍笑。
阿ｓａｍ：「係啦係啦，唔嬲啦，咁你唔准再讚人架喎。」
阿奈：「嗯。」
阿ｓａｍ：「咁算啦，錫返啖算啦。」
阿奈：「下？！」
阿ｓａｍ：「下咩呀？咁你激嬲左我係咪要錫返先？！」
阿奈：「唔好啦．．．．．．」
阿ｓａｍ：「無得唔好呀，快ｄ錫。」
阿奈好無奈．．．．唯有錫返啖阿ｓａｍ。
阿ｓａｍ：「算你啦。」
我一路睇住阿ｓａｍ同阿奈係度耍花窗，一路係度笑。
突然有個人坐左係我隔離。
望一望，咦，原來係個個靚仔。
男仔：「ｈｉ！」佢主動同我打招呼。
我：「下．．．哦．．．ｈｉ．．．」我都唔知比咩反應佢好，因為我根本無諗過佢會同我講野。
男仔：「我叫阿逸呀，你叫咩名呀？」
我：「下．．．？我．．．叫阿ｋａ呀。」
阿逸：「哦．．．」
大家靜左，因為我都唔知再繼續同佢講ｄ咩好。
呢個阿逸都唔算ｃｏｏｌ喎，竟然會同我主動打招呼。
不過唔知會唔會又係ｄ串柒柒既人呢．．．．．．．．．．
我：「係呢．．．你．．．做咩會轉黎呢間學校讀既？」
阿逸：「搬屋咪轉校囉。」
我：「哦．．．」
阿逸：「不如今日一齊去食ｌｕｎｃｈ囉。」
我：「下？！哦．．．好呀．．．」我嚇左一跳，咁快約我去食ｌｕｎｃｈ？！
我：「喂，一陣同埋個條仔一齊去食ｌｕｎｃｈ囉。」我拍一拍阿奈，同佢講。
阿奈：「下？！咁快約埋一齊食ｌｕｎｃｈ啦？」
我：「佢約我架咋！」
阿奈：「唔啦，費事阿ｓａｍ呷醋。」
我：「唔好啦，一齊去啦。得我同佢去好似唔知點咁．．．．」
阿奈：「咪岩囉，比你兩個二人世界啦。條仔唔差架，去啦。」
我：「你都痴線既，無啦啦講埋ｄ咁既野。」
阿奈：「咩姐，咁你咁耐都無男朋友，係咪好應該識返個先？！」
我：「你估我係你咩？我先唔恨呀。」
阿奈：「係呀係呀，唔恨。」
我：「咁真係唔恨丫嘛．．．．點呀？一齊去食飯啦。」
阿奈：「唉，係啦，我問下阿ｓａｍ先啦。」
作者:
siu糖
時間:
2008-3-17 12:56 PM
阿奈：「老公．．．．」
阿ｓａｍ：「嗯？」
阿奈：「阿ｋａ話．．．．」
阿ｓａｍ：「話咩？」
阿奈：「佢話同埋個條新黎既仔一齊去食飯喎．．．．．」
阿ｓａｍ：「淨係得你兩個同佢？」
阿奈：「我唔知呀．．．．」
阿ｓａｍ：「食飯？得呀，大家一齊去囉。」
阿奈：「下，姐係你地都去呀？」
阿ｓａｍ：「係呀，唔得呀？」
阿奈：「唔係．．．．．．．．」
阿奈：「佢話可以去喎．．．．」
我：「正！咁我就唔駛怕啦。」
阿奈：「不過．．．．．佢地都一齊去喎．．．．」
我：「下．．．．不過是但啦，又無咩所謂既。」
阿奈：「嗯．．．．．」
∼∼ｌｕｎｃｈ時間∼∼
阿逸：「喂，行囉。」
我：「下，等陣。」
阿逸：「做咩？」
我：「等埋阿奈佢地先啦。」
阿逸：「佢地又去呀？」
我：「係呀。你唔鍾意呀？」
阿逸：「唔係呀，無所謂。」
阿龍：「行得未呀？好撚肚餓呀。」
阿奈：「餓得死你咩？！而家咪行囉。」
阿ｓａｍ：「喂，你同唔同我地去食飯呀？」佢問阿鋒。
阿鋒：「是但。」
阿柔：「我又要去。」阿柔見到阿鋒話去又話要跟埋黎。
阿奈：「人去你又要去，跟尾狗。」
阿ｓａｍ：「算啦，唔好嘈啦，行啦。」
我：「做咩你好似無咩心機咁既？」我同阿奈撓住手一齊行。
阿奈：「仲好講，人地諗住淨係得我同你同埋個條仔去食飯架嘛，點知佢地又一齊黎喎。」
我：「哦，咁又係既。咁靚仔，岩你丫嘛。」
阿奈：「咩姐，我好專一架，諗住識多個朋友仔之嘛。」
我：「係呀係呀，專一。」我係度笑。
阿奈：「我真係好專一架！我淨係鍾意山下智久架咋！」
我：「你死啦你！一陣比阿ｓａｍ聽到你仲唔死？！」我大笑。
阿奈：「車！聽到咪聽到囉！我先唔怕佢呀！」知唔知咩叫死雞撐飯蓋？阿奈而家就係啦！哈哈！
阿ｓａｍ：「你話鍾意邊個話？」阿ｓａｍ突然之間係阿奈後面問。
阿奈：「下？！」佢直頭嚇到跳左一跳。
阿ｓａｍ：「我問你對住邊個專一呀？」
阿奈：「咪．．．．你囉！你知我好鍾意你架！」死兜緊，哈哈！
阿ｓａｍ：「係咩？我明明好似唔係聽到你對住我專一架喎！」
阿奈：「邊有姐？你聽錯啦，阿ｋａ呵？」佢係咁同我打眼色。
我：「我咩都聽唔到呀！咩都聽唔到，咩都睇唔到！」呢ｄ咁既情況梗係閃水啦，仲留係度咩。
阿奈：「你．．．！死八婆！」佢啤住我，簡直係度咀咒緊我。
估到佢而家呢刻簡直想殺左我啦！哈哈！
作者:
siu糖
時間:
2008-3-17 12:58 PM
而阿逸就啤一啤佢就算。
女ａ＋ｂ＋ｃ同時係度叫：「哎呀，佢好ｃｏｏｌ好型呀！」
ｃｏｏｌ？唔係掛．．．我唔覺得佢ｃｏｏｌ喎．．．．
佢上堂個陣仲主動同我打招呼既。
女ｂ：「你叫咩名姐？比個電話我地呀。」
嘩．．．我終於見識到咩叫發姣發到出面啦。
條女而家個樣擺明就寫住想溝阿逸啦！
不過阿逸都係無理到佢地。
我：「喂，你理下人啦。」我笑住同阿逸講。
阿逸：「做咩要理佢地姐？」
我：「人地溝係喎！咁都唔理下人？」
阿逸：「個個溝我既我都要理我咪好唔得閒？」
阿奈：「哎呀！咪煩啦，人地唔會ｓｈｏｗ你地架啦，死心吧啦。」
女ａ：「又關你事？！」
阿奈：「而家你地係度嘈生晒影響到我喎！咁你話關唔關我事啦？！」
女ｂ：「收聲啦！你痴埋阿ｓａｍ度我都未同你計呀！」
阿奈：「我痴埋佢度？！你無野呀？！」
女ａ：「唔係你痴埋佢度咩？！以前我已經睇你唔順眼架啦！成日同阿ｓａｍ係度嘈！你有咩資格同阿ｓａｍ嘈呀？！」
阿奈：「嘩！你都痴撚線既！我同佢不嬲都係咁架啦！你第一日知呀？！」
女ｂ：「仲有你呀！成日痴住阿鋒！而家阿鋒有女朋友你又痴埋呢條仔度！」條女指住我黎講。
我：「下？！你唔係話我呀？！」我聽到佢話我我差點噴返我口入面個啖檸檬茶出黎。
女ｂ：「係呀！係話你呀！姣婆！」
我：「下？！我無聽錯呀？！我同阿鋒都識左唔夠一日，你話我成日痴住佢？！」我直頭覺得佢講野莫名其妙。
女ｂ：「咩呀？你咪扮野呀！識左唔夠一日！我以前成日見到你同佢玩到係咁笑架！」
阿ｓａｍ：「收聲啦！講撚完未呀？！一個二個同我走呀！」阿ｓａｍ突然大聲咁講。
班女即刻收晒聲，梗係啦，怕左阿ｓａｍ喎。
阿鋒：「走唔撚走呀？！仲企係度做乜柒呀？！」估唔到阿鋒都會出聲。
班女諗住走啦，不過我唔想咁易比佢地走。
我：「喂！你企係度呀！我問你呀，我幾時有成日痴住阿鋒呀？！」我拍台企係身望住條女講。
阿奈：「哎呀，你比佢地走啦！無呀，你無痴住佢呀！」阿奈拉住我。
我：「佢而家屈我喎！」
阿奈：「係啦係啦，下次我同你打巴佢，比佢地走啦。」
我坐返低。好，我算！今次我就忍你！
班女終於都走左，靜晒。
我：「都痴撚線架！我識佢一日都唔夠話我成日痴住佢！」
阿奈：「係啦，唔好咁嬲啦！」
我：「咁係丫嘛！人地有女架嘛！係都唔係我痴住佢啦！」
阿逸：「唔好咁嬲啦，食野啦好無？」阿逸推左杯凍檸茶去我面前。
阿奈：「嚇死我，差ｄ穿煲。好彩你醒目出聲姐。」阿奈捉住阿ｓａｍ係度講。
阿ｓａｍ：「梗係啦，唔係容乜早穿呀。」
阿奈：「係啦，最醒係你啦。」
阿ｓａｍ：「唉，咁樣遲早落去佢都係會記返起架咋喎。」
阿奈：「咁唔係點姐．．．．．日日都見到．．．．」
阿ｓａｍ：「我都唔知點．．．．」
作者:
siu糖
時間:
2008-3-17 01:06 PM
∼∼夜晚∼∼
夜晚無無聊聊一個人係屋企，都唔知有咩好做。
「何以我變了你的十六號愛人…」（編者話：阿ｋａ既電話鈴聲轉左做十六號愛人）
係阿奈．．．
我：「喂？」
阿奈：「喂，做緊咩呀？」
我：「無野做，係度對住部電腦發呆．．．．」
阿奈：「落唔落Ｄ呀？」
我：「落Ｄ？」
阿奈：「做咩呀，好出奇咩？以前你都成日同我去架啦。」
我：「我知，我唔係出奇呀。是但啦，反正係屋企都係悶。」
阿奈：「咁你快ｄ換衫係樓下等啦。」
我：「嗯。」
收左線之後我就啦啦臨換衫。
其實我唔係覺得出奇，之不過阿奈又會咁好死叫我落ｄ既．．．．．
乜佢條仔比佢去咩？
落到樓下。
個死八婆仲未到。唉，一早知佢係例遲，早知我都遲ｄ先出門口啦，搞到而家戇居居企係度食風。
無無聊聊，四圍望下。
咦，個個咪阿鋒？佢又會一個人企係度既？
我：「咦，咁岩既？」我行埋去問佢。
阿鋒：「下，係囉，咁岩既。」佢比我嚇左一嚇。
我：「等人呀？」我見佢左望右望就問。
阿鋒：「下，係呀．．．」
我：「哦．．．」
大家都唔知再講ｄ咩好，唯有企係度等啦。
過左幾分鐘。
阿奈同阿ｓａｍ終於出現啦。
阿奈：「做咩條卜X會係度架？」阿奈一見到阿鋒就問阿ｓａｍ。
阿ｓａｍ：「下，咁平時都係叫埋佢落去架啦．．．．」
阿奈：「你明知阿ｋａ係度就唔好叫佢嘛！」
阿ｓａｍ：「就算我唔叫，佢都會落去架啦。遲早都要見．．．」
阿奈：「唉．．．算啦。」
我：「喂，咁鬼耐架你。」
阿奈：「出門口整野遲左嘛，我地行囉。」佢拉住我行，應該係唔想我同阿鋒行埋一齊掛。
我：「喂，乜佢兩個又去咩？」我見阿ｓａｍ同阿鋒都係度就問。
阿奈：「都話左佢兩個係兄弟啦，咁一齊去有咩咁出奇？」
我：「咁又係。但係做咩唔見個個阿龍同埋佢條女既？」
阿奈：「你咪鬼咁八啦，我點知咁多。」
我：「哦．．．」
好無奈．．．．阿奈好似唔係咁鍾意提起阿鋒ｄ野．．．．
作者:
siu糖
時間:
2008-3-17 01:08 PM
落到ｄ場，撞到好多ｆｄ係度。
ｆｄ：「喂，咁耐無見你，你去左邊呀？」其中一個ｆｄ走埋黎問我。
我：「我之前入左醫院嘛。」
ｆｄ：「無啦啦做咩入醫院呀？你唔係ｔａｋｅ野ｔａｋｅ到入廠呀？」
我：「我ｔａｋｅ野？！唔係掛？！你知我不嬲都唔掂呢ｄ野架。」
ｆｄ：「係呀，你以前係唔掂呀，但係你一個月前．．．」佢都未講完，就已經比阿奈一手遮住個口，仲要拉走埋ｔｉｍ。
阿奈：「喂，你咪亂講啦，佢失左憶，咩都唔記得呀。」阿奈細細聲同條友講。
ｆｄ：「失憶？唔係掛，佢仲記得我地喎。」
阿奈：「哎呀，仲之就係煩啦，佢唔記得架啦，你唔好亂講就得啦。」
ｆｄ：「哦。」
我：「喂，做咩無啦啦又係度咬耳仔呀？」我好奇，點解次次都係咁。
阿奈：「下，無野，我岩岩同佢講起ｄ野，唔比得你地知嘛。」
我：「哦。係呢，你又話我一個月前咩呀？」我問返個個人。
ｆｄ：「下，無野。我話你一個月前都係無ｔａｋｅ野之嘛。」
我：「一個二個係度整蠱做怪，有咩好快ｄ講我知啦喎。」
ｆｄ：「無呀無呀，真係無野呀。」佢係咁同阿奈打眼色。
阿奈：「係囉，邊有野呀。我地去跳舞啦。」佢拉左我出舞池。
算啦，佢地唔講我都無計。
雖然我一直都好懷疑，阿奈佢地好似有野瞞住我咁。
其實都幾無癮，次次問阿奈佢地都係咁既反應，我直覺話我知，佢地一定係有野唔比得我知既。
不過都無辦法架啦，佢地唔講就點都唔會講，尤其識左阿奈咁耐都知佢係咩人，佢唔想講既話你點問都係晒氣，倒不如留返啖氣黎暖下個胃。
落到舞池跳舞。
咁我又唔ｔａｋｅ野，除左跳之外就係四圍望架姐。
望下望下，又見到有個男仔好熟口面喎。
佢咪阿逸？！
估唔到佢都會黎呢度玩，哈，睇佢個樣仲好似爆緊ｔｉｍ。
我：「喂，我好似見到阿逸呀。」我拍一拍阿奈。
阿奈：「係？係邊呀？」
我：「呢，個個呀。係咪真係佢呀？」我指住阿逸問。
阿奈：「我點知姐，無帶眼鏡咁遠睇唔清楚呀。過去睇下咪知囉。」阿奈拉左我行過去。
阿奈：「喂！」佢拍一拍個條仔。
阿逸：「咦，咁岩呀。」原來真係阿逸，睇黎佢仲爆得好西利ｔｉｍ。
我：「係呀，我同阿奈落黎玩之嘛。」
阿逸：「得你兩個咋？」
我：「唔係呀，阿ｓａｍ佢地都係度。」
阿逸：「哦．．．．．」
就咁，我地一齊玩一齊跳啦，雖然阿逸都係爆到唔知似咩架啦．．．．
阿奈：「喂，你同我睇住佢一陣，記住，千其唔好比佢同阿鋒講野，我過去搵阿ｓａｍ。」阿奈同阿逸講低左呢句之後就走左去。
我：「喂！你去邊呀？」我想追出去。
阿逸：「佢去搵阿ｓａｍ呀，叫我睇住你。」阿逸拉住我。
呃．．．．我望一望阿逸．．．．真係唔知而家係我睇住佢定佢睇住我．．．．
鬼咩，都已經爆到豬西咁啦．．．．．仲邊度可以睇住我．．．．
我：「喂，你得唔得呀？」我見佢真係已經爆得好緊要，就問。
阿逸：「得，我無事喎。」
我：「哦。」
咁我見佢話得，就無乜點理到啦，繼續各自各跳舞。
∼∼舞池出面∼∼
阿奈：「老公！」阿奈一野就係反面攬住阿ｓａｍ。
阿ｓａｍ：「做咩呀，傻妹？」佢笑笑口攬返住阿奈。
阿奈：「無呀，見你一個人坐係度咁悶咪過黎陪你囉。」
阿ｓａｍ：「你唔駛睇住阿ｋａ咩？」
阿奈：「頭先見到阿逸呀，有佢係度唔駛我睇住啦。」
阿ｓａｍ：「乜阿逸都係度咩？」
阿奈：「嗯！」
阿ｓａｍ：「咁有阿逸係度睇住都好ｄ既。」
阿奈：「梗係啦，如果唔係佢係度，我咪成晚都要係阿ｋａ身邊？」
阿ｓａｍ：「做乜鬼你咁緊張姐？」
阿奈：「咁我唔想比佢同條卜X講野嘛，點知條卜X一陣會唔會再講ｄ咩傷害到佢架？！」
阿ｓａｍ：「傻啦，阿鋒個日都係一時衝動先會咁講架姐．．．佢見到阿ｋａ跳樓都知自己衰啦．．．」
阿奈：「咁就死啦！要阿ｋａ跳樓先知自己有錯，咁阿ｋａ咪十條命都唔夠死？！」
阿ｓａｍ：「咁．．．阿鋒都係一時之間唔知點做先會咁姐．．．」
阿奈：「我唔理！總之我就唔會比佢兩個係返埋一齊！」
阿ｓａｍ：「唉，服左你．．．．」
阿奈：「咩姐．．．．」
阿ｓａｍ：「無野無野．．．．飲野啦．．．」
阿奈：「嗯．．．」
阿ｓａｍ同阿奈就係呢邊飲緊酒，我就同阿逸係舞池跳緊。
而阿鋒同阿龍就坐在係另一邊度傾緊計。
阿龍：「鋒哥，做咩好似好無心機咁呀？」
阿鋒：「無呀。」
阿龍：「咪呃我啦，第一日識你咩。」
阿鋒：「得啦，無事喎。」
阿龍：「ｏｋ啦，你話無事就無事．．．係呢，阿嫂唔跟埋你落黎既？」
阿鋒：「你知佢不嬲都唔鍾意黎呢ｄ地方架啦，咪由佢係屋企靜下囉。」
阿龍：「話時話，佢又會無啦啦轉左黎我地間學校讀既．．．」
阿鋒：「鬼知佢發咩神經咩．．．」
阿龍：「佢唔係諗住黎睇實你唔比你溝女呀．．？」阿龍係度笑。
阿鋒無理到佢，繼續係度飲佢既酒．．．
隔左一陣，阿龍睇到我同阿逸係舞池度跳舞，就拍阿鋒。
阿龍：「喂，個個阿逸都落左黎喎。」
阿鋒：「係咩？咁點？」阿鋒望都無望。
阿龍：「無野呀，通知聲你姐．．．佢同阿ｋａ係度跳緊。」
呢次阿鋒個反應比較大，即刻就擰轉身望住我同阿逸。
作者:
siu糖
時間:
2008-3-17 01:10 PM
其實我同阿逸都係係度跳舞姐，無咩其他野。
我：「喂，我好支力 呀，不如上去坐陣囉。」跳到身水身汗，係時候上去坐坐食返支煙。
阿逸：「好呀。」佢好主動拖住我隻手行出去。
無咩既，咁舞池逼，佢驚我行唔到出去拖住我都唔出奇。
我同阿奈都會咁啦。
上到去我同佢就坐左係梳發度。
我：「拎黎啦，我幫你點。」我見阿逸點極都點唔到支煙，就搶左佢個火機幫佢點煙。
點完煙之後，大家都坐左係度聽歌。
好支力，我個頭都不知不覺咁訓左落阿逸度。
就係大家都係度食緊煙聽緊歌休息緊之際．．．．
阿逸突然之間攬住我，仲一啖咀左落我度！
我完全唔知比咩反應佢好，呆左一陣先識得推開佢。
不過女仔ｄ力點同男人鬥，就算佢爆左都叫係個男人，我當然唔夠佢大力啦，仲比佢咀到有ｄ．．．暈暈低．．．
阿ｓａｍ：「喂！老婆！你睇下個邊！」阿ｓａｍ見到我同阿逸係度咀，即刻就拍阿奈。
阿奈：「咩呀？」
阿ｓａｍ：「阿ｋａ同阿逸係度打茄輪呀！」
阿奈：「唔係掛？！」阿奈即刻搵我地既蹤影，足之就係梳發度見到我同阿逸係度攬埋一舊咀緊。
阿ｓａｍ：「咁快手呀！識左一日就已經打茄輪。」
阿奈：「哈，咁同呢個阿逸一齊都好過同條卜X一齊。」
呢個時候阿鋒咁岩擰轉頭想搵下我地係邊。
點知就比佢見到我同阿逸係度攬埋一舊，仲要係度咀緊ｔｉｍ。
阿鋒第一時間衝埋黎，行到埋黎咩都無講就一手拉開左我，仲一拳打落阿逸度！
我呆左陣先知道佢地打交，第一時間梗係推開佢地啦！
我：「喂！你做咩打人呀？！」我見阿逸比阿鋒打到趺左係地，即刻就問阿鋒。
阿鋒無出聲，只係係度怒啤緊阿逸。
我：「點呀？你有無事呀？」我行埋去扶起阿逸，仲睇下佢塊面有無傷到。
阿逸雖然仲係迷迷地，不過呢一拳都已經打醒左佢唔少。佢擰下個頭，等於話左比我知佢無事。
我：「你無啦啦做咩打人姐？！」我繼續問阿鋒。
佢仍然都係無出到聲。
阿ｓａｍ：「喂，做咩呀？」阿ｓａｍ見到阿鋒打人都嚇左一跳，即刻走過黎睇下咩事。
阿鋒：「無野！」佢講完呢句之後，就擰轉身走左去，不過聽得出，佢好嬲。
阿ｓａｍ：「老婆，你係度睇一睇住佢地，我去追條ｏ靚仔。」阿ｓａｍ同阿奈講完之後，都跟住阿鋒出左去。
我：「點呀，你真係無事呀？」
阿逸：「得啦，我無事呀．．．」
我：「不如我同你返屋企先啦．．．」
阿逸：「傻啦，少少傷唔係咩大事，我頂得住架喎。」
我：「你都瘀晒囉，仲話無事！返屋企啦好無？」
阿逸：「好啦，聽你話，返屋企啦。」
我：「嗯。」
唔知點解見到阿逸比人打，個心好似唔係好舒服咁。
或者可能係受左頭先佢個啖既影響啦．．．．．
我：「奈，我同佢返屋企先啦．．．」
阿奈：「你搞唔搞得掂架？」
我：「得啦，我得架喎。」
阿奈：「嗯，咁有咩你就搵我啦。」
我：「嗯。」
我扶住阿逸，慢慢行返佢屋企。
∼∼某公園∼∼
阿鋒一行到個公園就係咁發脾氣，不斷係度拳打腳踢ｄ台。
連ｄ垃圾筒都比佢打到趺低晒。
呢個時候，阿ｓａｍ已經追到去公園．．．
阿ｓａｍ企左係佢後面，由阿鋒發完脾氣先。
阿鋒發完一輪脾氣，個人順左ｄ，就坐在係ｄ登度。
阿ｓａｍ見佢條氣已經順返ｄ，就行埋去拎左支煙比佢。
阿ｓａｍ：「點呀，條氣順ｄ未？」佢坐左係阿鋒隔離。
阿鋒無出聲，仲係望住ｄ野怒啤緊。
阿ｓａｍ：「乜你鋒哥仔都會為女愁架咩？早已經叫你係愛既就好好珍惜架啦．．．」
阿鋒：「你係度串我呀？」阿鋒笑。
阿ｓａｍ：「而家你同佢咩名份都無，你又同緊阿柔一齊，仲要無啦啦打阿逸，你估阿ｋａ會點諗？」
好明顯阿鋒聽完呢句野之後係陷入左沉思．．．．
阿ｓａｍ：「係愛既，就好快ｄ同阿柔分手，之後同阿逸爭過．．．再唔係，咪話晒所有野比阿ｋａ知囉．．．」
又靜左，大家都係望住面前個咁靜既公園係度諗野．．．．
阿ｓａｍ：「好啦，煙我就食完，野我都講完啦，有咩你自己慢慢諗啦，下次唔好咁衝動啦。」阿ｓａｍ企係身，拍左一拍阿鋒個膊頭，然後走左。
阿鋒一個人，坐係公園，慢慢係度諗，究竟，應該點做．．．．？
作者:
siu糖
時間:
2008-3-17 01:10 PM
∼∼阿逸屋企∼∼
我：「點呀，你真係無事呀？」我扶到阿逸返屋企，一入門口佢就坐在係梳發到。
阿逸：「無事喎．．．．」
我：「ｓｏｒｒｙ呀．．．搞到你無啦啦比人打．．．」一路返黎我都係度諗，究竟因咩阿鋒會無啦啦打人。
雖然諗唔到，不過我覺得一定係同我有ｄ關連既。
阿逸：「傻啦，關你咩事喎．．．」佢拍一拍我隻手。
我：「你塊面瘀晒啦，不如我去煮隻雞蛋比你去瘀啦。」我見到佢塊面瘀左一大撻，有ｄ心痛。
阿逸：「嗯。」
走到廚房，煲水就放左隻雞蛋落去。
所有野都好似黎得好快，我都未有心情去慢慢諗清楚每一件事。
唯有係呢個等隻蛋熟既時候，我先有返ｄ時間慢慢諗。
我企左係個爐頭前面，完全係呆晒咁。
真係諗唔明，阿鋒做咩會打阿逸。唔通同阿逸錫我個啖有關？
但係無理由架，阿鋒自己都有女朋友啦，同我又無咩關係，就算阿逸錫我都唔關佢事架。
阿逸又做咩會無啦啦錫我？唔好話我知咁快就鍾意我呀？！識左一日咋喎。
唔係既，一定係佢迷左先會咁姐，阿ｋａ阿ｋａ，咪諗咁多啦，因住一陣比人話你表錯情呀。
隻蛋熟啦，唔好諗咁多啦，啦啦臨拎隻雞蛋出去比阿逸好過啦。
就係我小心翼翼拎起隻雞蛋個陣，突然有人係後面攬住我。
我嚇左一跳，成個彈起之餘仲撞到個煲，ｄ熱水倒左落我隻手度。
我：「哎呀！」好痛．．．．
阿逸：「點呀？！你有無事？！」原來攬住我個個係阿逸。
佢見我整親隻手，即刻好緊張咁捉住我隻手黎睇。
我：「好痛．．．．．」好彩得少少水整到落隻手，唔係隻手熟左都似。
阿逸：「ｓｏｒｒｙ呀，嚇親你．．．你隻手無咩事呀？」佢拎左ｄ冰幫我整隻手，等我隻手可以無咁痛。
佢一路望住我，我感覺到，佢眼神入面好內疚。
我：「得架啦，我無咩事。」有ｄ唔好意思，我輕輕縮返隻手，然後轉過頭繼續整隻蛋。
阿逸：「我．．．．有ｄ野想同你講．．．」靜左一陣之後佢講左句咁既野。
我：「下？！」我心諗，你有咩同我講呀．．．．？完全唔知比咩反應佢好．．．唯有等佢講落去啦．．．．
阿逸：「做我條女得唔得呀？」
！！！？？？？
唔係掛？？？！！！呢句野好驚嚇喎！！！
我：「下．．．你講咩呀．．．．」我好尷尬．．．．個心有ｄ亂跳．．．．
阿逸：「我認真架．．．」
我：「唔好玩啦．．．你梗係仲爆緊先係度亂講野姐．．．．」
阿逸：「我無，我係認真．．．．」
我：「下．．．．但係我地識左一日咋喎．．．．咁快就話鍾意我．．．．會唔會兒戲左ｄ．．．？」
的確係咁覺得喎，雖然我想係有一見鍾情呢樣野，不過我覺得呢ｄ咁童話式既愛情故事點都唔會出現向我身上囉．．．．
阿逸：「點會兒戲？我鍾意你，第一眼就鍾意。」
我心諗唔係掛．．．．我有幾好彩？！
有個又靚仔又型既男仔同我講第一眼見到我就鍾意我，會唔會係我係度發緊夢咋？！
下意識係咬下自己個嘴唇．．．．哎呀．．．識痛架喎．．．．姐係唔係發夢啦．．．．
唔係發夢．．．咁佢講既野真係真架啦喎！？
阿逸：「點呀．．．？」
我：「下．．．ｕｍ．．．比ｄ時間我考慮好無．．．？」
阿逸：「嗯．．．我都明白呢ｄ野唔勉強得既，你慢慢諗清楚．．．我會等你．．．」
我：「嗯．．．呃．．．你塊面．．．隻雞蛋．．．」我望下佢，又望下手上面隻蛋，唔知點做好，連講野都講到一舊舊．．．．
阿逸：「哦，我自己黎得啦。」佢拎左隻雞蛋，就行返出去。
我跟住佢行返出去．．．．
坐左陣，大家都係好靜無乜野講．．．．
我：「ｕｍ．．．如果你無乜事我走先啦．．．」
阿逸：「要唔要我送你返屋企？」
我：「下？唔駛啦．．．．我自己返去得啦．．．．」
阿逸：「咁．．．好啦，你自己小心ｄ，返到去打比我啦．．．」
我：「嗯．．．咁我走啦．．．拜拜．．．」
阿逸：「拜拜．．．」
作者:
siu糖
時間:
2008-3-17 01:12 PM
出左佢屋企門口，我即刻鬆一口氣。
問我鍾唔鍾意佢？其實唔係唔鍾意既，唔多唔少都有ｄ好感。
不過叫我而家同佢一齊，我又的確唔想．．．．
其實有樣野我自己覺得好難解釋架．．．．
就係由出院到而家，我心入面都好似有個人係度，好掛住，好想見，但係又唔知佢係邊個喎．．．．
呢樣野我無用阿奈講過，我覺得問佢佢都唔會答我既，所以咪無問囉．．．．
唔知我心入面個個係邊個呢．．．．？
返到屋企，打左個電話比阿奈．．．．
「別再做情人，做隻貓做隻狗不做情人．．．」
阿奈：「喂？！」嘩．．．好嘈，好明顯佢仲係Ｄ度。
我：「你仲係Ｄ呀？！」唔大聲佢聽唔到，唯有大聲ｄ啦．．．．
阿奈：「係呀！」
我：「好ｑ嘈呀，你行開一陣講幾句得唔得呀？！」真係好嘈，差ｄ聽唔到佢講咩．．．
阿奈：「做咩呀？」佢行左去ｄ靜ｄ既地方，呼．．．．舒服好多．．．．
我：「無呀．．．打黎同你講我返到屋企之嘛．．．」
阿奈：「就係咁咋？！」
我：「ｕｍ．．．．仲有既．．．」
阿奈：「咩？」
我：「頭先係阿逸屋企．．．．佢同我講．．．佢鍾意我喎．．．」
阿奈：「下？！唔係掛？！咁你點答佢呀？！」
我：「我咪話比ｄ時間我考慮囉．．．．」
阿奈：「哦．．．．．咁你諗住點呀？」
我：「我都唔知呀．．．不過你唔覺得好怪咩？咁快就話鍾意我喎．．．．」
阿奈：「有咩咁怪姐，你唔比人一見鍾情架？」
我：「我知．．．．不過佢會唔會係玩我架．．．？」
阿奈：「佢試下！我尻都切左佢呀！應該都唔會既．．．」
我：「咁點呀．．．．」
阿奈：「你咪考慮下囉．．．．」
我：「好啦．．．．．」
收左線之後，我又係度諗左陣．．．．
突然之間諗起，阿逸好似叫我返左屋企打比佢．．．．
算啦，打個電話姐．．．應該都唔代表ｄ咩既．．．．．
「我說過要你快樂，讓我擔當失戀的主角，改寫了劇情．．．．」（編者話：阿逸既手提接駁鈴聲係勁歌金曲）
等緊佢聽既同時，電話另一邊既我有ｄ緊張，不其然雙手捉實個電話．．．．
阿逸：「喂？」
我：「喂．．．？阿逸呀．．．？」
阿逸：「係呀．．．你返到屋企啦．．．？」
我：「嗯．．．」
阿逸：「點呀．．？隻手仲痛唔痛．．？」
我：「無乜野啦．．．你塊面呢？」
阿逸：「無事啦．．．少少瘀姐．．．」
我：「嗯．．．你得閒就自己煮多隻蛋黎散下瘀啦．．．」
阿逸：「得啦．．．」聽到出佢把聲係度笑緊．．．
我：「咁．．．無咩事我收線啦．．．」
阿逸：「眼訓啦．．．？」
我：「下．．唔係呀．．」
阿逸：「咁．．．不如傾多陣自收線囉．．．？」
我：「你唔眼訓咩？」
阿逸：「唔呀．．．有你陪我傾電話仲邊會眼訓．．．」
我：「口甜舌滑．．．」呢一次，輪到我係另一邊係度笑。
之後我地就係咁傾落去．．．
咩話題都講得一餐．．．
由鍾意食咩鍾意咩顏色到星星到動物．．．．無所不談．．．．
作者:
siu糖
時間:
2008-3-17 01:31 PM
∼∼Ｄｉｓｃｏ中∼∼
阿ｓａｍ：「邊個打黎呀？」阿ｓａｍ見阿奈收到個電話之後就行埋一二邊，所以一等到佢返黎就問。
阿奈：「阿ｋａ囉。」
阿ｓａｍ：「哦．．．無咩呀？」
阿奈：「佢打黎話返左屋企之嘛。話頭先係阿逸度，阿逸突然之間同佢講話鍾意佢喎。」
阿ｓａｍ：「下？一見鍾情呀？」
阿奈：「有咩咁出奇姐。頭先阿逸係度咀佢我都估到ｄ啦。」
阿ｓａｍ：「咁ｏ靚仔咪無行？！」
阿奈：「挑！你叫佢死埋一二邊啦！阿ｋａ同阿逸都好過同佢一齊呀！」
阿ｓａｍ：「你唔好咁講啦．．．．而家ｏ靚仔都後悔囉．．．」
阿奈：「而家先黎後悔有乜用呀？！」
阿ｓａｍ：「係啦係啦．．．．唔夠你講啦．．．．」
阿奈：「如果佢係鍾意既，你叫佢同個八婆分左手先黎講啦！」
阿ｓａｍ：「其實阿柔都唔係咁黑人憎姐．．．點解你咁憎佢？」
阿奈：「鬼叫佢失驚無神又彈出黎呀？！唔係佢阿ｋａ佢地都唔會搞成咁啦！」
阿ｓａｍ：「嗯．．．．．」
∼∼朝早∼∼
我同阿逸仲係度傾緊電話，原來唔經唔覺已經傾左好多個鐘。
我：「嘩！原來已經七點幾架啦？！夠晒鐘返學啦。」
阿逸：「係喎．．．你眼唔眼訓呀？如果眼訓唔好返啦，留係屋企訓覺啦。」
我：「我唔眼訓呀，你呢？」
阿逸：「我？我都唔眼訓喎．．．」
我：「咁．．．．返學囉．．．」
阿逸：「不如一齊去食早餐呀．．．」
我：「又好，咁我而家換衫啦，一陣係學校附近間茶餐廳見啦。」
阿逸：「嗯。」
收左線之後，啦啦臨去沖涼換衫。
搞點晒ｄ野都已經七點半，睇黎今日又係遲到多啦。
去到茶餐廳，阿逸已經坐左係度。
我：「喂，唔好意思呀，等左好耐呀？」我坐低係佢對面。
阿逸：「唔係呀，我都係岩岩到無幾耐咋。叫野食啦。」
我：「嗯。」我接過佢比我既餐牌，就叫野食啦。
我：「今日又遲到ｌｕ．．．．」
阿逸：「做咩呀？你怕遲到呀？」
我：「梗係唔係啦，我日日都遲咁滯。我怕你怕咋。」
阿逸：「哈，你以為我都係乖學生？」佢笑一笑。
我：「唔係。睇你擒晚爆到唔知似咩就知啦。哈哈。」
阿逸：「咩姐，落ｄ ｔａｋｅ野就一定唔乖架啦咩．．．」
我：「最起碼我未見過一個係乖既．．．」我笑。
就係咁，我地係有講有笑既情況之下食完個早餐。
當我地離開間茶餐廳既時候，已經比返學時間遲到三個字。
反正都係遲囉，咁我地咪慢慢咁行返去囉。
作者:
siu糖
時間:
2008-3-17 01:35 PM
∼∼學校∼∼
阿ｓａｍ同阿奈都未訓過。
擒晚落完ｄ之後就直接返屋企換衫返學。
阿奈：「呵．．．好眼訓．．．」
阿ｓａｍ：「訓囉．．．」阿ｓａｍ已經準備趴係張台度訓覺。
阿奈：「下，點解阿ｋａ咁耐都未返既？」
阿ｓａｍ：「或者唔知醒姐．．．」阿ｓａｍ隻眼已經合埋左一半，睇黎佢都真係好眼訓。
阿奈：「連個阿逸都唔見人喎．．．．」
阿ｓａｍ：「遲到有咩咁出奇呀．．．．我地日日都遲架啦．．．．訓啦．．．」
阿奈：「咁又係．．．．」
打左上堂鐘，Ｍｉｓｓ已經入左黎課室，準備開始上堂啦．．．．
阿鋒呢個時候先慢慢行入黎，後面跟住個阿柔。
阿鋒：「喂，早晨。」阿鋒行經阿ｓａｍ身邊，一野拍落佢度。
阿ｓａｍ：「早晨．．．」佢仍然係昏昏沉沉咁。
阿鋒望下我同阿逸個位，見唔到我地兩個係度，眼神有少少失望。
上左大半堂，我同阿逸終於都返到黎啦。
Ｍｉｓｓ：「做咩呀？兩個一齊遲到，仲要咁岩一齊返黎，去左拍拖呀？」一入課室個ｍｉｓｓ就同我地講。
呢個ｍｉｓｓ平時無乜野，幾好人，仲幾玩得ｔｉｍ。
我：「唔好亂講啦ｍｉｓｓ，去左食早餐之嘛。」我行返埋位坐。
而阿逸就咩都無講到，笑笑口跟住我返埋位。
阿鋒見到我地一齊返黎，個樣睇落有ｄ唔開心。
咁既情況加上阿鋒咁既反應，阿柔梗係見到晒啦。
於是阿柔開始係度懷疑，阿鋒係咪鍾意返我。
阿奈：「喂，八婆，你兩個去左邊呀？」阿奈雖然係眼訓，不過有野八就梗係八埋先訓啦。
我：「頭先咪講左囉，去左食早餐嘛。」
阿奈：「約埋一齊食早餐呀？」
我：「係呀．．．咁擒晚同佢傾電話傾到今朝嘛，咪一齊去食早餐之後返學囉。」
阿奈：「有ｄ野喎．．．．」阿奈係度望住我奸笑。
我：「痴線，有乜野姐，朋友食早餐有咩咁出奇？」
阿奈：「而家就朋友姐，遲下就唔知啦．．．」
我：「咪亂講啦．．．．」
阿奈：「有無亂講你自己知。唔同你嘈，訓覺。」八完就梗係去訓啦，阿奈即刻趴係張台度。
我望一望阿逸，係度笑，之後又繼續傾我地既計。
估唔到同佢都幾好傾，傾左咁耐都好似唔覺得厭咁。
但係係我地一路傾既同時，我ｆｅｅｌ到一路有人望住我。
潛意識就梗係望一望係邊個係度望住我啦。
點知一擰轉頭就同阿鋒四目交投。
唔知點解，一望到佢，就好似有種觸電既感覺，仲心跳加速ｔｉｍ。
我既反應係第一時間望返阿逸，不過個心仲係係度噗噗跳。
點解會咁既．．．．．？
我同阿鋒又無乜兩句，又唔熟．．．．點解一望到佢就會心跳加速．．．．？
但係我望住阿逸．．．雖然都有ｄ咁既感覺，但係就好似無黎得咁強烈．．．．．
咁究竟．．．．我係鍾意邊個．．．．？
＜待續＞
作者:
siu糖
時間:
2008-3-17 01:38 PM
上上下堂覺得好無聊，我就一個人上左天台食煙。
正當我一個人係天台望緊風景食緊支煙仔諗緊野個陣，有個人行左上黎。
係阿鋒。
我：「你又上黎煲煙呀？」我見到係佢，就對佢笑左笑。
阿鋒：「嗯。」
我：「你．．．平時都係咁ｃｏｏｌ架？好似都未見過你笑既。」我好奇，佢真係好似唔識笑咁喎。就連問佢野佢都係答得咁ｃｏｏｌ。
阿鋒：「我笑個陣你見唔到姐。」
我：「咁又係。係呢，你同你條女拍左拖好耐架啦？我見你地成日都一齊出出入入既。」其實我都唔知點解自己會咁問，不過既然說話已經講左出口，就唯有繼續落去啦。
阿鋒：「你問咁多做咩？八卦。」
我：「八下唔得咩．．．．」咁我認我係八卦．．．．
阿鋒：「你．．．隻手咩事？」佢見到我隻手紅左一撻就問我。
我：「你講呢度？」我提一提高隻手示意。
阿鋒：「嗯。」
我：「無呀，擒晚阿逸比你打到塊面都瘀晒，我睇唔過眼咪整隻雞蛋比佢去瘀囉。點知唔小心咪整到隻手囉。」
阿鋒：「無事呀？」
我：「無乜野，都唔痛啦。」我又望住佢笑。
唔知點解，對住佢我好似笑得特別自然ｄ咁。
有種感覺係想將自己最靚最好既一面展現係佢面前。
我：「係呢．．．．擒晚．．．．你做咩會無啦啦打阿逸既？」
佢聽到我咁問，靜左落黎。
阿鋒：「我落返去啦。」佢無答到我問題，將個煙頭彈左去牆邊之後就走左。
雖然佢無答到我，但係我又唔會捉住佢唔放黎問。
佢想答既，佢自然會答我。佢唔想答既，佢就點都唔會講。
又過左幾日。
情況愈黎愈混亂。
我同阿逸既關係愈黎愈親密，佢已經開到口問我做唔做佢條女。
雖然我話要考慮下姐，始終都要比返個答案人架，唔可以要人一世等落去架嘛。
我係有ｄ鍾意阿逸，但係個感覺又好似未到愛喎。
仲有我同阿鋒呢，愈黎愈唔知點咁。
有時我明明做緊ｄ野，又或者同緊其他人傾緊，但係就成日ｆｅｅｌ到好似有人望住自己咁。
一擰轉頭望下，有時會望到阿鋒啦啦臨擰轉頭。
有時，就會望到佢望實我。
當我一同佢既眼神有接觸，我個身就好似有ｄ電流通過咁。
個種ｆｅｅｌ，係同阿逸係埋一齊個陣無既。
另一方面阿柔同阿鋒。
阿鋒對阿柔愈黎愈冷淡，反而阿柔就愈黎愈緊張，開始咩都管住阿鋒。
呢日我地幾個如常係課室度上緊堂。
當然，聽書既已經無咩邊幾個。個個都掛住做自己野。
阿ｓａｍ同阿奈一個訓緊覺，另一個就係度煲緊電話粥。
我同阿逸就係度一路吹水一路食野，講緊今晚應該去邊度好。
突然之間，聽到好大聲「啪」一聲，有人拍台。
阿鋒：「你煩撚夠未呀？！我講撚左幾多次我去邊唔駛你理呀！」係阿鋒，佢拍台企左係身。
我地個個都即刻望向佢個邊。
佢係度鬧緊阿柔，而阿柔就可憐楚楚咁望住佢。
阿鋒：「唔該你唔好再跟住黎！」呢句說話佢都未講完，就啦啦臨走左出課室。
淨返阿柔一個坐係個位度，眼濕濕咁望住佢走。
作者:
siu糖
時間:
2008-3-17 01:47 PM
阿ｓａｍ：「又搞咩呀？」阿ｓａｍ比人嘈親左，就問阿奈發生咩事。
阿奈：「我點知佢呀，無啦啦同條八婆嘈，嘈完就行左去囉。」
阿ｓａｍ：「又做咩嘈呀？」
阿奈：「你問我我問邊個。你訓啦，咪鬼理佢地。」
阿ｓａｍ：「唔係啦，我都係出去搵下阿鋒先，一陣返黎搵你。」
阿奈：「哦。」
阿ｓａｍ上左天台，但係搵唔到阿鋒既蹤影。
呢度唔見人，就唯有係另一個地方。
阿ｓａｍ：「喂，一個人坐係度做咩呀？」佢係天台既另一面搵到阿鋒。
呢邊個天台無人上黎，平時靜到九彩，望出去仲好好風景ｔｉｍ。
阿鋒：「你又知我係度？」阿鋒連望都無望阿ｓａｍ，隨口就講左句。
阿ｓａｍ：「個邊天台唔見人就梗係係呢邊啦，你仲有邊度去。」
佢坐低左係阿鋒隔離，點左支煙。
阿ｓａｍ：「點呀，你唔係好唔開心都唔會黎呢邊架喎。有咩事你講啦。」
阿鋒靜靜地無出聲，繼續望住前面既風景。
阿ｓａｍ：「其實你自己揀定係邊個未？」
阿鋒：「我都唔知．．．」
阿ｓａｍ：「我話你自己好清楚就真，如果唔係你唔會咁樣對阿逸同阿柔。」
阿鋒：「或者啦．．．」
阿ｓａｍ：「時間無多，阿逸已經開到口問阿ｋａ同唔同佢一齊，你係既就要快手。」
阿鋒：「問題係．．．點樣同阿柔分手？」
阿ｓａｍ：「我都好明白既，你之前講到咁愛阿柔，但係而家又咁樣．．．」
阿鋒：「其實同返阿柔一齊個陣我都已經有個疑問，究竟我仲係咪同以前一樣咁愛佢。」
阿ｓａｍ：「你唔係應該諗得好清楚先做架咩？」
阿鋒搖頭，一路講：「當時我無咩時間去諗，個一刻搵返阿柔我真係好開心，我無去諗太多，淨係想同返佢一齊。」
佢停一停，食左啖煙，之後繼續講：「我諗住同阿ｋａ由細玩到大，加上同佢一齊時間又咁短，佢應該都唔係太鍾意我架姐．．．點知．．．」
阿ｓａｍ：「無人會諗到搞成咁．．．」
阿鋒：「我覺得自己對唔住佢．．．咁大個人第一次有種咁既感覺，就算以前阿柔比人拋落樓我都無咁嬲自己．．．」
阿ｓａｍ：「睇黎，個次佢自殺真係比左好多打擊你．．．」
阿鋒：「係．．．因為我真係完全無諗過佢會咁做．．．我唔應該講咁多野黎傷害佢．．．」
阿ｓａｍ：「人誰無過，錯左雖然係無得返轉頭，肯去改咪得囉，而家仲有機會．．．」
阿鋒：「第一次覺得自己唔知應該點做．．．」
阿ｓａｍ：「或者．．．今次先係你既最愛．．．」
∼∼課室∼∼
阿ｓａｍ同阿鋒係天台傾緊計。
阿柔見到阿鋒走左之後，坐左係度不斷咁喊。
我見到咁既樣，就想走埋去安慰下阿柔，點知比阿奈一野捉住我。
阿奈：「喂，你想做咩呀？」
我：「下？過去安慰下佢囉，佢喊喎。」
阿奈：「人地既野你理得咁多呀，坐返低啦。」佢拉我坐返低。
其實佢又真係講得岩既，佢地兩個既野幾時到我去理。
我都係乖乖地坐係度算啦，費事一陣比人鬧埋一份。
阿柔係度喊喊下，突然之間好兇咁啤住我。
之後仲企左係身，行左黎我面前。
「啪！」一巴！我塊面即時多左五個手指印。
無啦啦比人打左巴，唔止我一個人呆左，在場既人包括阿逸阿奈同阿龍都呆晒。
第一個有反應既係阿奈。
阿奈：「喂！你做乜撚野呀？！」佢一野推開阿柔。
阿柔：「唔係你阿鋒唔會咁對我架！」阿柔啤一啤阿奈，又繼續好兇咁望住我。
我：「我？！你同阿鋒關我咩事呀？！」我用隻手指指住自己，佢講ｄ野真係聽到我頭都大埋囉。
無啦啦比人打左巴已經夠出奇架啦，仲要話我同佢同阿鋒既事有關！！
阿柔：「點會唔關你事呀？！你咪再係度扮野呀！」
我：「我扮野？！！我幾時有扮野？！我扮ｄ乜野？！」仲要老屈我扮野？！我真係聽到火都黎埋！
阿奈：「你收聲啦！咪講咁撚多無謂野！」阿奈見唔對路，睇黎阿柔似乎要爆大獲，就拉住阿柔想走。
我：「企係度！無論如果今日都要講清楚佢！」我喝住佢地。唔得，點樣都要講清楚，唔係就會繼續比人屈架啦！
阿柔ｆｉｎｇ甩左阿奈隻手，行埋黎我面前。
阿柔：「好呀！講清楚咪講清楚！你呢隻狐狸精！」
我：「喂！你話邊撚個係狐狸精呀？！」嘩，愈屈愈多野，我真係火都黎埋！
阿柔：「話你呀！唔係仲有話邊個呀？！」
我：「我．．．」就係我未講完，阿奈已經拉住我。
阿奈：「算啦算啦，唔好同佢嘈啦。」
我：「唔得！佢屈完一樣又一樣！上次係茶餐廳無啦啦比人話我我條氣已經唔順架啦！而家仲要話我狐狸精？！」
阿柔：「你唔係咩？！第三者！係我同阿鋒一齊先架！我咩都記得架！」
續...
作者:
siu糖
時間:
2008-3-17 02:02 PM
阿奈：「喂，再嘈落去唔掂架啦！你快ｄ打個電話叫阿ｓａｍ佢地返黎啦！」阿奈見到真係唔得，就同阿龍講。
阿龍咩都無講到，即刻行左出去打電話。
「我愛你，愛著你，就像老鼠愛大米．．．」
阿ｓａｍ：「喂？」
阿龍：「喂，ｓａｍ哥，你係邊呀？！」
阿ｓａｍ：「我而家咪同阿鋒係天台另一邊囉，咩事呀？」
阿龍：「你兩個快撚ｄ返落黎啦，課室呢邊嘈緊呀！阿ｋａ仲比人打左巴呀！」
阿ｓａｍ：「唔撚係呀？！邊撚個同佢嘈呀？！」
阿龍：「阿柔呀！唔講咁多啦，仲之你兩個快ｄ落黎啦！如果唔係阿柔就咩都講晒比阿ｋａ知架啦！」阿龍講完之後就啦啦臨收線。
阿ｓａｍ：「喂，行。」阿ｓａｍ一手捉住阿鋒，就拉佢起身行。
阿鋒：「咩事呀？」
阿ｓａｍ：「阿ｋａ係課室同阿柔係度嘈緊呀！佢仲比阿柔打左巴！」
阿鋒：「唔係掛？！」阿鋒聽到都即刻起身行。
阿ｓａｍ：「行快ｄ啦，再遲阿ｋａ就咩都知道晒架啦。」
阿ｓａｍ同阿鋒趕緊落黎既同時，我地仲係課室嘈緊。
我：「你講野都幾撚搞笑架喎！你同佢一齊先又點呀？！無人要做你地第三者喎！」
阿柔：「哼！仲係度扮野！你咪扮失憶呀！」
我：「喂！我真係咩事都唔知喎！一係咁啦，有咩你一個人講啦！」我真係覺得好撚無奈，咩事都唔知就比人打。
阿奈：「有咩咁好講呀，唔講啦唔講啦。」阿奈見阿ｓａｍ佢地仲未到，而阿柔又真係好似想講咁既樣，唯有係度拖住先。
我：「等佢講啦！費事又屈我呀！」
阿奈：「喂呀！佢兩個咁耐仲未到架？！」阿奈拉住阿龍係度講。
阿龍：「我打左電話比ｓａｍ哥架啦，應該好快架姐，拖多陣啦。」
就係呢個時候，阿ｓａｍ同阿鋒終於都到左。
阿鋒：「又係度搞咩呀你？！」阿鋒一見我塊面多左五個手指印，就問阿柔。
阿柔：「我．．．」
我：「岩啦！人齊，有咩唔該你地講清楚，唔好再係度屈我！」
阿柔：「哼！好呀！咁我就講啦喎！你洗乾淨你隻耳仔聽清楚，睇下係咪我屈你！」
阿鋒：「你收聲啦！仲講乜撚野呀？！好撚好玩呀家陣？！」
阿柔：「你咁惡鬧我做咩呀？！你仲唔認你鍾意左佢？！」
阿鋒：「係呀！咁又點呀？！就算我係鍾意佢你都唔駛咁呀？！」
我聽到阿鋒呢句真係ｏ晒嘴。佢．．．佢鍾意我？！唔係掛？！
阿柔：「你認啦咩？！你以前話過最愛個個係我架！」阿柔開始係度喊。
阿鋒：「你都識講係以．．．．咪住！我好似同你係埋一齊之後都無同你講過ｄ咁既野喎！呢ｄ野好似係好耐以前既事黎架啦喎！」
阿柔：「係呀！我係記得返晒ｄ野呀！我同返你一齊無耐已經記返晒啦！」
我：「收聲呀！究竟你地係度講緊咩呀？！我一ｄ都聽唔明呀！」
阿奈：「你跟我黎，我話你知啦．．．」阿奈拉左我行。
阿鋒：「我地都係分手啦，本來我真係唔想咁樣對你，但係你愈變愈西利，你已經唔係以前我認識個個阿柔．．．」阿鋒好無奈咁望住阿柔．．．
阿柔：「點解．．．．你話過最愛係我．．．．你好愛我架．．．我知．．．」佢喊到收唔到聲．．．
阿鋒：「呢ｄ都係過去左既野．．．」
阿柔：「我有咩比唔上佢呀．．．？」
阿鋒：「你無野比唔上佢，甚至可以話你既條件都比佢好，但係我愛個個係佢．．．」
大家都靜晒落黎．．．任何人都唔敢講野．．．
阿柔：「係唔係因為我變成咁所以你先唔愛我．．．？我改呀．．．．」
阿鋒：「你到而家仲唔明？問題唔係係呢度．．．其實就算你無變過．．．我地都係分手收場．．．」
阿柔聽到之後好心痛．．．ｄ眼淚不斷流落黎．．．．
佢喊左一陣．．．之後佢就慢慢行出班房．．．．
行到去門口．．．佢停左落黎．．．擰轉身講左句．．．
阿柔：「對唔住，我唔應該打佢．．．我明白晒啦．．．．你放心．．．我唔會好似佢咁自殺．．．」
佢講完之後，就走左出學校．．．
＜待續＞
作者:
siu糖
時間:
2008-3-17 02:03 PM
阿柔喊住走左。
而我就比阿奈拉左去天台。
我：「究竟咩事呀？！聽到我一頭煙！」講真我係有ｄ嬲架，咩都唔知喎但係又比人話喎。
阿奈：「本來．．．．我地唔想講你知．．．．」
我：「咁姐係咩事先得架？個個都話我同阿鋒有ｄ野。」
阿奈：「你真係咩都唔記得？」
我：「記得ｄ咩？！我咩事都唔知喎！」
阿奈：「都唔知點講你知．．．．」
我：「咁姐係講唔講姐？！」我發脾氣，咁係丫嘛！要講就講唔講就算啦！
阿奈：「哎呀！你咩都唔記得你叫我點講你知姐？！」
我：「有ｄ咩我係會唔記得架？！無啦啦我又點會唔記得呀？！」
阿奈：「你仲記唔記得個陣你入左醫院，醒返個陣問我地咩事，我地答你你係唔小心趺左落樓？」
我：「記得呀！個陣我仲話自己做咩咁白痴會無啦啦趺左落樓。」
阿奈：「個陣係我地呃住你．．．．你．．．其實係跳樓自殺．．．」
我：「自殺？！我．．．．？！」我聽到阿奈話我自殺，好愕然．．．．
但係．．．．我又好似記返起ｄ野．．．．
個日．．．．又真係好似係自己跳落黎．．．．跳落去個刻，仲好似係喊緊．．．
我：「我．．．．好似記返起少少．．．．」
阿奈：「其實，你同我同阿ｓａｍ個地三個根本就由細玩到大．．．」
我：「我係咪失左憶？」我捉住阿奈隻手問，呢一刻我淨係知道自己有好多野都記唔返。
阿奈：「嗯．．．醫生話你跳落黎個陣撞親個頭，有塊瘀血壓住條神經，變相失憶。」
我：「姐係有好多我應該記起既野．．．我都唔記得啦．．．」我望住遠處既陽光，覺得好耀眼，有好多野都記唔起。
我：「你頭先話，我地係同阿ｓａｍ佢地三個由細玩大既？！」我突然諗起佢呢句野，又捉住佢問。
阿奈：「嗯．．．我同阿ｓａｍ一齊個陣，你都知架，你仲笑我ｔｉｍ．．．」
我：「你同阿ｓａｍ．．．」我個腦不斷係度回想緊，好似有ｄ印象。
阿奈：「仲有好多好多野．．．」
我：「夠啦，唔好再講住。我一時間接受唔到咁多野。」的確，我個頭諗到有ｄ痛。
阿奈：「你想我同你返落去定係係度比你冷靜下？」
我：「一齊返落去啦，睇下佢地搞成點都好。」
其實我個心仲有好多疑問，我知我問既話阿奈會話我知，但係我驚我接受唔到咁多野。
因為我有個預感，如果我問既話，一定會有件好重要既事我係接受唔到既。
最大問題係，我到而家都仲諗唔明白，點解我要自殺？
∼∼另一邊箱，課室∼∼
阿逸：「有無人可以話我知發生咩事？」終於阿逸都開聲問。
阿鋒唔出聲，仍然係雙手插袋咁企左係度。
阿ｓａｍ：「ｏ靚仔，無事呀？」阿ｓａｍ拍一拍阿鋒個膊頭。
阿鋒擰一擰頭，望住阿逸講左句：「你鍾意阿ｋａ？」
阿逸：「係。我知你都鍾意佢呀。」
阿鋒：「你知唔知我同佢之前發生過咩事？」
阿逸：「唔知，不過我覺得無咩影響。如果佢係鍾意我既，就算有無發生過佢都會同我一齊。」
阿鋒：「你好似好有信心咁喎。」
阿逸：「大家咁話。」
阿鋒：「咁你唔需要知道咩事，大家都係公平競爭。」
阿逸笑左笑，就行返埋位坐低。
我同阿奈返到落黎，見到佢地幾個各有各坐，ｄ氣氛好似好怪咁。
阿奈行返埋位，坐返係阿ｓａｍ隔離。
阿ｓａｍ：「同佢傾成點呀？」
阿奈：「我講左比佢知佢之前係跳樓自殺搞到失憶啦，但係因為ｄ咩事就無講到，同埋．．．佢自己都好似唔係好接受到咁。」
阿ｓａｍ：「梗係啦，你無啦啦同我講我自殺失憶我都接受唔到啦。」
阿奈：「我仲話左佢知．．．我地係由細玩到大架．．．」
阿ｓａｍ：「咁佢有無講ｄ咩？」
阿奈：「佢好似記得返少少囉．．．．」
阿ｓａｍ：「嗯．．．我都唔知阿鋒想唔想佢記得返。」
阿奈：「哼！一日最衰都係條死八婆，如果唔係佢阿ｋａ而家都唔會咁啦！係喎！條八婆呢？！」
阿ｓａｍ：「走左啦。阿鋒同佢散左啦。」
阿奈：「散左？！條八婆咁順攤肯分手？！」
阿ｓａｍ：「其實阿柔都好無辜．．．」
阿奈：「我淨係知佢地好撚煩姐，無啦啦搞咁多野。」
阿ｓａｍ：「咪係，好似我同你咁咪幾好。」阿ｓａｍ笑。
阿奈：「咩呀？有咩咁好呀？同你仲衰呀。」
阿ｓａｍ：「同我一齊唔好咩？我唔錫你咩？」佢攬住阿奈係度笑。
阿奈：「無人話過你唔錫我呀．．．」雖然阿奈把口話就話阿ｓａｍ唔好姐，但係睇佢個樣就知佢有幾甜啦。
阿ｓａｍ：「咁咪係囉。我對你幾好先得架。」
阿奈：「都唔知你係咪對住條條女都係咁架。」
阿ｓａｍ：「梗係唔係啦。淨係對住你一個係咁。」
阿奈：「嗯，係啦。」阿奈聽到呢句簡直甜到漏。佢兩個，真係好幸福。
作者:
siu糖
時間:
2008-3-20 09:38 PM
「有無人可以話我知發生咩事？」阿柔走左無幾耐之後，一直企係一邊既阿逸終於都開聲問。
「妳鍾意阿ka？」阿鋒無答佢，反而反問返佢轉頭。
「係，我知你都鍾意佢。」
「咁妳知唔知我同佢之前發生過咩事？」
「唔知，但我覺得無咩影響。如果佢係鍾意我既，就算你同佢發生過d咩，佢都會同我一齊。」
「既然你咁有信心，咁你唔需要知道d咩，大家公平競爭。」阿鋒笑。
阿逸聽完佢咁講都無講到野，笑左下之後就坐返埋位。
我同阿奈返到落黎，見到佢地幾個各有各坐，氣氛古古怪怪咁。
阿奈梗係行返埋阿sam隔離坐。
「同佢傾成點呀？」
「我講左佢知之前係因為跳樓所以失左憶，但係咩原因就無講到。同埋…我睇佢自己都好似唔係好接受到咁。」
「梗係啦，妳無啦啦同我講我自殺失憶我都接受唔到啦。」
「我仲話左佢知，我地幾個由細玩到大…」
「咁佢有無講d咩？」
「佢話比d時間佢冷靜先囉，一時之間接受唔到咁多野喎…」
「唉，我都唔知阿鋒想唔想佢記得返晒。」
「哼！一日最衰都係條死八婆，唔係佢阿ka而家唔會咁啦！係喎，條八婆呢？」
「走左啦，阿鋒岩岩同佢講左分手。」
「散左！？條八婆咁順攤肯分手？！」
「其實佢都無做錯到…不過事情發展到呢一步，唔想分都要分架啦…」
阿奈行返埋位同阿sam傾計，我都好自然返返自己個位坐。咁我個位係阿逸隔離，自自然然就會坐係佢隔離啦。
「妳無乜野嘛？發生咩事呀？」佢一見我坐低個呆滯樣就問我。
「我都唔知…應該話我其實都唔係好清楚…頭先阿奈同我講，原來我失左憶，原因係之前我跳樓自殺…」
「妳咩都唔記得晒？」
「我淨係知道中間有段記憶無左…好似阿奈岩岩同我講，話我同佢地幾個係由細玩到大既，我其實無咩印象…」有種好沮喪既感覺浮現，失憶，嘿…
我講完之後，大家都靜左落黎無再講d咩。
我既直覺話我知，我同阿鋒之間一定係有關連，而且件事仲要幾大單下。跳樓自殺咁大件事，阿奈無理由會呃住我唔比我知道，佢唔講我知，就一定係唔想我知道。而且回想返出院之後阿奈既一舉一動，似乎好多野都係有心，唔比我同阿鋒有咩聯繫咁。
我坐左係個位度努力回想，幾乎完全陷入沉思之中，眼望前方但就咩都睇唔到，淨係想快d記返晒d野。雖然我諗既唔多，不過時間就過得好快，話咁快就放學。
「喂，放學啦，一齊走啦？」阿奈埋黎叫我。
「下？」我一時間仲未回過神，唔知發生咩事。
「無事呀？仲係傻下傻下咁既？放學啦，走啦。」
「唔好諗咁多啦，不如我送你返屋企好無？」阿逸見我反應遲鈍，於是提議。
「唔駛啦，你地走先啦，我想自己一個人靜下。」
阿奈見我仲係好迷茫咁，都知要比時間我冷靜同接受，唯有拉埋阿逸同阿sam佢地一齊走先。
出左學校門口既我漫無目的咁係條街度行，一路行一路諗，好多野我都仲係諗唔明，愈諗就愈入神，愈諗就愈頭痛。
「呯！」一聲巨響之後，隨之而黎既係混亂既人車聲。
但係係我既世界裡面，忽然所有野都靜晒落黎。
陽光直接射入我眼球入面，我望到個天空好藍好藍…
係我既視線範圍入面有好多人出現，仲有人不停拍我，但我望唔清楚佢地個樣。
迷迷糊糊之間，我聽到有人話有車撞到人，我知道，個個係我。
十分鐘之後，我已經身在醫院。
醫生護士都好緊張，啦啦臨就推左我入手術室。
個一刻，我淨係見到身邊既醫護人員好緊張，見到面前有盞好耀眼既手術眼。之後，我就陷入昏迷狀態。
就係我昏迷左之後，腦入面好自然咁不斷重現返以前既野。
由細到大同佢地幾個既片段，阿鋒既笑容，大家一齊個陣既吵鬧。阿奈同阿sam成日鬧交嘈交，狗咬狗骨，正當我地以為佢地成世都係咁，最後竟然爆冷門一齊左。我對住阿鋒個種心跳加速既感覺，係佢屋企既第一次，同佢一齊之後既幸福感覺。
但同時我亦記返起，阿鋒同阿柔件事，阿鋒點對我同埋講左d咩。仲有個BB，佢係我身上留低既唯一一樣證明，我記得，佢話要帶走BB。我跳樓自殺，係因為我受唔住呢個打擊，所以選擇帶埋個BB去死。
一幕幕往事好似無打算放過我咁，不斷係我腳入面重演又重演…個一刻既傷心同失望，而家清清楚楚係心入面體會多一次。
原來…阿奈想話我知既就係呢樣野。
原來…一直以黎係我心入面個個人，就係阿鋒。
阿奈呃住我暪住我唔比我知，就係唔想我記返起，唔想我再痛多次。
但天意既野真係好難講，無會諗到，令我記返起一切既，會係一場車禍…
作者:
siu糖
時間:
2008-3-20 09:39 PM
一日之後我已經醒返，好彩，今次無咩大損傷，除左撞親個腦之外，就係擦損左d手腳，其他一切正常。呢次撞車，仲幫我回復左應有既記憶tim…其實都唔知係好事定唔好事。
拎起個手提電話望下，有成廿幾個未接來電。有其他人打比我既，有阿逸打比我既，亦都有阿奈打比我既。
我決定首先打返個電話比阿奈。而當佢聽到我話擒日撞車入左黎醫院之後，即刻就好緊張咁話同埋阿sam過黎探我。
係電話度，我無同佢講到我記得返晒d野。
的確，阿鋒係好傷我心，但係我仍然無嬲過佢。嬲佢？唔捨得，亦都嬲唔落。曾經有過一段短時間既憎恨，但我恨既仍然唔係佢，我只係恨自己，恨個天，恨天意弄人。
我望住個窗發呆，愈諗，愈心痛，連眼淚都不自覺咁滴左落黎。喊，其實又有咩用？如果喊真係可以沖洗晒所有傷心，就唔會愈流淚愈覺心痛。
或者當初佢無諗到咁傷我先會咁做。又或者，佢根本無理過我既感受，淨係想快快趣趣擺脫我然後同阿柔一齊。無論係邊一樣都好，都已經足夠證明我係佢心目中無重要過。
我唔敢講自己做左好多野令佢開心快樂，亦都唔敢講自己做既野係幫到佢既，但最起碼，我一直以黎都係佢身邊。我知自己無咩能力，甚至連做一個好既女朋友都唔識，不過我係真心愛佢，好愛好愛。
以前有人問過我，如果阿鋒毀左容又無晒錢無晒權力，我仲會唔會咁愛佢，仲會唔會繼續留係佢身邊？我個答案係肯定既，會，一定會。唔理咩事都好，只要佢需要我既，我都一樣會係佢身邊支持佢。
就係我發緊呆，胡思亂想緊個陣，有個人突然衝左入黎。
「妳無事丫嘛？！」係阿奈，佢一入黎就好緊張咁問我。
「無乜野，係撞親個頭姐，其他地方都係擦損左少少。」
「嚇鬼死我啦！無啦啦妳又做乜會撞車架？！」
「過馬路唔小心囉。放心喎，而家都無乜事，唔駛咁緊張啦。」
「唔係啦！計我話妳呢排都係黑仔，出院之後都係同妳去拜下神好d！」
「痴線，妳幾時變得咁迷信呀？」我笑。
「乜呀！呢d野寧可信其有不可信其無呀！」
我同阿奈岩岩講到興高彩烈，阿sam就行左入黎，後面仲有個阿鋒。
一見到佢，我d笑容即刻收返起晒。
「妳點呀？仲有無邊度唔舒服？」阿鋒一入黎就問我。
「無呀，我無咩事…」唔知點樣面對佢好，而家我記得返晒d野，但佢地又未知。
「無事就唔好啦，下次自己小心d，唔好再咁大意啦。」
「我會架啦…」我企起身拉住阿奈，「奈，妳陪我去廁所丫…」
搵埋阿奈陪我去廁所係有原因既，一來我唔想留係度唔知同阿鋒講咩好，二來我想話佢知我我回復返記憶。
入左廁所，我企左係度，唔知應該點開口好。
「妳唔係去廁所架咩？」
「我…」我深呼吸左啖氣先繼續講落去，「我記得返晒d野。」
阿奈突然停止晒所有動作，呆左咁望住我。
「妳話咩話？」
「我記得返晒之前既野，失憶之前既野，全部都記得…」
「咁即係…阿鋒同妳…」
「嗯，我記得。發生過咩事我都記得一清二楚…」我打斷佢既說話。
「咁既然妳記得返…都唔知我去講啦…」
「有樣野我想問妳，個陣我個BB係咪因為我跳樓而無左？」
「嗯…」
「呼，我都估到…」都真係幾無奈，BB明明係自己想留低既，但係偏偏又係自己令佢消失左…其實諗起都幾心痛，我同阿鋒既第一個BB，就咁就無左…
「咁妳打算同唔同阿鋒佢地講？」
「我都未知…而家所有野都好混亂…」
「哎，妳唔好諗咁多住啦，啦啦臨養返好個身體出院先算，船到橋頭自然直嘛！」
同阿奈交代完之後，我就同佢行返入病房。
一返到入去，大家相處既場面即刻比頭先岩岩到個陣尷尬十陪。梗係啦，而家得阿奈知道左我回復記憶，但係阿sam同阿鋒仲未知架嘛，阿奈又怕講多錯多，咁咪大家都唔知講咩好囉。
「妳無事既話不如我地走先啦？」阿奈主動提出走人。
「我可唔可以留係度陪妳？」阿鋒聽到阿奈話走，突然向我提問。
我比佢嚇左跳，唔似佢，完全唔似佢，佢以前絕對絕對唔會咁問我，一向佢都係鍾意留就留走就走，從來都無問過我半句。
「你…你想既咪留係度囉…」我無反對，但亦唔算係同意，只係將個決定權交返比佢。事實我個心都想佢留係度，但留係度，我又唔知同佢講咩好。
「咁我地走先啦。」阿sam係阿奈未反對之前就已經拉走左佢。
佢地走晒之後，得返我同阿鋒兩個係度你眼望我眼。
「你坐啦…做咩唔坐？」我見佢企係度又唔講野，唯有開口叫佢坐低。
於是佢就坐低左係我張床隔離。
「做咩咁唔小心呀妳？下次過馬路記得睇紅燈呀…」佢摸左下我個頭，順手捉住我隻手問我。
佢捉落黎個刻我feel到自己個心跳左跳，佢隻手好大好暖，同以前一樣。
「我係度諗緊野嘛…咪無睇到囉…」我避開左佢既眼神，佢咁對我我反而唔知比咩表情佢好，何況我感覺到自己眼圈開始紅緊。
「做咩呀？」佢好溫柔，呢一刻佢講既每一句說話每一個動作都好溫柔。
「無事…」我一路擰頭一路答，但係始於唔敢望佢。
我知佢對我既影響好大，我亦都知道，其實我係點都走唔出佢手掌心。佢既一個動作、一句說話又或者一個眼神，已經可以令我死心塌地跟死佢一世。我知自己抵抗唔到佢既一切，無論咩事都好，我都會留係佢身邊。
「傻妹，妳唔係喊嘛？」佢輕輕力拉我過去。
我係有d眼濕濕，但又未至於喊既，鬼叫佢突然之間對我咁溫柔，感動架嘛。
當佢拉我埋去個陣，我既理智話我知唔應該比佢咁做，但係可惜，最後都係比情感戰勝左理智。
好想再一次比佢攬住，個種窩心又舒服既感覺，足以令我感動到喊。
就係佢既懷抱裡面，我終於都忍唔住喊左出黎。」
「做咩喊呀？唔舒服呀？」佢見到我喊，即刻就拎紙巾幫我抹。
「…我…我記得返晒…我記得我地既野…」始終都係忍唔住話左佢知。
「…幾時既事…？」
「今朝醒返個陣，我就已經記得…」
「之前既事…對唔住…」我諗佢呢句對唔住都應該諗左好耐先講出黎。以佢平時份人咁掘強，要佢講句唔好意思都難，何況sorry？
「我無嬲過你…真架…我唔捨得嬲你…」d眼淚好似唔識停咁，鼻頭一酸又再喊過。
「同返我一齊好無？我會好好對妳…今次係認真既…」
我望住佢，好想開口答佢一聲「好」，但係把口就好似不受控制咁，想講又講唔出，我唯有不停點頭點頭再點頭。
「老婆…」話音剛落，佢就一啖錫落黎。
呢個吻比起以前既每一個都黎得特別甜蜜。
其實佢問我個陣，我真係無諗過佢今次係咪再玩我，或者當我蠢，我甘心情願上多一次當，又有邊個肯定，呢次我都唔可以得到幸福呢？
今次，我會更加比心機去愛！一定！
作者:
siu糖
時間:
2008-3-20 09:40 PM
過左兩日我已經可以出院。
呢兩日阿鋒一直陪係我身邊，由食飯到飲水到訓覺。除左我叫佢返屋企沖涼換衫順手訓陣個段時間之外，基本上佢都係陪住我。
阿奈佢地自從個日之後就無再黎過，雖然佢都有打電話比我，但我無透露到我同阿鋒點，所以佢地仍然未知我地係返埋一齊。
而阿逸個邊，佢打左好多次電話黎，不過我一個都無聽到。唔係唔想聽佢電話，而係唔知點同佢講好。之前我仲話對佢有少少感覺，而家…真係咩都無晒。
或者咁樣對佢唔公平，但係如果勉強同佢一齊，我覺得對佢仲唔公平。自己個心有個人係度，無理由拖住第二個架，咁樣對佢傷害咪仲大？
「我幫妳搞掂晒出院手續啦，妳換埋衫就走啦。」阿鋒幫我執緊野。
望住佢既身影，我忽然有種苦盡甘來既感覺。咁耐以黎，雖然我做過既野唔多，亦唔係咩大事，但佢終於都感受到我愛佢。
當我係廁所換完衫出黎，佢就拖住我隻手慢慢行。
「今晚黎我屋企訓好無？」
「嗯。」我笑。
一路行返佢屋企，一路都覺得自己好幸福。因為我不停咁笑既關係，身邊既途人簡直當我青山出黎咁望住我。
「做咩係咁笑呀？」佢見到我笑就問。
「無呀，開心咪笑囉。」事實我真係好開心，開心到搵唔到一個形容詞去形容。
「傻妹。」佢嘴角拉起一個大大既弧度，好燦爛既笑容。
咁耐以黎我淨係見過一次佢咁樣笑法，而個一次就係係Disco度，我第一次見到佢同阿柔傾計，個陣佢就係咁笑。
原來我都可以令佢咁笑法，即係原來我都可以令佢覺得開心快樂。不過而家面對面見到佢呢個笑容，我反而有d不知所措。
無他，佢笑起上黎個陣成個小朋友咁，好可愛，仲搞到我面紅tim。
「妳面紅呀？」佢即刻就發現左我面色唔同，黎招明知故問。
「無呀！邊…邊有呀…」咁既情況梗係死都唔認啦！認左又比佢笑架啦！
「咁都話無？」佢突然抬高我個頭。
嘩！面對佢既笑容加眼神我真係頂唔順！我想像到自己而家個樣一定好似個蕃茄囉！
「無呀無呀！行啦！」為左改變佢既主意力，我唯有起勢拖住佢行。
去到佢屋企，一入門口已經有個疑問，乜d野唔同晒既？
我之前失憶姐，而家無呀，佢屋企之前明明唔係咁架喎。
我同個好疑惑既眼神望住佢。
「之前既野比我換過晒啦…」佢一句說話解釋左我頭上面既問號。
「做咩換過晒d新野既…？」
「以前既野仲留黎做咩？而家換過晒d新野，咪當係一個新開始囉…」佢表現得有d不知所措，場面好搞笑。
佢唔係怕羞嘛？！如果係既話我會好驚架！
「你…怕羞呀！？」我想知，所以我問。
「痴線！」佢擰一擰轉塊面，笑住答我。
「咁係唔係姐？」嘻嘻，我認我係有d得寸進尺，咁想知就梗係要問架啦！
「妳就怕羞！」佢掃一掃我個頭。
我再無問落去，因為佢個樣同表情已經話左比我知佢係有。真係覺得佢改變左好多，多到…我有d接受唔到。
「其實…你唔駛特登咁對我架…你做返你自己啦…」
「我一直以黎都做緊自己呀…」
「但係你改變左好多…」
「以前係我唔識得珍惜妳，而家我唔會再係咁架啦。」
聽到佢呢句，我真係由心入面笑左出黎。
第一次， 第一次我主動錫佢，主動攬住佢，仲要係攬得好實好實個隻。
然後佢抱起我入房，佢表現得有d激動，我感覺到佢好需要我，所以我亦好努力咁配合佢。
我諗，呢次係我唯一一次對住佢可以咁主動咁放。
第二日一早起身，同阿鋒落街食左個早餐就返學。返到學校，阿sam同阿奈已經坐左係度。阿逸仲未返黎，望都望佢今日唔好返，如果唔係都唔知點面對佢好。
「嘩！你兩個…咪住！做咩你兩個會拖住手返黎架？！」阿奈一見到我同阿鋒拖住手入課室，就將原本想講既吞返晒落肚。
「拍拖唔拖住手返唔通掛住野返咩…」
「你…！家陣我問你咩！阿ka，妳答！」阿奈唔忿氣比人串，梗係轉頭問我啦。
「咁一齊咪拖住手囉…」我鬼識點答你咩，問黎都多餘既，拍拖梗係拖住手啦。
「你兩個一齊返啦？！」
「嗯…個日你地係醫院走左之後已經一齊返啦…」我笑。
「好野喎o靚仔！咁快就比你追返掂。」阿sam拍一拍阿鋒個膊頭。
「駛乜講？你估好似你咁呀？成世比條女食住。」
「而家無事就串我啦？前排又唔見你咁講？」
「咪係！何況我邊有食住佢呀？你估好似你條女咁好咩？一d主見都無！」
「你班人真係無聊，搞咁多野出黎最後咪又係一齊？而家仲要為d小事黎嘈。」阿龍一路睇漫畫一路講，連望都無望過我地。
「又關你事？！收聲啦，八公！」阿奈一本書車埋去，阿龍梗係閃得快好世界啦。
「妳打我唔到，妳打我唔到。」佢個樣仲要得得戚戚咁。
嗯，我相信阿奈就黎比佢激死。
「低能仔。」佢啤住阿龍講完，跟住又擰住頭同阿鋒講，「我警告你呀！咪再好似上次咁對佢呀！如果唔係我真係打你架！」
「喂，你條女好煩呀。」阿鋒同阿sam講完呢句之後就搭住我膊頭行。
我當然係陰陰嘴笑跟住佢行啦。
「喂！你企係度呀！頭先講咩話！？」
「話妳煩呀。」阿鋒望都無望，仍然繼續行。
就係我地幾個玩得好開心之際，阿逸突然出現係課室門口。
我見到佢，向佢笑左笑，點左下頭就算。反而企係我隔離既阿鋒就不斷用眼神挑釁緊佢，我知道，阿鋒係度向佢不威嘛。
阿逸既反應比較大，當佢入黎見到阿鋒攬住我個陣，明顯面色一沉，仲即刻擰轉身走左出去。
其實我都想搵佢傾清楚，尤其之前我地唔多唔少都發生過d野，所以我決定，都係出去搵一搵佢比較好。
「老公呀，我…我想出一出去搵阿逸…」咁我出去搵佢之前都會同阿鋒講聲先既，廢事比佢誤會啦。
「搵佢做咩？」
「同佢講清楚囉…咁你都唔想就咁就算架…你都知我同佢點架啦…」嗯，我有講到比阿鋒知，係我失憶個段時間裡面阿逸對我做過d咩。
「都好既。快去快回，有咩打比我。」佢諗左陣，終於都點頭比我出去。
其實會有咩事丫？斷估阿逸都唔會強姦我啦。
作者:
siu糖
時間:
2008-3-20 09:41 PM
我行到出去，見到阿逸既身影係樓梯口向天台方向出現，於是急步追上前。
上到天台，就見到佢一個人企左係度食煙。
「喂，做咩自己走上黎食煙咁悶呀？」我拍左佢一下，故作輕鬆咁問佢。
「無野呀，可以有d咩？」
「對唔住呀…」除左呢句，我都唔知可以講d咩。
「做咩無啦啦同我講對唔住？」佢苦笑左下。
見到佢咁既樣，突然覺得佢好慘，唔忍心將個事實話佢知。不過唔忍心都要講，無理由因為佢既一個苦笑而放棄阿鋒同佢一齊架姐？
「我同返佢一齊啦…」
「其實你兩個之間發生過d咩？」
「你真係想知？」
我見佢點頭，深吸左啖氣。佢想知，無理由唔話佢知既，其實又唔係d咩唔見得人既事，同佢講都好既，起碼佢清楚知道我同阿鋒經歷過d乜，死心都會易d。於是我就一五一十講晒佢知。
「…就係咁啦…」呼，終於都講完。
我留意到，我一路講佢就一路眉頭緊接，表情仲轉換左好多次。
「妳肯定佢而家唔係玩妳？」佢問我。
「我唔肯定…不過就算佢真係玩我，我都甘心。」
「…妳自己鍾意就得啦，最緊要妳開心…」
「你…放棄我啦，我唔值得你鍾意…」
「值唔值得係我自己話事架姐。得啦，妳放心，我無事既。」
我知，我知佢係一個好男仔，我亦都知佢對我好好，係我唔識欣賞姐。或者，男人唔壞女人唔愛掛？
有時都覺得阿逸幾慘，付出左但又得唔到回報。不過愛情呢樣野，無得計較既，係咪？唔記得睇邊本小說講過，話大家係埋一齊總會有一方係付出多d既。亦即係話，付出比較多個方，一定係愛得深d既。
個陣都覺得佢講得好岩，但而家諗返轉頭，先覺得「愛」呢樣係界定唔到。無話邊個付出多d、犧牲多d，就一定係愛得深d。反而有d人，係拍拖既過程入面無做過d咩，但係到最後分手個陣，最傷心既可能就係佢。
作者:
siu糖
時間:
2008-3-20 09:42 PM
如常地過左個幾月，生活一切正常，大家都身體健康、開開心心。阿奈係我撞車出院之後真係帶左我去拜神，都真係咪話唔信邪，拜完神之後精神好左，就連平時d小碰撞都少左，唔知係因為有阿鋒照顧我定還是真係咁靈啦。
個日係天台同阿逸傾完之後，佢就再無提過同我之間既事，但就仍然繼續同我地一齊玩一齊笑。大家都以為佢已經放低左我，甚至連阿鋒都咁覺得。
自從阿柔走左之後，我地就無再見過佢。聽聞佢已經轉返去以前間學校，繼續過佢既乖乖女生活。
呢日大家照舊齊齊係班房悶到趴街。
阿sam有事無返到黎，阿鋒係度訓緊覺，我同阿逸一邊吹水一邊研究緊d八卦雜誌。而阿奈同阿龍就悶到發慌，係度唔知做咩好。
「唉，做咩會咁悶架？！」阿奈講。
「係啦，日日都係返學等放學，都唔知學有咩咁好返。」阿龍搭嘴。
「咪係，我呢世人最憎就係返學！」阿奈講呢句個陣個樣簡直係咬牙切齒！
「哎呀…搵d野做下啦…」阿龍悶到連講野都死唔斷氣。
「喂！不如我地黎鬧交囉？！」突然之間，阿奈爆左句咁既野出黎。
「都好喎！好過係度悶呀！」
下，唔係掛？！阿龍你唔係咁白痴陪佢癲呀？！
「你兩個係咪白痴架？咁既野都好玩？」我完全係好無奈咁望住佢兩個囉，估唔到好識唔識，識埋成班都係痴既。
「唔好理佢姐！我地黎鬧交！」
「妳唔好一陣唔夠我黎又係度扮喊呀！」阿龍呢句已經預備開戰啦。
「我幾時有扮喊呀！？我真係喊架！」
「係呀係呀，邊個娶著妳做老婆就真係唔況唔喊啦！」
「家陣我好差咩？！又無人叫你要我！」
「梗係差啦！樣又無身材又無都算啦，連個腦都無，咁就死得啦！」
「你老味，你而家話邊個無腦呀？！」哈，比人串又唔忿氣。
算吧啦阿奈妳，明知同阿龍嘈無妳著數架喎，係妳先咁蠢同佢玩。
「擺明話妳架啦，咁點丫？而家先知原來妳唔止無IQ，就連EQ都無，死得！」
「你好啦喎！係咪仲要串呀？！」
「我無串妳喎，又係妳自己話要嗌交先既。」
「你．好．野！」阿奈一字一句。
「喂，你兩個細聲d啦，阿鋒訓左架。」佢兩個玩到鬼死咁大聲，一陣嘈醒阿鋒就知死。
「咩呀！我再大聲d都得呀！」阿奈唔夠阿龍玩就轉頭同我鬥氣。
「廢事同妳講咁多。」我先無佢兩個咁好氣，由佢兩個慢慢玩。
「點呀，好嬲呀？」
「邊個得閒嬲你呀！我似係d咁小器既人咩！？」
「妳就係咁小器！哈哈！」阿龍又成功入多次位，開心到大笑。
睇見佢兩個咁樣，我同阿逸都只可以講句，無聊。
「你兩個嘈夠未呀…？」都叫左佢地唔好咁大聲架啦，而家嘈醒阿鋒啦。
「關你咩事姐？訓你既覺啦！」
阿鋒都唔想理佢地，擰轉頭諗住繼續訓。
「好啦，唔好再嬲啦，妳唔係咁唔玩得既。」基本上，每次阿龍激完佢之後，都會主動鑂返佢。
「我就係咁唔玩得，咁點呀！」
「比妳激死，又係妳自己叫人玩先既，而家又係度發脾氣。」
「我係咁野蠻架啦！咁你咪以後都唔好同我玩囉！」
「喂，唔好嬲啦，問妳樣野啦？」
「又點呀？！」阿奈唔耐煩地回應左佢一句。
「如果我話我鍾意左妳，想媾妳咁妳受唔受呀？」
現場寂靜左十秒之久，聽到呢句說話既我同阿逸，停止左手上面既動作同對話，呆左咁望住佢地，而正準備訓覺既阿鋒，亦都因為呢句說話而成個醒晒。
「痴線！」阿奈回復反應之後梗係當佢講笑啦，「你會鍾意我！？平時踩我踩得最勁個個好似係你丫呵？！」
「我認真架喎，如果唔係駛咩等阿sam唔係度先問妳姐？」咁佢而家個樣又的確係幾認真既。
「喂，龍仔你唔係黎真嘛？」阿鋒又加把口八埋一份。
「點姐？如果我媾妳妳受唔受？如果係妳未同阿sam一齊之前我問妳，妳又會唔會同我一齊？」阿龍無理到佢，繼續問阿奈。
「下？我…我一直都當你阿哥咋喎…」
三秒之後，阿龍突然係度狂笑。
「哈哈哈！妳真係信架？白痴妹！我點會鍾意妳呀？哈哈哈！」
「挑！好恨你鍾意呀！下次咪拎d咁既野黎玩呀！」阿奈聽見佢咁講，反而即刻鬆左口氣。
嚇得我地丫，見到佢個樣咁認真仲以為佢黎真tim。好彩佢係講笑姐，如果唔係既話都幾麻煩。
「比你嚇q死啦！咪再亂嗡呀！」
「放心喎，妳咁豬，我食唔落架喎！」
「你再講多次？！」
「唔好嘈啦，放學啦，我地去搵阿sam好過啦。」阿鋒帶頭起身。
放左學之後我地就去搵阿sam。點知佢地仲有野要做，咁我咪同阿奈行下街仔先囉。行左一陣已經覺得好無聊，日日都係個d地方，無咩新意。於是我就提議不如返屋企打機，阿奈無異議，咁我地就齊齊行返屋企啦。
作者:
siu糖
時間:
2008-3-20 09:43 PM
就係我地差唔多行到屋企門口個陣，我地見到有個類似女性既物體企左係阿鋒屋企門口。初時我以為又係阿鋒d狂風浪蝶啦，事關佢地成日都走黎屋企搵阿鋒。點知行多兩步先發覺，原來個女仔邊個都唔係，正正就係阿柔。
「喂！妳條八婆又想點呀？！」阿奈一見佢就火滾，開口就鬧。
「我有d野想單獨同妳傾下…」佢無理到阿奈，反而望住我同我講。
「有咩妳同我講得啦！」
我望住阿柔諗左一陣，決定都係同佢去傾下。
「算啦阿奈，由我同佢去傾下，我諗無事既。」點樣都好，件事始終都要有解決既一日。就算今日唔傾，聽日或者後日都要去，要黎既點都要黎，避都避唔過，倒不如早一日解決，我仲可以早一日安心。
「做咩唔比我同妳一齊去姐？」
我知阿奈擔心我，但呢件事點講都係我地之間既事，無理由下下都要拖埋人地落水架姐？何況佢搵得我要求單獨傾，就一定有佢想講而又唔想比其他人知既野。
「唔駛擔心喎，我同佢落樓下間茶記，個度咁多人係度唔會有事既。」
「咁好啦，妳自己小心d，有咩打比我啦。」
我望一望阿柔，然後帶頭行左落樓。
落到茶記，我第一時間行到最入既卡位坐低。揀個度黎坐因為個度夠靜，又唔會有人成日行黎行去。呢間茶記我地成日黎，阿鋒佢地d o靚仔都係度眾腳，老闆同d伙計都識得我地。當然，阿柔跟住阿鋒咁耐，呢間茶記d人都識得佢啦。尤其係阿鋒d o靚仔，佢地又點會唔認得阿柔？所以當我地一齊行入去個陣，大家都對我地投以好奇既目光。
「飲咩？」一坐低我就問阿柔。
「熱檸水。」
我隨口叫左杯凍奶茶，點左支煙，之後就一直都無再出聲。
望住面前既阿柔，發現佢明顯地瘦左好多，亦都憔悴左好多。原來失戀既女人真係可以老得咁快，唔知個陣我失戀係咪都好似佢咁呢？
「妳搵我咩事？」始終都要有人打破靜局，佢唔出聲唯有我黎。
「我其實唔係有心搵妳…」
唔係有心？唔係有心既話佢唔會出現係阿鋒屋企門口。佢就係有心，先會企係度等我返黎。
「係咩？」我無咩表示，你地可以話我擺緊高姿態既。
「妳…而家同阿鋒好嗎？」我留意到佢一直係度玩緊手上隻茶匙。
「有心。」我停左停，「妳黎唔會淨係問我呢d問題咁簡單，都係開門見山講比較好。」免得再同佢兜圈子，兜黎兜去對大家無好處。
「其實…」佢停低飲左啖野先繼續講落去，「我黎係想同妳講，我有左。」
佢終於都望住我。坐低左咁耐，佢呢刻先真真正正夠膽正視我。
「…妳有左關我咩事？」聽到咁既消息，我當然係震驚外加接受唔到。不過震驚還震驚，我仍然保持冷靜繼續呢場對話。
「個BB…係阿鋒既。」
我知，我就係太清楚個BB係阿鋒既，先會有咁既反應。
「妳有咩證據證明係佢既？」我承認呢一刻既我係有d咄咄逼人。我唔知咁做岩唔岩，我淨係知如果我唔保護自己既話，阿鋒就會再一次由我手上失去。
「妳知、我知，阿鋒都知。我有左個幾月，同阿鋒分手既時間吻合。如果妳仲係唔信既，我可以同妳去驗DNA，醫生方面可以由妳選擇。」
我突然之間覺得好驚，竟然搬到DNA出黎，連醫生都可以比我選擇，好明顯佢係有備而黎既。我在明佢在暗，我完全諗唔到佢下一步會做咩。
「…咁妳想點？」我開始有d無力招架既感覺。
「我決定將個BB生出黎。」
我無出聲，等佢繼續講落去。佢黎，絕對唔會淨係通知我要生個BB咁簡單。
作者:
siu糖
時間:
2008-3-20 09:44 PM
「雖然醫生話過我生BB可能會有危險，但係我唔可以放棄呢個機會。妳應該知道，失去左一個人都會想留返d屬於佢既野係身邊既心態，當初妳都係咁姐。」
「但係當初我無搵過你地任何一個人去解決呢件事。」我講既係事實，當日就算阿奈知道我有左，我都無要求過佢地為我做d咩，我選擇自己一個承受。更加無諗過要通知阿鋒，係我思想裡面，我覺得無咁既必要。
「我而家黎搵妳，係想妳將阿鋒還返比我。」終於都講出口，佢黎既最終目的。
「還？感情唔係禮物，可以妳送比我我還返比妳？」真係好笑，佢當愛情係咩？
「妳知我意思唔係咁。BB唔可以無爸爸，我更加唔可以無佢。醫生話過如果我再好似而家咁既情況落去，唔止會無左個BB，就連條命都可能會無埋。但係我控制唔到自己，自從無左阿鋒係我身邊，我就食唔落訓唔著。所以我求妳，還返佢比我，當係比條生路我地兩母子行。」
我苦笑，我比條生條你地既同時，又有邊個比返條生活我？妳唔可以無左阿鋒，唔通我又可以咩？
「我而家已經咩都無啦，個陣我同返阿鋒一齊之後，屋企人已經唔再理我，朋友更加無乜，而家又有BB係身，d錢都用得七七八八，檢查費醫生費藥費咩都係錢，我就黎支持唔到架啦…」聲淚俱下，唔知佢係做戲定係黎真，無論係邊一樣都好，睇落都好真實。但如果呢一刻佢係做緊戲既話，咁我諗佢應該去拎金獎像影后，「妳同我唔同丫，妳而家無BB，又堅強過我，我相信妳可以好快就無事。第時妳出到黎仲有大把好男仔比妳揀，仲有阿逸呢係咪？妳放手啦，我求下妳比返個老公我…」
哈，呢番說話真係好動聽，表面上係想話我知我仲好有吸引力，但其實係想叫我比返阿鋒佢。呢d咁既說話你估我唔識講咩？唔係。但點解當初我無咁同佢講？就係因為我知道勉強黎都無用。
「淨係我一個同妳講無用，就算我真係肯放手，阿鋒都未必肯。」
「唔會架！妳肯放手既話佢就會同返我一齊架啦！」唔知佢係咪覺得我開始動搖，於是加重兩錢肉緊。
「妳都知佢份人架啦，如果佢唔願意既，咁到頭黎個結果都係一樣姐。」
「點解妳唔肯放手姐？！妳做咩一定要同佢一齊？！」佢情緒開始失控。
「因為我愛佢。」係，真係因為我愛佢，所以我唔想放手。雖然我知道愛一個人唔一定要同佢一齊，但我而家同佢係真心相愛，我知道佢愛既係我。起碼，我相信係呢日之前佢都係愛我既。
「妳夠我愛佢咩？！我為左佢咩都可以做，我可以比人丟落街！妳得咩？！妳為左佢做過d咩？！」
無錯，我真係咩都無為佢做過，問我我亦唔知道自己係咪真係可以幫到佢，但唔代表我唔愛佢，唔代表我就可以失去呢個人。
「妳冷靜d先啦，咁激動對妳對個BB都唔好架。」我唔想因為我而有人受傷，更加唔想害左個BB。話晒呢d都係大人既事，個細既係最無辜。
「我唔駛妳理我！妳唔還返佢比我我都係死路一條姐！仲理個BB黎做咩？！」
「妳比我考慮下先好無？我遲d再聯絡妳。」我無等佢答我就企左起身，「呢度有d錢，雖然唔係好多，不過都夠妳為個BB做檢查同生活，妳拎住啦。」我放低左幾百蚊係檯面，埋左張單之後就走人。
行出門口，我真係重重咁透左啖氣。
岩岩既一次對話真係將我搞到筋疲力盡，由細到大我都唔識點用心計，而家要我同佢玩心理戰，去計算佢下一步會做d咩，我真係覺得透唔到氣。
返到屋企之後，我坐左係床邊慢慢去諗成件事。
我唔知應該點樣去做，亦唔知應該搵邊個去傾，總之就覺得好混亂。
我當然有諗過同阿奈傾下，就算佢未必幫到我都起碼有個人分擔下，但係回心一諗，我又覺得現階段同佢講咩都無用。第一，我唔知阿柔係咪真係有左；第二，我唔知阿鋒知道之後會有咩反應。如果而家講左比阿奈知既，佢一定會同阿sam講，阿sam知道之後，阿鋒都會知。
最大問題都係係阿鋒身上，話晒阿柔都係佢舊情人，佢又曾經同阿柔有過咁深厚既感情。舊情人有左自己骨肉…我真係唔敢想像佢知道左之後會變成點。
作者:
siu糖
時間:
2008-3-20 09:44 PM
過左一個禮拜，我就煩足一個禮拜。
本來以為阿柔係個日之後理應會繼續搵我，勸我同阿鋒分手。但唔知佢係咪真係聽左我話要考慮，竟然成個禮拜都無搵過我。唔知佢發生咩事，咁佢唔搵我我梗係唔會搵佢，起碼可以諗多幾日嘛。
呢日得我一個人係條街度行。阿奈同阿sam去左拍拖過二人世界，阿龍又同阿鋒去左做野，阿逸又話唔知去傾d咩，咁我唯有自己一個行街啦。
一個人漫無目的係條街度行都唔知有乜好做，無無聊聊咪周圍望下囉。
點知路經間診所個陣，比我見到入面有人係度指手劃腳狀似嗌交咁，咁以我既八卦心態梗係唔關事都要望下啦，何況我又唔趕時間。
唔望都無乜野，一望就嚇親我。原來診所入面同人嘈緊個位正正就係阿柔，佢仲喊晒口叫晒救命咁款。
咁既情況梗係第一時間入去睇下發生咩事啦。
「阿柔，發生咩事呀？」現場都算幾混亂下，醫生護士全部企晒出黎，d八卦病人就企埋一二邊係度睇戲。都真係幾佩服佢地，病都可以病得咁精神既？唔通「八」呢樣野真係能醫百病？
「阿ka妳黎得岩啦！我岩岩係度做完檢查，但到比錢個陣先發現唔見左d錢，而家無錢比，佢地唔放我走呀…」佢喊到一行鼻涕一行眼淚咁，個樣就黎仲衰過街邊d阿婆。
「妳唔好喊住先啦。」見到佢喊成咁，我睇到都唔忍心，啦啦臨拎紙巾比佢。
「佢地鬧我呀！話我特登黎做檢查唔比錢！我唔係呀…」愈喊就愈淒涼。
唉阿柔姐，我保妳大啦，唔好再喊啦，妳粗身大細，咁樣好易暈低架。
「你地駛唔駛咁講野呀？！唔通佢一個大肚婆會呃你地錢咩！」d人又係既，唔體諒下佢係個大肚婆，一陣有咩事起上黎都唔知點算，「要幾多錢呀？！我幫佢比咁得啦！」
「唔係好多姐，都係五百幾蚊之嘛！」
哎呀！我XYZ叉叉佢丫！呢個護士都幾臭串架喎！咩叫五百幾蚊「之嘛」呀！家陣我比唔起咩！？哼！
「o拿！呢度六百蚊！有多唔駛找tim呀！留返比你間垃圾診所裝修啦！」谷鬼氣！丟掉六百蚊之後我就即刻扶起阿柔走人。
呢間都唔知咩診所黎架！狗眼看人低不特止，個護士仲要一d愛心都無！哼！我詛咒佢呢世都嫁唔出！間診所仲要有咁快執咁快！鬼唔望到時個護士做左雙失，人又無錢又無，仲要比人搞大埋個肚！到時佢就知咩味道啦！
出左診所之後，我一路扶住阿柔一路係心入面詛咒間野同個護士。望到身邊既阿柔仲係喊到死唔斷氣咁，於是我就揀左間茶記扶佢入去坐下，佢而家咁樣都係坐低抖下好d，唔係有起咩事上黎我都唔知點算。
「妳坐低抖下先啦。」我扶佢坐低，跟住順手幫佢叫左杯熱鮮奶。
「…今次真係唔該晒妳…」佢終於都肯收聲唔喊，太好。
「做咩妳有事唔搵朋友黎姐？」純粹出於好奇。
「我同返阿鋒一齊之後，已經無再同以前d舊同學聯絡，佢地個個都覺得我同古惑仔拍拖，一定都唔係好人黎。同佢一齊緊個陣更加無咩朋友，識到既人黎黎去去都係佢d兄弟，雖然以前佢地都好鍾意我，但無一個真係相熟既…」佢苦笑。
又係既，當初佢真係一條心跟住阿鋒，就算無晒d朋友都唔介意。或者佢自己都以為呢世都會同呢個人一齊，點知而家又搞成咁。
「…妳下次有咩事打比我啦…幫到我一定幫既…」大家唔好以為我咁做係為左佢，我仲未可以偉大到咁。我咁做只係為左佢肚入面個B，話晒最無辜既係佢。
佢聽到我咁講即刻呆左，估唔到我會出聲提議幫佢掛？
「妳唔好誤會，我幫妳只係因為個BB，佢點都係阿鋒既骨肉。」我解釋。
「我知…不過妳信我真係有左阿鋒個BB咩？」
「既然妳咁講到，我無理由唔信妳掛？妳都咁大個人啦，我諗妳唔會拎呢d野黎講笑囉。何況妳都好清楚，如果呢件事比阿鋒知道既話，佢都會要妳去驗清楚，咁就算妳講大話都唔呃得幾耐。」
「妳係個好人，亦都好明白事理，我諗…妳應該會還返阿鋒比我。」佢望住杯奶係度笑，個笑容就好似我真係已經決定左咁。
我唔敢講我一定做得到，不過我會諗個最完美既解決方法，係盡可能唔傷害到任何一個人既情況之下解決呢件事。
之後，我同阿柔繼續傾左陣，都係關於個BB既情況。
聽佢所講，個BB而家發育得好好，但仲未照到係男定女，醫生過再過多幾個月先可以照到。
我諗如果個陣我無跳樓自殺既話，而家我個BB都應該可以知道係男定女lu，不過算啦，再去諗都無用，而家都已為過去囉。
到左差唔多七點，我同阿柔決定走人。
就係我埋完張單準備扶阿柔出門口個陣，我迎面撞左落個男性物體既心口度。
「哎呀！乜你咁唔小…」個「心」字都未講出口，我已經呆左。
原來我撞到個個人，就係話去傾野既阿逸。之所以話，呢個世界真係細。
「Ka…點解妳同佢…」佢見到我同阿柔係一齊，驚訝。
「柔，妳返去先啦，記得有咩事搵我，自己小心。」我都知呢次點要解釋一下，於是就叫阿柔走先。
「咁好啦…真係唔該晒妳。」
我望住佢行出間餐廳，直到唔見左佢背影之後，我先擰返轉頭望住阿逸。
「係呢，點解你會係度既？你唔係話去傾野架咩？」我問。
「傾完啦，而家搞掂晒咪同班fd黎食野吹水囉。係呢，佢…搵妳做咩？」
我知佢所指既「佢」係阿柔，但係我唔知可以點答佢。
諗深一層，件事點都要解決，其實問多一個意見，就等於多一個人幫手。唔可以搵阿奈佢地傾，咁搵阿逸咪岩囉，佢一定唔會同阿鋒講既。
「Um…我有d野想問你，唔知你而家方唔方便？」我望一望佢班朋友，佢而家有fd係度，如果唔得閒既我都唔想阻住佢。
「緊要事？」
「其實都唔算太緊要既，不過最好盡快搞掂。」無錯，愈快搞掂愈好，因為阿柔個肚會愈黎愈大，遲左既話就算想落都唔落得。
「咁我同佢地講聲，妳係度等我一陣。」佢講完之後就行過班fd度。
我見佢地講左幾句，又望左我幾眼，之後阿逸就行返埋黎。
「我地行啦，同妳去海傍一路傾一路吹海風。」佢知我鍾意心煩個陣鍾意去吹下海風，亦知我最鍾意去海邊傾計，貪個度夠靜丫嘛。但估唔到既係，就算佢已經對我無野，但都仍然記得我所鍾意既野。
作者:
siu糖
時間:
2008-3-20 09:46 PM
去到海邊，我地揀左個最靜既角落位黎坐。
「究竟發生咩事？」佢一坐低就問。
「阿柔有左…」我第一句就咁講，會唔會嚇親佢呢？
佢無比到反應我，只係望住我等我講落去，於是我就將阿柔所同我講既野，同埋我所諗既野，仲有今日既事，一五一十講晒比佢知。
「佢講既野係咪真先？」佢聽完之後即刻發問。
「我覺得佢唔會講大話，既然佢同得我講去驗，今日係診所佢又咁樣，我諗佢應該係講真既。」
「妳就係太易信人，妳點知佢無呃妳呢？又或者佢係大妳，覺得妳唔會同佢去驗，所以先咁講呢？妳話佢今日係診所咁，其實除左佢自己之外，根本無人講過佢係去檢查個肚，可能佢係去檢查第二樣野呢？」
「…你覺得佢會講大話？」我真係無諗過，我覺得阿柔唔係d咁既人。
「我只係將認為有可能發生既事話妳知。」
「咁我可以點做…？」
「先同佢去做次檢查，證明佢係有左之後再驗埋DNA。」
「但係…咁樣做會唔會唔係咁好？咁樣就等於懷疑佢，好似對佢好hurt…」
「妳而家只係了解問題係唔係真係存在。何況就算真係傷到佢妳都要做，如果唔係第時受傷害既就可能會係妳。」
「你覺得我真係應該咁做？」我仲係有d懷疑。
「做唔做應該由妳決定，意見我已經比左妳。」
岩，同佢去驗清楚，如果第時真係要同阿鋒分手既話，我都起碼知道咩原因，亦都同阿鋒有個交代。
「唔該晒你，你幫左我好大既一個忙。」我望住阿逸笑。一直以黎同佢傾左咁多野，我知道佢係一個好成熟既人黎。今次，我絕對無搵錯人。
「唔駛唔該喎，妳個豬腦都諗唔到d咩架啦，唯有等我出下主意啦。」
我笑，但我無話返佢轉頭。好！決定左就要即刻做，聽日一於搵阿柔去驗清楚！
第二日一早我就起左身，見阿鋒仲係熟睡當中，我就啦啦臨走入廁所打比阿柔。
擒晚我已經四圍問人拎左個最好既婦科醫生地址，諗住今日就同阿柔去。
打去阿柔個手提，通左兩三次都無人聽，就係第四次再響個陣，終於有人接聽。
「喂，阿柔呀？」我講野講得好細聲，怕嘈醒阿鋒比佢聽到。
「妳係邊個呀？」
「阿ka呀，妳一陣得唔得閒呀？」
「做咩事？」
「妳上次咪話我可以搵個醫生同妳驗DNA既？我而家搵到啦，想問妳一陣得唔得閒，同妳一齊上去驗。」
「驗DNA？！咁妳而家即係唔信我姐？！」佢既反應似乎大左d啵。
「我唔係唔信妳，不過我想驗清楚個BB係咪阿鋒既。」
突然之間，我背後傳黎「呯！」一聲。我嚇到成個人擰轉身，係阿鋒打開度門！
「妳同邊個講緊電話？」佢望實我，「答我，乜野想知個BB係咪我既？」
我知我今次一定唔可以講大話，佢會睇得出。
「…係…阿柔…」
佢望住我停左三秒，咩都無講就伸手拎左我電話禁收線制，然後拉左我出廳。
「妳同我講清楚，究竟發生咩事？」
我有d心虛，唔敢正面望住佢，話晒我都唔應該隱瞞呢件事。
「答我，究竟發生咩事？我要聽既係真話。」佢望住我既眼神好認真。
就係我開口想講個陣，門鐘響起。
「我…去開門先…」我行左去開門，順手係呢個空檔組織一下要講既野。
一開門，阿sam、阿奈、阿龍同阿逸就行左入黎。
「喂！早晨呀o靚仔！」
「係囉，早晨呀，無阻住你地扑野嘛？哈哈！」阿奈笑。
「扑乜鬼丫？落去食早餐好過啦，餓死啦。」阿龍搭嘴。
好明顯佢地幾個都仲未察覺到屋入面既氣氛唔對路，直到阿sam望到阿鋒舍樣，佢先開始覺得有問題。
「喂，搞咩個氣氛咁嚴肅呀？」
「發生咩事呀？」阿奈望下阿鋒又望下我。
「吵大獲呀？」就連阿龍都加把口問埋一份。
「等佢自己講。」由始至終阿鋒都無理過其他人，淨係望實我一個。
「佢知道左啦？」阿逸見阿鋒同我咁樣，就細細聲問左我一句。
「嗯…岩岩我係廁所打比阿柔，佢聽到晒…」
「阿柔有左。」佢見我好似好難開口咁，所以就代我講。
阿sam、阿奈、阿龍：「咩話？！」佢地三個既反應完全一致。
「Ka，妳自己講，成件事係點？」阿鋒再次問我。
我知避唔到，反正佢地咁多個遲早有日都會知道晒，而家一次過係度講，都好過我分開一次次講既。
咁我就由阿柔係阿鋒屋企門口出現開始講起，到今日我所決定既野，一次過講晒出黎。
「件事就係咁…所以我頭先打比阿柔，想約佢出黎去睇醫生。我唔係有心呃住你架，但我真係唔知應該點做…」阿鋒最嬲人就係呃佢。雖然今次件事個問題唔係出係我身上，但我點都叫暪左佢成個禮拜，所以我都唔敢肯定佢會唔會嬲。
「條八婆係咪痴線架？！咁既野佢都講得出既？！」最大反應既當然係阿奈，佢一聽到阿柔要我同阿鋒分手，已經火滾晒。
「唔關阿ka事，係我叫佢驗清楚先同你講既。」阿逸可能都知道阿鋒會嬲，所以都出聲幫住我。
大家都望住阿鋒等佢發表意見，點知佢粒聲都無出過。
隔左一陣，佢伸手禁屋企個電話，但係佢無拎起電話筒，而係禁左免提，等我地咁多個都可以聽到電話既內容。
電話接通，係阿柔，佢打比阿柔。
「我係阿鋒。」阿鋒都唔等佢講野，跟住個句已經講，「妳件事我已經知道晒，而家我淨想知，妳到底係咪有左，個BB又係咪我既？」
「你覺得我會呃你咩？」阿柔聽到佢咁講，即刻有d激動。
「總之我地而家上黎妳屋企接妳，同妳一齊去驗清楚，妳換好衫等我地。」
阿鋒無等佢答應，直接就收左線。
跟住佢再打左個電話，今次無比到內容我地聽。但單憑佢既對話，我聽得出應該係個醫生黎既，仲好似幾相熟架tim。
「行啦。」到佢一放低個電話，就起身行左出門口。
作者:
siu糖
時間:
2008-3-20 09:46 PM
「喂，你頭先打比邊個呀？」一路行阿sam就一路痴住阿鋒黎八。
「阿健呀，華叔個仔呀，你記唔記得邊個？」
「記得呀，佢醫生黎架嘛…喔！你想帶阿柔上佢度！」
「嗯，仲有邊個醫生夠佢同我地熟，又信得過？」
上到阿柔屋企接左佢，我地就直接行上診所，一路上大家都好靜，而家呢個情況，大家都無乜心情去講笑、吹水。
「健，我帶左佢黎，你幫我搞掂佢。」阿鋒一上到去就直接搵個叫阿健既醫生。
阿健係華叔個仔，華叔就係阿鋒佢地同一個堂口既某個叔父輩，佢都算做由細睇住阿鋒佢地幾個大，所以都幾錫佢地架。
而阿健呢，係個叻仔黎，大學讀醫畢業，過左實習期無耐華叔就比左幾個錢佢出黎開診所。到而家都做左幾年，算係有返d成就。
「鋒，真係要驗呀？」黎到呢個時候都仲要拖拖拉拉？阿柔妳到底有咩秘密？
「妳唔係話有左咩？有左就應該驗清楚，之後先再決定點做。」阿鋒對佢講完，跟住就行左出門口煲煙。
「姑娘，比個杯佢去驗尿。」阿健吩咐落姑娘之後，同阿sam佢地打左幾聲招呼，就又入返醫生房做野。
大家都無出聲，眼定定睇住阿柔拎左個杯之後入廁所。
我個心好亂，唔知應該點做，唔知應該講咩。如果阿柔真係有左阿鋒個BB既話會點？阿鋒又會唔會嬲我暪住佢唔比佢知呢件事？
「好．悶．呀！」阿奈坐到唔耐煩，「妖！佢入去痾血咩？！咁q耐架！」
話時話，阿柔都真係入左去幾耐下，痾尿姐，唔駛成三個字嘛？
坐多兩分鐘，阿奈終於都忍唔住，起身行去廁所諗住拍門。但佢舉高隻手都未拍落去，阿柔就咁岩打開度門出返黎。佢咩都無講到，將個杯交左比姑娘之後就靜靜地坐左係度。
「阿鋒個死仔食支煙唔駛食成世嘛？咁耐都唔返入黎既？」阿sam問。
「我點知姐，你咪出去搵下佢囉。」
就係阿sam想行出去之際，我拉住佢。
「等我去啦…」橫掂我都有野想同阿鋒單獨傾下，係出面岩晒。
我行到出去，就見佢企係門口，一隻手插住褲袋，另一隻手就拎住支煙。
「你係咪嬲我唔話你知…？」一直行到埋佢面前，我先敢細細聲問佢。
「妳覺得呢？」佢無正面答到我，反而問返我轉頭。
「對唔住呀…我唔係有心呃住你…」道歉，係唯一一個最好既辦法，無論佢係咪嬲我都好，我都叫做承認左自己既錯誤先。
佢望左我一陣，然後重重咁嘆左口氣。
「我唔係嬲妳呀…但咁大件事妳應該同我講嘛，唔好咩都妳一個人去諗先得架。何況件事都唔關妳事，係咪好應該由我去諗先？」
「其他野邊個諗都唔係大問題，最緊要你唔好嬲我就得…」我講出我心入面既諗法，其實只要佢唔嬲我、討厭我，邊個去諗件事又有咩關係呢？
「傻妹，我知妳為左件事唔開心左好耐。妳放心啦，係我做既我就會自己搞掂返，唔會要妳去煩。」佢拉我埋去攬住我。
「咁你諗住點做？」我覺得有d唔對路，佢會唔會要阿柔落左個BB架？！
「等個結果出左黎我地再去諗好無？」
我點左下頭，繼續企係度陪佢煲煙，直到阿sam出黎通知我地有結果。
「個結果點？」阿鋒一入返去就問。
「佢真係有左，兩個月。」阿健用最專業既口吻回答。
我聽到呢個消息真係成個人震一震，係未返入黎之後我都仲抱住一線希望，希望佢係講大話，希望佢係呃我地，但係而家…
「o拿！我都話我係有左架啦！你地而家信啦！？」
「有左好巴閉咩？！」阿奈睇唔過眼。
「鬼叫你地唔信我呀？而家無野好講啦！」
「都唔知d尿係咪其他人架，頭先係入面搞咁耐都唔知搞乜！」
「妳而家即刻懷疑我姐？！報告都出左啦！無得到你地唔信架啦！」
我諗而家呢度唯一一個覺得開心既就係阿柔佢，其他人我唔知，但最起碼我一定唔會係開心個個。
「有無辦法可以驗到個BB係咪我既？」阿鋒繼續問阿健。
「有，只要拎媽媽體內既羊水去做DNA測試，就可以驗到個BB係咪係既。不過呢個測試需要d時間，仲要你兩個合作。」
「我要做d咩？」
「將你既血液留低就得架啦。」
「好。」阿鋒拍一拍我隻手，然後就跟左個姑娘去抽血。
「咁妳肯唔肯驗呀？！」阿奈唔客氣地問阿柔。
「點解唔肯呀？我有左既話個BB就一定係阿鋒既！」
「挑！而家講咩都晒氣啦！一日報告未出都未知係邊個既！」
我一路都無出聲。我擔心，真係好擔心，我絕對認同阿柔個句，而家只要證明佢係有左，咁個BB就一定係阿鋒既。其實都唔需要再去驗d咩，反正個結果都會係一樣。
「妳跟我黎，我同妳去抽羊水。」阿健同阿柔講。
當一切都搞掂之後，已經係下午時間。阿柔同阿鋒都抽晒佢地應該抽既野。
「個報告過幾日就有，你地返去先啦，個報告出左之後我再通知你地。」
「唔該晒你，咁我地走先啦。」
「唔好客氣啦。」阿健拍左下阿鋒。
行到出門口，大家都停左停，唔知而家應該去邊。
「妳返去先啦，報告出左我再call妳。」阿鋒擰轉頭同阿柔講。
「駛咩等報告姐？以前我對你有幾專一唔通你唔知咩？個BB一定係你架！」
「我唔想講咁多野，我地走。」佢拖住我，再無望過阿柔一眼就走左。
作者:
siu糖
時間:
2008-3-20 09:47 PM
去完診所之後，阿sam同阿奈就返左屋企，阿龍阿逸都話有野做要走先。淨返我同阿鋒，兩個都無咩心情，所以都返左屋企。
入左門口足足十五分鐘，大家都無講過野，更加無任何眼神接觸。我唔知佢係逃避緊，定係煩惱緊，而我唔係唔想同佢講野，只係我唔知可以講d咩。好怕呢一刻講錯野，會增加佢既負擔。其實我個心好驚，無論係直覺定係事實都好，每一方面都話緊比我知，阿柔個肚係阿鋒既。
唔覺意抬頭望下間屋，即刻有種難而言喻既感覺湧上心頭。
第一次鍾意人、第一次失身、第一次感受到幸福既意義、第一次失戀、第一次傷心欲絕…好多好多人生裡面既第一次，都係係度發生。
阿鋒為左我換過晒間屋既野，我知佢咁做係唔想我記住係呢度發生過既唔開心，佢知我鍾意藍色系列，仲特登去買左幅藍色既窗紗。床頭放左張我同佢既合照，雖然我自知自己唔係靚女，同佢係外形上亦都唔係咁合襯，但我仍然覺得呢張相，係我咁多張入面影得最靚最靚既。
回心一諗，佢應該係愛我既係咪？如果唔係佢唔會為左我做咁多野。雖然都係d細微細眼既小事，但愈不微足道就代表愈在乎嘛，係咪？佢愛我，所以我應該相信佢。我要相信佢唔會再傷害我，因為佢已經唔係以前既阿鋒。
∼∼阿sam屋企∼∼
「你覺得個肚係咪阿鋒架呢？」一入門口都未坐低，阿奈已經急不及待問阿sam。
「我點知喎？但我覺得係囉，阿柔佢以前點對o靚仔係人都睇到架啦，如果話佢有第二個我就唔係幾信啦。」
「哼！我又唔信係真既！佢可以搞咁多野出黎，仲有d咩做唔出呀？」
「妳咁緊張做咩姐？而家搞大人個肚既又唔係我。」阿sam笑。
「唔緊張就假啦！如果個BB真係佢既，點知佢會點做架？！容乜易一次會分多次手，阿ka又會好似上次咁自殺架？！你都知阿ka成日亂諗埋一邊架啦，咁樣黎多次我真係唔知佢會做d咩。」
「唔會掛？死過一次仲唔醒目咩？何況o靚仔都應該唔會再咁對佢啦。」
「好難講！鬼知佢心入面諗咩呀？」
「而家先發現原來我地都幾幸福架喎。妳睇下佢地幾艱難先係埋一齊？而家一齊左又發生咁多事。好似我同妳咁幾好丫，咩事都無。」阿sam坐低攬住阿奈。
「我而家出去媾仔咪唔幸福囉。」阿奈把口就咁講姐，佢又邊會做得出？
「我又唔信妳會呀。」
「你大我呀家陣？」
「係啦係啦，係我大妳啦，對唔住囉。」
佢兩個睇黎真係好幸福，一齊左咁耐都無咩風風雨雨。但而家呢刻既幸福唔代表永恆既，今日唔知聽日事嘛。
∼∼兩日之後∼∼
一早阿鋒就收到阿健通知佢報告出左既電話。
呢兩三日我都訓得唔太好，一來擔心啦，二來自己都好緊張件事會發展成點，所以我都一早起左身。阿鋒接到電話之後就call阿sam佢地，叫佢地一齊落樓下食早餐然後就去診所拎報告。
例牌地，我同阿鋒兩個最早落到去茶記，個個晨七咁早起身一定係慢d既架，唯有坐住等啦。三個字之後佢地先陸陸續續黎到，首先係阿逸，只住係阿龍，最後個對唔駛問都知係例遲既阿sam同阿奈啦。
「你兩個唔好再慢d？」阿龍一見佢地出現，即刻就拎起個餐牌叫野食。
「而家要你等下係咪駛死呀？」阿奈都未坐低，一個順手就搶左佢個餐牌。
佢真係唔駛理阿龍架囉，拎起個餐牌之後唔該都無聲就自顧自係度睇。難得既係，阿龍今日又唔同佢計較，唔知佢係因為阿鋒單野無心情定還是未訓醒啦。
「個報告出左黎啦，」阿鋒見個個都見晒野食，於是宣佈，「我已經約左阿柔，一陣食埋早餐我地就直接上阿健度，佢會係個度等我地。」
大家聽完佢咁講之後都無再出聲，沉默地完成自己份早餐。雖然成件事都唔關佢地事，但我感覺到佢地都為左件事擔心緊我同阿鋒。
尤其係阿奈，佢見我無咩胃口食野，都勸我唔好咁擔心。我知道，佢係支持我既。
食完野之後，我地就直接行去阿健間診所。
阿柔一早就坐左係個度等我地。我相信最緊張個個係佢囉，因為只一證明左個BB係阿鋒既，就等於佢有機會同阿鋒係返埋一齊。
企係一邊既我當然擔心，但我相信在場擔心同緊張既唔止我同阿柔兩個，仲有阿鋒同阿奈佢地。所以我唔可以再比壓力佢地，尤其係阿鋒，我要保持冷靜。
「你地都到晒啦？」阿健由醫生房行出黎。
佢比我既感覺就好似個死神咁，行出黎宣佈我既死期已經到，唔同之處只係佢著既係白色既醫生袍而唔係黑色斗篷。
「報告係呢度，測試證明個BB係你既。」佢將份報告放到阿鋒手上。
前後唔駛一分鐘，短短幾句說話已經可以將所有野幻滅。雖然大家一早都有晒心理準備，一早都知個結果，但仍然好難接受。
呢場戀愛，根本由一開始我就已經係個輸家，我注定要輸比阿柔。
場景由診所轉到茶餐廳。
全程只有阿柔一個人係度喋喋不休，佢興奮佢開心，正常既。有邊個人知道自己有左最愛既骨肉個陣會唔開心呢？當日我知道自己有左個陣，何嘗又唔係咁興奮、咁開心？
入到去，阿柔第一時間坐低係阿鋒身邊。我無出聲，亦都無怪責佢既意思，自動自覺坐係阿逸身邊。讓位比佢係唔想佢係度大吵大鬧，唔想令阿鋒難做之餘，都唔想佢呢個大肚婆咁激動。
「鋒，我地一陣去買野囉？我要買BB車啦、BB衫啦、仲有…」阿柔不停咁講，但佢未講完阿鋒已經出聲打斷佢。
「邊個話BB一定要生出黎？」
我估唔到阿鋒會咁講，佢應該知道阿柔唔會肯落左個BB先係。我無出聲望實阿鋒，希望佢後一句會話係講笑。
我當然唔想還返佢比阿柔，但我更加唔想見到阿鋒咁不負責任。
「你而家咩意思呀？！要我落左佢呀？！」阿柔一聽完佢咁問，即刻就大叫。
「妳冷靜d先啦，阿鋒佢唔係咁既意思…」我知呢個時候唔會有人安慰佢一句半句，為免佢太過激動而影響個肚，唯有我出聲勸下佢。
「關妳咩事呀？！幾時輪到妳出聲呀？！」佢鬧返我轉頭。
「喂！妳唔好咁過份好喎！阿ka而家仲係佢條女黎架，唔輪到佢出聲唔通輪到妳呀？！」阿奈見我比佢鬧都唔出聲，睇唔過眼就話左佢一句。
「而家我有左呀！阿鋒遲早都會同佢分手架啦！」
「有左大晒呀？！佢同佢分手？！嘿！妳發夢都無咁早呀！」
「好啦好啦，一人少句啦，而家解決左個問題先啦好無？」阿sam比佢兩個嘈到頭都痛埋，件事係唔關佢事姐，但兄弟有難點都要幫手既。
「Ka，我同妳出去傾傾。」阿鋒邊個都無理到，拉住我行左出門口。
作者:
siu糖
時間:
2008-3-20 09:48 PM
「我有個打算…」一出到門口佢就點左支煙，「不如叫佢落左佢…？」
「唔得！」聽到佢講咩之後我即刻好決絕咁話，「佢唔會肯落之餘，我亦都唔想見到佢行返我以前條路！」我知道個種傷心有幾大既傷害力，我唔想見到佢行返我以前條路，承受個種痛。
「咁唔係點？！」佢大大力扯左啖煙，似乎要將所有煩惱都吞落肚，「唔落，唔通生出黎比返我地養！？咁同我以前對妳有咩分別？定係叫佢生左出黎將個細路丟係孤兒院？！」
「唔可以放係孤兒院！我唔想個BB一出世就無爸爸媽媽！咁樣對個小朋友好唔公平！」頭筋一轉諗到個方法，即刻就脫口而出，「一係等佢生出黎，你比返錢佢養大個仔丫？！」
「佢生出黎，我都唔會同佢係返埋一齊架啦！個BB咪一樣係無爸爸？咁同放佢係孤兒院有咩分別？咪一樣唔公平！」
佢講得岩，個BB無爸爸，同放佢係孤兒院真係無分別…一樣都係唔公平…
「咁…不如你同返佢一齊啦…」我再諗唔到其他方法，我真係唔知應該點做。
「咁樣對妳對我公平咩？妳明唔明呀？個BB根本無可能係一個健康既家庭裡面成長架，佢生出黎更加唔會對任何人公平架！」
我知，我都明…但係除左咁樣，仲可以點樣…？
「我…我唔想你咁不負責任呀…」我講出心入面最想講個句。
以前佢就係對我不負責任，所以先會發生咁多事。我唔想佢對阿柔都係咁，唔想見到阿柔行返我以前條路，我唔想傷害任何人黎換取自己既幸福…
「我唔係唔想負責任呀，何況我比錢佢落，都算係負左責任啦…」佢解釋。
我知佢唔係唔想負責任，而係覺得如果為左負呢個責任同返阿柔一齊既話，就會對我做成好多唔公平。
但係佢頭先都講過啦，係呢件事入面，根本無一個公平既解決辦法。
而家係一對二既情況，我單身一個人，而阿柔就有BB係身。所以如果要講接受唔公平對待既，咁個位應該係我。
「等佢生出黎先啦，你可以比返錢佢養…」見佢無出聲，我就繼續講落去，「BB唔會無左爸爸架，你之不過同佢媽咪分開左之嘛，但你依然會見佢、照顧佢架，你仲可以接佢返學放學，同佢一齊玩tim。」我安慰阿鋒。我決定都係用呢個方法，係因為照情形睇黎，呢個應該係最低傷害度既。
思考左一輪，佢終於都肯接受，然後拖住我返入去。
「點呀？決定成點？」阿sam見到我地入返黎就即刻問。
阿鋒無即時答佢，坐低左之後又點左支煙，重重咁吸左啖先慢慢講。
「我地決定，妳都係生個BB出黎…」
阿奈未聽完佢講，已經差d就將口入面既凍檸茶出黎。
「妳生左出黎之後，我會定期過錢比妳，間唔中亦會同個BB見下面。」阿鋒慢條斯條接埋上半句。
聽到前半句既阿柔本來好開心，用左個勝利既眼神望住我，就好似話比我知，阿鋒最後都係決定揀佢。但當佢聽到後半句個陣，表情即刻唔同晒。
「你咁講即係唔會同返我一齊啦？！」佢質問阿鋒。
「唔會。」阿鋒答得好決絕。
「唔得！你唔同返我一齊既話我就死左去！」佢想學我用死呢招黎對付阿鋒，因為佢睇到，當我跳樓個陣阿鋒有幾內疚，仲可以因為咁而同返我一齊。
「唔得既話妳自己選擇！一係落左佢，一係生佢出黎之後放佢係孤兒院！總之我就點都唔會同返妳一齊！妳要死既話隨便，我唔會阻止妳！」
「咁…好！不過係個BB未出世之前，我要你陪係我身邊！」一個方法唔得，又換另一個方法嘗試，總之佢就想逼到阿鋒同返佢一齊。
「哼！妳都幾識諗呀！去死妳又唔會去架啦，落左妳又無左個機會，而家咪岩岩好囉，就算以為未必一齊都起碼拖返九個月先呀！」阿奈冷笑。
「唔得！我話過唔會同返妳一齊就係唔會！」阿鋒已經比佢搞到好煩、好燥，煙仔不停地一支駁一支。
「只係九個月姐！九個月之後你地都會係返埋一齊架啦！我一個人粗身大細，你真係咁狠心要我一個人生活咩？！」阿柔開始作勢想喊。
就係阿鋒正想開口繼續反駁落去個陣，我捉住佢隻手示意佢停口。
「妳開既要求，我答應妳。」我好冷靜咁同阿柔講。
聽到我咁講之後，阿鋒阿奈都同一時間叫住我。我知，我知佢地唔想咁樣，但係如果唔係咁，恐怖呢件事唔會有解決既一日。大家都已經比阿柔搞到好煩，我唔想再因為我既一個執著，而令到大家都無安樂日子過。尤其係阿鋒，我更加唔想見到佢煩燥既樣。
「不過妳要記住妳今日講過既說話。係九個月之後，阿鋒同妳之間除左BB之外就無任何關係，同樣地佢既生活同妳亦都唔再有關。仲有樣野我希望妳明白，今日我遷就妳、阿鋒同返妳一齊，都只係因為妳肚入面既細路。」答應得佢既要求，我當然都要開出我既條件。
「Ka，妳點可以…」阿鋒出聲，但我伸手遮住佢把口，順勢摸落佢塊面度。
「我知你唔想…或者我咁做係無理過你感受，但係如果唔係咁樣既話，件事唔會解決。你放心啦，我唔會有事。」
大家都深明呢個道理，所以大家都無再出聲。
「得！妳都記得妳今日所講既野！阿鋒我地走啦！」佢勝利，所以佢笑。
「…我知妳想我咁做，雖然我唔願意，但我會照妳意思去做…」臨出門口之前，阿鋒擰轉頭同我講…]
作者:
siu糖
時間:
2008-3-20 09:49 PM
佢地走左無幾耐之後，我地一行幾個包括阿龍阿逸都決定走人。
「妳搞乜呀？！妳咁做無人話妳偉大架！只會話妳蠢咋！九個月咁q長，咩都有可能發生啦！仲有呀，妳覺得佢真係會放過阿鋒咩？！話唔定九個月之後，佢又會整第二樣野出黎拆散你地架咋！」一路行阿奈就一路鬧我，我知，佢登我唔抵，覺得我蠢左丫嘛。
「我一d都唔偉大，仲好自私tim。我叫阿鋒去陪佢，一樣係無理到佢感受，何嘗又唔係一個自私既做法？我只係相信阿鋒佢愛既係我。」
「都唔知妳諗咩！總之就比妳激死啦！」
「算啦，佢咁大個人知自己做緊咩架啦，妳唔好嬲啦。」阿sam勸停阿奈。
或者，九個月之後阿鋒佢真係會唔再愛我。又或者，九個月之後佢真係會同返我一齊。又有邊個可以肯定九個月之後會發生咩事呢？我相信既只係阿鋒，佢呢刻係愛我，甚至將來佢都係愛我。
行到返屋企門口。望到門前既裝飾，我先發現自己係不知不覺間行左返阿鋒屋企，可能一時仲未習慣啦，潛意識就走左返黎。
係門口企左陣，突然聽到屋入面有人大叫。細心再聽下，原來阿柔同阿鋒已經返左黎。乜佢唔係話要去行街架咩？
「我而家搬黎住呀！仲唔叫佢拎走d野？！」阿柔又係度大吵大鬧。
「咪煩啦！話無左人比妳搬黎住！」
「我唔搬黎住點知佢會唔會仲痴住你架？！」
「話左唔得就係唔得！妳再嘈我就要妳而家即刻走！」聽落阿鋒好似好嬲咁，睇黎阿柔真係搞到佢好燥。
「唔搬黎住都得！但要叫佢返黎拎走晒d野！d野留係度篤眼篤鼻，對個BB影響好大架！」佢真係諗住逼阿鋒入死角，每樣野佢都算過計過，一樣唔得又轉第二樣，總之就務求令我同阿鋒分開。
「對妳定對個BB呀！？妳咪乜都拎個細既黎做擋箭牌啦！」
「對我同對BB咪一樣！我有事佢都會有事架！」
記憶之中，阿柔係個好純品、好溫柔既女仔黎。就算我無親身接觸過以前既佢，都由其他人口中聽過唔少，點解佢而家會變成咁？郁下少少事就同阿鋒嘈。係咪我既關係，令佢變成咁蠻不講理？
聽到呢度，我覺得我都係時候入去拎返自己d野走。原因唔在於阿柔既改變，而係阿鋒既心情。我一日唔拎走d野，佢一日都仲會為呢件事同阿鋒嘈，我真係唔想再煩到佢。
我利用自己條鎖匙打開大門，屋入面既佢地同一時間望住我。
「妳返黎就岩啦！唔該妳拎返走妳d野！」阿柔一見我入黎就吩咐我，「仲有，鎖匙丫唔該！」佢坐低係梳化，攤大手板要我比返條鎖匙佢。
我無出聲，放低條鎖匙係檯面之後就行左入房執野。
無幾耐阿鋒跟埋入黎，企係我後面。
「點解妳要做到咁？佢個肚對妳黎講真係咁重要咩？」
「唔通你仲想佢煩住係咩？」我無望佢，繼續執我手頭上既野。
其實我都唔知點解我咁在乎佢肚入面個細路，嚴格黎講佢只不過係一個未成形既胚胎，但係我在乎，我希望個小朋友可以平安出世。或者，我只係將自己對自己個BB既渴望，投放左落阿柔身上。
「妳點樣做，佢都一樣會煩住我架啦！」佢嘲笑，我知佢唔多唔少都有為我既決定而嬲我。
「傻佬…」我行埋去佢身邊，面對面望住佢，「我執左d野走唔代表我唔可以再見你架嘛…我地仍然可以見面架，你仲可以去我屋企呢…」
「我真係唔想咁樣…」佢捉起我隻手，放落自己塊面度。
本來仲想同阿鋒傾多幾句，點知阿柔就係呢個時候行入黎。
「阿鋒你咪阻住人啦！早走早著呀！好行夾唔送啦！」
我鬆開阿鋒隻手，拎起d野諗住行出去。就係我差唔多行到門口個陣，我決定回頭同阿柔講多最後一句。
「其他說話我多講，我淨係想妳記住一句，我就住係樓下。」我笑。
講完之後都未等佢有反應，我已經打開大門返落自己屋企。
我同阿鋒就住係樓上樓下，要見面真係一d都唔難。就算而家我唔上得佢屋企，佢仲可以黎我屋企。何況我地身邊仲有一大班朋友呢？阿sam阿奈阿逸阿龍，任何一個都可以借個地方比我地見面。我地又成日落樓下間茶記食野，要見面既話真係話都無咁易。
我知阿柔佢唔會咁易放棄，不過我亦都相信佢對住阿鋒唔可以任性到咩地步。始終阿鋒都唔係一個會任人擺佈既人黎。
係呢件「大肚風雲」事件叫做暫時解決之後，我地幾個都開始過返d正常返學放學既日子。但其實我地幾個都唔似學生lu，呢排發生左咁多事，阿鋒同阿sam佢地又開始多野做左，大家都變得好少返學。
我同阿奈兩個開始覺得，咁樣日日係屋企無野做悶到七彩都唔係辦法，於是就打算退學之後出黎搵份野做。
作者:
siu糖
時間:
2008-3-20 09:49 PM
去完診所之後，阿sam同阿奈就返左屋企，阿龍阿逸都話有野做要走先。淨返我同阿鋒，兩個都無咩心情，所以都返左屋企。
入左門口足足十五分鐘，大家都無講過野，更加無任何眼神接觸。我唔知佢係逃避緊，定係煩惱緊，而我唔係唔想同佢講野，只係我唔知可以講d咩。好怕呢一刻講錯野，會增加佢既負擔。其實我個心好驚，無論係直覺定係事實都好，每一方面都話緊比我知，阿柔個肚係阿鋒既。
唔覺意抬頭望下間屋，即刻有種難而言喻既感覺湧上心頭。
第一次鍾意人、第一次失身、第一次感受到幸福既意義、第一次失戀、第一次傷心欲絕…好多好多人生裡面既第一次，都係係度發生。
阿鋒為左我換過晒間屋既野，我知佢咁做係唔想我記住係呢度發生過既唔開心，佢知我鍾意藍色系列，仲特登去買左幅藍色既窗紗。床頭放左張我同佢既合照，雖然我自知自己唔係靚女，同佢係外形上亦都唔係咁合襯，但我仍然覺得呢張相，係我咁多張入面影得最靚最靚既。
回心一諗，佢應該係愛我既係咪？如果唔係佢唔會為左我做咁多野。雖然都係d細微細眼既小事，但愈不微足道就代表愈在乎嘛，係咪？佢愛我，所以我應該相信佢。我要相信佢唔會再傷害我，因為佢已經唔係以前既阿鋒。
∼∼阿sam屋企∼∼
「你覺得個肚係咪阿鋒架呢？」一入門口都未坐低，阿奈已經急不及待問阿sam。
「我點知喎？但我覺得係囉，阿柔佢以前點對o靚仔係人都睇到架啦，如果話佢有第二個我就唔係幾信啦。」
「哼！我又唔信係真既！佢可以搞咁多野出黎，仲有d咩做唔出呀？」
「妳咁緊張做咩姐？而家搞大人個肚既又唔係我。」阿sam笑。
「唔緊張就假啦！如果個BB真係佢既，點知佢會點做架？！容乜易一次會分多次手，阿ka又會好似上次咁自殺架？！你都知阿ka成日亂諗埋一邊架啦，咁樣黎多次我真係唔知佢會做d咩。」
「唔會掛？死過一次仲唔醒目咩？何況o靚仔都應該唔會再咁對佢啦。」
「好難講！鬼知佢心入面諗咩呀？」
「而家先發現原來我地都幾幸福架喎。妳睇下佢地幾艱難先係埋一齊？而家一齊左又發生咁多事。好似我同妳咁幾好丫，咩事都無。」阿sam坐低攬住阿奈。
「我而家出去媾仔咪唔幸福囉。」阿奈把口就咁講姐，佢又邊會做得出？
「我又唔信妳會呀。」
「你大我呀家陣？」
「係啦係啦，係我大妳啦，對唔住囉。」
佢兩個睇黎真係好幸福，一齊左咁耐都無咩風風雨雨。但而家呢刻既幸福唔代表永恆既，今日唔知聽日事嘛。
∼∼兩日之後∼∼
一早阿鋒就收到阿健通知佢報告出左既電話。
呢兩三日我都訓得唔太好，一來擔心啦，二來自己都好緊張件事會發展成點，所以我都一早起左身。阿鋒接到電話之後就call阿sam佢地，叫佢地一齊落樓下食早餐然後就去診所拎報告。
例牌地，我同阿鋒兩個最早落到去茶記，個個晨七咁早起身一定係慢d既架，唯有坐住等啦。三個字之後佢地先陸陸續續黎到，首先係阿逸，只住係阿龍，最後個對唔駛問都知係例遲既阿sam同阿奈啦。
「你兩個唔好再慢d？」阿龍一見佢地出現，即刻就拎起個餐牌叫野食。
「而家要你等下係咪駛死呀？」阿奈都未坐低，一個順手就搶左佢個餐牌。
佢真係唔駛理阿龍架囉，拎起個餐牌之後唔該都無聲就自顧自係度睇。難得既係，阿龍今日又唔同佢計較，唔知佢係因為阿鋒單野無心情定還是未訓醒啦。
「個報告出左黎啦，」阿鋒見個個都見晒野食，於是宣佈，「我已經約左阿柔，一陣食埋早餐我地就直接上阿健度，佢會係個度等我地。」
大家聽完佢咁講之後都無再出聲，沉默地完成自己份早餐。雖然成件事都唔關佢地事，但我感覺到佢地都為左件事擔心緊我同阿鋒。
尤其係阿奈，佢見我無咩胃口食野，都勸我唔好咁擔心。我知道，佢係支持我既。
食完野之後，我地就直接行去阿健間診所。
阿柔一早就坐左係個度等我地。我相信最緊張個個係佢囉，因為只一證明左個BB係阿鋒既，就等於佢有機會同阿鋒係返埋一齊。
企係一邊既我當然擔心，但我相信在場擔心同緊張既唔止我同阿柔兩個，仲有阿鋒同阿奈佢地。所以我唔可以再比壓力佢地，尤其係阿鋒，我要保持冷靜。
「你地都到晒啦？」阿健由醫生房行出黎。
佢比我既感覺就好似個死神咁，行出黎宣佈我既死期已經到，唔同之處只係佢著既係白色既醫生袍而唔係黑色斗篷。
「報告係呢度，測試證明個BB係你既。」佢將份報告放到阿鋒手上。
前後唔駛一分鐘，短短幾句說話已經可以將所有野幻滅。雖然大家一早都有晒心理準備，一早都知個結果，但仍然好難接受。
呢場戀愛，根本由一開始我就已經係個輸家，我注定要輸比阿柔。
場景由診所轉到茶餐廳。
全程只有阿柔一個人係度喋喋不休，佢興奮佢開心，正常既。有邊個人知道自己有左最愛既骨肉個陣會唔開心呢？當日我知道自己有左個陣，何嘗又唔係咁興奮、咁開心？
入到去，阿柔第一時間坐低係阿鋒身邊。我無出聲，亦都無怪責佢既意思，自動自覺坐係阿逸身邊。讓位比佢係唔想佢係度大吵大鬧，唔想令阿鋒難做之餘，都唔想佢呢個大肚婆咁激動。
「鋒，我地一陣去買野囉？我要買BB車啦、BB衫啦、仲有…」阿柔不停咁講，但佢未講完阿鋒已經出聲打斷佢。
「邊個話BB一定要生出黎？」
我估唔到阿鋒會咁講，佢應該知道阿柔唔會肯落左個BB先係。我無出聲望實阿鋒，希望佢後一句會話係講笑。
我當然唔想還返佢比阿柔，但我更加唔想見到阿鋒咁不負責任。
「你而家咩意思呀？！要我落左佢呀？！」阿柔一聽完佢咁問，即刻就大叫。
「妳冷靜d先啦，阿鋒佢唔係咁既意思…」我知呢個時候唔會有人安慰佢一句半句，為免佢太過激動而影響個肚，唯有我出聲勸下佢。
「關妳咩事呀？！幾時輪到妳出聲呀？！」佢鬧返我轉頭。
「喂！妳唔好咁過份好喎！阿ka而家仲係佢條女黎架，唔輪到佢出聲唔通輪到妳呀？！」阿奈見我比佢鬧都唔出聲，睇唔過眼就話左佢一句。
「而家我有左呀！阿鋒遲早都會同佢分手架啦！」
「有左大晒呀？！佢同佢分手？！嘿！妳發夢都無咁早呀！」
「好啦好啦，一人少句啦，而家解決左個問題先啦好無？」阿sam比佢兩個嘈到頭都痛埋，件事係唔關佢事姐，但兄弟有難點都要幫手既。
「Ka，我同妳出去傾傾。」阿鋒邊個都無理到，拉住我行左出門口。
作者:
siu糖
時間:
2008-3-20 09:50 PM
「我有個打算…」一出到門口佢就點左支煙，「不如叫佢落左佢…？」
「唔得！」聽到佢講咩之後我即刻好決絕咁話，「佢唔會肯落之餘，我亦都唔想見到佢行返我以前條路！」我知道個種傷心有幾大既傷害力，我唔想見到佢行返我以前條路，承受個種痛。
「咁唔係點？！」佢大大力扯左啖煙，似乎要將所有煩惱都吞落肚，「唔落，唔通生出黎比返我地養！？咁同我以前對妳有咩分別？定係叫佢生左出黎將個細路丟係孤兒院？！」
「唔可以放係孤兒院！我唔想個BB一出世就無爸爸媽媽！咁樣對個小朋友好唔公平！」頭筋一轉諗到個方法，即刻就脫口而出，「一係等佢生出黎，你比返錢佢養大個仔丫？！」
「佢生出黎，我都唔會同佢係返埋一齊架啦！個BB咪一樣係無爸爸？咁同放佢係孤兒院有咩分別？咪一樣唔公平！」
佢講得岩，個BB無爸爸，同放佢係孤兒院真係無分別…一樣都係唔公平…
「咁…不如你同返佢一齊啦…」我再諗唔到其他方法，我真係唔知應該點做。
「咁樣對妳對我公平咩？妳明唔明呀？個BB根本無可能係一個健康既家庭裡面成長架，佢生出黎更加唔會對任何人公平架！」
我知，我都明…但係除左咁樣，仲可以點樣…？
「我…我唔想你咁不負責任呀…」我講出心入面最想講個句。
以前佢就係對我不負責任，所以先會發生咁多事。我唔想佢對阿柔都係咁，唔想見到阿柔行返我以前條路，我唔想傷害任何人黎換取自己既幸福…
「我唔係唔想負責任呀，何況我比錢佢落，都算係負左責任啦…」佢解釋。
我知佢唔係唔想負責任，而係覺得如果為左負呢個責任同返阿柔一齊既話，就會對我做成好多唔公平。
但係佢頭先都講過啦，係呢件事入面，根本無一個公平既解決辦法。
而家係一對二既情況，我單身一個人，而阿柔就有BB係身。所以如果要講接受唔公平對待既，咁個位應該係我。
「等佢生出黎先啦，你可以比返錢佢養…」見佢無出聲，我就繼續講落去，「BB唔會無左爸爸架，你之不過同佢媽咪分開左之嘛，但你依然會見佢、照顧佢架，你仲可以接佢返學放學，同佢一齊玩tim。」我安慰阿鋒。我決定都係用呢個方法，係因為照情形睇黎，呢個應該係最低傷害度既。
思考左一輪，佢終於都肯接受，然後拖住我返入去。
「點呀？決定成點？」阿sam見到我地入返黎就即刻問。
阿鋒無即時答佢，坐低左之後又點左支煙，重重咁吸左啖先慢慢講。
「我地決定，妳都係生個BB出黎…」
阿奈未聽完佢講，已經差d就將口入面既凍檸茶出黎。
「妳生左出黎之後，我會定期過錢比妳，間唔中亦會同個BB見下面。」阿鋒慢條斯條接埋上半句。
聽到前半句既阿柔本來好開心，用左個勝利既眼神望住我，就好似話比我知，阿鋒最後都係決定揀佢。但當佢聽到後半句個陣，表情即刻唔同晒。
「你咁講即係唔會同返我一齊啦？！」佢質問阿鋒。
「唔會。」阿鋒答得好決絕。
「唔得！你唔同返我一齊既話我就死左去！」佢想學我用死呢招黎對付阿鋒，因為佢睇到，當我跳樓個陣阿鋒有幾內疚，仲可以因為咁而同返我一齊。
「唔得既話妳自己選擇！一係落左佢，一係生佢出黎之後放佢係孤兒院！總之我就點都唔會同返妳一齊！妳要死既話隨便，我唔會阻止妳！」
「咁…好！不過係個BB未出世之前，我要你陪係我身邊！」一個方法唔得，又換另一個方法嘗試，總之佢就想逼到阿鋒同返佢一齊。
「哼！妳都幾識諗呀！去死妳又唔會去架啦，落左妳又無左個機會，而家咪岩岩好囉，就算以為未必一齊都起碼拖返九個月先呀！」阿奈冷笑。
「唔得！我話過唔會同返妳一齊就係唔會！」阿鋒已經比佢搞到好煩、好燥，煙仔不停地一支駁一支。
「只係九個月姐！九個月之後你地都會係返埋一齊架啦！我一個人粗身大細，你真係咁狠心要我一個人生活咩？！」阿柔開始作勢想喊。
就係阿鋒正想開口繼續反駁落去個陣，我捉住佢隻手示意佢停口。
「妳開既要求，我答應妳。」我好冷靜咁同阿柔講。
聽到我咁講之後，阿鋒阿奈都同一時間叫住我。我知，我知佢地唔想咁樣，但係如果唔係咁，恐怖呢件事唔會有解決既一日。大家都已經比阿柔搞到好煩，我唔想再因為我既一個執著，而令到大家都無安樂日子過。尤其係阿鋒，我更加唔想見到佢煩燥既樣。
「不過妳要記住妳今日講過既說話。係九個月之後，阿鋒同妳之間除左BB之外就無任何關係，同樣地佢既生活同妳亦都唔再有關。仲有樣野我希望妳明白，今日我遷就妳、阿鋒同返妳一齊，都只係因為妳肚入面既細路。」答應得佢既要求，我當然都要開出我既條件。
「Ka，妳點可以…」阿鋒出聲，但我伸手遮住佢把口，順勢摸落佢塊面度。
「我知你唔想…或者我咁做係無理過你感受，但係如果唔係咁樣既話，件事唔會解決。你放心啦，我唔會有事。」
大家都深明呢個道理，所以大家都無再出聲。
「得！妳都記得妳今日所講既野！阿鋒我地走啦！」佢勝利，所以佢笑。
「…我知妳想我咁做，雖然我唔願意，但我會照妳意思去做…」臨出門口之前，阿鋒擰轉頭同我講…]
作者:
siu糖
時間:
2008-3-20 09:51 PM
足足一個禮拜無見過阿鋒，話我唔掛住佢就假既…不過既然係自己決定既，咁難受都要自己去承受係咪？呢個禮拜我其實都訓得唔太好，可能唔習慣身邊無左個人啦，幾乎晚晚訓到半夜都扎醒，搞到我精神差晒。
呢日阿奈打黎叫我落去陪佢食飯，又好，反正係屋企都自己一個食，落去起碼叫做多個人陪下吹下水，點都唔駛咁悶先。
準時落到樓下，點知又係一個人都無，真係頂左出黎，又話會準時到。唔見人就要打電話啦，唔係又唔知要等幾耐。
（接駁鈴聲：別人都知道我火爆，直行直衝不守禮貌…）
「喂八婆，係邊呀妳？」佢一聽話我就問，對佢，基本上唔太需要禮貌。
「妳到左啦？」
「係呀…就黎悶死tim啦…」
「喔，咁妳等陣啦，而家落黎架啦我。」唉，次次都要人等。
收左線之後我就叫左杯凍奶茶，諗住飲住野先都好。就係杯奶茶黎到我面前既同時，我見到阿鋒係門口直接行緊埋黎我度。
「今日咁得閒既？」我望住佢笑，好掛住佢呀。
「無野做嘛。」佢坐低左係我對面，然後伸手叫做杯凍啡，例牌飲品。
「阿奈佢地叫你落黎食野架？」我問。
「妳認為我唔會搵妳咩？」佢無答到，笑住反問返我轉頭。
一聽佢呢句我就知係佢搵阿奈過橋黎約我既，衰得佢。阿奈又係咁，明知係阿鋒提出約我又唔出聲話我知，等我執返靚d個樣先丫嘛，幾日都訓得唔好，都唔知個樣會唔會好殘tim架？
「笑咩呀你？」見到佢個笑容好似笑緊我咁，忍唔住要問佢一句。
「坐過黎。」佢望左我一眼之後就坐左入靠牆個邊，仲拍一拍張凳示意我坐過去。
我係聽話既小朋友黎架嘛，佢叫到我一定會坐架，嘻。
一坐埋去，佢就攬住我條腰。
Um，種感覺好sweet、好正！久違了！佢一攬我，我更加覺得自己掛住佢。
「今日佢無搵你咩？」我口中既「佢」當然就係阿柔。奇怪佢今日點解唔見人，以佢個幾日既表現，應該會痴實阿鋒先岩架。
「佢去左上媽咪班…」一路講佢就一路錫落黎，係句說話完結既同時我已經同佢咀對咀啦，「今晚我上妳屋企好無？」先黎一個火辣辣既香吻，再黎一個情深款款既眼神，對唔住，我投降！佢咁既樣我點捨得話唔好呀？
「嘩！咁快就打晒茄輪啦？要搞野留返係屋企嘛，人多丫呢度！」阿奈一行入黎見到我地錫晒咁就大叫。
「人多妳又咁大聲？驚死人唔知呀？」我串返佢。
「車！你地都比人望晒啦，係人係鬼都知啦！」
「妳仲好講？等妳等到我悶死啦！」為左唔比佢繼續笑我，我梗係拉開過話題啦。
「唔等我妳邊有機會同鋒哥仔談情姐。」阿奈望住我奸笑，我頂。
「叫野食啦。」阿sam笑。
個晚阿鋒上左黎我屋企。
佢上黎當然就唔會淨係坐咁簡單啦。入到屋，沖完個涼換左件衫，佢已經急不及待抱我入房。
我覺得成晚都有種好sweet，好似岩岩係返埋一齊個種好恩愛既感覺。基本上，成晚我面上邊都掛住個最甜最甜既笑容，開心係理所當然既，因為事實證明，就算我唔係阿鋒身邊，佢仍然一樣咁愛我。
完事之後，我訓係度攬住佢同佢傾計。
哈，突然發覺我地而家既關係其實幾似偷情。雖然名義上我仲係佢女朋友，但事實我唔係成日見到佢、同佢一齊，要見既都要偷偷地見，真係陰公。但諗深入d，如果唔係咁樣既，我地都未必搵得返個種咁恩愛既感覺啦。
之所以話呢，塞翁失馬，焉知非福？
傾傾下平常野，我突然諗起決定出黎搵野做個件事，都係問下阿鋒意見比較好，如果佢反對既話我都無乜機會做得成。
「老公呀，我想出黎搵野做呀…」我點左支煙遞比佢。
「做咩無啦啦想搵野做呀？」
「咁我地而家都咁少返學囉，係屋企又悶，咪想出黎搵d野做下囉。」
「妳得唔得架？懶到死咁有無人請妳？」佢一路笑一路用手指點我鼻頭。
「我梗係得啦！邊度懶喎！」我笑住捉返佢隻手講。
「都好既，不過妳要自己小心呀。」
「嗯！我知架啦！」見到肯應承比我出去做野，我即刻就主動錫左佢塊面一啖。
「而家我唔可以成日係妳身邊陪妳，咩事都好，記得小心同埋唔好勉強呀。」
佢教過我，如果有人問起我識唔識佢既話，就要扮咩都唔知。我知佢要我咁做既原因係想保護我，你知啦，黑社會咩人都有，乜事都可以發生。加上曾經發生過阿柔件事，佢更加唔敢掉以輕心。
「你都知而家唔可以成日陪住我啦咩…」我扁嘴。我認我係呷醋架！一諗起佢同阿柔一陣個陣就妒忌，不過無法啦，鬼叫係我自己決定。
「呷醋呀？」佢笑住伸手禁我個嘴，跟住問。
我無出聲，佢呢d明知固問我係唔會答既，我個樣同句說話都已經清楚地話晒佢知啦，仲要問我咩！
「妳而家呷醋都無用架啦，又係妳自己決定要我返去佢身邊既。」佢家陣擺到明就係明串我，報返我個日決定件事個仇咁話。
比佢講多兩講，我更加唔忿氣，直頭谷埋泡腮坐係度發脾氣。
「傻妹唔好發脾氣啦，而家咁都幾好呀，小別勝新婚嘛。」佢摸下我個頭。
咁又係既，佢都講得岩…起碼而家我仲可以同佢見面，見到佢個陣大家又仲恩愛過以前，其實咁樣都算唔錯啦。
「又好，算你講得岩，我唔發脾氣啦。」我拉好張被，「覺覺豬lu！」
「咁快訓啦？不如…」佢望住我淫笑。
我當然知道佢呢個笑容代表咩啦！
「仲黎？！你得唔得呀？！」我笑住反問。
「哎呀！」佢一聽到我咁問，即刻就轉身壓左係我上面，「妳睇小我呀？妳唔得都未到我唔得呀！」
我梗係唔會睇小佢啦，同佢一齊左咁耐當我真係唔知佢咩材料咩，不過為左增加情趣，一於扮野，奸笑。
「我點知你呀？嘻，你咁虧…」我笑到嘻嘻聲。
「我虧？！」佢唔忿氣我話佢，伸手R我條腰，「我虧丫啦！虧丫啦！虧唔虧？」一路R佢就一路問。
「…哈哈！唔好…放手…！哈哈哈！唔虧啦唔虧啦！好痕呀！」我一路笑一路縮，笑到差唔多斷氣咁滯，「…哈哈哈…對唔住啦！放手啦！哈哈哈…唔虧啦，你最勁啦得未呀？…哈哈哈哈…」為左求饒，我係亂七八糟咩說話都可以講得出口既，就連平時唔會講既野都可以講。
「妳講多次最後個句？」事實證明我呢招好有效，佢一聽到就即刻停晒手。
「咩呀…？」回左氣之後我梗係諗到自己講錯野，扮唔知，咩都唔知。
「唔虧之後個句係咩呀？」佢望住我隻眼，放足250%既電力，唉，發電廠都就黎要問佢借電啦。
「…你最勁啦老公…」我投降。
唔駛問，跟住落黎係一室春光綺妮，嗯嗯，恩愛，嗯嗯，纏綿，嗯嗯，我好滿足，嗯嗯，包括性慾，大笑。
作者:
siu糖
時間:
2008-3-20 09:51 PM
我同阿鋒係屋企呢邊纏綿緊，有人亦係另一邊要求緊。
「老婆呀…」阿sam等左成晚終於等到阿奈沖完涼，見佢一出黎就係後面攬住佢，「不如…我地黎囉？」
「黎咩呀？」嘿，又一個扮無知既少女。阿奈當然唔會咁蠢啦，句野係無頭無尾，但佢仍然聽得出阿sam想問咩。
「妳知架…」阿sam無視阿奈既無知，繼續扭，繼續要求。
「唔得呀，我話過要等我地結婚個日先可以搞架嘛。」
「黎啦…我同妳拍左拖都差唔多成年啦，一次都未搞過呀…」佢而家就好似個小朋友求個媽媽買玩具比佢咁。
事實又係既，拍左拖成年都未搞過一次，以阿sam黎講真係算好好好好好忍得架啦，話晒條女晚晚訓係自己隔離喎。
「成年又點呀？唔得呀。」
「真係唔得呀？」阿sam個樣明顯地有d失落。
「做咩姐，家陣你忍下唔得咩？」
「咁忍得好辛苦架嘛…妳晚晚都訓係我隔離，又唔係唔知自己身材好…」
「而家即係怪我啦喎？既然忍得咁辛苦既，咪唔好忍囉。」
「唔忍即係搞得啦！？」當阿sam聽到呢句個陣，直頭係開心到飛起，以為終於都有機會啦，點知…
「我准你一次機會出去叫雞。」阿奈笑住同佢講。
「…車…無野啦…」一盤冷水倒落黎，即刻就洩晒氣。
「可以叫雞喎，唔好咩？」
「妳當我第一識妳咩…而家把口就話比我去，到我真係滾個陣，妳嗌分手都似。」
「係架啦…」哈，對住呢個女朋友，阿sam都唔知應該好嬲定好笑。
「算啦，訓覺。」阿sam擰轉身就入房。
「嬲呀？」阿奈見佢咁既樣，都跟埋入房問佢。
「唔係啦，訓啦…」
第二日一早，訓醒個陣已經唔見左阿鋒。
佢留低左張紙條比我，話阿柔上左佢屋企，所以先返去先。
我明既，而家阿柔大晒嘛，唉。
嘆左啖氣之後我就起身沖涼，擒晚得到阿鋒既同意可以搵野做，所以我決定打鐵襯熱，今日就出街行下，睇下有咩工岩。
一沖完涼出黎電話就響，係阿鋒打黎。
「喂？」我仲回味緊擒晚既溫馨，連聽電話都係度笑緊。
「喂？係度做緊咩？」語氣聽落好似好冷淡咁，咩事呢？
「岩岩沖完涼出黎囉，做咩呀？」
「妳而家去買d野食上黎我屋企。」做咩呢？照計佢唔會叫我做呢d野架。
「咁…你想食d咩？」都係唔好理咁多住，既然佢要我買既就買啦。
「妳想食d咩呀！？」電話另一邊既佢係度詢問緊另一個人，唔通係阿柔？
「你叫佢上黎先算啦！」真係阿柔把聲，佢又想搞咩呀？
「而家問妳就答啦！快快趣趣唔好要人又上又落！」
「我係鍾意叫佢上左黎先呀！唔得咩？！」
「鋒！算啦，我而家上左黎先，你唔好同佢嘈啦。」我勸停左阿鋒。
我唔想阿柔繼續係度嘈煩到阿鋒，佢要我上去都係想我買野食比佢姐，即管睇下佢想玩咩。
啦啦臨換好衫上去，一禁鐘阿鋒就黎開門。哈，係門口就已經見到柔姐好似人地d皇后咁攤左係梳化。
「人已經上左黎啦！妳想點呀？！」阿鋒睇黎已經比佢搞到好唔耐煩。
「妳想食咩？」我問佢，佢最終目的都係呢樣姐，直接了當比較好。
「我要食元朗既老婆餅，西頁既糖水，仲有深井既乳鴿。」一早就諗定晒，即係擺明玩野啦，哼。
「糖水涼呀，乳鴿又熱氣，對個BB唔好。」我梗係有我既道理啦，唔係容乜易真係比佢當公仔咁舞架？
「妳理得我姐！我話要食就要食啦！妳好快去快回tim呀，一個鐘好返黎啦！BB唔餓得架！」
一個鐘！？唔好玩啦！由旺角入元朗都起碼九個字，經深井出返黎再去西頁，除非我識飛啦，如果唔係一個鐘點都返唔到黎。
「妳係咪玩野呀？！」阿鋒聽到佢既唔合理要求又幫我出聲。
「咁大聲做咩呀你！一陣嚇親個BB呀！」
我知而家同阿柔講咩都無用，佢似住自己有左就覺得自己大晒。何況佢一直都覺得係我搶走阿鋒既，又知我對個BB好緊張，而家仲唔有怨報怨、有仇報仇？
「一個鐘頭點都去唔晒三個地方，妳是但揀一個。」我好堅強咁同佢講。
「我三樣都要！妳做唔做到係妳既事！總之我同個BB而家就要食！」
「好呀，妳要我去晒咁多個地方既話，阿鋒實會車我去，咁我同佢就有時間獨處，妳自己諗啦。」妳識玩我都識玩。一講完我就拎起阿鋒條車匙，跟手拋比佢。
「咪住！」佢見我地兩個真係一前一後出門口，即刻就叫住我地，「我都係唔食啦！妳是但落去買碗河粉比我啦！」哈，呢招真係有效。
聽到佢咁講，我梗係即刻出門口落樓啦，唔通仲留係度等佢改變主意咩？
落到茶記，咁岩又撞到阿奈佢地係度食飯。
「喂。」我行埋去叫阿奈，反正都要等外賣，係度坐下吹兩句先啦。
「喂，落黎食野呀？」
「落黎叫外賣呀。」我一路講一路叫外賣。
「外賣？做乜唔係度食呀？」佢奇怪，既然佢地都係度，點解唔坐埋一齊食呢？
「係就係食啦，不過唔係我食丫嘛。阿柔呀，佢話要食野呀。」
「乜話？！佢點妳落黎幫佢買野食呀？！」
「而家淨係要我落黎呢度買已經好好啦，頭先佢要我一個鐘頭入元朗、深井同西頁tim呀。」我個樣有d無奈。
「嘩！佢無野呀？！」阿奈嘩然，「妳又係既，駛咩咁聽佢話姐？佢唔食咪唔好食囉，我又唔信佢肚餓唔會自己買野食。」
「唉，唔係我聽佢話呀，之係唔想佢係咁煩住阿鋒姐，我唔想佢地嘈呀。」
「要嘈咪由得佢囉，單野佢自己搞出黎既。」
我知阿奈直到而家呢刻都仲有d嬲阿鋒。因為係佢心目中佢覺得，如果當日佢地兩個無係返埋一齊，就唔會發生咁多事，今時今日阿柔亦唔會有左。無阿柔個肚，今日我亦唔駛咁樣。
「算啦，都唔可以咁講既…」外賣到，比錢，「唔同你地講啦，我返上去先。」無論係口頭上定還是心裡邊都好，我承認一直都有偏幫阿鋒。無他既，我唔捨得怪責佢，同埋我亦覺得成件事唔係單靠佢就可以一手做成。
「妳自己小心啦，有咩搵我。」
作者:
siu糖
時間:
2008-3-20 09:52 PM
又過左個零月。呢間月入面我間唔中都會上下阿柔屋企，拎d野比佢食又或者幫佢執下屋，有時就陪佢去行街或者上媽咪班，佢而家大晒，真係當正我妹仔咁黎點。佢個肚都差唔多三個月啦，我成日都叫佢小心d，唔好做d危險動作，如果唔係流產就麻煩。
阿鋒隔幾日都會上黎我屋企一次，又或者當阿柔唔得閒個陣佢就會叫我落去陪佢食個飯咁。次次見到佢我都唔捨得走，鬼咩，隔幾日先見一次，唔掛住就假。不過我知無得怨啦，係我自己拎黎。
阿龍阿sam佢地都係咁啦，無穿無爛，大家都過得幾開心。
今日阿柔同阿鋒講，話要返去外家拎d野，佢而家搬左出黎自己一個住，間屋係阿鋒租比佢既，等佢唔駛成日煩住話要去阿鋒度住嘛。本來佢有叫埋阿鋒一齊陪佢返去，不過阿鋒唔想，最後都係由佢自己一個返去就算。
跟住阿鋒就同左阿sam佢地去做野，阿奈又話要去搵個fd，得返我自己一個。
一個人係屋企無咩好做，咪上下網玩下電腦咁囉，玩到悶悶地又想訓陣，諗住去訓啦。點知都未正式訓落床，電話就響。初頭我以為係阿鋒做完野打比我啦，一望個來電顯示先知係阿柔。
「喂？」我以為佢打黎又係叫我過去幫佢拎野之類，語氣已經唔多耐煩架啦。
「喂…阿ka…」佢把聲死唔斷氣咁，唔係出左咩事呀？！
「喂，妳做咩呀？」咪扮野好喎，我唔會上妳當架啵。
「救我…BB…救…」
聽到佢呢句真係嚇都嚇死我！唔係真係出左事呀？！
「妳而家係邊呀？！」我一路講一路快手快腳換衫，一定要快d搵到佢，希望去到個陣仲可以黎得切啦。
「屋企…快d黎…」
我聽得出佢好辛苦，究竟發生左咩大事？！
「妳頂住呀！我而家即刻黎！」
一換好衫我就衝出門口，上左的士之後叫個司機有咁快開咁快，用九秒九既時間趕去阿柔屋企。
一路搭車我一路打電話，點知阿鋒佢地d電話全部唔通，可能未做完野收唔到又或者無開機啦。打比阿奈，佢個電話又長響無人聽。激死！
架的士一到步，我就即刻飛上樓。好彩咁岩有電梯到，如果唔係我真係會跑樓梯上去搵阿柔都似。
跑到去佢屋企門口，想伸手禁鐘個陣先發現佢度大門原來打開左，見到咁既環境，一陣不詳既預感湧上心頭，我深呼吸左啖氣，手震震咁輕輕力推開度門…
果然，我既預感一d都無錯，一打開門，見到既影象足夠嚇死我！
阿柔佢訓左係地下，臉色發白狀甚痛苦，但佢既神智仲係清醒既，因為當佢見到我個陣，仲識得伸手叫我。
「妳點呀？！到底發生咩事呀？！」我即刻走埋佢度，諗住扶起佢先講。
不過當我一拉佢，佢一郁，我就見到地下有一大灘鮮紅色既液體。係血！仲要係由阿柔下體流出黎既血！
「妳點呀？！」我有d慌，好驚佢同個BB有咩事。
「BB…救…BB…」佢捉住我隻手。可能佢真係痛得太西利，終於都頂唔順慢慢暈左過去。
「喂！喂！」我搖左佢兩下，都係無反應。
咁既情況我都唔理得咁多，究竟發生咩事呢個問題都係遲d先研究，而家最緊要既係就報警送佢去醫院先。
由等差佬到，到上白車再到醫院，我一直不停咁打電話搵阿鋒佢地，但仍然都係一個都搵唔到。
去到醫院，阿柔即刻就比醫生推左入手術室，而我就留係出面比差佬問話。個差佬係咁問我咩事，我都唔知點答佢好，事實我都唔知發生咩事。
一路問話我都心不在焉，擔心緊阿柔同個BB究竟有無事。最擔心既係個BB，又唔知到底發生咩事，點解無啦啦會搞成咁。
佢地入左去已經差唔多兩個鐘，搞咁耐唔會出左咩大問題嘛？
終於係三個鐘頭之後，醫生出返黎。
「佢點呀醫生？！」一見到醫生，我幾乎係撲埋去捉住佢黎問。
「係妳送佢入黎既？妳係佢邊位？」個醫生望左我一眼，跟住就問我。
個刻我差d就想粗口百出。大佬呀！我而家唔係黎同你玩問答遊戲呀！我問你野你又問返我！我頂！
「我係佢朋友！佢而家到底點呀？！」
「佢既陰道口有明顯爆裂既情況，」佢托一托佢副金絲眼鏡先繼續講，「初步懷疑做成呢個情形既原因係因為佢係同一時間入面比超過一個人強迫進行性行為，而家要再進一步同佢檢查先知。」
我聽到呆左，比超過個人強迫進行性行為？！咁咪即係比人輪姦？！
「咁佢肚入面個BB呢？！」我記起佢頭先有流血，即刻就問個BB既情況。
「由於個胎係仲未成形既情況之下比外物過度壓迫，子宮承受唔到而破損，所以佢個BB已經救唔返。」
救唔返…佢個BB無左…阿鋒既骨肉…
「一陣會有警察黎同妳地落口供，妳而家可以入去睇下佢先，我地會安排佢繼續接受檢查。」醫生交帶完之後就行左去。
我無入到去睇阿柔，個一刻我淨係知道自己個心好亂，腦入面有好多好多問號解釋唔到。到底發生咩事？
我坐左係度慢慢組織返成件事。開始諗到單野可能同阿鋒佢地既背景有關，雖然我知道既野唔多，佢地亦無係我面前提起過d乜，但最起碼我知道一路以黎都有人睇唔過眼佢地咁後生就咁有勢力，一直都想搵個方法打擊佢地，令佢地失去而家手上邊既勢力。
會唔會就係因為咁，阿柔先會比人輪姦？但阿柔而家住緊呢度，係阿鋒新租比佢既，應該無理由會有人知佢屋企係邊先岩架。何況而家唔係得阿柔一個同阿鋒有關係，仲有我呢？點解好揀唔揀揀阿柔，而唔係揀我呢？
如果佢地係因為知道阿柔有左，咁樣對阿鋒黎講會傷害d既，咁佢地又係咩渠道知道阿柔有左既消息呢
作者:
siu糖
時間:
2008-3-20 09:53 PM
「小姐？小姐？妳無事丫嘛？」我諗到入晒神，連個差佬嗌左我幾聲都唔知。
「下？我無事。」比佢拍一拍我，我先回復返正常。
「咁唔該妳過黎呢邊同我地落多次份口供。」佢帶左我去另一邊。落口供就係咁麻煩既事黎，同一件事要講十次八次甚至更多次，真係你想唔記得都難。
落口供個陣，我當然無蠢到同差佬講可能係黑社會尋仇事件啦，只係簡簡單單交代左發現阿柔受傷既經過就算。
落完口供之後，差佬就同我講要去搵阿柔落口供，叫我坐係出面等等。就係呢個時候，我電話響，係阿奈打黎。
「喂，妳打比我呀？」一拎起個電話阿奈就問。
「嗯…」係，我頭先的確係打過比妳…
「做咩呀？call得我咁急既？」
「妳搵唔搵到阿鋒佢地呀…？」我答到阿奈，反問返佢有無阿鋒既消息。
「阿鋒？係度呀，佢地岩岩做完野黎搵我。」
「咁…妳而家同佢地黎醫院啦…」
「醫院？！妳唔係有咩事嘛？！發生咩事呀？！」
「你地黎到先講啦…」係呢個時候我唔想講咁多，「仲有，妳同阿鋒講聲…阿柔出左事。」講完之後我就即刻收左線。
係電話只會講得唔清唔楚，我自己又未平伏到個心情，我想等佢地黎到之後，自己亦都冷靜左先慢慢同佢地講。
十五分鐘之後阿鋒佢地就黎到。
「阿柔點呀？！」阿鋒第一個入到黎，見到我之後亦都係第一個開聲問既。
「佢而家應該仲係入面落緊口供…」
「究竟發生咩事呀？」佢顯得有d緊張。
「頭先…」我開口想講，但講左兩隻字之後又無咩勇氣講落去。
「頭先咩姐？講啦！」阿鋒喝我。
我比佢既態度嚇親，如果我係一個唔識得佢地既人，我大概會諗阿柔先係佢女朋友，因為佢真係有d過份緊張。
「頭先阿柔打比我話出左事，咁我即刻去搵佢囉。點知去到佢屋企就見佢訓左係地下，下體仲流緊血，我又唔知佢發生咩事，驚佢有生命危險咪送左佢入黎醫院囉。我地入左黎已經三個幾鐘，醫生出返黎同我講，話佢…可能比人輪姦…」我的確唔係幾滿意阿鋒既態度，於是乎一鼓作氣講晒出黎，可惜既係，我自己都愈講愈細聲。
「…輪姦…？」瞬間佢已經轉換左幾種表情，由愕然，到唔相信，再到迷茫，最後既係憤怒。仲有一樣最唔顯眼既，係心痛。
我望住眼前既佢，隱約有種不詳既預感。我感覺得到，呢次之後，將會所有野都唔同晒…
同阿鋒佢地交代完成件事之後，差佬亦都同阿柔落完口供出返黎。
個差佬出到黎，望左我地一人一眼，面上邊既表情變得有d鄙視。雖然唔知阿柔究竟同佢講左d咩，但我相信佢大約都估到。可能佢會覺得我地係抵死既，古惑仔，行得出黎就預左有今日。
阿鋒見到差佬出黎，第一時間就衝左入去睇阿柔。
「鋒！」阿柔一見到阿鋒，即刻攬住佢係咁喊。
阿鋒無推開佢，反而伸手攬返住佢，由得佢慢慢喊。阿鋒見佢喊左一陣之後情緒平伏左d，於是就捉住佢隻手坐係佢身邊。
「話我知，到底發生咩事好無？」柔聲細語，佢又回復返以前對阿柔個種溫柔。
「我返完外母之後就返去屋企…返到去無耐就有人黎禁鐘，我以為係你上黎搵我啦…點知一開門就有幾個男人衝入黎…」佢仲係斷斷續續咁喊緊，「我問佢地係邊個，但佢地無答到我，跟住就…嗚…」
唔駛再講，我地都知跟住發生咩事。
「佢地臨走個陣先同我講…叫我有咩唔明就黎問你…」阿柔喊得好淒涼。
「無事架啦…有我係度，真係無事架啦…」阿鋒攬住佢，慢慢掃佢個頭。
見到佢地咁，我個心不其然有d難受，雖然我而家呢刻阿鋒安慰佢係應該既。
「頭先差人黎問我，我咩都無講到架！你信我呀！…我真係無講到…」阿柔不斷強調自己無出賣阿鋒既背景資料。
「係係係，我信妳。妳乖，休息下先好無？我一陣再返黎。」
「唔好！你唔好走！」佢拉住阿鋒，「如果你出左去…佢地又黎咁點呀…？」阿柔既情緒好唔穩定。正常既，比著任何一個女人，遇到咁既先可以冷靜先奇。
「咁…我留係度陪妳啦，妳乖，休息下先。」阿鋒安慰完佢，轉頭就同我地講，「你地返去先啦，有我留係度陪佢得架啦…」
我無出聲。我知道而家阿柔需要佢多過我需要佢，而阿鋒亦都有責任留係度陪住佢，所以就算我妒忌，就算我呷醋，我都無講任何野去反對。
我當然明白而家就算去講或者妒忌，都係無用呢個道理。其實由我決定比阿鋒返去佢身邊個日開始，我已經無權去妒忌，何況而家既阿柔仲要發生d咁既事？
跟住落黎有差唔多兩個禮拜既日子，阿鋒仍然留係阿柔身邊照顧佢。我明白，佢需要佢丫嘛。但係明白還明白，當去到醫院見到阿鋒對佢有幾溫柔有幾關心個陣，我都仲會覺得心痛。女人，都係善妒既動物黎既
作者:
siu糖
時間:
2008-3-20 09:55 PM
今日我去左醫院，表面上就話想去探下阿柔，事實係我想借呢個機會見下阿鋒。
但當我入到病房個陣，先發現得返阿柔一個係度。
「阿鋒呢？」我隨手放低拎黎既野，順口問左句。
「佢出左去買野食比我…」阿柔既情緒睇黎已經平伏左好多。
「妳無乜事啦嘛？」我倒左杯水比佢。
「無咩事啦，有心…」語氣態度都軟化左好多，佢又變返以前個個最溫柔、可愛、文靜兼且純情既阿柔。
「嗯…好好休息啦…」
「以前…對唔住…」佢突然同我講對唔住，搞到我比佢嚇親。
「下？做咩無啦啦同我講對唔住呀…？」
「我唔應該咁對妳既…係我唔死心，先會搞成咁…」
「傻啦，妳都係鍾意佢先會咁姐…」除左呢句之外我都唔知仲可以講咩，唔通鬧佢一餐數落佢以前有咩唔岩？不過我真係無諗過佢會同我道歉，更加無諗過佢會為自己既行為內疚。
「男不壞女不愛係真架…佢唔算係一個好男人，但佢係我心目中係最好既…由我十六歲個年開始跟住佢，雖然中間曾經有段時間係空白既，但係咁多年黎，我都再睇唔上任何一個男人…」
我無出聲，由佢繼續講落去。
「當我同返佢一齊之後無幾耐，我就恢復返記憶。當時我真係好開心架，佢竟然咁多年都無忘記過我。但我估唔到，原來佢同妳一齊過，我都曾經對佢有信心過，以為佢同妳之間係點都好，我都係最重要個個。點知…佢睇到妳跳樓個陣，佢竟然心痛，最後仲選擇左妳…」
我仍然無出聲。心入面其實好想同佢講句，當阿鋒知道妳比人輪姦個陣，佢都一樣有心痛…
「佢放棄我個陣真係好傷心，無諗過會變成咁，我唔甘心，不停咁問自己有咩比唔上妳。當時我真係覺得個世界好灰、好黑暗，直到我知道自己有左個刻，我先覺得呢個世界仲有希望…但係而家…」佢開始眼泛淚光。
我相信呢刻佢講既野都係內心說話黎既。起碼，佢所講既大家都有目共睹。
「唔駛咁唔開心啦…妳睇下，佢而家唔係係妳身邊陪住妳咩？」我唔知可以講d咩黎安慰佢，我都明白失去晒所有野既感受。
「但係佢點都會返去妳身邊…佢愛個個點都係妳…」佢抹眼淚，「或者你地都覺得我一直利用緊個BB…但其實我真係想生佢出黎架，我都想照顧佢睇住佢長大，所以當我比人…個陣…我真係好擔心佢會有事…」
講到呢到，阿鋒咁岩就買完野返黎。
「妳做咩喊呀？唔舒服呀？！」佢一入黎見到阿柔眼紅紅咁，就好緊張咁問。
「無野呀，我無事，有沙入眼之嘛…」
「妳黎左呀…？」當佢知道阿柔無事個陣，擰轉頭先發現我黎左。
「嗯，我買左d補品拎黎比阿柔姐…」
由幾時開始，我同佢見面個陣會變得咁客氣？客氣到好似見到個唔熟既人咁…
「妳肚餓架啦，食野先啦。」佢行埋去扶阿柔起身，我覺得佢有d無視我存在囉。
「我唔阻你地啦，下次先黎探過妳。」我唔想再睇落去，係度既感覺就好似自己完全係個陌生人咁，而佢兩個先係一對。為免自己忍唔住喊出黎，我都係選擇左起身走人。
我個心好混亂，同時對阿鋒既信心亦都開始動搖。佢對阿柔既體貼，到底係出自內疚、關懷定抑或係愛意？
而我所預感既野，係咪即將會發生？
作者:
siu糖
時間:
2008-3-20 09:57 PM
隔左兩日，阿sam搵左阿鋒去茶記食飯。
「搵我想同我講咩呀？」阿鋒一坐低就點左支煙，問。
「你又知我實有事搵你？」
「無野你唔會特登約我出黎啦，你估你真係好得閒咩？」
「你而家打算點姐？」既然阿鋒都估到七、八成，阿sam都直話直說。
「唔知…我都唔知可以點…」
「咁拖落去唔係辦法架喎，阿柔都就出院啦，你點都要面對。」
「我知兩個都好愛我，但係…」
「問你樣野啦，兩個女人之中你最想保護邊個？佢地兩個入面，你又最想見到邊個笑？只要你搵到答案，你就自自然然識揀啦。」
「我想保護阿柔…因為佢真係連點樣保護自己都唔識，話晒你我帶佢入呢個圈子，我應該負責任保護佢。佢已經三番四次受到傷害，如果我再唔保護佢，我會覺得自己好對佢唔住…」阿鋒扯左啖煙，繼續講，「但我想見到阿ka笑，我唔想佢因為我而唔開心，或者…佢唔應該愛上我…」
「矛盾，你自己都知無可能叫佢兩個並存架。你試諗下，你想保護阿柔會唔會係因為兩次佢比人傷害都係你既關係，令你覺得疚先想保護佢？如果呢次兩次意外都係發生係阿ka身上個陣，係想保護個個會唔會又變左係佢？」
「我都唔知，但我的確唔想阿ka再為我唔開心…我想佢堅強d…」
「咁其實你已經比左個答案你自己啦。o靚仔，呢個世界無兩全其美架，情債的確唔好受，既然個天比得呢個兩女人你，你就要好好去選擇。阿ka堅唔堅強你自己知，阿柔會點你亦好清楚，其實你已經知道你自己想點，係你自己唔肯去承認姐。」
「比我諗清楚先啦…我而家都好亂…」
「好，不過你記住，無論你點揀都好，就算我唔認同都會支持你既。」
接落黎有成個禮拜，阿鋒仍然無搵過我，而我都再去醫院探阿柔。
呢日我同阿奈落茶記諗住吹下水，點知一行入去就見到阿sam佢地幾個同阿柔都係度，仲有阿逸。我唔知道佢地幾個圍內聚腳到底有d咩意圖，但我知道，明顯係有事唔比得我同阿奈知，所以先會暪住我地。
「喂！你又話去買野？！係度做咩呀？！」阿奈見到阿sam，梗係質問佢在場既原因啦，何況阿sam仲呃左佢喎。
「我返去先同妳解釋啦…」阿sam細細聲同阿奈講。
「鋒…」阿柔見到我，即刻拉住阿鋒出聲。
「得啦，我知要點做，妳放心啦。」阿鋒拍一拍佢隻手，示意等佢黎主持大局。
咁多個禮拜無見過佢，佢又無主動搵過我，話唔會胡思亂想就假，所以我已經一早就諗過晒可能會發生既情況。而家再見到佢既舉動，我已經深知佢下一步想講咩，同時我亦知道呢d說話一定唔會係我想聽既。但有時就係咁，唔想聽都要聽落去，我知道無得避。
「係咪有野想同我講？」我選擇主動坐低兼開口問。
可能我真係冷靜得有點兒過左火位，當在場既人見到我坐低之後，個個表情都閃過「愕然」兩隻字。
沉默左半分鐘，阿鋒回復冷靜，開口講佢既第一句說話。
「對唔住…」同一句開場白，上一次我可以得到佢，今次呢？「我希望妳可以堅強，妳仲大把機會搵過個好男仔，我…其實一d都唔岩妳，我比唔到幸福妳架…」
我想笑，借問一聲，如果連你都比唔到幸福我，仲有邊個可以？我可以搵過個好男仔？請問有邊個男人，可以係聽到自己個女朋友曾經有過第二個男人既BB而唔會介意？
「既然係咁，咁我祝福你兩個可以白頭到老。」我深呼吸左啖空氣，好用力咁拼出呢句說話。我知呢刻再去講任何野都係無用，既然佢係決定左既，咁我唯有尊重佢既決定，我退出就好。
我終於知道佢地為乜會係度，為既，就係想諗方法點樣開口同我講好。但其實又駛乜諗咁多？而家幾簡單，幾句說話就搞掂晒。
「應承我，好好照顧自己。」阿鋒捉住我隻手講。
「我會。你都要照顧自己，記得好好對佢…我走啦，拜拜…」我輕輕鬆開佢隻手，起身行出門口。
行出茶記門口，我突然覺得天旋地轉，腳一軟就想暈低。咁岩阿逸係後面追出黎，見我想暈即刻就伸手扶住我。
「妳點呀？！」佢好緊張。
「無事…」借住佢扶我度力，我終於可以企穩自己。
「一係我同妳返屋企先啦…」
「唔好，我唔想返去…陪我去玩晚好無？」我望住佢問。
我唔想返屋企，唔想返去面對個個充滿我同阿鋒回憶既地方。我唔想喊，唔想自己覺得痛。大家可以放心，我唔會再自殺，上次我死可以得到佢，但我知今次再死已經係無用。何況佢都想我好好咁生活落去，而我亦都答應左佢，既然呢個係佢既意願黎，咁我當然要跟住做。
個晚我拉住阿逸陪我落左D，選擇左用毒品去麻醉自己，已經好耐無再掂呢樣野lu。我當然知道阿鋒佢唔會想我咁做，不過一晚，就一晚咁多，呢次之後我真係唔再掂。今晚，我真係唔想去諗其他野。
作者:
siu糖
時間:
2008-3-20 09:57 PM
道別了怎可要見…？ 就像這一生再精彩，也得一次童年…
但是我天真未變… 孩子很好騙，為了不死的信念
仍然信，你狡辯，若我聽教你便回來我身邊…
明知等不到亦要等，還好有眼淚來陪襯，反正空虛，沒什麼想發生…
難得開心過讓我等，難得我愈捱愈振奮，可以等誰願意問？沒有真相才吸引
我勇敢、我膽怯、我不忿… 回頭問背後誰著了燈…？
但願你真的看見… 現在我天天，抱緊這布公仔去睡眠
但願我天真未變… 孩子很好騙，為了不死的信念
仍然信，你狡辯，若我聽教你便回來我身邊…
明知等不到亦要等，還好有眼淚來陪襯，反正空虛，沒什麼想發生…
難得開心過讓我等，難得我愈捱，愈振奮！
可以等，誰願意問？ 連眉梢都因你劇震！
我勇敢、我膽怯、我不忿… 回頭問背後誰在接吻…？
====================================================================
歌聲慢慢由電腦喇叭傳出，喚聲係睡夢中既我。
擒晚我落到去D唔夠一個鐘，已經爆到七彩，玩左半晚，阿逸見我已經爆到豬頭咁都知我唔開心，為免我再留係度繼續take野，於是就送左我返黎屋企。返到黎之後我就即刻訓著左，可惜由於一個夢既關係，我訓得一d都唔好。
係夢入面，我見到阿鋒同阿柔本來就係一對，無論我付出左幾多、做左幾多野都好，都始終打動唔到阿鋒。夢入面既阿鋒話我知，佢同阿柔呢世都會係埋一齊，叫我唔好再晒時間去等。最後佢就係我面前，拖住阿柔一步一步行入教堂…
夢醒，枕頭已經被眼淚淹沒。
我好難過，直頭醒左之後都仲一直諗緊個夢。
呢個夢會唔會就係想話比我知，由一開始我同阿鋒就注定係錯既？個天會唔會係想同我講，我選擇退出係正確，阿柔同佢先係命中既一對？
好無助、好難過，唔知有邊個可以話我知到底應該點做。
不過阿鋒講過一句說話，佢希望我學識堅強。既然佢想，咁我就應該學習，我要為左佢而堅強，為左佢而笑。
之前咪話過要出黎搵野做既？學校個度我已經退左學架啦，但工就仲未搵到。無計啦，呢段日子發生太多太多野，一來要照顧阿柔，二來我實在未有心機去搵。
但係而家唔同lu，無左阿鋒係身邊，我要努力養活自己。
就由今日開始，努力搵工啦。
過左幾日，哈，又咁好彩。我見既第一份工即刻就請左我，仲同我講叫我過兩日就返工。學歷唔高，搵到既都唔算係咩好工，只係普普通通既一個文員仔黎姐，人工亦唔係好高，都算係叫做夠兩餐之餘仲可以儲下錢。我又自己一個人搵一個人駛，慳慳地都可以儲到錢既。
搵到工咁開心，我當然想搵個人陪我慶祝下，阿奈阿sam呢對理想當然地實走唔甩啦，見完工之後我就即刻call左佢地，約左佢地今晚落我地阿sam佢地個場度玩返晚，當係慶祝就算。
「喂！」
行到出間公司門口，突然有人係後面叫住我。
「咦！乜咁岩呀？」原來係阿逸，仲以為邊個tim。
「我岩岩做完野行過嘛，」佢見我手上面拎住個公文袋，又問，「妳呢？」
「我岩岩見完工。好開心呀，佢請左我。」我笑。
「咁好？咁係時候請食飯啦喎。」
「好呀，我約左阿奈佢地今晚落D，而家同你去食飯先，我請。」搵到份工心情特別好，暫時都忘記左感情上既煩惱。
「咁行啦，搵間好d既屈妳請。」
講就咁講姐，到最尾餐飯其實都係佢埋單，話等我出左糧先請返佢喎，總之乜都有佢理由啦。成餐飯我地都有講有笑，雖然唔知佢而家對我仲有無咩特別意思，不過我仲感受到佢係關心我既。
「今晚你同唔同我地落去呀？一齊玩開心下。」食飽飽之後我就問佢。
「無咩所謂，妳想我去咪陪妳去囉。」
「講得咁勉強，無人逼你架喎。」我一路笑一路起身走人。
今晚心情的確唔錯，搵到工係其一啦，阿逸又不停咁搞埋d爛gag引我笑，所以就連平時我唔太飲酒，今晚都飲左唔少。
當晚一落到D，我就同阿逸阿奈佢地玩得好癲。無take野，不過成晚飲左唔少酒，加上心情有種莫名既興奮感，所以玩得特別hing。
老實講，我落黎只係想尋開心，根本就無諗過會撞到阿鋒佢地。
但世事有時就真係咁難講，愈無諗過既野就愈有可能發生。
作者:
siu糖
時間:
2008-3-20 09:58 PM
就係我同阿逸佢地係舞池玩到興起，阿鋒同遲黎既阿sam仲有阿龍阿柔就係大門入緊黎。佢地入到黎之後坐左係舞池附近既檯度，而阿sam亦未有第一時間搵阿奈，反而坐左係度飲酒。
隔左一陣，突然有個女仔行埋黎撓住阿sam隻手。
「喂！捨得落黎啦咩？」個女仔同阿sam講野既態度好親密，仲要挨身挨世，唔知有咩關係呢？
「妳又會係度既？」阿sam見到佢無咩大反應，亦無對條女既動作作出反抗。
「我特登過場黎搵你架，鬼咩你咁耐都唔搵我咩。」
「妳忙丫嘛，咁多仔媾邊有時間理我呀？」阿sam講笑。
「藉口，你知你搵我既話我一定到架。」
嘩，佢兩個十足十調情咁款，比阿奈見到實嗌大交都似。
真係呢頭唔好講人，個頭阿奈又真係打算出去食支煙。行經舞池d檯個陣，又比佢咁岩見到阿sam同個女仔。
現場環境當然係好嘈啦，但阿奈又唔係真係聾既，阿sam佢地又無發現阿奈係度，阿奈係近距離之下仍然聽得好清楚佢地既對話。
「搵我咩事呀？」阿sam遞左支酒比個女仔。
「無事唔搵得你架咩？係咪掛住你想見下你唔得先？」
「嘩，妳咁講嚇親我架。咁而家我人又係度啦，妳想點先？」
「想出去跳舞囉，咁你陪唔陪我呀？」
「做咩一定要我陪妳姐？」
「想咪要你陪囉，你可以唔陪架。」
阿奈愈聽愈火滾，條女都幾搞笑，佢憑咩要阿sam陪佢？可惜阿sam偏偏又無拒絕既意思，最後阿奈都係決定唔睇好過睇，轉身行去吧檯。
而係當時，唯一一個發現阿奈係度又走左去既就只有阿龍。雖然龍仔平時成日同佢鬥氣，但佢始終都好關心阿奈，見到阿奈咁於是佢都跟埋過去吧檯。
「做咩呀？」阿龍坐低，順手叫左兩枝啤酒。
「無野！」阿奈個樣擺明就已經係嬲，仲要話無野，搵鬼信？
「無野妳就唔會咁啦，當我第一日識妳咩？係咪嬲佢兩個咁呀？」
「鬼得閒嬲佢地呀！」一睇就知佢嬲到震啦，死淨把口。
「咪激親自己啦，佢兩個無野架。」
「你又知？！咁樣挨身挨世唔係有野係咩？！」
「總之條女同佢無野啦…」阿龍明顯有d野隱瞞緊，想講又唔想講咁。
「你係咪知道d咩？！好快d講啦喎！你知我最憎人呃我！」
「…妳真係想知？」
「佢兩個曾經一齊過…好多年前既事啦，雖然阿sam無承認過，亦都拖照拍女照媾，但有傳個陣阿sam其實好鍾意呢條女，不過到最後都無左下文啦，後黎條女做左佢契妹，我知既野就係咁啦…」
「…個陣佢真係好鍾意佢…？」
「傳聞黎姐，又有邊個知道係真係假？都過左去啦，而家佢地都無野囉。」
阿奈無出聲，望住阿sam個邊。
當佢見到阿sam同個女仔繼續有講有笑，即刻就又無名火起。
「妖！」阿奈拎起枝啤酒，唔理三七廿一就倒晒落口。
「咪咁啦，一係我同妳去打機啦，咪留係度激親自己。」
「唔去呀！我返屋企！」佢發脾氣起身走人。
其實有時誤會既野真係可大可小，就好似今晚咁，一個女仔既出現就已經可以改變好多野。
阿龍陪住阿奈返到屋企，一路上阿奈都無出過聲，但明顯佢情緒上面有好大轉變。由岩岩係Disco度好嬲，到返到屋企個陣已經變得傷心。
「妳點呀？」直到返到上樓阿奈都仍然無講野，阿龍見到佢咁都開始擔心。
「…做咩你唔一早話我知有個咁既女仔姐？」阿奈終於反問。
「妳知妳疑心幾大架啦，一早講妳知妳咪仲唔開心？加上佢同條女又無野囉，咁仲提黎做咩姐？咪盞妳唔開心。」
「無野佢兩個就唔會咁親密啦…」
「咪心多啦，咁佢係佢契妹黎架嘛，親密d都好正常架？妳同妳d阿哥都會咁啦。」
「點同姐？我同阿哥佢地一直都係兄妹，但係佢同佢之前一齊過架！」
「咁一齊過都唔代表d乜姐，係咪？而家都無野囉。」
「佢今日落到黎都無搵我丫…連我走左都唔知…」阿奈愈諗愈灰，開始喊起上黎。
「唔好咁啦…」阿龍都未遇過阿奈咁樣，有d手忙腳亂。
佢當然知道阿奈而家唔開心啦，其實比佢喊下反而仲好，起碼喊左出黎個人會舒服d先嘛。但係睇到阿奈喊，佢又唔忍心見到佢咁。
「傻妹，喊出黎啦，喊出黎舒服d，喊完就無事架啦…佢一定會返黎搵妳…」
另一邊仲留係Disco入面既我同阿逸仍然玩得好開心，一直唔知阿奈佢地發生咩事，更加唔知阿鋒佢地都係度。直到我地玩到玪，決定制返去梳化坐下個陣，先見到阿鋒佢地。
行行下望到佢地，我突然停左落黎，搞到係後面跟住我行既阿逸撞左落我度。
「做乜鬼呀妳？行行下停低想撞死人咩？」
「無，無事。」我無話比阿逸知我見到佢地。
當我第一眼望到佢地個陣，阿柔已經發現左我，佢既反應係即時撓住阿鋒隻手。
其實駛咩咁驚青？我都已經選擇左退出，今晚我唔係有心黎搞事，只係咁岩得咁橋係度撞到姐。
「妳真係事丫嘛？」坐低左之後，阿逸都發現佢地既存在。
「無事呀，今晚咁開心我可以有咩事？」我笑住反問。
作者:
siu糖
時間:
2008-3-20 09:59 PM
的確，除左見到佢地個刻有一絲難受之外，我今晚成晚既情緒都好高漲，甚至感覺到有種莫名既興奮帶動緊我既情緒，幾乎可以話有d反常。我盡量控制自己既情緒，盡量笑，阿鋒唔係話過想見到我笑咩？咁我而家就笑比佢睇。
一路同阿逸玩，我就一路有咁大聲笑咁大聲，我唔知自己係想透過呢種情緒表達d咩，但似乎只有大聲咁笑，我先可以壓抑住想喊既衝動。可能我真係笑得太大聲啦，吸引左阿鋒佢地既注意，下意識裡面我知道佢一直都望住我。
突然間唔知邊度黎一種衝動，我居然攬住阿逸一啖錫左落佢度。無任何郁動，就只係嘴唇對嘴唇。
我知，呢一幕阿鋒一定會見到。
因為當我望返過去個陣，我見到阿鋒個眼神好複雜，係受傷、係心痛、係妒忌、係憤怒。
我笑，成功啦。我知阿鋒同我講分手個刻其實需要好大勇氣，亦相信佢事後絕對有為自己既選擇而內疚，我知，佢唔想我傷心嘛。我知就算以後點扮無事都好，佢都會覺得我個心唔好受。但只要而家比佢見到我錫阿逸，佢就一定會誤會我唔再愛佢，我可以好快就搵第二個，咁樣反而會令佢個心安樂d。
「妳為咩咁做呀？」阿逸見我無啦啦咀佢，即時反應當然係呆滯，不過好快佢就回復冷靜。
「…你咪當我突然之間想錫你囉，當係多謝你今晚令我咁開心。」我求其搵左個藉口諗住推堂過去就算，呢個時候我唔想去諗咁多野黎做解釋。
「我過去幫妳同佢解釋。」佢望左我一陣，之後竟然提出過去幫我同阿鋒解釋。
「唔駛呀，駛咩同佢解釋姐？」我拉住佢。解釋？解釋咪只會令我岩岩所做既野流於白廢？
「妳咁做為咩呀？妳明明就係仲愛佢，做咩要扮到咩事都無姐？」
「我唔愛呀！唔愛呀！」我大叫。
或者我自己都唔想再愛，但心入面既感受清清楚楚話緊我知，我仲愛，我仲會心痛，我仲會唔開心。只係，我已經唔想再去喊，唔想再去傷心。
阿逸望住我顯得有d無奈。
「…對唔住…」事實我知自己好過份，所以道歉。
「唔駛同我講對唔住，妳知妳自己做緊咩就得啦…」
「既然佢選擇得阿柔，我希望佢地真係可以長久落去…唔好再有第二個我…」
「我知妳心入面好唔開心，不如喊出黎啦？喊出黎妳會舒服d…」
「唔啦…再喊又有咩意思…？」
「妳自己決定啦…但妳記住，無論點都好，我仲會企係妳身邊…」
當時我實在無去深究阿逸呢句說話係咩意思，我只係知道佢好支持我，係作為一個朋友身份既支持。
阿鋒自從見到我主動攬住阿逸黎錫之後就一直無出過聲，淨係坐左係度飲悶酒，一直陪係佢隔離既阿柔實在有d忍唔住咁沉寂既氣氛。
「你做咩唔出聲姐？」
「妳比我靜下好無…？」阿鋒講完又拎起枝酒再飲過。
「…你妒忌？」明知阿鋒想靜，佢仲去提問呢d問題，係咪博鬧？
「哈，妒忌？」阿鋒苦笑左下，「乜我有資格妒忌咩？」呢條問題我相信絕對唔係問緊阿柔，而係問緊佢自己。「係我放棄佢先！係我一次又一次傷害佢！佢可以打我鬧我甚至對住我喊我都唔會怪佢，因為一直以黎我都覺得佢好愛我，係我對佢唔住，咁做之不過係比一d微不足道既補償比佢。但係…」佢一口講到呢到，停低深呼吸左下之後先繼續，「但係直到頭先個刻，當我見到佢攬住第二個黎錫，我開始懷疑佢到底有幾愛我…？」
難得，真係好難得，到底佢係飲醉左定還是真係咁痛？一直以黎佢都好收埋自己，就算對住阿sam阿龍佢地都從未試過咁坦白講出自己既感受。
「妳覺得佢愛唔愛我…？」佢突然問阿柔。
「…你唔好再問我好無？知唔知你咁樣我好難受…」阿柔望住佢。
阿鋒見到佢咁，亦都無再出聲問落去。或者係個刻就只有眼前呢個人可以關心佢愛佢，雖然阿鋒明知自己唔會再好似以前咁對佢咁好，但始終佢都係選擇左呢個人，就要為呢個人負所謂既責任。
我慶幸佢終於都誤會左我，我真係想佢將我係佢心入面放低。
個晚，係我係跟住落黎既日子裡面最後一次見到阿鋒。縱有萬般不捨，亦要捨棄。
我會緊記佢對我既期望，努力做，盡力做，我會堅強。
信我，我一定得。
當晚半夜，就係我同阿逸玩到玪決定返屋企休息之後無幾耐，阿sam終於察覺到阿奈成晚都唔見人。佢擔心阿奈有咩事，於是發散晒人手出去搵，但個個返黎都話見唔到阿奈，甚至連電話都比佢打爆咁滯，但唔係唔通就係無人聽。
最後比佢問到人，話見到阿奈好似同阿龍走左，阿sam先識得飛返屋企睇下。
係返去既途中佢一直打比阿龍，但都係無人聽。
「老婆，妳…」阿sam一入屋就衝入房，但當佢見到房入面既情景即刻就愕然。
擒晚阿龍無走到，一直留係度陪住阿奈。直到阿奈喊到玪，趴左係阿龍身上度訓，阿龍見佢咁難得先訓得著又唔忍心拍醒佢，唯有由佢繼續訓。而阿龍就攬住佢唔比佢趺落地，成晚都無訓到。
「出去先講。」阿龍見到阿sam都嚇左跳，不過佢即時就反應過黎，將阿奈輕輕力扶落床。
「你係度做咩？」都唔知應該回形容阿sam而家既心情先好。自己既好兄弟，竟然攬住自己最愛既女人係自己張床度訓！？
「佢好難得先訓著，唔好嘈醒佢。」阿龍無答佢，自顧自行左出廳。
阿sam望一望訓著既阿奈，跟住都閂埋房門出左廳。
出到去大家都無第一時間開聲，阿龍坐左係梳化度點左支煙，而阿sam就企左係度望住佢。
「我問你係度做咩？」阿sam見既然都出左黎就問返頭先個問題。
「陪佢。」好冷靜、好簡短既答案。
「打比你你做咩唔聽？你知唔知成晚唔見人我好擔心佢？」
呢次阿龍無回答，繼續坐，繼續食煙，繼續沉默。
「我問你野呀！答我啦！」阿sam比佢既沉默搞到唔耐煩，呢刻阿龍既沉默同阿sam既怒氣形成左好強烈既對比。
「殊…」佢仍然無回答阿sam既提問，反而提示阿sam收細音量。
阿sam望住佢，突然有種好強烈既意識令佢明白到d野，即刻就捉住阿龍既衫領扯佢企起身。
「我而家同你講，佢係我既！你最好唔好對佢有任何打算！」表面聽落好平凡既一句說話，呢一刻出自阿sam把口變得一d都唔平凡。
無論係佢個樣定係佢講野既語氣，又或者係佢既眼神都好，所有野都足以表現出佢呢一刻既妒意。
之後佢將阿龍向後一推就行返入房，閂埋房門。
趺坐係梳化既阿龍，面上既表情由始至終無任何變化。
良久，終於見到佢慢慢露出一絲苦笑…
作者:
siu糖
時間:
2008-3-20 10:00 PM
第二日一早阿奈就醒左。
擒晚阿龍係阿sam返左入房無幾耐之後就走左，而家係阿奈身邊既理所當然係阿sam啦，佢擒晚成晚都無訓到，呆呆滯滯咁坐係床邊，望住熟睡中既阿奈，一路煲煙一路諗野。
「早晨。」佢見阿奈訓醒，即刻就報上一個微笑加外一句早晨。
可惜阿奈睇黎唔多領情，一望到阿sam個樣佢就諗起擒晚個女仔。
「阿龍呢？」阿奈第一句就問。
阿sam見佢起身即刻就問起阿龍，個心有d唔舒服，又唔多想答佢，唯有唔出聲望住佢就算。
「我問你阿龍係邊呀？」阿奈見佢無反應，加重左語氣再問多次。
「妳咁緊張做咩姐？」阿sam覺得佢態度反常，於是反問左佢一句。
「無野啦。」佢見問極阿sam都唔答佢，就想出去自己搵阿龍。
「妳同佢係咪有d野？」忍左成晚，加上而家見到阿奈既反應，終於都令阿sam忍唔住開口問。妒忌係正常既，尤其以阿sam呢類咁小器既男人黎講。
「你講乜呀？」聽到佢咁問既阿奈真係眼都突埋，佢無野呀？
「妳知我咩？咁大反應做咩呀？」妒忌既火焰係阿sam心入面愈燒愈勁，但相反面上邊既表情就顯得愈加冷漠，嘴角甚至出現一絲冷笑。
「痴線！都唔知你講乜。」
「我問妳係咪鍾意左佢呀？！」
「你咁大聲做乜姐！？」可能阿sam呢句真係問得太大聲，即時引黎阿奈唔滿意既眼神。
「答我啦！妳係咪鍾意左佢呀？！定還是同佢有路呀？！」有時人就係咁執著，對於一d所謂既答案窮追猛打。
「你知唔知自己係度緊講咩呀！？」阿奈開始扯火。
「我講緊乜妳自己好清楚！」
「夠啦你！我都未問你同擒晚條女咩關係，你竟然走黎問我係咪鍾意阿龍？！」
「擒晚邊條女呀？！」
佢兩個開始嘈起上黎。鬼咩，大家個心一人一條刺係度，唔嘈就假。
「擒晚條女唔係你以前條女咩？一見人就嗒晒糖咁，我走左幾耐你先知呀？！」
「佢係我契妹黎！就算以前我同佢有咩關係而家都過左去啦！」
「係過左去既就唔會見到面仲攬身攬世啦！」
「妳自己對住d契哥個陣咪又係咁！而家黎話我呀？！」
「喂！我攬都有限度丫！會唔會好似佢咁送晒波餅呀？！何況我同d阿哥一直都係兄妹關係，唔似得你同佢囉！契妹喎！不如契埋上床tim丫笨！」
「好！我就當妳有道理！咁妳同阿龍呢？！你兩個夠攬住黎訓啦！咁你兩個又咩關係呀？！」
「可以有咩關係呀？！攬下就一定代表有野架啦咩？！白痴！」其實阿奈已經唔太記得自己擒晚有無攬住阿龍黎訓，但以佢份人係偏偏唔會係呢d時候黎解釋，唔理三七廿一，嘈左先算。
「妳都識講攬下唔代表有關係啦！咁我同條女都無野姐！」
「唔同喎，你同佢以前一齊過！但阿龍係你兄弟黎，你咁樣懷疑我同佢會唔會有d過份呀？！」其實阿奈真係好嬲，佢覺得就算點都好，都唔應該懷疑自己條女同自己個兄弟有路。
「哦！我懷疑就係我過份！咁妳亂諗又係咩呀？！」
「你都打橫黎講！我廢事同你嘈，要懷疑你自己慢慢懷疑到夠！」
跟住阿奈就出左門口，唔駛問佢梗係去搵阿龍啦。
「啪啪啪啪啪！啪啪啪！」一連串急速既拍門聲係阿龍屋企門口響起。
阿龍擒晚返到屋企之後都無訓過，一直坐左係度諗野。突然之間聽到咁急既拍門聲都嚇左跳，以有發生咩事，即刻就去開門。
一開門就見到阿奈又嬲又谷氣個樣。
「做咩呀？個樣咁嬲既？」
「唔好提啦！條粉腸都唔知痴左邊條線！好懷疑唔懷疑竟然懷疑我同你有野喎！都痴線架！我都未問佢擒晚條女咩關係就走黎話我！哼！」阿奈直行直入，未行到梳化坐低已經一輪嘴係咁講。
「究竟咩事姐？妳坐低慢慢講啦，咪咁嬲先。」阿龍閂埋度大門，就跟住佢後面行去梳化坐低。
「我點知咩事姐！？我都想知佢發咩神經呀！一起身就比佢質問我係咪鍾意左你！白痴架！由細識到大都知我同你唔會有野啦，咁都要問！激死！」
阿龍無出聲，佢當然知道發生咩事啦，但同阿奈講都無用，而家唯有由得阿奈發洩完就算。
「你做咩唔出聲姐！係咪而家連你都覺得我有錯丫？！」阿奈見阿龍無晒反應，即刻就啤住佢問。
「痴線，梗係唔係啦，妳都知妳嬲起上黎個陣無人夠妳講架啦，咪諗住等妳發洩完啖氣落左先同妳講野囉，起碼就算講錯野都唔駛比妳鬧嘛。」阿龍笑。
「係鬧我都第一個鬧左個白痴先呀！」
「係啦係啦，邊有人好似妳咁傻架？妳愈嬲咪盞自己愈激氣？」
「咁唔嬲可以點呀！度氣會頂住係度唔上唔落架嘛！」
「唔好咁啦，最多比妳打一身啦，咪嬲啦。」
「唔要呀！打你你痛咋嘛，又唔係佢痛！」
「咁妳想點呀…？」唉，一見到阿奈嬲我地就頭大。要鑂佢唔係咩問題，最慘係佢會不停重覆又重覆同一樣野，鑂佢又唔係同佢講道理又唔係，總之就煩啦。
「比我咬啖丫！」
阿龍見佢肯話咬啖就唔嬲，即刻就伸左隻手出黎。
其實阿奈都只係隨口講下姐，佢又無諗過阿龍真係會比佢咬，就算阿龍比，佢都無打算真係咬落去。
「算啦，去打機。」佢拍開左阿龍隻手，然後走左入阿龍間房度打機。
望住佢既背影，阿龍不自覺咁笑左出黎。
就係咁，阿龍就陪左阿奈幾日。呢幾日阿奈都無返到自己屋企，更加唔會返阿sam屋企，就住左係阿龍度。其實我地幾個成日都去大家屋企訓，而家阿奈又同阿sam嗌晒大交咁，避開下都好正常既。
而阿sam自己又可能仲嬲緊啦，連日黎都唔覺佢有搵過阿奈。
直到個日，係阿龍屋企門口，佢地兩個終於相遇。
作者:
siu糖
時間:
2008-3-20 10:02 PM
係完全無心理準備之下突然撞到阿sam，阿奈即刻顯得有d不知所措。
嬲就肯定仲有架啦，一來嬲佢個日講錯野，二來嬲佢激親佢咁多日都唔搵佢。不過嬲還嬲，一見到佢啖氣都落左一半咁滯啦，如果阿sam而家肯開口鑂佢，件事一定可以淡化架，但可惜阿sam無咁做到。
而阿sam見到佢個反應就完全唔同囉，由佢眼神之中睇得出佢仲係好嬲，尤其當佢見到阿奈打開龍仔屋企度門個陣就更加嬲。
「原來幾日都去左人地屋企訓，唔怪之得搵妳唔到啦。」
正來伸手開門既阿奈聽到佢呢句即刻停晒。本來佢都唔諗住同阿sam再嘈落去，但係阿sam偏偏又要搵野黎嘈，阿奈性格又唔忍得，有唔岩佢實會講。
「你有搵過我咩？我唔覺得你有搵過我囉。」
「妳又唔係屋企，搵妳妳都唔知架啦。」
「唔識打我手提架？我手提無熄過架啵。」
「而家搵唔搵都無關係啦，反正妳都送上門去埋人地度訓囉。」
阿奈聽到呢句即刻就怒啤佢。阿sam丫阿sam，你講野有無再過份d呀？咩叫送上門姐？講到阿奈好似唔值錢咁，知唔知好難聽好過份架？你而家咁樣講野，同個陣阿鋒咁樣有咩分別？有口話人唔識話自己啦。
「你究竟知唔知自己係度講緊咩呀？！」
「我知！我梗係知架！妳都送到上門咁明顯囉，我點會唔知姐！」
阿sam呢句說話岩岩講完咋，阿奈就已經大大力「啪！」一巴打左落去。
「你好過份…」阿奈開始想喊，「我睇錯你，估唔到你會咁講野…」佢d眼淚真係忍唔住，終於就係阿sam面前喊起上黎。不過亦由佢流第一滴眼淚開始，佢就擰轉身行返落自己屋企。
或者阿sam都知自己講錯野，所以當阿奈打完佢之後佢都唔再講野。見到阿奈走原來佢好想拉住佢，但佢又唔知自己仲可以講d咩。終於，佢望住阿奈走開，心入面突然覺得好失落…
之後，唔好話係阿sam定係阿龍，就連我都搵阿奈唔到。
足足有兩個禮拜，阿奈連人影都唔見，打比佢更加係唔聽電話。頭幾日我同阿龍都因為擔心佢，日日去佢屋企拍門，得到既結果係無人應門。
我因為要返工，之後都係隔兩日先去搵佢一次，雖然佢都仲係唔肯開門，不過過左幾日佢都叫做有返d反應，起碼係門口我叫佢佢都仲會同我講兩句野。
而阿龍就日日都有落去搵佢。門，仍然無打開過，但阿龍每日都會買d野食放係佢門口，然後同阿奈講叫佢出黎拎野食，之後就會走。有時阿龍第二日黎到會發現唔見左d野食，不過多數，都仲係放係門口郁都無郁過。
到左第十二日，阿奈姐姐終於都肯聽電話。
「終於都肯聽電話啦咩妳？點呀，無事呀？」佢咁樣咁多日都咪話唔擔心。一直以黎我都未曾見過佢咁既樣，話就話平時佢睇落好堅強，但到而家呢刻我先發覺，原來佢都一樣咁脆弱。
「可以有d咩事？放心啦，我無事…」
「嚇鬼死人啦妳，妳知唔知妳咁樣我同阿龍都好擔心妳架？」
「得啦，我真係無事…」
「唉，唔好咁啦。不如妳出黎我同阿龍陪妳去玩啦？屈係屋企好易亂諗架。」我係過來人，我當然明白感情創傷對一個女人黎講有幾大傷害。
「唔啦…妳又要返工，邊有咁多時間呀…？」
「返工都可以請假架姐，我又唔係賣身，再唔係咪等我放工先去玩囉。」為左妳呢個傻妹請幾日假又有乜所謂丫？要我辭職都無問題啦，最緊要係妳無事姐。
「唔駛啦…妳唔係話要好好地做落去架咩？唔好為左d小事黎請假啦…」
「妳咁樣都叫小事呀？！得喎，我有分數架啦。」
「我真係無事呀…比我冷靜就得啦…唔講啦，我沖涼…」
「唉，咁好啦，妳有咩再打比我啦。記住唔好諗咁多呀，沖完涼好好訓啦…」
收左線之後我仲係覺得唔係幾放心，又打左個電話比阿龍叫佢睇住阿奈。識左佢咁耐都未見過佢咁既樣，話唔擔心就假。
唉，一日都係因為個「情」字！真係累死人！
係阿奈自閉左一輪之後，終於係第十四日，阿龍勸到佢落Bar飲酒。
落到去阿奈一句聲都無出過，只係不停咁飲。阿龍見到佢咁樣亦唔知可以講咩，唯有靜靜地坐係度陪住佢。
=============================================================
接近半小時的沉默… 妳比上次瘦得多… 除了安慰還有什麼？
我只不過是，妳的好朋友… 妳渴望的是他的溫柔…
如果一開始妳愛上的人是我！ 就連全世界全給妳，都嫌不夠…
絕不放任妳面對寂寞，在別人面前眼紅，更別提讓妳心痛！
如果一開始妳愛上的人是我！ 只會掛著妳念著妳，要妳快樂…
誰知他不管妳的守候，妳愛的人不是我
發現愛錯了以後，收不了手…
我真的很想強出頭，卻沒介入的資格，只能夠妳喝喝悶酒…
====================================================================
其實呢一刻阿龍又何嘗唔係無奈既一個？
佢係鍾意阿奈，真心真意鍾意佢，可惜佢無可能得到佢。
「你做咩唔講野…？」
「妳唔想講野我咪唔講囉，比妳靜下丫嘛。」
「講野啦，好悶。」
「…佢無搵過妳咩？」雖然阿龍明知唔應該係呢個時候問呢個問題，但佢仍然都係忍唔住問左出口。
阿奈擰下個頭，然後又再將支啤酒倒落肚。
陪住佢飲悶酒既阿龍見到佢咁樣固然之唔開心，但同樣地佢亦有自己既心事。阿奈岩岩同阿sam嘈左大交黎，而家又係佢隔離，係呢個時候表白可能係一個最大既機會，但佢亦深知佢成功既機會可能只得0.01%，終於佢選擇左沉默。唔講，係唔想阿奈難做，亦唔想大家以後見到會尷尬。
佢寧願繼續做佢既朋友，繼續留係佢身邊守護佢。
作者:
siu糖
時間:
2008-3-20 10:03 PM
呢個世界就係有咁多野話唔埋，當阿奈阿龍係酒吧飲緊酒既同時，阿sam同阿鋒咁岩又落黎同一間Bar度。
阿sam個樣睇落有d憔悴，似乎幾日幾夜都無訓過覺好咁。岩既，就算係佢自己發脾氣先亦唔好受嘛。
愛情呢樣野就好似有個定律咁。唔理係先發難個位定係受難個位都好，往往情侶鬧交完之後都會好自然咁失眠、流淚，就好似唔經過呢d情節，套戲就唔會正式落畫咁。
阿sam有無喊我唔知，不過就好肯定佢有失眠，由佢對國寶眼度已經睇得出啦。
佢兩個由入黎到坐低，竟然都發現唔到阿奈同阿龍。
「十幾日唔見人，死左去邊呀？」阿sam一坐低就叫左半打啤酒，睇黎佢今晚係想黎買醉多。
「我同阿柔去左旅行。」阿鋒輕輕笑左下。
「旅行？去邊呀？」
「日本。」又笑。
「咁開心？你個死仔都會去旅行架咩？同得佢去旅行即係進展唔錯啦？」
阿鋒無答佢，只係拉一拉嘴角笑就算。佢成日都係咁，當遇到佢唔想回答既問題個陣，佢就會以微笑帶過。
「唔好講我啦，你條女呢？」阿鋒奇怪今晚阿奈唔見人。
「佢？嘿…」阿sam好無奈咁苦笑左下。
「發生咩事呀？」阿鋒覺得唔對路，平時只要一提阿奈，阿sam實會笑到見牙唔見眼，但係今日竟然一反常態。
「我都唔知點講…我搵左你好多日，就係想同你傾下。
佢一路飲酒，一路將呢十幾日所發生既事話晒比阿鋒知。
「你會唔會多疑左d呢？一個係你兄弟，一個係你女人，你覺得佢地會搞埋一齊咩？」阿鋒一聽完，第一句就問阿sam。
「其實我都唔知，我都唔係有心咁講野…我淨係知自己唔想失去佢，唔想同佢分開，更加唔想佢受傷…」
「你已經傷害左佢啦。」阿鋒呢句話令到阿sam即刻啞口無言。
無錯，佢係唔想傷害阿奈，但係佢前幾日所講既野已經深深咁傷害左佢。
「我…你都知我d脾氣…個刻我只係覺得好妒忌，所以…」
「大家做左咁耐兄弟點會唔知咩你脾氣？你同我一樣，癲起上黎個陣就唔理自己講緊乜，最終搞到好多野都無得返轉頭…」呢句說話講得好感觸丫呵？真係想知佢講呢句個陣到底係諗緊咩。
「o靚仔，你唔知既等我黎話你知。你自己根本就好鍾意條女，相信佢相信你自己啦，同時我亦覺得阿龍就算真係鍾意左佢都唔會同你爭囉。係你教我架，係鍾意既就要好好珍惜，後悔既滋味唔好受架…」
阿sam無出聲，但阿鋒呢幾句說話的確提醒左佢。
另一邊既阿奈落左黎大半晚，飲左半晚悶酒，到而家呢刻終於捨得抬頭望下四圍既環境，又咁岩得咁橋，比阿鋒點化左既阿sam又正正抬頭叫酒飲，就係咁，佢兩個終於係呢刻四目交投。
阿sam見到阿奈同阿龍坐埋一齊，眼神隨即變化出佢內心複雜既情緒。
開心，係因為太耐無見過阿奈；安樂，係見到阿奈仲安然無恙；失落，係見到阿奈憔悴既樣貌；妒忌，係見到陪住佢既係阿龍而唔係自己…
千百萬種情緒完全透過眼神而表露無遺，就連身邊既阿鋒都察覺得到。
「冷靜d先，無謂愈搞愈亂呀…」
冷靜，岩，要冷靜。阿sam拎起支酒一飲而盡，希望酒精可以令自己冷靜落黎。
但係可惜，坐係另一邊既阿奈比起阿sam，情緒似乎要黎得單純好多。
佢見到阿sam，亦都知阿sam見到佢，但係佢無任何表示，甚至無話比阿龍知阿鋒佢地都係度，反而開始撩阿龍講野，唯一唔同左既，係佢表現得有d瘋狂。
阿龍當然唔知阿奈發生咩事，佢都仲未見到阿sam佢地，佢只係唔明點解阿奈既反應同情緒會突然之間轉變晒。
呢邊佢地玩得好癲，另一邊既阿sam就愈睇愈妒忌…
作者:
siu糖
時間:
2008-3-20 10:06 PM
直到阿奈一個唔小心，其實都唔知佢係有心定無意，總之個刻佢就仆左落阿龍度，而阿龍見到佢趺親亦好即時反應咁扶住佢，變相兩個攬埋一齊，睇到呢幕既阿sam終於都忍唔住要爆發。
佢粒聲唔出咁行過去，阿鋒初時以為佢只係想過去鑂返阿奈，唯有跟住佢後面行啦，點知佢行到過去，咩都無講就一拳打左落阿龍度，仲打到佢趺低tim！
「你做乜呀！？」阿奈估唔到阿sam會郁手，一路鬧一路扶起阿龍。
「喂做乜連兄弟都打姐！？」連阿鋒都諗唔到阿sam會為左條女而出手打兄弟。
突然食左一拳既阿龍當然係愕然，但當佢望清來人係邊個個陣，佢又即時變得好冷靜咁企起返身，用手抹一抹嘴角。阿sam呢拳力度唔輕，打到阿龍嘴角流血。
「妳跟我走！」阿sam一手捉住阿奈，想拉佢離開呢度。
「做乜呀！？放手呀！」但阿奈連少少要走既意思都無，死企係度唔肯郁。
「走呀！」佢愈想拉走阿奈，用既力度就愈大，開始係不知不覺間整痛左佢。
「放手呀！你捉到我好痛呀！」
「你整痛佢。」阿龍本來一直都表現得好冷靜，直到呢刻見到阿奈叫痛，終於睇唔過眼捉住阿sam隻手。
「我整痛佢又點呀？！你咁緊張做咩呀！？」
「放手，你整痛佢。」阿龍仍然似冷靜得有點異常。而家既佢完全唔似得平日嬉皮笑臉個個佢囉，如果我係現場我一定會以為佢鬼上身。
「好痛…放手呀…」阿奈開始喊，唔知係因為痛定還是因為阿sam咁對佢。
「我叫你放手呀！你聽唔聽到呀！？」突然，阿龍捉住阿sam衫領大叫。呢句說話大聲到足以令全場人望晒過黎囉。
「喂，唔好嘈啦！大家兄弟唔係要搞到咁呀？！」阿鋒想出面調停，兩個都係佢兄弟，邊個打邊個佢都唔想見到。
不過理所當然，呢一刻佢兩個係點都唔會聽得入耳既。
「做咩呀？！想打我呀？！打呀！」無論係眼神定係語氣都好，阿sam擺明就係挑釁緊阿龍。
咪睇阿sam高高瘦瘦，如果真係要打起上黎既話，阿sam絕對唔會輸洩比阿龍，甚至乎贏既可能係佢。
「如果你再唔放手，我真係會打你！」阿龍佢當然唔會比阿sam拋窒，但係阿奈面前佢亦唔會隨便就郁手打阿sam，何況佢都仲有顧及到大家係一場兄弟。
「佢係我條女黎架！我地之間既野幾時輪到你去理呀？！」
「唔好講得咁過份啦！大家都係兄弟，邊有話輪唔輪到大家去理架？！」阿鋒一聽到阿sam呢句，即時就出聲反駁。
「你唔係鍾意佢既話你駛唔駛咁緊張呀？！」阿sam梗係無理到阿鋒講咩啦，仲即刻反問阿龍一句。
阿龍聽到佢咁問，即刻沉寂左落黎，但一分鐘之後，佢竟然又開聲。
「係呀！我係鍾意佢，甚至比你更早之前就已經鍾意佢！」
佢呢句說話唔止嚇到阿奈，就連阿鋒都愕然。事實大家都無諗過阿龍真係會鍾意左阿奈，除左阿sam之外。
「肯認啦咩！？我一早叫你唔好打佢主意架啦！」
「你聽清楚！我係比你更早以前就已經鍾意佢！我亦無打算要同佢一齊，無打算要同你爭，我淨係想佢開開心心！」佢慢慢鬆開捉住阿sam個隻手，「唔該你唔好再傷害佢，佢唔可以無左你…」講完呢句之後，阿龍就行左出門口…
阿鋒見到龍仔行左去，知道佢實係唔開心，反正佢留係Bar入面又幫唔到其他兩個乜野，就追住阿龍出去諗住陪佢去飲下酒。
「喂，陪你去飲酒啦。」
「是但囉…」佢見到阿鋒，苦笑左下。
於是，佢兩個就係7仔買左幾打啤酒，行左去公園坐。
「做咩收收埋埋姐？」一坐低阿鋒就首先打開罐啤酒飲左啖。
「講出黎有用咩…？」阿龍個樣顯得無奈、苦惱。
「佢未同阿sam一齊個陣你又唔追佢？」
「…我有諗過，真係有諗過。但大家都知佢對我就好似對住個阿哥咁，我知佢對我有既就只係友情，我唔想破壞我同佢之間呢份感情，所以先寧願繼續留係佢身邊做佢既朋友…」
「咁你今日又講出黎？」哈，阿鋒講野永遠都係咁一針見血，先黎一個阿sam再黎一個阿龍。但似乎人都係只可以係作為旁觀者個陣先可以咁清醒，當問題黎到自己個度，就一樣係咩都做唔到。
「阿sam一早就已經懷疑我係咪鍾意阿奈，本來我唔覺得有咩問題，但而家佢連阿奈都懷疑埋，仲搞到大家鬧晒大交咁。我唔想因為我既關係而令到阿奈唔開心，唯一可以做既就係承認我自己對佢有意思，消除阿sam對佢既疑心…除左咁之外我就咩都做唔到，我真係覺得自己好無用…」
「都唔關你事架啦，你怪責自己都無用。放心啦，佢兩個既野佢地自己會搞掂。」
「希望啦，總之唔好再因為我而令佢兩個出問題…」
「其實阿奈有咩好？可以令你兩個為左佢搞成咁？」唔明係正常既，阿鋒同佢地兩個既眼光唔同，係佢眼中阿奈算係一個靚女，但未到去吸引佢既地步。
「咁阿柔又有咩咁好？可以令你為左佢放棄阿ka？」
呢一句反問，真係令到阿鋒唔知點回答好。
「鍾意一個人無得話點解既，如果有得解既話，咁都只係鍾意佢某樣野而唔係鍾意佢啦…」阿龍飲左啖酒，慨嘆。
作者:
siu糖
時間:
2008-3-20 10:20 PM
係Bar入面既阿sam阿奈相對無言。阿奈又唔想係而家呢個時候同阿sam講野，於是企起身諗住走，阿sam見到佢咁，第一時間就拉住佢。
「唔好走啦，我唔想妳走…」
「…放手啦，而家先黎講呢d野有咩用…？你一早就放棄左我啦…」
「我無，我一d都唔想放棄妳…妳知唔知呢十幾日我有幾掛住妳？我有幾想妳可以係我身邊？我想搵妳，但又唔知點同妳講…」
「夠啦，我對你已經夠晒失望，而家我唔想再同你講任何野…」
「妳意思係…分手…？！」
「我只係唔想再失望多一次…唔想再聽多一次咁難聽既說話…」
「我知係我對妳唔住！但我真係因為妒忌先會亂講野架咋，我無心架！」
「妒忌就可以咁架啦咩？咁如果再有下一次呢？！係咪次次都無心就可以咁？！我要聽多幾多次呢d說話呀！？」
「唔會架啦！我應承妳唔會再有下一次！我發誓！」
其實阿奈點會唔心軟？阿sam對佢好、愛佢，佢都知道，同樣地佢亦好珍惜阿sam，雖然阿sam傷害左佢，但佢都知道佢真係無心既。
「真係無下一次…？」
「妳唔信我既，我發誓！如果我再有下一次咁對妳…」
阿sam都未發完個誓，阿奈已經一手遮住佢個嘴。
「唔駛真係發誓啦，只要你記住你所講過既野就得啦…」
「嗯…」呵，終於都和好如初啦。
「但係…阿龍佢點呀…？」岩岩無事，阿奈又諗起阿龍話鍾意佢單野。
「…我會同佢傾啦，妳唔駛擔心…」
「你同佢傾都得，但你要應承我唔准再郁手打佢。」
「做咩呀？妳怕我打傷佢呀？」
「咁快又呷醋？佢係你兄弟黎架，你點可以郁手打佢架？」阿奈鍾唔鍾意阿龍係另一回事，但係友情方面阿奈係絕對唔容許阿sam出手打兄弟既。
「佢搶我女人啵！我梗係要同佢死過啦！」哈，其實阿sam有時睇落都幾似個小朋友。
「你唔好忘記係佢鍾意我先架…」
個晚係Bar，龍仔終於坦白承認左自己對阿奈既感情，同時阿sam亦因呢件事而同阿龍嘈左交。阿奈話當佢聽到阿龍話鍾意左佢個陣真係好愕然，諗起佢一直以黎收埋左咁耐，付出左咁多就覺得佢好慘咁話。不過呢種感覺係短短十幾分鐘之內，隨即就比阿sam既言語吹散左。
之前因為某個基本上無關痛癢既女仔，搞到阿sam阿奈兩個鬧晒大交嗌晒分手咁。有好多人唔明白點解可以為左少少事而搞到滿城風雨，唔緊要，唔明係正常架。當你真正認識左佢兩個之後，你就唔會覺得發生呢件事有幾出奇架啦。
唔好睇佢兩個平時嘻嘻哈哈好似都唔太著重大家咁，又或者把口成日亂講唔介意對方去媾仔媾女，其實佢兩個都正一係醋程黎！永遠一個呷緊醋個陣，另一個又會特登激多幾錢重；呷緊醋個個見到又覺得唔抵得，一唔抵得又會激返對方。結果？咪好多時都會愈搞愈衰囉。
佢兩個都唔係第一次為左呢d少問題黎鬧交架啦，係今次嚴重左d姐。不過算啦，反正而家佢兩個都無事囉，我地都唔理得咁多。
阿龍擒晚出左酒吧之後就同阿鋒去左飲酒，兩條友係公園飲到天光先捨得返屋企。唔駛問，兩個都已經一早貓晒。本來飲醉酒無咩咁大件事，但係而佢兩個既酒量黎講，飲醉發生係佢兩個身上既原因肯定只係得兩個。
第一，係因為太開心太高興；第二，係因為好唔開心或者好煩。
阿龍肯定係屬於後者，但係阿鋒呢？佢又為乜飲醉？
阿奈同佢老公呢段鬧交風雲，係後黎佢已經原原本本咁話晒我知，當然唔少得阿龍表白個幕咁震撼而又飛快閃過既場面啦。
有人歡喜自然有人愁，係阿sam阿奈兩個再續未了情緣既同時，阿龍自然傷心都震。阿奈話自從個晚係Bar見到阿龍走左之後佢就無再出現過，就算有時有緊要事想搵佢幫手都搵佢唔到，無人知佢去左邊，亦都無聽任何人提起過佢。
呢件事之後阿sam都無再提起過阿龍，就連有時d細既唔覺意講起，阿sam都會即刻收聲兼黑面，久而久之d人都唔敢再多講。阿sam唔緊張都可以話有原因，但奇就奇在連阿鋒都無咩表示。
阿奈見龍仔咁耐都唔見人，電話無人聽屋企又無人應門，曾經都因為怕佢出左事而去問過阿鋒。可惜阿鋒一直都話唔知唔知，即係問完等於無問。
終於係過左一排之後，大家對呢個問題既疑惑都沉靜左落黎。
日子一日一日咁過，我都係返工放工再返工。無去玩無去蒲更加無見過阿鋒，就連阿奈我都好少搵。唔係我唔想搵佢，而係有時我真係忙到連食飯都無時間。
岩岩出黎做野無幾耐我就已經開始打兩份工；一份朝早九點到六點，另一份夜晚七點半開始到凌晨兩點。每日除左返工就係食飯同訓覺，幾乎連休息都無時間，你話我仲邊有時間去搵朋友？
不過間唔中係我休息個日落樓下買野食，都會撞到阿鋒班兄弟。我由佢地口中得知阿柔同阿鋒都生活得好好，佢地仲話阿鋒而家變得好依賴阿柔喎，有時連街都唔去，夜晚留係屋企同阿柔兩個人煮飯食就算，就連夜生活都減少左好多。
以前佢邊度會咁？我都唔知叫左佢幾多次唔好蒲咁多，亦都提過佢好多次要主意自己條氣管，佢氣管一直都唔係咁好，我叫過佢唔好食咁多煙同埋小心天氣轉變，但佢就一次都無聽過我講，每次都只係話得得得就算。但而家見到阿柔可以改變到佢，對我對佢黎講都算係一件好事，起碼佢身體健康左，我亦唔駛再成日擔心佢會出咩事。
唔好怪班友仔口沒遮攔，佢地都唔係有心向我提起。只係大家都見我仲可以生活得好地地，先會同我講幾句關於佢地既野。
其實我聽到佢地咁樣真係覺得幾開心，最少佢地仲幸福，咁樣就已經無白廢到我既心血，而我所流過既眼淚亦都有返些少價值。
我知道個晚係D度咀阿逸個幕一定表演得好成功，因為而家個結果就係我所預期中個個。阿鋒終於放低左我，一心一意同阿柔生活。
唔好問我點解可以咁大方，我只可以答你，雖然我仲係好愛佢，但我唔一定要得到佢。如果佢可以生活得開開心心又得到幸福既，咁我退出又有咩所謂？只要佢過得好，我就覺得滿足。
係呢段時間裡邊，我見到最多既可以話係阿逸。
其實一直以黎都係佢搵我多，好似每個月出糧咁，佢都硬係話要屈我請食飯而叫我出去，但次次出到去食飽埋單個陣，又梗係話下次先要我請。
我唔知道佢對我仲有無任何愛情既成份存在，只係知道佢真係好支持我、幫助我。每次有事個陣，無論係咩都好，只要我打個電話佢就會出現。
我好感激佢呢份情意，係友情既情意。其他野，我真係諗都無諗過。
作者:
siu糖
時間:
2008-3-20 10:25 PM
時間轉下眼就過左一年，唔好聽到一年呢兩個字就以為過左好耐呀，其實一年時間好快就過架咋。
托賴，阿sam阿奈兩個依舊感情不變，都係三日一小吵、五日一大吵咁啦，但咪又係轉下又無事。有時都幾佩服佢地，成日咁樣嘈黎嘈去，分左手又係返埋一齊，但係感情仲可以一日好過一日。
阿龍仍然無出現過，就好似人間蒸愛左咁，無人搵到佢，亦都無人知佢係邊。
至於我呢，辛辛苦苦搵左成年錢，終於都儲落左一筆可觀既金錢。出左黎做野之後我開始知道讀唔夠書既苦況，所以係儲到呢筆錢之後我就決定去讀返d課程黎進修下自己。無辦法啦，鬼叫自己以前懶唔肯讀書？而家唯有邊做邊學啦。
我係舊公司拎左經驗，做到份約滿左之後就轉左去第二間公司做，人工高左，時間亦都鬆動左，夜晚個份兼職亦都無再做落去，所以先有時間去讀夜間課程。
讀左幾個月，出黎既第一次考試成績都算叫做唔錯啦，畢竟我唔係一個蠢人，讀書方面仲可以叫做有些少小聰明既。
之前有同事問我，做咩咁鬼博命，又打工又進修搞到自己咁辛苦？
個陣我笑住答佢因為自己貪錢，讀書唔夠又賺唔得多，所以先咁博殺。但事實係我知自己份人一得閒無野做就會成日亂諗，一亂諗就會唔開心，唔開心又會愈諗愈多。為左唔想做成呢個無止盡既惡性循環，我唯有盡量將自己有咁忙搞到咁忙，做野個陣唔得閒去諗其他野，返到屋企又玪到即刻訓著，自自然然就唔會有咁多時間去胡思亂想。
成年咁耐，有好多人都問我點解一直都無男朋友。
我成日講笑話自己唔靚所以無人追。而事實係，有人追，不過我唔接受。有幾個男同事都對我好好，亦都問過我接唔接受，但我就係對佢地無咩感覺。或者呢個世界d人都係犯賤掛？男人唔壞，女人唔愛。
或者真係壓抑得太耐，我開始唔記得自己對阿鋒係咩感覺，同時對於感情，我亦已經變得麻木。
近呢個月，我既時間開始穩定返。朝早返工，夜晚就去返學，由於返學個度一個禮拜最多只係返三晚，所以我夜晚總會有幾日得閒無野做。
呢晚放左工，我諗住落去茶記坐低求其食d野，食完就啦啦臨返屋企訓返覺好既。點知我行入間野唔夠五秒，就有把好熟既女仔聲叫住我。
「咦！咁既既？！」原來係阿奈，我好耐無見過佢啦。雖然之前落黎都會撞到阿鋒d o靚仔係度聚腳，但就從來無見過阿奈佢地，可能時間唔岩啦，我要返工早睡早起，而佢地都係夜蒲精黎。
「好耐無見啦！黎黎黎，攬下先！」低B婆，無見咁耐仍然仲咁白痴。
我用個「唔好傻」既眼神望住佢。
「咩姐！而家係咪唔攬得丫！？」佢一路講一路笑，我都跟住佢笑埋一份。
話就話咁耐無見姐，但始終咁多年姊妹，點會唔知大家心諗乜？有咩心照啦。
我坐低係佢對面位，唔駛問啦，阿鋒阿sam佢地都唔係度，如果唔係我邊會坐得咁順攤？
「咁耐唔搵我仲以為妳死q左tim呀！」衰口，好想我死咩家陣？
「有無咁易死呀？忙丫嘛，唔得閒又無時間咪無搵妳囉。」
「搞咩搞咁耐姐妳？」
「返工囉…」我拎起個餐牌叫野食，做左成日野無停手，就黎餓死。
「返工都唔會返晒三百六十五日掛？！」
「夜晚去左讀書嘛，放假又要溫書呢…」
「嘩！妳駛唔駛咁勤力呀？！」
就係咁你一句我一句，係講左一大輪「妳呢排點」「我呢排咁」既話題之後，我地終於都入左正題啦。
阿奈足足用左成個鐘黎同我講返之前發生既事。
聽完之後我當然第一時間問問題啦。
「咁妳而家同阿龍點姐？」
「有咩點？佢都唔見左人啦，就算想點都唔可以點。」
「我係問妳，如果佢出現返妳會點呀。」
「等佢出現先算啦。唉，唔好提佢啦，咁鍾意玩失蹤就由佢失蹤到夠啦。」
「咁即係其實妳鍾唔鍾意阿龍姐？」八卦就梗架啦。講真，身為佢既老死，我當然想知佢對阿龍會唔會有意思啦。
「姐係其實我又講真，我都有些少鍾意佢架。」佢笑。
「知妳啦！睇妳以前同佢玩個種態度都知啦！」
「咩姐！乜有咁明顯咩！？」
「明顯就幾啦，不過睇得出妳對佢只限於好感囉…」
「其實佢都唔錯架，如果無阿sam既話我都真係可能會同佢一齊。」
「算吧啦妳，妳放得低阿sam先算啦…何況仲有個…」我講到一半停低，呢個就係後話啦，而家唔太關事，我地可以暫時唔理。
「唉，總之都係煩人啦，我都唔知點好…」阿奈聽到我提起，心情即刻down左。
「咪諗咁多啦妳，船到橋頭自然直，食飯啦。」
傾左咁耐，阿奈提都無提過阿鋒半句。或者就連阿奈都知道，佢係我心目中已經成為左一條刺，任何輕輕既風吹草動，都足以將我刺痛。
作者:
siu糖
時間:
2008-3-20 10:31 PM
過左幾日，阿奈又約我落去食飯。
個晚我放左工仲要返學，放左學之後拎埋d書就直接落茶記度搵佢。
「咁遲架妳，就黎悶死我啦！」
「唔好意思囉，塞車丫嘛。」我將個袋連埋個堆重死人既書求其放低就坐好。
「快d叫野食啦，等妳等到我餓扁啦！」
「係啦係啦，餓扁左妳仲係度咩…」
叫左野食之後，我地又繼續我地既吹水話題。都係講下呢幾日點丫，有咩搞笑野發生個d咁啦。點知講講下，阿奈突然望住門口唔出聲，咁我坐既位置背住門口，當然睇唔到佢望緊咩啦。
「喂，做咩姐妳？呆晒既？」我伸手係佢面前掃下。
「下！？無，無事！繼續食飯啦！」
「無事妳又望到呆晒？」我想話擰轉身睇下佢望緊咩，點知佢就捉住我。
情形就好似以前係旺中第一次撞到阿柔同阿鋒個陣咁，死都唔比我擰轉身。
我開始察覺事態唔尋常，亦都意識到佢係有野唔想我見到。
「係咪阿鋒黎左？」我望住佢，輕輕問左句。佢唯一唔想我見到既，大概就只有阿鋒一個。
阿奈佢無出聲，就係佢呢句唔答我，我已經知道自己估中左。
「得啦，放心，我無事。」我深呼吸左下。
其實佢肯同我講野既，我會樂意繼續做佢既朋友；佢唔願意同我講野既，我亦會識趣唔去煩佢。佢而家生活得咁開心，我無謂再去搗亂啦，係咪？
入黎既唔止阿鋒一個，仲有阿sam。
阿sam一入黎就見到阿奈，但仲未發現我，因為我背住佢地黎坐，淨係睇背影既話佢地亦唔知我係邊個。我諗我既轉變係令佢地發現唔到我既最大原因，以前我因為打理方便一直留偏短既直髮，但而家我已經留返長d頭髮，仲電攣左。
阿奈知道阿sam實會發現佢，於是係咁打眼色比阿sam示意佢唔好過黎。
唔好話阿sam蠢，係人係鬼都唔會明阿奈到底係咩意思，當然阿sam都唔明啦，所以最後佢都係行左過黎。
「你行過黎做咩呀！？」佢一行到埋黎，阿奈即刻就捉住佢細細聲講。
呢個時候阿sam先望到我，我輕輕講左句Hi算係打左聲招呼。
「佢點會係度架？」阿sam同我點左下頭之後就繼續同阿奈咬耳仔。
「我約佢黎食飯架嘛！」
跟住係阿sam後面既阿鋒無幾耐都行到黎，佢第一眼就發現我，眼神除左愕然之外仲有幾份難以形容既複雜。
我對住佢點左下頭，笑左下，咩都無講到。
「我地唔食啦，走啦！」阿奈想拉我起身走人。
「我都未食飽，坐啦…」我拉返低佢。
我唔走係因為我覺得咁樣走左去會令到大家好尷尬，我亦唔想阿鋒覺得我係有心避開佢，所以選擇左繼續留係度。
「咁算啦，坐啦坐啦，大家都餓囉。」阿sam諗住打圓場。
「Ka！我坐妳隔離！」阿奈見係咪都要坐低，佢又唔想阿鋒坐我隔離，於是即刻起身坐左過黎我個邊。
「我都係唔食啦，走先。」或者阿鋒見到阿奈咁既態度，自己都覺得留係度無咩意思，所以想走。
「喂…」我拉住佢，「未食飯既，不如坐低一齊食啦…」
其實大家都明白，逃避落去對大家都無好處，倒不如利用呢個機會，大家去面對一下仲好。或者我地可以因為呢次機會，而做返普通朋友呢？
佢聽到我咁講，無出到聲就坐低係阿sam隔離，我既對面。
見返佢既感覺好奇怪。當我見到佢第一眼個陣，我心即時跳一跳，但好快個種心跳既感覺就無左，冷靜落黎之後反而覺得無咩感覺。我知自己仲好掛住佢，但見返之後個感覺又唔太大。係個一刻，或者就連我自己都以為自己可以放得低…
由坐低叫野食到食飽飽，前後足足四十分鐘有多既時間，我地四個之間靜到幾乎連烏蠅飛過都聽到。除左阿奈同阿sam兩個間唔中講 一兩 個無聊笑話之外，我同阿鋒都無出過聲。直到大家放低晒飯碗，坐係度煲煙吹水兼飲陣個陣，阿鋒先開聲同我講第一句說話。
「妳飲咩？照舊凍奶茶？」佢問我。
「下？嗯，唔該。」我有d愕然。出乎意料之外既係佢竟然會同我講，更加諗唔到佢仲會記得我鍾意飲咩。坐係度咁耐佢都無同我講過半句說話，我仲以為佢唔會再理我，差d就放棄左同佢做返朋友呢個念頭。
佢點左下頭，跟手就叫個伙計埋黎落單。
「丫，呢排都好似好悶咁啵，有咩好做呢？」阿sam見阿鋒肯開聲，就加把口係度問。
話時話，有時我覺得阿sam講d野都幾無聊，基本上佢係我眼中除左型之外就無其他優點架啦，係阿奈先可以頂得佢順，比我實一早飛左佢。
「悶咪去打飛機囉…」阿鋒搭嘴。
「痴線！悶就要打飛機架啦咩？何況我駛唔駛打飛機呀！？」
「乜你唔駛架咩？咁唔知邊個係度呻，咁耐都未同條女扑過呢？」
阿奈一聽到呢句，差d就將口入面啖檸茶噴返出黎。
「車！扑左你唔知姐！」知唔知咩叫死要面？呢！阿sam而家呢隻就係啦！
「係我唔知定抑或你有扑野，但唔係同呢條女扑咋？」阿鋒奸笑。
好好笑，我都忍唔住笑左出黎。關鍵唔在於阿sam佢地既反應，而係因為阿鋒個笑容。
「咳咳！」阿奈乾咳左兩聲，隻眼就啤住阿sam等佢回答。
「o拿！我發誓我無呀！係佢係度亂講咋！」阿sam舉起三隻手指作發誓狀。
「係我亂講定係事實，你自己心照啦。」阿鋒實行繼續煽風點火。
「你個死仔講夠未呀！呢排見我地無事又要我地嘈過呀？！」阿sam一路講一路打阿鋒，而我同阿奈就係咁笑。
「我有講錯你咩？咁耐無做過我就唔信你唔打飛機啦！」佢邊避邊笑邊講。
「你估我係你呀！？」
「似乎你出名係咸濕佬多d喎。」阿鋒陰陰嘴笑。
「食完就走人啦！咁多野講！」
作者:
cutely300
時間:
2008-10-31 10:54 PM
~十卜~GOOD~
作者:
☆★Nicole★☆
時間:
2008-11-2 06:21 PM
then??
作者:
無殛
時間:
2008-11-3 06:04 PM
not bad
作者:
天樂仔仔
時間:
2008-11-21 01:10 PM
之後點牙= =
作者:
janiceyungyung
時間:
2008-11-29 10:41 AM
冇la
隔左咁多日都唔po??
十卜呀!
作者:
yenisyan1998
時間:
2010-8-10 06:59 PM
十卜十卜`
加油喔`
p[] 埋落去啦` >_________<
作者:
小糖=]
時間:
2010-8-15 07:23 PM
十卜你呀!!
作者:
心之蕊
時間:
2011-4-18 08:50 PM
唔想睇啦太長除非書到睇啦不過都睇左少少好似唔錯
作者:
venus0207
時間:
2011-7-28 08:08 AM
標題:
☆好睇★
好期待呀！:) 繼續加油喇
作者:
POS
時間:
2011-7-30 03:41 PM
被感動了 ‘’‘’‘’
歡迎光臨 YK Forum (http://eyankit.com/forum/)
Powered by Discuz! 5.0.0
